越棧越式湯粉專門店 (荷里活廣場) (已結業)

假日有時間莉莉子當然要週圍搵好野食啦，鑽石山荷里活廣場呢幾年翻新之後開左好多新餐廳，當然要去試下啦荷里活商場既越棧裝修較其他分店顏色繽紛d，但餐廳既野食就差唔多。莉莉子同朋友揀左人人都叫既越式拼盤，一個價錢可以食到炸蝦餅、越式春卷、札肉同豬扒，非常抵食甘多款小食中，莉莉子最愛越式春卷，非常香脆，「索索」聲，好快就食哂另外，當然唔少得越式豬頸肉札肉湯粉，札肉口感較濃，豬扒就同拼盤既一樣，莉莉子就特別鍾意佢個牛肉湯，唔算好濃，但有清清地既牛骨江味最後，套餐會送埋椰汁紅豆冰，埋單一個都係$100蚊左右，要試下啦

睇完戲決定同朋友去食個下午茶，下午茶算幾抵食，$40加一杯野飲，但係個份量真係太少，唔洗五分鐘已經極速食完。先講服務，我想要魚露，嗌左3次，同事都唔記得拎比我，最後我唯有自己行出去拎。其實樓面得3個人，要服務全場咁多位客人都非常之辛苦，雖然落錯單（湯檬變左湯河），又唔記得拎魚露比我，不過佢地係忙碌中仍好有禮貌，唔該前唔該後，值得一讚！而味道就無乜特別，札肉就幾好食ge~~叫做平平地食個tea la~~

假期既荷里活真係多人到咩都唔洗食，lunch經過見唔洗排隊就諗住求其食下無所謂既，平時外面越棧都ok。兩個人嗌左：豬頸肉雞絲撈檬（$52）、豬頸肉湯檬（$44）、越式糯米雞翼（$28）同凍生薑。豬頸肉雞絲感覺份量偏少。湯檬方面就個湯麻麻。不過個糯米雞翼係好食既，雖然偏貴，因為都幾細隻。凍生薑正常。所以成件事都係普普通通咁，無話好難食，可能人手唔係好夠，上菜比較慢。但食完一陣都幾口渴，可能味精都落唔少

越棧唔係第一次食，之前係港島都食過ok㗎，但今晚係礸石山試就中招啦，完全同圖片不符合叫左個特別牛河，同咪一個小食拼盤，個特別牛河因為睇幅圖真係有啲吸引，點解中伏睇圖就明啦，碗嘢份量我仲唔以為係下午茶黎，牛肚絲，味道好一般，碗嘢好唔抵食，之後個拼盤都ok無照騙，有㗎嘢都齊唔會少咗，個蝦餅幾好味，其他小食都唔差，但我留意都隔離枱有人叫左個雞翼串就又俾幅圖扼咗，幅圖明明用竹籤串住雞翼，但黎到係原隻雞翼，其實呢間嘢唔差，但可能係其他分店，礸山石呢間真係垃圾

行山结束，搜到这个店坐车错过，又倒地铁专门来吃全店感觉好挤人流不少似乎生意不错下午茶时段感觉价格吸引点了牛肉大份河配冷热饮料炸藕片和烫生菜结果由失望到愤怒:牛肉河口感一般也就算了不配青柠，讨要被翻白眼也就算了小碟端上来只给两小瓣啊生菜老到嚼不动也就算了还没吃完就要收碗简直是赶客也就算了最可气结账没留意钱有些多388有些不对啊，不应该啊回到家一看明明4人吃饭算成6个人多收了2人的钱啊店长坑人此店坑人……

記得學生時期嘅時候勁鍾意食越棧，價錢親民之餘個牛骨湯又好味，仲有得配搭各種越式小食。但係而家食返，價錢貴左，份量少咗，質素仲每況愈下添。-今日因為趕時間，是但搵左間餐廳就入去食Lunch。嗌左一碗香茅雞翼湯濛粉，湯底幾清甜，味道偏淡。我覺得味道唔係好夠，於是加咗啲魚露落去一齊食，酸酸地好開胃～-當我好開心咁食咗10分鐘，我發現碗麵已經比我食晒！我平時係食一餐可以食一個鐘，係個啲食得慢又細食既人，但係喺呢度10分鐘已經搞掂🙂已經唔係下午茶嘅價錢，個份量少得可憐，連我都唔夠飽🤢🤢🤢🤢

一路飲緊紅棗果纖蜜，今次係呢間鋪頭飲下午茶飲得一杯淡到無味嘅寡淡糖水，無佐紅棗碎，服務員態度極差話左糖漿😪，唔通就係下午茶就係甘樣質數？都以後唔想食啦，bye

本來係排緊隔離間海南雞飯既，但好似重有好多張飛於是就走左去隔離好似少人d既越棧啦我地叫左個二人餐，有兩碗雙拼既粉麵／飯，兩個小食，一碟菜同兩杯飲品，$198無加一。扎肉蝦餅個賣相係hea左d蝦餅係印尼蝦片d frd，上面有扎肉，少少檬粉同蔥油。點佢個甜酸汁好清新，係好岩夏天食既一個冷盤牛脷扎肉撈檬都係平時會食既野，餸既份量唔多，但撈埋檬粉汁好開胃，好易就一個人食晒一碗粉另一個小食係蒸粉包，個皮有d似煙靭版既腸粉皮，入面包左豬肉，蝦米，菇，馬蹄等等。雖然個皮有少少厚，但味道唔錯，個醬汁似係甜豉油，幾特別店內人手唔夠但d姐姐態度都算ok，不過唔收加一我都唔expect d咩服務啦。平時周不時都會食越棧唔同既分店，不過多數一人一碗麵就算。估唔到今次兩個小食都好岩我胃口，令本來無期望既一餐加添左小驚喜

夏天熱辣辣 唔想食好熱嘅野 咁啱見到有越南野 咁可以食碗撈檬了😁叫左一碗豬頸肉撈檬 賣相已經覺得好正 因為有好多新清嘅配料 例如蕃茄 青瓜 紅蘿蔔絲 真係好鬼開胃😁佢個撈檬汁 係酸酸甜甜嘅 有小小辣椒 加埋落去個撈檬度 真係好正😜 撈檬嘅配料仲有啲花生粒 撈埋落去口感不錯！最正嘅都係佢嘅豬頸肉 份量都好多 至少有5-6塊 佢煎得唔乾 保留到肉汁 所以食落去食煎過嘅香亦都感覺到好厚好juicy 💦 總括黎講 呢間餐廳唔洗等位 啲野黎得快 又平 所以 值得黎食👍🏻

萬「麵」不離其宗，不論是日本拉麵，台灣牛肉麵，或越南生牛河，甜美湯頭都是美味因素。呷一口鮮湯，配爽麵條滑河粉，互相交纏，一湯入魂。 回歸正題，早前到鑽石山附近的 studio 為某廣告 casting，之後就到「荷里活廣場」醫肚，隨便㨂了這間我未食過的越南餐廳。 坐低看 menu，密密麻麻一堆圖與字： 點了個越南菜經典 - Phó，「生牛肉粉」$56 此 Phó 最大問題是湯底，沒有牛味鮮甜，反覺味精甚多。粉質地尚可，可惜牛肉份量不多，即使加上兩塊香葉作遮掩，也難以力挽狂瀾。 半騷不癢，另要個「越南式牛脷撈檬」$56 不太清楚「越南式」的牛脷是怎樣煮，只知好吃的牛脷要軟熟和肥滋滋；這個是又硬又實，可稱得上是「鞋」，加上凍食，溫度低讓肉更硬，真係雪上加霜。。。 撈檬的醬汁也重要，我會放好多，浸滿一整碗好治癒！這個檬汁太甜，要再提酸，檬也沒米香： 食完的總結是：相當平庸，吃一次就夠，反正「荷里活廣場」都有好多好嘢食。Sorry !

今日同朋友行開荷里活廣場，想搵啲嘢食又唔係好肚餓，行行吓見到呢間越南嘢，於是就入去試吓我哋叫咗兩碗金邊粉同兩杯0七首先係呢碗香茅豬扒金邊粉，開頭諗住啲豬扒會分開上，點知佢哋將豬扒放埋落碗湯粉入面，攪到啲豬扒林晒，最慘係無晒味朋友就叫咗碗生牛肉金邊粉，呢碗就似樣好多，啲牛肉又唔會俾啲湯攪到熟晒，而且份量都唔少，唔會得兩、三塊另外杯凍0七就無乜嘢，檸檬都有幾塊不過呢間嘢啲員工態度就麻麻哋，我哋叫佢攞咗碟辣椒粒同青檸，但嚟到就得好少，於是諗住叫佢加多少少，但竟然同我哋講要加錢，後尾要嘈到經理出嚟先俾多碟我哋，心諗如果一嚟嗰碟係正常份量，就唔洗加啦，但有圖有真相，唉。。。

越棧係連鎖式餐廳味道吾算特別好 但勝在平今次就試左佢 ge $198二人餐 二人餐包2碗雙拼粉面生牛肉拼扎肉湯河 不過不失 雖然湯底飲吾出係特製牛肉湯 只係覺得咸咸地豬扒拼雞絲湯濛 豬扒同雞絲都幾好食 但可能係雙拼所以份量吾多 跟餐可選2個小食同2杯野飲豬勁肉小食個樣幾靚 可惜無咩味 仲有d油春卷味道吾錯 柚子梳打同青檸梳打 味道正常最後個餐仲可以簡一個菜 我地就簡左湯浸蘿蔔 另外就再加8蚊叫多個生菜蘿蔔無想像中咁好食 有少少太霖 生菜就係正常味道2個人食咁多野 賣單206 一人一百蚊多d 經濟實惠 不過下次小食會試下香茅雞翼 見到隔離枱食好似幾好食咁

越棧開到周圍都係，想食越南河又懶得搵其他鋪頭就會食越棧～今次去左鑽石山荷里活既分店食，分別叫左生牛肉河同豬頸肉河湯底一如既往好清甜，芽菜係越南河既精卒，係依一方面越棧做得幾出色河粉唔會煮得太耐，滑lut lut，個人認為河粉係最好食既麵類！可以好好咁吸收左湯既味～生牛肉河既牛肉唔會太難咬，味道唔錯，但份量略嫌少左啲一直覺得越棧既豬頸肉做得唔錯，肥瘦得宜越棧雖然唔係做得特別出色，但係香港既越南菜算係平價，間唔中過下口癮都唔錯～

人生最大樂趣不外乎吃跟玩樂 尤其是跟家人一起時吃得特別開懷以及感覺更美味 這天跟姨姨們到荷里活廣場閒逛 大概是因為太久沒有這麼多人眾在一起 過於快樂所以大家都忘了要吃午飯 剛好下午茶時段 走進呢間位於越棧來個輕盈既下午茶餐 大概是因為只是三十多元價值 既包了餐飲之餘仲不收加一添 呢碗金錢肚湯檬真的不是很大碗 味道也不算很出色 不過看在價錢份上... 除了湯檬還有點了撈檬 同樣地也是金錢肚 份量就真的不是很多 普通食量者也只能感覺剛好 蒸粉包口感不錯 可是味道也只是一般 跟餐餐飲n_cc選了熱薑飲 可是同樣地失望而回 味道清淡可是卻不討好 而姨姨們點的則是柚子熱飲 不過同樣地... 雖然說三十多元是很平宜 可是單是價錢平宜食物質素卻是如此不濟 實在是令客人有點卻步以及失望

星期日午飯時段，一行8人光顧，點了好幾種食物，有粉、有小食、有飲品。粉麵還好，小食類有串燒，我點的是豬、牛兩款，每款3串，味道是OK的，但份量就……O哂嘴！牛串是正常，肉佔了3分2支竹籤，豬串就不得了！肉只有3分1支竹籤，仲要3串豬肉都係咁！心諗，牛肉唔係貴D咩？豬肉咁慳皮！問D侍應，"咁就係一串了嗎？"佢好快就回應……係！唔使指意我再幫襯。