越南亞呂 (已結業)

食物嘅份量足夠同埋夠熱, 如果以一間小店呢計呢一間嘅食物質素係好好 ， 而且服務態度都好好 ， 老闆亞呂係越南華僑 ，一行到舖頭入面你會feel到好多人都一直支持紅磡呢一間小店, 滿牆都係貼住或者寫住加油，支持嘅字句。。。 可見老闆嘅人緣係幾好。。。 亦都有好多相片同雜誌訪問過，留住滿滿嘅回憶。。。。 講番食物方面， 佢哋嘅茄汁牛腩， 蒜蓉包 ，沙嗲醬包， 蝦餅， 春捲 ，橙冰，火車頭，炸蠔都係我好欣賞嘅食物。。。。每次去都必點。。。 價錢亦相當大眾化，差唔多都係徘徊係100至130左右。。。嗰度嘅地方唔大，只係得四五張枱， 餐枱旁邊就係開放式廚房， 我每次去到都見到keep住有好多嘅人流一枱接一枱咁入嚟， 雖然地方細細，但真係留得住客人個心。。。 有聽聞過嗰度規模性清拆， 希望小店可以留得住啦， 不過我相信如果去搬到去第二度重新出發， 客人都係會繼續支持。。。。

受朋友推薦這一間將要搬遷的越南菜，由一對上了年紀的夫婦打理，沒有堂潢的裝修，店內電視播著的並非電視台節目，而是錄影帶，有最近的也有十多年前的，很懷舊試了幾款食物，有咖哩鴨飯，生牛肉河，越式春卷，飲品是跟餐，甜品是送的名堂是咖哩鴨但沒有看到咖哩汁，相信一心想吃咖哩的客人必會失望。不過味道真的不差，雖然咖哩味很薄弱，但鴨肉很淋，入口不用咬也自己脫骨，另外就是香葉，跟鴨和飯一起入口味道想不到會令人有驚喜還有春卷，可以點半份，對一個人吃不下一份來說剛好，而且是即炸起，鬆脆可口飲品就不要期望太高了

以前返學成日都有經過呢度，但由於佢望落1d都唔起眼，就一次都未食過今次有事要返一返學校，好朋友都未食過，就一齊黎試一試，原來佢都幾好食架望住餐牌都有好多套餐選擇，按份量多少有不同價錢最後我地叫左越南春卷湯檬，香茅豬肉蒸粉皮，炸蠔，配香橙冰&青檸冰春卷係炸既，老闆好好人教我地用一片生菜加金不換卷住黎食好味呀湯檬我叫左中份量，結果都嫌太多，下次要個小就夠食啦香茅豬肉蒸粉皮個汁好好味，豬肉同埋粉皮都好好食炸蠔都唔錯呀最後出場係椰汁西米糕我好鍾意食，食到清甜既椰汁味，但唔會好甜望住呢間店入面貼滿食客對食物既讚賞同對小店既祝福，睇到都覺得溫暖我會再黎幫親架！

星期六下晝行過呢頭 見到呢間餐廳入面全部都係食評 門面仲有阮小儀等明星同老闆合照 覺得應該有保證 仲見佢門面30蚊下午茶 就行咗入去入到去好細間鋪 得4張枱 老闆講先知星期六冇下午茶 又唔好意思出番去咁就叫正餐 一個正餐都大概四五十蚊 如果相畀黃埔平民餐廳黎講 已經算貴 我叫咗個香茅豬扒湯檬 個豬扒超級乾 冇水份 個湯底全部都係胡椒粉 味精仲重過一般連鎖店之後叫左個"香橙冰" 個名真係改得好好聽 結局係一杯橙汁溝水再加冰 有好多橙肉 落糖漿都冇咁嬲我唔知晚餐其他小食如何 但一碗湯濛已經吃出質素

講真我同老公都冇諗過聖誕🎄去邊到食撞啱去紅館睇楊千嬅💜就求其係附近食兩個人叫左1）朱肉凍檬 2）春卷 (唔記得左影)3) 香茅雞肉包野飲仲加送甜品埋單都係 130 幾蚊，咁好味都唔知邊到食到仲有濃濃的人情味，老闆同我地講1968 時打越戦... ...仲有就係, 同老公簡簡單單的吃就已經很好很窩心甜蜜❤️ 靚靚餐廳還是留給同老人家/ 小孩時我們一家人才去👨‍👩‍👧‍👦

越南生熟牛肉🐮湯河🍜 ($40) +青檸冰🍋🍸 大大碗, 份量滿滿的，個湯有很濃郁的牛肉味, 而且加了很多青檸汁🍋，食的時候很開胃😋，還配上薄荷葉, 吃的時候有一種獨特的香氣😄，我們連湯底都全部喝完✨。而牛肉片很滑嫩❤，河粉也吸收了滿滿的湯汁，口感很順滑💞。 至於青檸冰🍸, 即係青檸汁加冰😂酸澀的口感，跟河粉很搭,好飲😝春卷 ($10)因為店舖週年紀念日🎉, 嗌小食有折😆，所以我地就叫左春卷👍, 春卷係用傳統春卷包😜，内裡餡料味道幾好, 用生菜包住食仲可以減去油炸嘅油膩感❤春卷嘅醬汁好正💕, 點醬汁食真係一流😋好好味😍

午飯食咗鰂魚涌芽莊夜晚因爲時新包包賣曬，所以轉戰越南亞呂可能時間尚早，人唔係太多店中由幾個大叔主理叫咗牛肉湯濛湯底好湯，濛粉份量勁多成碗粉嘅靈魂就係牛肉上面個沙嗲汁越食越開胃隨餐附贈青檸梳打，味道唔會太甜，剛剛好因為店舖週年紀念日小食有折，我哋就叫咗半份龍蝦餅同春卷春卷係用傳統春卷包嘅，内裡餡料味道幾好用生菜包住食仲可以減去油炸嘅油膩感，我仲貪心加咗撈濛汁龍蝦餅半份已經咁多，好抵食肉質夠彈牙，推介食完都差唔多七點半，已經坐滿人可以encore

很有趣，近期常常看見有人，在別人的食評上面，寫上「這一段根本和食物沒有關係」等等評論，但是他/她根本沒有寫過一篇食評，就像只是周圍撩事鬥非🙊。這天來紅磡做運動，原本一心想去「時新快餐店」，再吃那一款經典的港式漢堡包，不論單塊還是雙層芝士煎蛋漢堡。一去到時竟然看到沒有什麼人，只有兩食客，而店員亦都非常之清閑，以為冷手執個熱煎堆。但是，香港地，哪有這麼便宜的是，時新快餐店沒有人的原因，就只因，當天的漢堡已經賣完，很多人去到門口，經已折返，轉場去第二間餐廳了。已經很久沒有試過這一間越南餐廳，門面絕不起眼，甚至乎可以說是暗淡無光，但是就能在這一區屹立多年。地道餐廳，就是不會有什麼電子落單、統一格式的裝修等等。非常簡單的長桌、圓凳，牆上貼滿其他食客的評語及留言。三位叔伯在廚房內營營役役，努力的為食客煮食，和某些食客亦都非常之稔熟，充分體現小餐廳，或是地區餐廳的人情味。不知道眼大睇過龍，定還是餐牌轉了，現在好像沒有看到撈檬這個選擇，而其實本人最喜歡的越南食品，不是生牛肉湯河，就是粵式撈檬了。反正近來的胃口也不算太好，就隨隨便便吃個湯檬粉吧，湯粉還是有不少選擇，例如豬扒、豬肉、牛肉、雞翼。點了個香茅

本人住這區40年了，好多細店都消失了。亞呂是這區第一間越南餐館。價廉物美，有商有量(想有特別要求，要在下單時通知，甜些，咸些，熟些等），人情味濃厚，服務態度好。久不久便來這店進食……有好多回憶在此店(20年內，人事有變，品質不變）

呢度食物好食，價錢相宜，裝修雖然無乜，但係有幾個伯伯主理街坊鄰里嚟傾計就變得好開心真心推介茄汁牛腩檬除左茄汁牛腩檬，普通一個生牛肉湯檬都好好食。佢地整湯底既功架堅掂絕對唔係連鎖店嘅味道

今晚放學同同學仔去紅磡搵食 同學介紹食越南嘢，由紅磡火車站經行人天橋行過嚟，大概15分鐘到。真係住喺附近咁耐都冇為意有呢間小店。。。可能因為都接近宵夜時段，店內得老闆同員工。。。小小店仔，有幾張可以坐到6人嘅長枱，廚房就喺店面，冇裝潢嘅裝修，但所有嘢都擺放得好整齊！店仔細細，但食物除咗有3頁menu嘅選擇，店內牆上仲有好多喺menu以外嘅嘢食，同埋貼咗好多食客嘅相 同學之前已經嚟食過，所以我完全交由佢哋發板落單！我哋3個女仔，點咗都幾多嘢食！老闆同一位男員工即刻入廚房分別為我哋炮製是晚晚餐！先嚟有呢個生熟牛肉湯濛，好鍾意濛粉嘅質感，煮得淋但仲QQ的，湯底又好味，同學話應該冇落味精（佢哋飲埋啲湯），牛牛份量亦算多，我哋share食，細細碗夾都分到6碗仔，仲要每次都有肉食！跟住有呢個龍蝦餅，我哋點嘅係大嘅份量，有6小件，老闆話第一件唔好點醬食，之後一件點碟上嘅甜酸醬，另一件可以點啲魚露食。我個人覺得唔點醬都夠味，因為灑咗啲胡椒粉，而且個餅應該都撈咗味。唔小心咬咗啲粒粒有點辣，可能係黑椒！跟住有蠔一蠔，4件上，外脆內軟，點伴碟嘅沙律醬好夾。個蠔可能有啲醋？有啲酸味味嘅～接住上呢個蝦片，一碟

紅磡被高度推介的越南菜 ，在店門前放上很多明星光顧的照片，滿心歡喜以為是有HEART平民小店，怎料中伏了！咖哩雞－汁稀得像湯一般！從來未見過咁稀既咖哩汁。咁稀都好難點蒜蓉包.....零零碎碎的雞件，大部分都是骨的位置！我係要咖哩雞，唔係咖哩雞骨呢真的好失望！生牛河上菜時已是全熟，咁點叫生牛肉呀？湯也不算濃，應該是生招牌是面也如此交行貨......唯獨蝦餅較可取，是即炸的 可惜份量太少了相信我絕不會再光顧這家店

一個月前在將軍澳一家新開的越南菜餐廳吃了味道惡劣的香茅牛肉飯, 自此心神彷彿.想找一家好吃的香茅牛肉飯, 沖淡那負面的記憶.星期四的中午, 在紅磡街道走著, 看見"阿呂".約兩年前吃過一次, 質素不差. 心想: "不如試試香茅牛肉飯吧."香茅牛肉飯:老闆一會兒就弄好了, 材料豐富. 我吃了一口, 有點失望. 味道可接受, 但不正宗.牛肉其實是肥牛, 汁太多, 變成"汁煮肥牛飯"了.惟有繼續尋找美味的香茅牛肉飯.P.S.: 其實以碟頭飯去衡量, 它亦美味. 但如果那把尺是香茅牛肉飯, 那就不太及格了.

見呢到好似幾多好評所以放工就黎試下叫左呢到既推介蕃茄牛腩飯 (希望無記錯個名)佢既蕃茄味唔似茶記個種茄汁甘酸不過都重好香蕃茄味 d汁送飯一流牛腩炆到好林炸蠔 一般 我唔太習慣佢d胡椒同香草味跟餐既柑桔冰正常 無咩特別送既椰汁糕 好重椰汁味 好好食

價錢係40蚊以內，呢個價錢食到呢D特色野食,，真心算幾抵，而且仲包埋野飲，我就叫咗過個茄汁牛腩飯，茄汁味都幾香，牛腩口感都有入口即溶嘅感覺，而且份量都唔少，絕對值呢個價錢，汁同埋牛腩嘅份量都無偷工減料，算係紅磡嘅窮人恩物!