越棧越式湯粉專門店 (荷里活廣場)

營業中

休息中

喂食Niki去搵好嘢食😋行完山天氣有啲凍又唔係好肚餓所以想去食越式河粉我哋揀咗越棧因為疫情關係，所以餐廳會把筷子放喺滾水度比客人，又几細心！生熟牛肉湯河$54食越式河粉，我會想自己加配料，好似辣椒🌶️青檸檬🍋芽菜等餐廳本身半自助形式，如果要呢D配料就要出去自己拎，但因為疫情關係，如果餐廳可以上埋比客人就好啦。個生熟牛肉河粉不過不失，驚喜位係除咗牛肉之外佢會有牛腩喺裏面，可以食到唔同嘅口感。豬扒雞絲湯河$54雞扒煎得都幾香，香茅味好重雞絲就有啲嚡口芝士釀磨菇雞翼$48呢個好有驚喜估唔到呢餐飯最好食係佢雖然係芝士釀雞，但係講真冇咩芝士味反而食落去係甜甜地嘅蘑菇雞湯味雞翼煎得香口好好食呀！👍🏻👍🏻👍🏻跟餐叫紅豆奶茶只不過係$12雖然叫咗少甜但係都係好甜整體來講我覺得呢一間嘅河粉都算係重口味食物味道偏鹹不過$54來講其實都幾抵食芝士釀磨菇雞翼係必點的

去到荷里活廣場食嘢，有陣時真係好多人，但呢一間越南餐廳唔使排隊仲有位就入去快快脆脆食飽就算啦！咁我又明白點解呢間餐廳冇人排隊！我哋叫咗三個下午茶餐，都係要生牛肉河粉，咁都預咗唔會好大碗啦下午茶嗎！咁估唔到真係碗河粉食唔飽，大家都諗住快快食完去買個飯團吧啦！咁牛肉都中規中矩，河粉都中規中矩，我會奶茶還可以啦另外一杯珍多冰溝咗水咁樣唔知做咩呢？然後我又問吓屋企人嗰杯熱檸水有冇事？咁如果檸檬加熱水都有事，咁真係出事，咁另外加多$8雞可以加一碟津白又或者蘿蔔咁就加啦，咁一兜蘿蔔有四件兩蚊一件啦，咁四件蘿蔔都係喺滾水上邊拎上嚟擺落個兜度攞俾你囉，冇咩味道㗎 ！咁四十零蚊個餐係咁㗎啦！

Went for tea time and ordered the beef and spring roll soup noodles. the broth was ok and noodle amount is a lot, but the beef was very stiff and chewy even though it looked thin. not many toppings and the self-service bar was out of chillies and lime. also the menu showed 春卷 similar to that in Nam Kee (in the noodle) but turns out they are served on the side and are the deep fried ones.Waiters were rushing us at the end even though it was only 5:40pm. Seems like they were ready to leave by 6 (c

今日放工經過商場order招牌生牛肉河：其實都平淡無奇，如果為求飽肚嘅話都是一個不錯的選擇。因為價錢都比較平，送嘢飲。再點多個雞翼湯河湯比較清淡有少許味精最後再加多左一個紙米卷有少少失望🙍，個皮好乾😔

今日中午突然想食越南餐廳，路過越棧就行咗入去食。我點了健康三食紅米飯和意式紅豆奶茶。呢個餐岩哂想健康d ge朋友，紅米含有大量花青素，具抗氧化功效，能預防老退化，降血壓和預防二型糖尿病。紅米飯適合糖尿病，貧血，肥胖和便秘人士，但消化力較差就不宜多吃。😉健康三色紅米飯的配菜包括香茅豬扒，香茅雞翼和越式扎肉蝦片。香茅豬扒，香茅雞翼的香茅味十足，煎好的豬扒已切件，方便進食，雞翼亦夠大隻。越式扎肉蝦片亦挺野味，上面有一小撮檬粉，配上乾葱同越式扎肉，味道匹配。喺疫情底下，值得一讚的，是一坐下便會提供一壺熱水和餐具🍴清洗餐具。

唔確定越棧係唔係特許經營，每間分店質素十分參次，個人經驗，只有九龍灣店去得過。我係下午茶時段嚟，但係我係叫正價，而唔係叫下午茶。碗嘢嚟到我已經發現好似比錯下午茶份量，但我趕時間，唸住食完先同佢講解返，因為就算佢肯換個碗，我都冇時間等。佢最後係有改返張單，只係如果未嚟過或者唔係成日幫襯嘅客人就要小心啲比佢坤，錢比正價，下午茶份量，真係好唔老實！同埋碗嘢好難食，仲有我坐嘅位對正廚房，我眼見係無一個廚房職員有戴口罩，真係離晒譜！我個人就一定唔會再嚟！

第一次食越棧，因為打算快食碗湯粉跟住睇戲，叫左一個生牛肉湯金邊粉，一個豬扒雞翼湯金邊粉（因為無晒河粉同檬粉）…明明就係湯粉專門店，點解個湯會無味？落左半支魚露，都吊唔起個味，金邊粉又有怪味… 唯一ok 既係豬扒… 咁多間連鎖店唔個係咪間間都係咁，但呢間就…

越棧真係好出名，但今次係第一次食😂第一次食，就簡一碗牛肉湯河，味道清淡，比較適合我，湯🥣味道可以接受，牛肉係片片，份量不多，而河粉也比較小🤣🤣總結來說，我可能比較大食😂唔係好飽，不過唔係傳說中咁難食，性價比為中等

越南生牛肉可，如果想喺鑽石山搵間平平哋嘅嘢食，其實都有啲難度，但係呢間越南河粉其實都幾好食，坐得都幾舒服嘅，食物質素都唔錯。大家想慳下錢可以嚟呢度，雖然唔係咩驚喜，叫做不過不失啦。

𝒱𝒾𝑒𝓉𝓃𝒶𝓂𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒟𝒾𝒶𝓂𝑜𝓃𝒹 𝐻𝒾𝓁𝓁又食越南野，由於疫情關係，店家好貼心咁用一個熱壺裝住餐具方便食客清洗。今次食左佢既飯同河粉𝘴𝘦𝘵 𝘭𝘶𝘯𝘤𝘩。🌟生牛肉湯河 連飲品 （$55）佢既芽菜同碗面一齊煮，冇另外分上，所以上碟時已經有少少淋左。😅呢間既河粉份量比起其他餐廳少，但勝在牛肉湯底夠濃。加埋洋蔥湯頭好好味😋-⭐咖喱牛腩紅米飯 🍚連飲品 （$60）紅米飯下面放左好大塊菜，睇落好大碗但其實份量偏少😅 咖哩牛腩都非常普通，咖哩味比較淡。-🌟飲品: 紅棗蜜 & 奶茶紅棗蜜聞起黎超香，粉紅色好靚等我滿心期待🌷。但飲落好唔掂，有 𝘥藥水味。奶茶既味道都好奇怪，好似糖水沖出黎咁一𝘥 茶味都冇😞所以下次食既話建議淨叫主食，唔要飲品，慳返$8✨📍越棧越式湯河專門店 𝗩𝗶𝗲𝘁’𝘀 𝗰𝗵𝗼𝗶𝗰𝗲鑽石山龍蟠街3號荷里活廣場2樓232號舖

好耐冇食越棧越式湯粉專門店， 星期六的晚上荷里活廣場爆多人😳， 見到越棧不用排隊， 就食佢啦！二人套餐$198～ 生牛肉湯河、香茅豬扒撈檬、 越式蒸粉包、越式扎肉、上湯浸生菜、凍檸茶、鹹檸檬七。 生牛肉湯河的湯不夠熱， 牛肉口感不嫩滑， 越式蒸粉包的皮太厚， 扎肉味道正常， 份量多， 上湯浸生菜味道普通， 飲品正常。🔹🔸🔹🔸已經有一段時間冇嚟， 食物質素保持住普通😅， 但餐枱座位實在太迫了。 越棧越式湯粉專門店 (荷里活廣場)地址: 鑽石山龍蟠街3號荷里活廣場2樓232號舖

逢星期日屋企人都會去Hollywood plaza搵食，而今次我地食既就係之前都有食過既越棧，我地覺得佢係Hollywood甘多間入面算係最抵食得黎又有差唔多既水準，真係算得上唔錯。今次我地係六點九呢個星期日黎講算繁忙既時間入去，唔洗等位呢點要讚，之後我地點左個小食拼盤套餐同兩碗河粉，146蚊既小食拼盤連兩杯特飲真係好平，珍多冰都算好飲，而蝦餅真係超好食！。之後上黎既胡椒豬扒河粉同蝴蝶蝦河粉，都係不過不失之選！最後三人埋單唔洗加一每人90蚊，算抵！

行山前想找個地方吃午餐。諗唔到食咩結果朋友提議到了越棧來吃。我一向喜歡撈檬，見到午餐竟然有牛脷食！我就想都不用想其他選擇了！就食佢！其實牛脷分量真係幾多下！跟餐飲56蚊。都算ok!個撈檬就一般中規中矩啦！而牛脷我覺得都唔錯嘅！夠味亦唔會太乾同柴。食完都好夠飽！野飲我只點左熱柚子蜜，開水嘅，所以實好飲。😂😂呢間野有個幾好嘅服務就係你坐低後佢會用個金屬水壺盛住熱水同你嘅餐具係入面，都幾衛生咁！所以要讚下嘅！

去荷里活廣場行街街，想話食返個下午茶，天氣好凍，唔想食麵包蛋糕咖啡嗰啲，就去咗呢間越棧嗰度食碗粉。$40一個下午茶餐，跟飲品，特飲加$4。食品選擇，香茅豬扒，雞翼，生牛肉之類的都有，全部都可以配湯檬/撈檬/金邊粉/飯。我揀咗一個胡椒豬肉金邊粉，配椰汁三色冰（走甜），冇錯，佢嘅椰汁三色冰竟然係可以走甜，即係佢嗰啲豆本身係冇用糖一齊煮，而後尾先至加糖水落去飲品度。雖然餐牌話下午茶係輕食份量，我就覺得同平時喺街食一碗越南粉係差唔多大，冇叫到扣底，我都食唔晒碗粉。胡椒豬肉我都係第一次食，佢同香茅豬扒有少少似，但係有好濃好香嘅胡椒味，都幾好食，值得一讚嘅係佢個湯底，牛骨湯底好清甜，食完又唔會覺得好口渴，$40响商場食個下午茶來講，算係交到貨。杯椰汁三色冰，真係有走甜，可惜啲豆就少得可憐，又多冰，椰汁味都幾淡，而且嗰啲紅豆綠豆同埋啫喱條全部都係好硬，未煲淋。

假日排長龍 原來係因為有下午茶！ 好難得假日都有平價下午茶餐 更係要試試佢啦！叫左碗生牛肉湯河！好好味 ～個湯底好濃郁！ 包一杯野飲都只係40 蚊 ！溫馨提示： 斟水要自己出去斟～