越棧越式湯粉專門店 (荷里活廣場) (已結業)

我是忠實的越棧支持者，但鑽石山 荷里活廣場越棧是越棧中最失敗的! 昨天午市點了$48豬扒湯河。 首先豬扒炸得過火，肉硬， 味苦，乸口， 感覺是落了過量的鬆肉粉。 碗裏面完全沒有越南粉獨有的精粹: 九層塔和青檸。 我問全場最年輕四眼的男侍應拿。 過了一會，他用一個豉油碟盛了四份一 個手指頭那麼大的青桔仔給我，但是沒有九層塔。 我再問他，他說已賣光。 我叫他再看看問廚房拿， 他說廚房的事不關他事。 我當時為之氣結! 但我沒有放棄，我再和另一位侍應要求，他聽完之後就走開了沒有再回來。 對著這碗完全沒有越南風味的越南河粉，我實在不想再吃下去!於是我盡最後努力和一位女侍應反映我的要求， 很快地，她又用一隻豉油碟剩了四片一節手指尾大小的九層塔給我。 這次經歷令我對這間越棧大失所望! 姑勿論侍應服務如何差勁，我只是想到我一直喜愛， 出品有信譽的越南湯河店吃我喜愛的越南河，為什麼這次要我如此大費周章才辛苦得來這些越南河粉的基本味道呢？ 我以後一定不會再光顧!

食物質素平平，但態度就。。。是晚食飯，人唔多。叫了位高大威猛嘅侍應落單， 目無表情好似唔想做咁 ，態度勁差。有位太太一 個人坐六個位 落完單想轉 個2人位，佢又 粗聲粗氣話位太太 落咗單唔可以轉位，佢坐咁大張枱都無話佢，呢位太太便問另一個夥記點解唔可以轉位，高大威猛嘅侍應叫反個女夥記唔使理個客。

揸車出左城後為左方便泊車揀左係荷里活廣場食lunch. 呢度消費$100 可以泊三個鐘真係好抵。由於好多食店都要排隊，懶惰既我地就揀左呢間唔使等位既"越棧"。老公揀左特色湯粉套餐既"生牛肉湯河"($56). 因為個湯唔夠熱既關係，d 牛好似熟唔到，呢樣要扣分。碗湯夠熱好重要架！！！中意樣樣試d 既我揀左"特別牛河"套餐($64),呢樣反而有d 驚喜。牛腩片同埋牛扎肉既味道都不錯，湯底亦都幾好飲，加埋d 辣椒就更惹味。所以碗野好唔好食可能真係要睇下運氣

係荷里活睇完戲好好好好肚餓睇下水牌有乜食係越棧！好耐無食！入到去 都幾多位下午茶時間無乜人黎啲凳有啲舊呢間越棧歷史應該都好悠久2個人坐低 即刻叫左2人卓越河套餐136$ 包特飲都幾抵食其實佢叫套餐我以為係2碗河啦點知黎到係一大碗2個人分都嚇左嚇 唔係熟既朋友唔好叫呢個啦有啲老尷講番個湯河有6樣餸 生牛內牛腩片 牛扎肉 扎肉 牛脷 雞絲啲料好足但啲河就太少啲芽菜仲多過啲河如果大食既朋友可能要再叫啲小食先夠而野飲就太甜啦杯粉紅七喜本身貪佢靚靚叫既點知甜到嚇死人七喜本身都甜再加埋啲粉紅糖漿不了不了總結 咁既價錢還可以啦

今日要過海做針灸，做完餓餓地，回家搭MTR經過鑽石山站就早一個站落車去搵野食。好耐冇食越南野，就去左越棧食過下午茶。好耐冇黎，但覺得越黎越差，同老爸一人叫左一碗生牛肉湯河。雖然係下午茶者，但唔係得果2片仔牛肉呀嘛，再講，生牛肉喎，上菜黎到同熟牛有咩分別，唯一冇變係個湯底仲係ok。仲叫左個蒸粉包，嘩.....甩皮甩骨咁！醬料變左係自助式，但d枱擺位窄到呢，仲要行出行入去拎醬料，水又要自己斟！實在唔方便。我叫左杯特濃朱古力，個樣就濃喇，但飲落水味大過朱古力味囉！真係以後可以唔使再考慮！

湯河叫雞絲 得個幾條.... 老闆長期黑面（企收銀個男人） 自助櫃下面仲見到有老鼠藥..... 收銀埋單既時候又講錯價錢 找錢時直接將啲錢扔落佢個盤到 要你自己拎番 連多謝都冇句。總知成個用餐體驗都好差.....

早睡早起身體好🌻 其實學似我咁「早啲開工、早啲收工」都唔錯㗎！雖然對大家嚟講可能係早咗啲，早到直頭連 MTR #港鐵站 裡面嘅 #美心西餅 都未開門😅 不過當大家都仲喺度埋頭埋腦趕工嘅時候，#小秘書 好多時已經收工，仲可以以 #下午茶餐 嘅價錢食個 #早飯... 年終都慳唔少㗎🤣呢日 #小秘書 17:58 到達 #越棧，剛好仲趕得到落單✌🏻 $40就有一碗 #生牛肉濛粉 + #熱奶茶，係咪好抵先？加上味道都唔差㗎，個 #湯底 都幾鮮味，雖然份量唔多，不過少食多滋味嘛！而且七點前 #餐廳 人客唔會太多、新裝修後座位又唔會太迫夾，唔趕時間嘅話留喺度傾吓計都唔錯㗎😉

間中都會到鑽石山荷里活廣場睇戲，這個商場的餐廳好多時都要排長龍， 越棧就反而不是太多人， 每次等一陣就有位。 今次點了生牛肉金邊粉， 豬扒金邊粉和明太子雞翼。 當晚沒有河粉了，所以轉了金邊粉， 其實金邊粉都好食。生牛肉金邊粉～湯底非常之熱， 這是很重要的，視覺上湯底的味道好像很濃郁， 但其實是偏淡的。豬扒金邊粉～椒鹽豬扒很大塊， 入口惹味。明太子雞翼～ 個人口味感覺比較辣，是一種死辣， 不太好吃。越棧有很多年所分店， 我亦試過很多間， 每一間的質素各有不同， 很多時都是貪方便才會入去吃， 味道和服務尚算一般的。

越棧好多一個人去食個午餐都唔錯，今次食豬扒何河粉，飲珍多冰。大概等左15分鐘左右就上餐，河粉滑，湯底清甜。豬排應該係即叫即炸，上台都係熱嘅，不過就比較硬。最後珍多冰都上埋，珍多冰好味依然保持開店時嘅水準

週末商場到處都係人山人海，搵左呢間比較少人等位嘅越南野試下。裝潢有點特色，但環境較逼。餐牌選擇幾多，一般嘅越南野食都有齊。個人鐘意食香茅雞翼，所以叫左一個香茅雞翼湯河，一個生牛肉湯河，配一碗蘿蔔，再加一碟香茅串燒，揀左雞肉同牛肉，最後仲有嘢飲，一杯芒果特飲，一杯椰汁冰。首先上嘅係香茅雞翼湯河，湯頭幾香，飲落清清地有牛味，又唔會好咸，無乜味精感覺。香茅雞翼唔算好入味，正正常常，勝在外皮夠脆，幾香口。之後就係生牛肉湯河，湯底就一樣啦。主牛肉都幾散，食落亦好普通。最後嘅香茅串燒係最好食嘅。雞肉同牛肉都燒得好脆，本身有醃過，所以好入味，附上嘅沙嗲醬好惹味，串燒點埋醬汁後提升一個層次，味道不錯。唯一缺點就係肉都比較細舊，唔算抵食。本身叫左蘿蔔，但之後話賣哂，所以轉咗生菜。本身一坐低已經聽到賣哂檬粉，之後食食下又聽到賣哂肥牛，可能比較夜嘅時間食物嘅選擇就會比較少！最後嘢飲亦係普通，椰汁冰味道不夠濃郁。埋單一人大約90蚊，但整體無咩特別，唯一好食嘅係香茅串燒。

今日心血來潮，突然之間好想食越南菜，就約咗同事去食越棧，兩個人嗌咗個二人套餐，好飽，好滿足。👭💁我啱咗一碗香茅豬扒撈檬，好足料，豬扒夠哂厚身， 咬落啖啖肉，又唔乾，好食！ 而且香菜份量啱啱好， 令成個湯底更香得來又唔會搶去其他嘢食嘅風頭。酸汁可以話係撈檬既靈魂，但係呢個酸汁就略嫌太酸，酸到我差啲眼都掙唔開啊🙁🙁不過我同事就唔係特別鍾意酸味嘅人，佢就覺得呢種酸味對佢來講係啱啱好。所以鍾意酸味嘅朋友不妨一試啊！😛另外我哋都叫左生牛肉河粉，河粉好滑，仲完完全全吸收晒湯既味道。啲牛肉睇落都好新鮮，食落口唔可以話入口即溶，但口感都無無得輸！唔鍾意食生野既朋友，我建議可以係個湯入面浸多一陣。呢個套餐包左一個菜，只要有少少菜，即刻將食好多肉既罪惡感消除左唔少啊！但係，啲菜唔係好吸收到湯既味， 相比起咁多好食嘅食物，菜就略嫌失色。💆💆‍♂️黎到越棧點可以唔食雞翼呀，雞翼仲係一如以往地又香又脆，香茅味好重。次次都食到停唔到口，但係食完真係要飲多啲水先可以唔喉嚨痛。💃🏼💃🏼

講正正常常嘅越南野越棧都okay ge💁🏾‍♀️上次兩個人去diamond hill諗住快食個晚餐，去到越棧都唔洗等位，可能係比較夜！叫左個生牛肉濛，朋友就叫左雞絲湯河，黎到都幾大碗，啲湯算濃嘅，一定要加辣椒加青檸🤤會似番係越南食嘅味道好多😂個人比較中意濛粉，感覺有質感啲，同越棧啲濛粉都好食嘅！另外叫左個春捲，炸得好脆，但3條兩個人食有啲多🙈包生菜都好食，感覺無咁熱氣！同埋原來越棧已經係自助吧攞sauce ge~

放工約咗朋友去鑽石山睇戲，見時間唔多，就㨂咗呢間唔駛排隊既餐廳，快快趣食完就入場。🗒睇睇餐牌有咩食先🥢我點咗香茅豬扒湯河套餐$56 配熱紅棗蜜豬扒另外上碟唔會浸到淋晒，但就唔係好熱，應該係一早整定。湯河都係一般越式湯粉，河粉夠滑。朋友想食牛但又唔知點邊款好，所以就㨂有四款牛既特別牛河套餐配三色冰($64)一碗入面有齊胡椒牛札肉，金肚絲，牛腩片，生牛肉，唔會得一樣餸咁悶。生牛肉夠滑，牛腩片夠牛味，金肚絲就有少少硬，牛札肉普普通通。

一入到去就已經聽到有個男人態度好差咁渴鬧員工, 叫佢落單佢好大聲渴我: 等陣~ ~~ 講返啲食物, 叫咗扎肉雞翼湯河, D湯唔夠熱暖暖哋咁, 淡茂茂, 埃~ 算啦,肚餓,食啦,點知...連洋蔥牙菜都淥唔熟,凍冰冰,垃圾.  凍咖啡嚟喇, 好似整定咗15分鐘咁, D冰溶曬,水還水,咖啡還咖啡, 咁嘅出品都可以畀客人食? 真係影衰越棧個招牌,  請我都唔會再去荷里活廣場的一檔, 真係完全唔掂另外朋友嘅豬扒湯河, D豬扒凍冰冰,硬掘掘

今日想食清清地，所以就去左食越南菜。一去到剛剛好有位，環境唔錯，地方夠大，都坐得舒服。可惜套餐種類不多，想要飲品就要另外加錢。越南春卷和蝦餅相對比起其他就貴D.所以如果想要雙併，其他餸就可以。但依兩款就唔得喇。最後，我揀左越南春卷河。依間餐廳既越南春卷同我平時去其他越南餐廳有少少唔到。唔知佢入面有咩材料，因為有少少辣辣地既感覺。有少少特別既。另外，平時其他餐廳如果想要杯水就要等侍應拎比你既，但依到就係自助式既。所以都幾方面，唔洗麻煩人。