越北牛肉粉專門店

營業中

休息中

OT完剛好係太安樓附近收工，就當然約埋同事食埋個晚餐先返屋企，同事就帶左我去越北食個越南菜。餐廳光線好足，空間感都大，所以坐得都係舒服嘅。食物方面都有好多選擇，有湯麵、飯、小食…仲有得一人火鍋添。我地叫左兩個湯麵套餐，先嚟升級左兩杯特飲- 薄荷青檸梳打同埋三色咸檸七。兩杯飲品都唔錯，解渴一流。同事就嚟一碗 越北生牛肉湯河，係店中招牌之選。同事話個湯底味道濃得嚟又唔會咸，半生熟嘅牛肉夠嫩滑，而河粉都好滑身，亮點就係加少少魚露酸甜汁一齊食，即刻令到整碗湯河升級晒，酸酸甜甜超開胃。我就係蕃茄蟹肉扎肉蝦丸湯檬，濃郁嘅蕃茄湯底已經好吸引我，入口仲好鮮甜，而入面仲有鮮甜嘅蟹肉、彈牙蝦丸同埋有咬口感嘅扎肉，再加埋爽口嘅檬粉，唔我口味…大愛。

呢間越式餐廳我哋經常都去食晚餐，今次我媽又襯我返學期間同爸爸去呢度嘆個下午茶先雞絲扎肉湯河粉河粉好幼滑，清湯底唔會過鹹，加上幾索湯汁嘅雞肉絲同本身帶調味嘅扎肉，整體味道唔錯法式牛柳粒紅飯份量對於下午茶嚟算多，牛柳粒面有黑椒調味,肉質有少少鞋口但係咬開有Juicy牛肉汁，飯粒將茄汁完全吸收大頭蝦膏通菜超香蝦膏味，通菜夠爽脆香茅雞翼炸得啱啱好，雞翼皮脆肉嫩，不過唔係好聞到香茅味椰汁紅豆冰成杯都白雪雪椰汁沙冰將杯底紅豆差唔多覆蓋晒，同時將紅豆味壓下去，不過都係好飲嘅越南椰汁冰咖啡咖啡酸味好出，椰汁提供咗醇滑感同香甜味，同時唔會柔化咖啡獨有嘅酸味

今次黎到西灣河食越南野，下午茶時間好多人幫襯，等咗一陣就有位喇， 下午茶餐都有好多唔同嘅選擇，有湯麵，飯，小食，所有套餐都會配嘢飲越北四寶飯四寶飯有香茅豬扒，香茅雞翼，扎肉，蛋餅， 一個飯有曬四款越南小食，啱曬我呢啲鍾意食小食嘅人 😆，豬扒同雞翼炸得好香脆，扎肉同蛋餅就好軟熟，尤其是蛋餅裏面有粉絲和唔同嘅材料，好得意越式沙嗲。牛肉牛肉丸湯粉今次見到有沙嗲湯底，咁就一於試下，好夾喎，好似沙爹牛肉咁，啲牛肉就好嫩滑，梗係正過啲鮮牛啦，牛丸就彈牙，湯底又正 🥰河內炸春卷 & 豬頸肉小食加配咗春捲和豬頸肉，兩個小食都炸得好香脆，豬頸肉仲大大快 😊熱老薑蜜 & 水晶芒果冰沙熱老薑蜜薑味很重，仲有蜜糖好滋潤芒果冰沙上面有啲好似魚子嘅水晶好得意， 芒果味濃鬱，甜度適中

西灣河有3間同一集團，揀咗越南茶，個下午茶餐都算抵，如果叫粉麵類。燒牛肉撈檬，份量算幾多，粉同肉都足夠，而且味道幾好。椰汁冰+$8，相對就一般啲，正常啦。朋友唔餓就叫咗個唔知咩嘢係海防肝醬小法包，應該係超迷你先唔，啲醬多到呢，又唔知咩味，食緊啲咩，個包就夠脆，唔建議試，叫返正常餐質素有保證。椰汁凍咖啡+$8，衣期興嘛，都有椰汁同咖啡味，正常咁囉。朋友上次食過西貢咖哩牛腩湯粉，話十分好味，推薦，所以再來。

話說好耐冇食過越北，見5:30仲有下午茶就入去食啦。野食係好味，但服務態度真係冇咁好。咁個麵熱辣辣就真係好好味，殊不知越近六點就越多人黎食…我一放低筷子，個店員就即刻收左個碗、筷子、紙巾，一聲都冇，真係好冇禮貌…唔知係咪我唔好彩，叫左熱飲，個杯太保溫，我一啖都未飲，另一個店員就勁大聲話我呢張檯就食完，問出面的人入唔入黎搭檯。個店員迅速移塊隔板去我面前，點知其他人客又唔想入黎坐。我就呆呆的對住塊勁近的板等杯熱飲變易入口…雖然呢度唔洗加一，但都唔駛咁唔尊重客人掛…我都知一個人食野係唔受歡迎，但都唔駛咁掛～～奉勸一個人去食要想清楚，老人除外～最後張相就係本人一開始的視角～殊不知後來變成濛濛的一片～慘哦

几年前在这里吃过一次，感覺不錯。今天旧地重游，依然是高朋滿座，生意很好。我们两人点了同样的河粉套餐，生牛肉牛腩片河粉，加一个饮料，我要的是鹹柑橘，酸酸甜甜，很滋潤清甜。一大碗湯河粉，有牛肉片和牛腩，配菜有芽菜，洋蔥，香蔥，九層塔，還有青檸檬和辣辣，擠點檸檬汁在湯裡 ，一陣清香，提鮮解膩，一碗普通的河粉馬上升了層次。66元一個套餐，確是實惠，就是坐得比較擠，沒辦法，香港地寸金尺土，吃得滿意已不錯。

🍜越北牛肉粉專門店越北生牛肉湯河+越式烤豬頸肉湯檬湯底清香～飲落唔油膩似一貫越南湯頭味道👍唔錯～河粉同湯檬都係爽口～唔會煮到好淋((因為小編麻麻地淋麵))😂😂生牛肉唔算好薄個款仲幾大塊下😍牛味偏濃👍👍要讚！豬頸肉雖然唔算好特別不過烤得幾香峴港炸蝦餅蝦味唔夠～但炸就炸得幾靚～香口既蝦味再濃d就good😍酸辣無骨鳳爪中規中矩～幾好食夠哂味👍👍盛惠💰$1xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:誤打誤撞去試下～都幾好食～食材大部分都唔hea🫣食過出面有啲越南菜真係把鬼😖仲要價錢唔平🫣有機會經開越北其他分店去trytry😜好唔好食話返我知🤡

星期五晚係銅鑼灣收工，本來都想係銅鑼灣食就算，但見到咁多人，都係返東區食！ Open Rice 到search，東大街收9:30，呢間收10:30，咁梗係去呢間唔使咁趕！ 試咗兩set 晚餐，有春卷，豬頸肉，生牛肉河，順化牛河，同埋兩杯飲品！ 順化牛河話有啲辣，好彩唔係好辣，但味好夠！春卷好正宗，令我諗起細個食既越南菜記憶！😄

之前中伏食咗銅鑼灣謝斐道( 大叻越南牛肉粉餐廳 ) 終於遇到一間 正常。 大家都係連鎖集團多分店，越北牛肉粉，真係正正經經兼正常好好多。 生牛肉湯檬，牛肉薄片入口唔嚡，個湯好飲有牛味道唔係甜湯 價錢63蚊下午茶，仲包一杯飲品下午茶時間 一至五 2點至6點 , 全日免收加一 。三色咸檸七好飲👍🏻👍🏻👍🏻 佢哋嘅炸豬扒都唔錯。 豬頸肉都好食， 唔會煮到又乾又柴， 容易咬開。

今日想食湯河野, 黎左太安樓越北,  裝修 簡潔，因為呢間店唔係好大, 其他D 位排得比較密.  只有兩張卡位 ，剛剛卡位客人埋單, 我地可以坐卡位舒服D. 睇MENU 價錢實惠都唔貴, 平均都係65左右,  選擇就同坊間越南湯粉店的差不多  我地order了生牛肉金邊粉, 香矛豬扒金邊粉,  椰汁仙草冰, 椰汁冰生牛肉金邊粉 - 好大碗份量好多, 生牛肉  肉質新鮮嫩滑, 湯底鮮甜 唔會太咸 仲有舊蘿蔔 , 唔錯唔錯. 香矛豬扒金邊粉 - 豬扒份量都好多, 成大碟. 金邊粉都好滑. 特飲椰汁仙草冰, 椰汁 冰  - 兩個冰都好飲好足料. 唔會溝左水. 滿滿的椰汁. 份量足夠飽肚，每款主食都包括飲品一款, 可加$8 轉特飲. 佢地生意都好好. 一直有客, 店員勁忙, 但都照顧到所有食客. 上菜都好快, 要讚.一定會再黎食.希望都係坐到卡位啦.   

2023年1月19日 星期四今日同同事遲咗出去食飯，去到西灣河都已經差唔多兩點突然間好想食越南嘢，喺太安樓見到呢一間餐廳，所以大家都冇考慮太多就入咗去咁好彩我哋入去嘅時候餐廳做緊下午茶優惠，大部份嘅餐同午餐餐牌差唔多，都有好多食物可以揀，不過價錢更加抵，於是我哋每人點左一個餐加飲品，另外我再加左一個小食添等左大約10分鐘，同事叫既餐就到，係越式烤豬頸肉飯，睇落去份量真係同午餐完全無分別，而且豬頸肉份量都唔少，我食左其中一舊，外皮烤到有少少脆，而且肉質有咬口，唔會太韌咬唔開，唔洗點汁都已經好夠味至於我就要左河內香茅烤雞扒飯，每逢點白飯餐廳都會附帶一片蝦片係飯隔離，我會整碎佢同飯撈埋一齊食，口感會更加豐富，而呢個烤雞扒我都覺得唔錯，因為雞皮已經烤焦到脆身，但裡面既雞肉仍然保持嫩滑，仲有肉汁添仲有一個同事就要左蝦餅春卷湯河，佢話蝦餅真係啖啖蝦膠，好彈牙，而春卷就炸到脆卜卜我都唔執輸小食要左炸蝦餅，份量同同事點既蝦餅河粉差不多，都一樣有四至五片幾厚既蝦餅，我再點埋酸辣汁一齊食，味道更加滋味飲品方面，左邊係我既水晶芒果沙冰，每一啖都飲到水晶珠珠同芒果茸，夠晒冰凍，而右手邊就係椰汁三色冰，睇落去有

呢日咁啱經過西灣河，又唔想喺太安樓食，決定搵間餐廳，點知突然開始落雨，見到呢間連鎖越南餐廳就入咗嚟，本身諗住食個越南河粉暖暖身，點知入到嚟見到餐牌有賣傳統越式帽子火鍋$188，咁一定要試吓啦，個賣相好靚！超級足料，我哋叫咗酸辣湯底，加埋啲青檸，都差不多都可以清咗個湯底。牛肉又夠滑，有牛丸，牛腩，樣樣野都好好食。雖然呢個湯底係酸辣，所以唔會話太辣，但係如果食咗幾粒辣椒，其實都真係會好辣，所以最後都加咗杯椰汁三色冰$13，呢個價錢，絕對抵飲啦！

放假訓到好晏先起身，肚餓落街睇下食咩，見到越北有下午茶，都幾多人食嫁。綜合牛肉湯河入面有生牛肉，牛腩片，牛肉丸，生牛肉肉質嫩滑，牛腩片軟林，牛肉丸幾彈牙，湯底清甜美味，河粉入口好滑身。西貢咖哩配白飯咖哩辣度好適合我，甜甜地，牛腩炆到好入味，肉質軟林。峴港炸蝦餅蝦餅鮮甜可口，炸到幾香脆。越式烤豬頸肉豬頸肉肉質彈牙，一點都唔肥。椰青椰青清甜解渴，椰肉好容易就輕易刮出黎。熱桔仔酸酸甜甜幾開胃，飲落去喉嚨好舒服。

Starting to get really chilly and I was ready to order their pho. However, once I sat down, I saw that they had a new seasonal item: vietnamese hotpot! It was just $188 for two, so I immediately ordered it. We ordered the spicy soup as the server told us the spicy soup was actually less spicy than the sour spicy soup. It came with a gas stove and unlike regular chinese hotpot, vietnamese hotpot places their food items on the side of the hot boiling soup. It was a generous portion of meats and ve

行經西灣河,筲箕灣道,鄰近地鐵站... 的一間餐廳 ...越北 牛肉河. ...內裏裝修 清雅，大大的卡位 ，我們二人order了兩款下午茶， 價錢實惠份量足夠飽肚，包括飲品一款 ， 仲可以每一款下午茶 可以 半價order一款小食， 而且味道真棒。越南豬扒飯.....HK$52首先賣相非常好， 豬扒香口 ，內肉汁鮮味伴有蝦片，香菜，白飯 和美味的甜豉油， 真想再來一份。生牛肉丸湯河.....HK$55牛肉丸爽滑彈牙 ，生牛肉 甘香味美， 肉質新鮮嫩滑， 河粉大大碗足夠飽，湯底鮮甜 清香 很越南風味。越南河內炸春捲.....HK$18（ 半價優惠）春捲大大件 ，新鮮 卜卜脆，餡料豐富， 香口至極，吃到停不了口。馬拉盞灼通菜....HK$23（ 半價優惠）馬拉盞野味， 蔬菜鮮嫩，新鮮脆口， 大大碟非常抵食。芒果沙冰（ 餐飲）凍凍冰冰芒果味濃香又甜滑，顏色鮮豔 ，賣相非常吸引， 而且非常解渴。越南滴漏咖啡（ 餐飲）非常有特色的滴漏咖啡， 咖啡味濃郁，煉奶帶出咖啡 嘅獨特味道， 喜歡咖啡的朋友一定要試試。