超級食得開心

營業中

休息中

超級鐘意打卡街邊小店，位於灣仔的街邊，晚上可以在路邊坐著享用晚餐，肉碎飯，份量還不錯，肉碎做的很好吃，稍微有一點辣。金邊粉略甜，顏色很好看有食慾！但是對我來說有一點點甜！最好吃是串燒，尤其是烤香腸，甜甜的軟軟有質感很好吃，另外的咖哩烤雞肉串，味道也不錯，不過相對而言那個烤糯米腸味道不是很喜歡

去開灣仔做事，經過這間泰國小店，好耐都冇食過，叫過外賣，攞返公司食。冇得去泰國旅行，都感受下泰國feel。滿懷期望，以為泰國人主理會有驚喜，可是失望而回。泰國牛肉沙律，有點兒像茶餐廳的牛肉加入一些配菜及辣椒便算了，一點兒也不好味。炸蒜香骨比較油膩，少少甜，一般般。最後買了炸豬皮小食，還可以。

其實小人已光顧這兒多次，可說是這裡的常客；今次終於記得拍照，寫到食評。冬陰功湯即叫即煮，湯裡有大量芫茜、香茅、南薑等，濃郁得來勁清香，微辣易入喉。湯料有很多蘑菇，以及不可不提的一隻大蝦，一開四之後，都可以食到啖啖肉，可想而知蝦是多麽的大隻！不論蘑菇或蝦皆是爽滑的，確實令人回味！佐湯的食品選了蝦餅、魚餅、雞膶串、雞腎串和豬肉串。其中魚餅食到香料味，串物中最愛是雞膶，配著店方提供的沙嗲汁和辣汁，滋味之至。天寒地凍，喝口熱湯，一大樂事。

已經差唔多一年冇得去旅行成日都諗幾時可以再去泰國，好想去嗰邊揼骨、食街邊檔、食芒果糯米飯不過目前嚟睇都係得個諗，唯有喺香港搵吓有咩好食嘅泰國嘢通常越地痞越揦鮓嘅街邊野都唔會差依間泰國餐館連中文招牌名都冇入面姐姐係講泰文嘅，不過餐牌上面嘅中文都識依間嘅嘢好食到我短期內返兜咗三次第一次趕時間食午餐，入嚟食咗碗豬頸肉河，完全係我想像中的泰國味！碗面有d炸蒜，另外有四格配料比你自由落(砂糖、辣椒、魚露、第四樣唔記得)，呢個環境加對的味道，吸引我第二次到訪第二次我就記得影相啦，今次食香葉豬肉飯，又係100分，味道足夠，辣味剛剛好，炒得好香，份量好足夠，就算好飽都堅持食完佢，因為實在太好食了！食到我飽到訓覺，小食嘅朋友可以叫佢少飯。第三次我就叫咗外賣，紅咖喱炒飯，一開飯會蓋已經超級香，呢個炒飯比我想像中辣，而且少少咸，但係味道都好好，一如既往都係好大份每次等嘢食嚟嘅時候都見到有人買沙嗲串燒，下次搵機會試一試佢先！

Racha Moo Yang係間好地道嘅泰菜小店，大廚同侍應姐姐都係泰國人，一邊賣泰式串燒另一邊就可以坐低食。雖然環境簡單啲得摺枱膠櫈，但食物質素非常高，真係有身處泰國嘅感覺呢！冬陰公用料十足，食到蝦、草菇、秀珍菇，嗌咗細份都分到好幾碗，酸酸辣辣好開胃。飛天通菜亦都炒得好靚唔會老晒，十分惹味。炒金邊粉雖然冇好花巧嘅蛋網包住，但味道教得好好，每一條都沾滿醬汁，加埋少少青檸汁、花生碎、辣椒碎同砂糖，完全係泰國嘅味道呢！香草辣椒肉碎煎蛋飯就比較普通，不過撈飯食都唔錯嘅。叫完成枱泰菜再嗌埋個椰青同泰式奶茶，真係好滿足呢～

行過見到呢間餐廳落單傳菜既都係兩位泰國侍應, 招牌又夠哂colourful時已經覺得呢間餐廳幾地道, 值得一試。堂食既地方比較細, 只有六七個位左右, lunch hour一個人黎食會比較易拎到位, 亦到見到唔少附近既上班族黎買外賣。坐底左姐姐就比左本中英對照圖文並茂既餐牌我, 不過頗為搞笑地唔係每道菜都有中文名, 要自己翻譯一下先得。睇完一輪就叫左我成日係泰菜餐廰叫既香葉辣椒肉碎炒飯(豬肉, 另可以揀牛或雞), 姐姐仲細心地問我係咪炒埋一齊定飯餸分開。等緊上菜時, 姐姐又走過黎問要龍眼水定青檸水, 原來午餐跟餐會送呢兩樣飲品。等左一陣個炒飯就到左, 熱辣辣夠哂鑊氣, 亦都炒得非常均勻, 將肉汁, 辣椒, 同香葉既味道炒哂入個飯度, 令人一口接一口食過不停。食完再飲埋清甜既龍眼水平衡返, 非常滿足

和朋友要去會展參觀展覽往展覽前先醫一醫肚，就在附近一帶找吃的～然後朋友突然就被店面的串燒檔所吸引，決定在這裡吃lunch既然同行朋友被串燒吸引那我們當然是有點串燒啊！另外就點了泰式炒金邊粉～串燒，豬牛雞三款，每款各兩串肉本身醃得夠入味，燒得香脆，而肉質不會乾身沙嗲醬味道濃郁，有好香花生味，令串燒更加惹味！泰式炒金邊粉Pad Thai，配料不算多，除了一般的芽菜和蛋絲之外還有兩隻蝦，並伴有花生碎及青檸蝦的size不算大隻，而且質感不夠爽口，略欠蝦鮮味有說炒金邊粉的主要調味醬料是羅望子醬雖然我不懂辨認羅望子醬的味道，但這裡的炒金邊粉味道夠酸甜夠濃郁，令人開胃不過，個人認為金邊粉炒得不夠乾身，略為濕了一些！若果配料的質素更好，這碟金邊粉的味道會更為出色～～總括來說，這小小的店的食物味道算是不錯食物沒特別的擺盤得好精美就像是一般家庭菜式一樣！店面小小，座位不算多，也許經過見到不用等位才會再光顧啊～

話說好耐無食過泰國野，咁岩有friend 要約埋係灣仔呢到食dinner,上openrice 搵見d 野食都唔錯，就膽粗粗黎呢到試試佢，雖然坐位少鋪頭唔大，但正所謂麻雀雖小，五藏俱全一坐同即刻叫串燒食，泰國野串燒係必食之一，果然呢間野味道燒得津津有味，牛豬雞全部都好正好入味，食到停唔到口，再黎個菠蘿炒飯，生蝦，鳳爪。建議大家點都要試個炒飯，師父用大火炒到far far 聲，夠哂獲氣，食起上黎d 炒飯同菠蘿融為一體，由如至身泰國一樣既味道。正體價錢都好平

Racha Moo Yang is a very local Thai restaurant that replicates the street stalls in #Thailand--- meaning you sit at foldable tables right next to a busy road, with dust as your seasoning.It reminds me of what locals eat in Thailand. Of course the menu pricetag is a bit adjusted with HK rent premium. Chicken rice comes in a whooping $59, but the food is quite good. The cchicken is always tender and petite, the rice is dry yet flavorful. A place to go when you opt for food quality than comfortable

灣仔作為新舊交融的地區，只要你用心，便會找到有趣小店。於路上碰到了Racha Moo Yang，這是一間可以坐在馬路邊，感受街邊風味的泰菜小店。點了推介的泰式燒豬肉拼海南雞飯($70)及泰式炒金邊粉($65)。豬肉燒得非常香，豬皮脆卜卜，肉質較乾實但不會韌口，點上泰式辣汁，非常過癮。海南雞雞肉滑嫩，黃皮肥厚。炒金邊粉味道正常，伴了花生碎更香。不過只有兩隻小蝦，如果配料更多，感覺更好。街頭泰菜，是地頭蟲之選！一邊吃，你會一邊感受到為何食得超級開心。

This is one of my go to neighbourhood Thai joints. I have been frequenting this place for many years and it pains me that the price is every increasing due to the landlord rental pressures. In its heyday a lunch would cost around HK30 but has almost doubled in price to HK60 over the past 6 years...My favourite is the Tom Yum Gong Soup noodle. It has plentiful of condiments and you can choose from Rice Noodles, Thai Rice Noodles and Ho Fun. What makes this item stand out for other places is the f

行到灣仔想食泰國嘢，便諗起呢一間泰國菜-超級食得開心。舖面細，但就會係街外擺多幾張檯，特別有風味。同朋友都肚餓，所以就一人一飯，一人一麵。飯方面叫左泰式炒金邊粉，即叫即炒，味道十足，唔會覺得好油好重味道。至於飯就叫左雙拼飯，海南雞拼豬肉飯，雞肉滑嫩，豬肉係似港式燒肉咁，燒過嚟，皮超脆口！另外配左個辣醬，超惹味，而個飯係有椰香味。價錢方面都唔貴，兩個人都係百鬆啲，不過如果多啲人嚟食就可以試多啲嘢。結論係可以再戰！

RA Cha Moo Yang #超級食得開心 話說👦🏻OT試下呢間正宗泰菜小店。。中意辣既朋友，包你”超級食得開心”🔥🔥唔好辣既就唔建議挑戰啦🙅🏾‍♀但無冷氣💦 涼d再來過咪食到成身汗燒魚係鰂魚來🐟 鹽燒魚肚入面塞滿香料魚肉又香又juicy仲配上辣汁調味其實就咁食都好好食原汁原味👍🏿燒豬頸肉脆邊份量夠👦🏻加埋同事5個人都夠分泰式炒金邊粉每次食泰國野都中意食pha thai好夠鑊氣😋😋😋😋

公私兩忙，放下寫食評的習慣超過半年，重新啟動，心底希望一週內可點評十間以上，數週內可追回所有點評。🤣 想下便算吧！位於軒尼斯道的Racha Moo Yang ，是間好地道look的泰式大牌檔，像九龍城的泰菜小舖格局。 Off Site Work 在灣仔，Lunch 時份 1230之前，想也不想，下車一見這間泰式小舖，被蔡瀾點評為常去食肆160間，便二話不說衝入去！同行的點了鴨肉檬粉，她說肉質很韌；而我點了海南雞拼牛丸檬，湯底算得上「好泰國」口味，並非localize 咗的味道，海南雞拼牛丸味道ok沒有什麼特別，但是我猜串燒應更好吃，同行的請我一口烤泰式臘腸，熱騰騰甜甜的，好吃啊！可惜趕時間午飯後工作， 未能多試其他！話說爬文見有人說店名意釋，並非「超級食得開心」，再看看舊照，看來最初這間小鋪應該真的有「超級食得開心」這個中文名字。說道泰文Racha Moo Yang 是解作King of Grilled Pork，未知對錯，但oh... 我沒有試Grilled Pork㖭！

其實每次嚟都真心唔知呢間舖頭叫乜名，但因為每次同d藝術圈人行完galleries, 甚至Art Basel 時期呢度更一席難求，之但係真係好似係泰國大排檔，但食物衛生感覺比泰國真正大排檔安全。(唔係係香港做唔到咁多年掛)晏晝真係好多車好多人，而且位少，真係買外賣好過，但真係要堂食先試到佢鑊氣有幾咁加強食物嘅味道！無論乜時段d小菜同麵呀小食呀全部即叫即做，當然有人會話佢d串燒已經做好，咁...無計啦，係香港叫人等多陣都應該俾人投訴...泰式生蝦係必食，因為每次都係新鮮鮮甜，唔怕衛生問題。有d鋪頭嘅生蝦可能解唔切凍，但我係呢度可能好彩，每次都無雪味！海鮮濕炒河都好正，嗰汁好惹味，海鮮又新鮮，好有鑊氣！不過一上枱已經掛住食，無影相。咁平心而論，大家又唔好期望d炒菜(蔬菜)有d乜出色，因為，間間都係咁炒...另一個好處係，可以去轉角買自己鍾意飲嘅啤酒，始終，每個人對都有自己嘅口味！