越一越南牛肉粉專門店 (已結業)

今日黃大仙尋找越南菜🇻🇳呢間價錢貼地平民，受到唔少附近居民支持晚餐單點係唔跟飲品🥤要用番正價，不過可以要求水今次叫咗頭頓三寶湯金邊粉，仲有河粉同檬粉選擇。三寶有豬扒、雞翼兩隻、兩片扎肉，十分豐富，香茅豬扒雞翼香十分惹味同香🤤一人份量係挺多，成碗都係麵，湯本身有紫洋蔥、少少蔥香葉金不換、辣椒🌶️同芽菜係分開用杯上，唔食可以自由選擇唔加落去咸檸7👍🏼👍🏼小食蝦餅切開4小件，點用雞醬🤤個人最鍾意食嘅係春卷，經過油炸後十分惹味，用生菜包住食，點上枱面嘅撈檬汁，撈檬汁偏甜，挺夾🤩香茅牛肉米紙卷，亦都係配上撈檬汁，口感層次幾豐，主要材料有生菜🥬、青瓜絲、香茅牛肉，又好食又健康兩個人share食咗咁多野只係二百蚊，冇加一，十分抵，又幾好食唯一一樣可惜嘅係🤦🏻‍♀️我地個日去冷氣壞咗，只有一部冷氣運作，食湯河食到好熱😔店員都講咗好多聲唔好意思

琴晚放工好累所以去左屋企附近既餐廳食晚飯－越一越南牛肉粉專門店。好耐之前食過一次，吾知道味道質素有冇改變呢？餐廳當日冷氣壞左，令到空氣變得比較焗；但店員服務態度也不錯，而且食品才是最重要！越一火車頭(1人份量) $62：職員告知火車頭沒有牛筋，但其他材料會加回一點。湯河類可選：河粉/金邊粉/檬粉；而我就揀左金邊粉，金邊粉份量不少，口感彈牙又不易斷。湯底加入左香料令味道更濃郁而不帶重味精。火車頭既牛丸是本人大力推介，因為牛丸口感極彈牙；牛味也很突出！另外既牛柏葉和牛腩片和牛肉片吸入湯底很入味。生牛肉牛丸湯河 $48：湯底清甜，河粉唔會一夾即碎，較易索湯，生牛肉上檯已呈半熟，雖然唔算嫩滑，但肉味重，牛丸係最有驚喜，鮮甜彈牙，正！配上香葉同埋辣椒粒，整體更加惹味。金邊軟殼蟹米紙卷 $52：軟殼蟹炸至金黃色的，口感外層脆口；米紙卷加入左青瓜絲，蘿蔔絲，生菜令口感增加至爽口；再點埋泰式醬汁令味道酸酸甜甜更開胃。越一炸春卷(4件) $38：春卷炸得好脆口，雖然油份比較多；但旁邊伴有生菜，可包住食用令油份減低！味道偏咸。

尋日同老媽子去左郵輪玩，郵輪包埋早餐既，但呢d breakfast buffet 質素就........求其食個豆漿加油炸鬼就算，晨咁早都食唔落d乜野。返到屋企要來個小睡流叉叉電，唔係今晚返學會中眼瞓。瞓醒剛剛好係lunchtime 時間，落街逛逛睇下食乜好先。經過附近唯一一間越南菜，又好耐冇食過越南野，今餐就係呢到開餐啦。叫左個set lunch 生牛肉湯河，加幾蚊有杯凍飲（熱飲好似唔使加$$既），我就叫左杯咸檸七。好快手有得食，湯底夠哂味，不過我個人就喜歡加青檸汁，一兩粒辣椒🌶️吊吊味。正唯一一個唔好，個芽菜係同辣椒、青檸一齊分開上，變左浸極都生生地。

香茅豬排湯河粉的豬排味道還可以，香茅味不會過重，但豬排的肉質有些少乾，不算多汁。吃的時候要配上湯河粉。而湯河粉是食店著名的食物，湯汁鮮美，沒有太重的味精味，即使是下午茶河粉的份量也很足夠。至於咖哩牛腩飯的味道也不錯，牛腩肉質軟滑，咖哩味道溫和，椰漿味香滑。

嚟到黃大仙嘅環鳳街呢條街都多美食, 今日就發現一間幾新的越南菜小店越一試試~~~環境都大, 都好乾淨個價錢就$50幾一碗, 都算係平民價..火車頭湯河粉牛肉的肉質不錯，很淋，都鮮牛肉味，是質素不錯的牛肉。牛肉味進入湯底中，再被粉吸收，味道好濃郁好嫩，而且好有牛肉味！香茅豬扒撈檬豬扒好厚身，又腍可戈都唔會乾味道不錯，粉的份量很多，連男生也夠吃。扎肉檬生菜包炸蝦餅炸蝦餅就唔係好多厚粉果隻，而且蝦餅都彈牙

下午同朋友走上黃大仙的環鳳街個頭，因為市中心只有大商場連鎖店，又貴又悶，所以發掘下週邊小店。環鳳街離地鐵站5分鐘左右，係一個老香港的舊區，好多平民小店食肆，是我最愛的香港風味。今次食既餐廳店面光猛整潔，坐得舒服，午餐時間門口都有人排隊，幸好仲有二人位，一到就有得食。我們叫左越一火車頭湯河和香茅牛肉撈檬，朋友個碗火車頭真係好大碗，有牛丸、生牛肉、牛筋、牛腩及牛柏葉，好多料，對牛之愛好者真係十分滿足的選擇。香茅牛肉撈檬呢個牛肉好入味，而且肉質好林，配上淡味D既粉真係好味，因為夏天太熱，都唔太想食得太HEAVY, 所以呢個真係盛夏之選。越式小食都是必叫之選，呢個鳳爪真係好正，賣相已經好吸引，味道酸酸辣辣好開胃，而且冇骨，食起來更加正!!跟餐只需加$22我地又加左$26食呢個蝦餅，好厚身而且新鮮炸起，好脆而且配埋撈檬食，更加好!在餐牌見到呢個飲品，覺得好得意，所以就點左試下，名堂叫倒立忌廉柚子沙冰，酸甜的夏日特飲，好滿足呀!呢個真係今日既驚喜之品，下次再來都一定要再飲至得。

雖然這店是出名吃牛肉粉，但原來其海南雞飯比想像中高質！所以呢，不一定是點牛肉粉的，試試其他菜式，都有驚喜！個人來就午市餐很化算，一般的海南雞飯都要60-70元，這裡都只是50多元～所以還加配了小吃蒸粉包。海南雞的雞肉肉質好嫩滑，又不會有冷藏味，在雞皮和雞肉中間還夾著啫哩（聽說是骨膠原，是時間和火候準繩的證明）～蒸粉包的餡料主要是蔬菜，例如木耳絲和紅蘿白絲等等，再加上蝦乾和扎肉，香味十足！若果蒸粉包的皮再薄一點，一定更好吃。

依餐叫左咁多野,講緊$200有找!!!真係好抵食而且好味道!!!重要無加一服務費!!!扎肉檬生菜包$42,賣相好精緻,有好多料一d都唔單調,青瓜絲紅蘿蔔絲令個口感好清新,重有d檬粉條,比泰式生菜包更特別!!!酸辣鳳爪$48,個汁酸酸辣辣好醒胃,無骨鳳爪唔洗吐骨,同埋有好多隻,好夠食!!!炸蝦餅撈檬$54,蝦餅無腥味,蝦味特出,蔥同蒜粒對依碗撈檬其實唔係配角,撈埋成個味唔同曬!!!軟殼蟹米紙卷$52,每件都咬到軟殼蟹,米紙做到厚度夠薄身!!!環境設計有主題,座位舒服唔迫挾!!!

又到了兩公婆四圍搵野食嘅時間啦！ 今日係黃大仙接完老公收工話去馬會買訂六合彩，點知俾我發現一間幾新潔的越南菜小店。 講真兩公婆食得唔多，叫得又唔多，一碗湯麵一碟小菜都差不多。 所以我地好快就確定入去食啦！ 加上我見到間野光猛新潔，又唔使人迫人🤣睇返餐牌先， 價錢同地區一樣都係平民大眾化。 其實$50 食飽並有找，依間野可以做到。 我叫咗個❤️生牛肉牛丸金邊粉❤️先講粉嘅份量先，超多😯我一個人係完全食唔曬，好似唔使錢咁！ 主角出現，也是我今晚摯愛❤️生牛肉❤️好嫩，而且好有牛肉味！ 而且湯底清甜，牛肉吸了湯汁再放入口，真係一種享受。 大力推薦依家嘅生牛肉河。 牛丸都無令我失望，彈牙又牛味濃。 而且一碗有三粒，都算多，因為生牛肉份量也夠多。 我老公叫咗個✨火車頭湯河粉✨如果你問我火車頭湯河粉係咩？ 我可以解答成雜錦牛肉牛丸牛仔骨河粉。 牛肉已經被煮好但一樣牛味！ 但以嫩口嚟講， 生牛肉湯河更出血，自己控制熟度是不一樣哦！牛油雞翼就食得多，今次點咗個香茅雞翼， 少了炸粉，雞翼都大隻，入口不缺香茅味，一碟四件，大家可以唔使爭出去食野點可以唔見飲品呢， 我叫咗咸寧梳打老公叫咗 紅豆冰老公話紅豆冰好正，泊

🌞又係啲好悶熱嘅時候🌞，麵食比較岩尼啲季節越一係我同男朋友嘅飯堂，我地每次都一定會叫個米卷小食，底卡得黎，又可以當係食左菜🌱，今次叫左鮮蝦米紙卷🦐，加埋個酸辣汁，真係好開胃❤️之後就可以再加二人套餐，佢嘅好處係就算得兩個人食，都可以食到幾種小食，開心好多🤩！今次叫嘅係Set A，包一個火車頭湯河同埋兩款小食個火車頭河粉嘅份量真係好大碗，唔係得個碗大😂，係入面嘅餸同麵都好多呀！成有唔同嘅牛配料🐂 ，唔止得生牛肉，仲有坑腩片、牛柏葉、牛筋同牛丸，另類嘅牛魔王咁話🐮當湯河上菜嘅時候侍應會一次過拎埋個裝住芽菜、青檸、辣椒仔同埋香葉嘅杯仔，加埋落去個湯底就夠晒香啦🤤跟set 嘅小食就簡左香矛雞翼🐥同扎肉蒸粉包，要特別講下個粉包，好好食🤤除咗面頭嘅黑椒扎肉之外，入面仲有肉碎同埋雲耳，食落去好爽口又夠濃味，一人一舊真係唔夠🙈跟餐仲會送兩杯野飲，不過今次真係好飽，要下次先叫到啲越南特色飲品啦

想平平地食到越南湯麵？ 呢間有幾家分店既越一都係一個唔錯既選擇👍🏻 呢到坐位都幾舒適 唔會好逼 連2人餐都有3個價位可供選擇😆 分別係 $168 $198 $238我地就揀左個$168 2人餐 套餐有1碗2人份量既火車頭湯河同2個小食同2杯飲品 小食我地就揀左香茅豬扒同炸蝦餅🤤 再額外加錢叫左份蒜蓉牛油雞翼😆2人份既火車頭湯河真係大碗到好誇張 入面有生牛肉 牛坑腩片 牛丸 牛筋同牛柏葉 而且絕對唔係每樣得少少 連牛丸都有四粒 份量十足🤤 河粉仲多到我地2個人都食唔哂添 店員好貼心 見我地食到d河粉索哂d湯仲過泥話幫我地加d熱湯👍🏻😊小食方面 香茅豬扒同炸蝦餅都好大塊 豬扒仲炸到香脆又夠味😋 不過最好食既都係佢地既蒜蓉牛油雞翼 面頭舖滿炸蒜 一上台已經聞到好香牛油味 食到又係勁香脆 好香牛油味不過又唔會好油膩👅飲品我地就揀左椰汁紅豆冰同加錢叫既滴漏咖啡☕️ 紅豆冰既紅豆夠哂腍好解喝 滴漏咖啡既咖啡味都好香 要凍飲有成杯冰底透心涼🌟

越一越南牛肉粉專門店（黃大仙店）位於雙鳳街街市隔離既環鳳街，就咁聽個位置，店鋪好似係黃大仙鑽石山既中間位，但同鑽石山港鐵站相比，距離當然係黃大仙站近d啦。就咁係店外望入去，店內光線充足，又清潔同新淨，環境俾人感覺好舒服。上湯蘿蔔$18廿蚊都唔使就有成5-6舊，仲要大大舊添。蘿蔔又夠甜又入味，大件夾抵食之選。海防燒豬頸肉米紙卷$42好足料既米紙卷，除左有大大塊又厚切嘅豬頸肉，仲有蘿蔔絲，青瓜絲，沙律菜包埋一齊。光光係賣相已經好正。一淡食落口口感豐富，點埋檬粉汁確係一絕。法式牛油蒜蓉雞翼$39雞翼即叫即炸，上到黎熱騰騰的，炸粉唔會好厚，肉嫩多汁，勁香牛油蒜蓉味。中意食雞翼既一定要叫。紅河炸蝦餅撈檬$54炸蝦餅食落感覺好新鮮，QQ彈牙，唔會粉多過肉，咬開個蝦餅仲會見到唔少紅色嘅蝦肉。檬粉份量絕對稱得上大份，好在個碗都大，撈起上黎唔困難，唔會撈到周圍都係。生牛肉牛丸河$48食得生牛河，就一定會有青檸、九層塔，指天椒俾你，越一當然唔例外啦。生牛河嘅湯底清甜，牛肉鮮嫩，牛丸QQ彈牙好好味，河粉份量同檬粉一樣都好多，再加上一舊蘿蔔，簡簡單單個生牛肉牛丸河其實已經好夠醫肚。整體黎講，越一環境同食物質素

因為好想食牛油雞翼所以特登搵間越南餐廳晚餐😁😁依間餐廳座位都幾舒服～牛油雞翼二人餐$198免加一叫嘅時候都已經好開心，可以咩都食d到食既時候，估唔到份量係有咁多！好豐富每人有一碗湯河另外仲有一碗清湯蘿蔔/菜一個小食同埋四隻牛油雞翼，兩杯嘢飲全部野份量都好足～絕無揸流灘河粉啲湯好好飲，濃郁牛肉味而且好多塊牛坑腩片！仲要係厚切！不停食不停食都仲有配埋肥嘟嘟既芽菜一齊食...真係 冇 得 頂 !佢哋個牛油雞翼都好好味雞翼好大隻牛油味好重好香而且炸得好脆面頭仲有啲好脆炸蒜片變左Double脆每人食兩隻好滿足～～～食返啲上湯蘿蔔同埋包左好多唔同沙律菜嘅米紙卷～中和一下～即刻成個人清新晒～～只能夠說以咁嘅價錢真係物有所值

今日收左工同友人黎左位於黃大仙呢間餐廳，地鐵站出左行幾分鐘就到，交通非常方便。首先我地叫左個牛油蒜蓉雞翼，金黃色既外皮，非常脆口，味道好好，食落好有牛油蒜蓉既味道，非常特別。而且一啲都唔油膩。跟住叫左個海南雞飯，啲雞係無骨既，金黃色既外皮，再點啲醬油真係好好味，陪咪油飯簡直五星級享受，啲油飯一粒一粒比較乾身，食落口感一流。之後叫多個生牛肉牛丸湯河粉，加咪啲配菜，薄荷葉同豆芽，放入去碗湯河道連咪啲生牛肉一齊浸熟，啲湯底非常正宗，好好味，生牛肉份量都好多，非常抵食，啲牛丸係自己手打既，非常美味。最後叫多兩個椰青，幫我地開咪，椰青水非常鮮甜，真係好好飲，同出面超市買既唔同，餐廳既非常甜，好好飲。飲完之後椰青肉都可以食咪，又飲得又食得。呢道啲服務好好，店員服務態度非常熱情，而家價錢唔貴，一定要黎試下。

越一抵食又飽晚餐同男友去附近探朋友，7點幾係順便食埋晚餐。餐廳裝修舒服，綠色為主，簡簡單單，夠光猛，位都大同多。我地叫左2人餐同1個小食。2人餐有火車頭湯河（2人份），我地麵底揀左金邊粉。2人餐小食揀左香茅豬扒同炸蝦餅，包2杯野食，男朋友仔要凍薏米水，我要熱薏米水。同加多個小食，春卷。火車頭火車頭金邊粉（2人份）勁大份！D料都吾小，有生牛肉、牛坑腩片、牛丸、牛筋同牛柏葉。生牛肉同牛坑腩都好正，生牛肉吾CHEAP，吾係求期肥牛。牛坑腩煮得入味，吾UN，好軟熟，好味。另外金邊粉都好抵讚，有口感，熱湯浸住都吾淋身，我加多辣椒同金不換一齊食，完全不單調，可返兜。香茅豬扒，炸蝦餅，春卷3個小食都不錯，配個火車頭金邊粉食，小食香口連湯連金邊粉食，香口小食都吾怕熱氣薏米水薏米水煲得都幾有HEART，吾係淨糖水味，飲落似煲左一段時間，加小小青檸汁，好似吾怕肥。