越一越南牛肉粉專門店 (已結業)

康妮又黎"食在荃灣", 又黎到大河道附近搵食, 之前路過有留意呢間越南餐廳, 晚餐就揀"越一"啦～晚飯時間幸運地等咗一陣就有位了。除咗有單點食物, 亦有提供二/三/四人套餐, 我地見套餐都唔錯就揀咗二人"軟殼蟹套餐", 都好豐富。🔸倒立沙冰 (忌廉柚子)🔸⭐⭐⭐⭐⭐睇相好吸引, 最啱要黎打卡, 忌廉汽水溝柚子沙冰出奇地又幾夾, 而且都幾大杯。🔸凍檸茶🔸⭐⭐⭐⭐茶膽都夠味, 份量仲勁大杯添!🔸上湯蘿蔔🔸⭐⭐⭐⭐食白蘿蔔最怕就係有渣, 呢度既蘿蔔係清甜無渣, 而且無苦澀味。🔸牛坑腩片湯河🔸⭐⭐⭐⭐牛坑腩夠淋肉質唔韌, 而且份量都唔少。 值得一讚係河粉勁滑, 係偏幼既一種。🔸香茅豬扒湯檬🔸⭐⭐⭐⭐⭐炸得夠鬆脆, 豬扒醃得好入味, 比厚身有口感, 但又易咬夠淋, 由其邊位脆口好正。 🔸春卷🔸⭐⭐⭐⭐可以配枱上已有的魚露, 用生菜包住食就最正而且可以減低熱氣感, 春卷炸得表面好脆內裡就夠爽口。🔸越式牛油軟殼蟹🔸⭐⭐⭐⭐⭐份量超大碟, 軟殼蟹有好多蟹肉, 啖啖肉的, 仲有大量炸蒜粒同蒜片, 十分香口。

放工經過路德圍，由於唔算太肚餓， 想食碗生牛肉湯檬做晚餐，清清地，咁啱見到呢間越一地方幾光猛企理，就入去試試，要咗做生牛湯檬，加3蚊轉蕃茄湯底。平日嘅晚上人唔算多，好多吉位，坐得都幾舒服。地方好乾淨。端上來賣相唔吸引，牛肉已熟，青檸配菜欠奉(或者因為轉蕃茄湯?)，檬粉份量好少，大啖啲幾啖都食晒，牛肉已熟，入口好普通，還好未至於鞋口，好彩我本身唔餓，唔係食兩碗就差唔多。服務不過不失。雖然我一向覺得越棧水準差，但呢間更差，份量少成咁。

難得有個空閒既Leisure Thursday🤣趁下午要幫朋友拎野前中午仲有空檔🙇🏻‍♂️黎荃灣行陣街食個Break Lunch亦最好不過☺️還掂近近地一於黎尋越味黎Tea陣醫下肚啦🤪位於路德圍附近既越一越南牛肉粉專門店有「天空之城」之稱既荃灣可謂四通八達！由A1出口直行沿住南行天橋過黎都算方便😆呢度簡約既環境裝修🙈卻有濃濃既越式風味散發著☺️🇻🇳牆壁上一幅幅越味文化既相片及畫像☺️盡顯泰越特色風味☺️🇹🇭🇻🇳充滿越式風味既環境☺️亦煮出濃郁既越南香味🤪🤩👨🏻‍🍳Afternoon Tea Set老街香茅豬頸肉飯豬頸肉配以茅香醃製燒得夠香夠入味之餘🤤肉質嫩滑脂肪比例均勻食落唔會太油膩🤤🐷灑上烤蔥蒜增添增多口感之餘😋配合甜醬油拌以白飯食落更有風味🤤越一炸春卷以薄皮包住滿滿既餡料高溫炸香🤤配合檬粉木耳及豬肉等餡料🤤增添更多口感更為鮮香😆🌯越式滴漏咖啡以滴漏作賣點既越式咖啡🤤濃郁咖啡香夠哂風味之餘以煉奶作配合😋越味咖啡飲出港式「啡走」味道😆☺️☕️

天氣開始轉，胃口都跟住轉，想食啲清淡啲，就會諗起越南野食。依間有聽朋友講食過黃大仙分店味道都唔錯，見到荃灣都有分店，收工就去試下。見餐牌有套餐，配搭都唔錯，揀左個牛油雞翼二人餐，可以揀兩個湯粉，再揀一個小食，每個套餐都配多一碟菜或蘿蔔同一人一杯飲品。我地要左生牛肉湯河同牛坑腩片湯河，小食係豬頸肉米紙卷。湯河黎到夠晒熱，湯頭清甜可口，生牛肉厚薄岩岩好，浸一浸就熟，嫩滑有牛味。牛坑腩夠稔得黎又有口感，而且咬落唔會黐牙。米紙卷係豬頸肉，好大卷裡面有檬粉青瓜同蘿蔔嘅泡菜，唔點汁都食到酸酸甜甜，點埋汁會夠味好多，清爽開胃。其實主角係牛油雞翼，上台就聞到好香，連埋炸蒜一齊食，好香口好野味，熱氣都要食，雞翼迷一定要食。最後飲返杯三色冰，椰奶味香，三色冰分量都幾多，依個二人餐嘅好處係小食幾多，份量岩晒女仔，仲有碟菜送，全套齊晒。位置又近地鐵站同巴士站，諗唔到食咩嘅朋友仔可以去試下。

平時成日都經過呢間今日就心喐喐同男朋友去試下唔知係咪趕住收工 冇乜人招呼首先講下個生牛肉檬粉 湯底偏鹹牛肉祇有薄薄兩三片 啲肉片食一啖就冇曬西瓜冰就完全唔甜 好似飲緊西瓜味嘅水 因為佢加得太多冰 佢應該落翻啲糖水而且個碗側邊都好多西瓜汁 黐立立好汙糟噉完全唔推介呢個西瓜冰因爲要成38蚊最後戲肉係個椰汁冰 本身上枱面嗰陣時已經唔係滿 剩咗好多位 然後喺我搞下杯嘢嘅時候見到隻蜘蛛仔 同侍應反應咗後佢拎走左杯野飲 不過佢只係喺水吧臺前面"不"走咗隻小昆蟲 成件事其實我哋都睇到鋪頭嘅衛生情況較差 會見到有好多小昆蟲係周圍飛嚟飛去 都幾影響食慾

下午茶時間到了，去「越一」嘆番個下午茶。雖然係下午茶套餐，但份量和午餐差不多，沒有欺場。生牛肉河粉 係我喜歡的一種，生牛肉嫰滑，湯底清而甜美，配上洋蔥𢇁、蔥絲、金不換等等令到個湯更甜美，越式河粉是用上乾河粉，這可使整個麵食冇咁油膩，健康一些，又更容易吸收湯的精華，好味。香茅豬扒湯河 豬扒又稔又滑，非常入味，加上上面的炸乾蔥頭和香蔥，令整個食物的味道提升。跟餐叫了扎肉米紙卷和扎肉蒸粉包，只需加$12 及$16，米紙卷顏色鮮艷、食材新鮮，蘸上魚露好味又吸引。扎肉蒸粉包味道也不錯然。我們進食期間 有數個管理層到鋪頭巡視，向店員了解情況，好的管理才可保持食物質素。

今天工作來到荃灣地鐵站附近，和同事在「越一越南牛肉粉」食晚餐。我一直很喜歡吃越南菜，原因之一是因為有很多蔬菜，所以配菜我都會全吃掉！牛油雞翼二人套餐198牛油雞翼四隻：外皮炸得香脆，但內裡肉質依然嫩滑，牛油味香。上湯蘿蔔：白蘿蔔很清甜，吃到停不了口。小食選了香茅豬頸肉米卷紙(4件)：豬頸肉很淋，米紙卷擺設相當吸引 ，活像一個菜花園，配菜很新鮮。生牛肉湯河， 紅紅的生牛肉幾秒就給熱湯煮熟了，入口很滑 ，一D都唔會老，這就是生牛肉的特色之一。牛坑腩片檬粉， 牛坑腩煮得很淋，很入味，湯底清甜。扎肉檬生菜包$42：真像一朵盛開的花，包著生菜一齊食，不錯。椰青：加$18，很抵食，椰肉當然要食埋啦！椰汁三色冰都很好飲

荃灣其實真係一個好地方，好食既餐廳多到食唔曬！今次同左fd去食呢間越一越南牛肉粉，又多一間餐廳推薦俾大家。餐廳位置好近荃灣地鐵站，行大概5分鐘就到。店入面光猛闊落，同個fd兩個人坐左張卡位都幾舒服。餐牌上面既十大推介好吸引！！鍾意食越南嘢既人一定流曬口水越一生牛肉湯河($45)食越南嘢點可以唔食生牛肉河！一碗生牛肉河系一間好越南餐廳既關鍵！先試湯頭，鮮甜，唔會太油膩，清清地。過關！牛肉片新鮮唔老，切得薄容易熟，肉汁浸落湯到令碗河粉多左牛肉既香味。食完粉湯都俾我飲左一大碗海南雞飯($52)friend叫左一個海南雞飯，份量都幾足，女仔未必是食得曬。我試左舊雞，雞肉嫩滑，而且好重要一點就係舊雞唔算肥膩。至於油飯都幾香！配埋d雞一流！法式牛油蒜蓉雞翼($39)其實食左個湯河已經好飽，有少少後悔嗌左個雞翼。不過牛油蒜蓉雞翼又好吸引雞翼醃得幾入味，外皮炸得香脆，不過食落有d油（都可能因為個時已經食飽左😂）食到咁飽埋單都係150蚊左右，仲有埋嘢飲。總括黎講都幾抵食，值得encore!

平時搭巴士返屋企都會見到呢間越南野，就喺力生廣場彎位，主打越南牛河😍 Blue Monday夜晚決定對自己好啲、搵埋屋企人去食餐好既先返屋企。一到夜晚佢門口就好eye-catching! 入面都夠晒光猛，自己本身都鍾意餐廳光啲，所以呢度very good～因為主打牛河，所以黎之前已經決定一定要嗌！坐低再望落其實其他選擇都唔少，仲有二人餐。因為二人餐實在太抵🤣又可以試埋小食，所以最後嗌左個二人B餐。我見餐牌無特別寫但落單時staff同我地講個餐仲包埋2杯$18野飲～ 上菜速度都好快，野食黎齊開食😏☆生牛肉湯河 & 牛坑腩片湯河本身諗住揀晒2碗生牛肉湯河，不過心思思想食埋牛坑腩🙈 生牛肉上檯仲係紅卜卜，可以按自己想要既生熟度用湯整熟佢～牛坑腩片好林身、好味🤤 湯底都香、河粉吸晒湯汁👍🏻同埋就咁睇唔太覺，但成碗粉食極都有😂 相信大食既都會夠食～☆牛油雞翼(4隻)一上檯就聞到好香🤤 4隻大大隻、食落口都好香脆，亦都夠熱👍🏻☆上湯生菜因為越式湯河會有蘿蔔，所以要左生菜，下次再食可能我會揀返蘿蔔😂因爲蘿蔔吸晒湯汁、又夠晒林，好好味🙈☆香茅豬頸肉米紙卷有4大件，都好足料，味道都唔錯～☆椰汁冰 & 鹹

在荃灣下巴士之後看到有這一家越式料理餐廳，因為肚子餓，所以就進去是旦吃，隨便叫了一碗生牛肉湯河。餐廳的裝修還不錯，乾脆企理。生牛肉湯河上桌子的時候湯都是熱辣辣的，幾片生牛肉也真的是胃鏡煮熟，還清晰看到紅紅的生牛肉的顏色，但是把商流肉豆進到熱湯裡以後，紅紅的牛肉顏色就變為正常煮熟了的顏色，最好的就是湯也混和了牛肉的味道，喝起來味道更濃郁。另外我也教了一道蝦米紙卷，上桌子的時候擺設還挺吸引人，米紙卷兩高兩低的擺法，後面兩份米紙卷稍微高一些，而且裡面的蔬菜都是高高的豎起來，賣相還不賴呢，味道也不錯-沒有濃濃的味道，但是就是因為這樣子才能吃到蔬菜的蔬菜味，而且每一份米紙卷裡面都有一份蝦，令到口感味道也算是還可以的。

上個月吃過黄大仙分店，今天來到荃灣，又掛住D生牛肉粉及椰青。今天叫咗香茅豬扒粉，豬扒份量都多，同埋香茅味足米紙卷，春卷亦好好味。當然唔少得我鍾意嘅椰青，好清甜，椰肉都畀我消滅晒

我只能說不要付錢來受難， 我點了在餐牌上推介的蒜蓉牛油雞翼及越式春捲一杯鹹檸七, 如果真的吃過正宗的牛油雞翼, 這個除了味精超重之外就是一決沒味道的凍肉, 越式春捲就是你在家裏做也能做得比佢好, 你會看到煙灰在生菜上面,大概差不多吃到最後一決春捲時, 我還發現其中一塊生菜上面有飯粒, 問題就出現了, 我沒有點飯, 那飯粒是從何來? 生菜不會是重複使用的吧? 當下就覺得非常嘔心,得馬上結帳離開... 只能說我比那些好評給騙了進去， 真的沒有下次

好耐無食越南野，所以搵左間越南野食下。就係路德圍附近，好容易搵到。門口又夠大夠搶眼，入面坐位都好闊落，唔洗同人迫食得舒服。睇睇餐牌，哇二人餐有2個小食，1個菜類，兩個麵，2杯飲品，都只係198蚊，200蚊有找就有咁多野食，我真心覺得幾抵喎。不過我好貪心，心思思又想試下海南雞飯，因為都係廚師十大推介。所以我散叫左生牛肉河，海南雞飯，牛油雞翼，全部都係餐廳十大推介的。另外又叫左越南漏滴咖啡，倒立草莓沙冰。生牛肉河份量好足，牛肉好大塊啊，唔會un唔會好肥，湯底夠濃，好好味。海南雞飯有兩個醬跟，雞既份量都幾多下，係豉油雞黎架，所以本身都有味，點埋醬就再多種層次。不過如果有埋辣辣地既海南雞醬就正啦。牛油雞翼我覺得係全晚既精髓。超級香啊牛油加蒜蓉。新鮮炸起真係好正啊。必食啊。。。。

平日夜晚放工，攰到嘔，真係想食餐好少少嘅。落荃灣轉車，咁就順便食埋晚飯先返屋企啦～～喺地鐵站附近有太多選擇，花多眼亂！行過力新地下，有間食越南野嘅，不如今晚就試下啦～～去到門口，剛好有人走，等一陣就有位～～原來佢哋有Gulu可以拎飛，咁下次食就方便喇～～都好多選擇喎，夜晚仲有餐可以order，唔錯喎～～Order杯飲品飲住先～～前：《椰汁紅豆冰》後：《椰汁三色冰》兩杯都唔太甜，味道剛好，不過如果可以多少少紅豆會更好！《火車頭湯河粉》濃濃嘅湯頭，牛味幾重，配上河粉好好味！餸嘅份量都幾多，有牛腩、牛肉、牛丸、牛柏葉《生牛肉湯河》湯頭一樣濃，個人比較鍾意配生牛肉，可能牛肉係浸熟，所以肉質keep到滑身，好味！Order多兩款小食《扎肉蒸粉包》蒸包餡料夠多，重點一定要配埋蔥油同炸蒜一齊食更香口！《牛油蒜蓉雞翼》炸得夠乾身，蒜味好夠，唔會係死鹹，肉質都算幾嫩，味道不錯！整體嚟講佢哋嘅質素不錯，款式多，而且價錢大眾化，店員有問有答，禮貌真的算不錯！值得一贊！

越一的香茅豬扒超正午市套餐有順化香茅豬扒湯河，這個豬扒真係超正。豬扒是和湯河分開上枱，豬扒仍能保持它的原味，豬扒帶少少肥，鬆化稔滑，香茅味道很足。 湯河大大碗的，內有少許洋蔥、芽菜仔、金不換等，伴以青檸及指天椒一起吃絕配。他們是用越南乾河粉 所以不會太肥，湯頭也很清甜，加上少許越南魚露風味更佳。扎肉米紙卷是一個很清新的小吃，青瓜生菜加上扎肉絲，伴以魚露汁，清新爽口。