越欣

營業中

休息中

今日去「越欣」 餐牌有好多選擇第一次食咖哩吉列豬扒煎蛋飯, 煎蛋啱啱好唔會燶 , 即炸金黃色豬扒脆口鬆化內JUICY👍🏻唔會太油膩, 送飯一流! 第一啖咬落去超級脆 咖哩汁有層次, 色香味俱全見到即刻想食 跟餐熱奶茶, 茶味濃,豬扒成塊碟咁大, 食完好飽都係$46蚊, 地方乾淨,上菜快, 性價比好高 老闆有禮親切 值得推薦！ 會再去食. 同區茶餐廳起碼都要$50蚊 重要試過唔好食, 下次可以試肉骨茶飯, 係區內少. 越式炸春卷都好吸引

第一次入「越欣」堂食, 之前去附近金椰林茶餐廳食沙爹牛肉麵好激氣! 完全冇醃製, 加塊超薄午餐肉都要$38. 「越欣」今日食沙爹牛肉煎蛋公仔麵, 沙爹牛肉有醃製過味道好唔鞋口, 煎蛋啱啱好唔會太燶，另外加一碟越南香茅豬扒(小) , 豬扒炸得鬆化唔會太肥膩, 唔燶, 公仔麵裏面有驚喜食食下有舊青檸仔 跟餐熱奶茶食得好飽都係$44蚊, 地方整潔, 上菜快靚正. 座位雖然唔太多, 小店嚟講佢算係有誠意, 職員有禮貌食物做得好之後一定會再幫襯！

今日係石蔭路食下午茶，選了越欣，之前食越南河粉會去馬會那邊，今次試新嘢。旁邊見到有人食海南雞飯，好似幾靚，下次可試，今次只叫咗$48 的生牛肉湯河包飲品，可加小食，一個人冇加。上餐快，湯幾清，唔油膩, 上菜時也見到牛肉生上，試過在寶星下面泰國菜館食生牛肉湯但上菜時牛肉全熟兼過熟，同泰國菜館反應佢都唔啋你，所以已經唔會再去。越欣的牛肉質素普通，比較靱，但此價錢可接受。餐飲選了奶茶，都可以。下午茶都差唔多full house.

媽咪腳痛唔方便落樓，叫外賣自取返屋企一齊食，由落單到拎外賣只係15分鐘内，超級快！🥢越南扎肉雞絲 配河粉·牛骨湯意料之外咁大碗😳三塊帶有黑胡椒粒嘅扎肉，厚薄適中，食時有陣黑椒香味。雞絲撕成幼條，連埋少許芽菜、洋蔥、河粉一齊食口感唔錯，咬到索索聲。🥢呢碗係媽咪嘅香茅雞扒 配湯檬·清雞湯

根本唔係越南野，難食到爆。。今日食晏，見隔離米線好多人，於是轉陣呢間，我叫左海南雞飯$48，同事叫左生牛河$40，嘢食好快到，但真係唔知自己食緊乜個海南雞飯根本唔係海南雞飯雞雪藏雞唔緊要，個樣好似煲湯湯渣咁，又鞋，又無乜雞味，仲要斬到一岩一慚，成碟碎骨，仲有，無啦啦整啲葱油落去，食海南雞飯係配葱油架咩？飯啲飯唔係油飯，佢俾黃薑飯，係無乜飯香，但我覺得唔算差，收貨嘅醬我諗好多人都會同意海南雞飯醬汁係好重要一環，佢俾左兩隻醬我，一個。。係麥當奴嘅泰式辣醬，係，你無睇錯，另一個，我見顏色似樣，一撩落去，稀dum dum,再試，下？...老抽黎嘅，係咪玩野吖我同事就話個生牛河無味總括黎講，我覺得廚房唔單止求其，係連對個樣食物嘅基本知識同基本功都缺乏

早排第三波疫情,其實都多左買返公司食,公司就在佢附近,其實佢開左好幾個月,有次路過見佢都好多外賣放左近門口,所以有勇氣一試!首次試係扎肉雞絲檬,第一讚係效率,佢地廚房係無停手架!但係ORDER後大約5-6分鐘就比到我,好驚訝!一打開,配料勁足唔在講,賣相都好靚(SORRY因為太餓完全無影相)味道黎講,湯底一流!白蘿蔔一大舊,生菜絲,蘿蔔絲切得幼細,真係似食緊高檔既越南菜!蘿蔔好林好甜同入味!最後全個餐掃清!跟住下次就試佢蝦餅撈檬,又係高水準!(貴4蚊),仲有加一個餸係炸雞翼既話,佢地會分開裝,唔怕浸淋哂,好細心!老闆又好好,叫佢比多包酸汁唔會托手踭,唔會另收價錢!40蚊一餐有超水準既越南湯檬,包埋一杯熱飲,抵到爆!估唔到小區都有咁高質素既越菜!值得推介呀!!!

啲嘢好食，不過炸嘢記得叫佢分開上，否則扣好多分。生炸雞髀真係好好味，食落去有好多層次，配上雞蛋沙律同炸薯條，都係買30幾蚊，真係唔知邊度搵。佢嘅香茅豬扒都好好味，值得一試，總括來說依間舖頭性價比好高。

又到午餐食咩時間👻 今次帶同事去了葵涌的越欣門面其實條街都有幾間野食，算係一個小集中地，係附近返工的相信都係嚟呢頭食，係眾多選擇比較下，呢間採用簡約風（無特別大裝）下，其實不顯眼..走馬看花地好似一間茶餐廳！入面大約有7,8張枱。餐牌雖然外表似茶記，但供應的食物絕不茶記！越南野食應有盡有，仲有套餐添！選野食都要啲時間.食物好有越南味！好好食！今次和同事叫了生牛肉河和蝦餅金邊粉，仲叫多個豬頸肉小食，上菜速度快，亦不失水絕，仲要唔貴！有機會的朋友要來試呀！

嗌左外賣豬頸肉檬粉，不過佢比漏咗個汁，因為都係附近，原本都諗緊係咪要去返舖頭拎，不過佢主動提出肯送返上門，呢種售後服務值得一讚，願意彌補過失👍🏻👍🏻。仲送多左一包汁添👍🏻

今天同細佬lunch經過，肚餓見到間越菜，冇抱太大希望，不過食完有驚喜，我叫左咖哩牛腩，份量好足，細佬叫火車頭好大碗，有牛腩豬排牛肉，好豐富，價錢仲好實惠，同埋又叫左d小食，鳳爪我好中意，好好味，食完細佬又睇到西多士，又叫左，不過西多士真係好好味，好香既蛋香味，我勁中意食，食飽都可以再食，因為實在太好味，忍唔住😋😋😋，食左2次呢間下午茶28仲包嘢飲，真係勁叻喔，小吃10幾蚊好抵呀，好值得推薦既我好中意食

葵涌石蔭附近開了一間新的越南河粉店。早幾天放工，我走過看到餐廳門前，看到餐牌上， 有各式各樣的越南小食和粉麵，很吸引的。 二話不說，我走進店內， 找了一個位置坐下。 我點了一碗豬頸肉撈檬配凍華田。越式豬頸肉撈檬 $44味道方面， 豬頸肉醃得非常入味， 表面烤得焦焦的， 很有越式風味。 檬粉十分彈牙而且很有米香 。而撈檬的汁料， 酸酸辣辣的 ，是我最愛的越式風味！飲品方面，我點了一杯凍華田 ，華田很濃郁，不錯不錯， 下次要再來吃火車頭越式湯河！😍

同呀哥家姐拜訪完爺爺嫲嫲，大家都有啲肚餓，於是我提議食呢間上次已經試過嘅越南野！地理位置十分方便，位於十字馬路口，好容易就望到佢香茅雞扒撈檬$42 二家姐食呢個，我都試左2舊，雞扒好香口又唔會炸到好乾身越式扎肉雞絲撈檬$42+$2凍阿華田因為我驚好熱氣，所以呢個真係清淡之選越南炸蝦餅撈檬$42，呀哥嗌左炸蝦餅勁好味呀！我都試左舊呀，下次凍冰冰食碗熱辣辣牛肉河粉都想試下+$12追加一份小食！總體而言，大部份嘢食都係$4x仲要包嘢飲！晚餐黎講，性價比之選！家姐呀哥都十分滿意！下次經過再試下其他先

今日經過咁啱見到呢間越南野新開張！見佢都是正企理，於是入去支持下小店，但估唔到有驚喜！嗌左個越式生牛肉湯河$40仲包一杯嘢飲添對住晚餐黎講真係十分抵！牛肉湯底幾好飲，夠香濃係略嫌油左少少！😌有蔥花，洋蔥，青檸同香草！價錢不貴而且份量足，性價比高，值得推介下次會同家人再黎試下😗

遠遠望到小店還以為是車仔麵檔，行近再望是越南餐館，以為只有兩、三細枱，原來入內還有三張大枱。午餐生牛肉湯河連飲品只是$40，心想一定將貨就價😒店員還要推介追加小食$12起，一定細細碟。是次我和丈夫點了兩份生牛肉湯河粉，兩柸啡走，追加$12香茅豬扒及$16蝦餅。終於生牛肉湯河粉來到，竟然有九層塔、芽菜、青檸，枱上仍已有新鮮辣椒🌶️粒和酸魚露，暫且我先想分享個酸魚露的確調味調得十分適中，顏色十分靚，吃得出魚露不是平凡貨式，加上鮮辣椒粒，放上湯上，Wow,成碗粉更提升，醒胃。開始再講這碗粉，河粉是正宗越式瘦細點這款河粉，長、滑、不易段，湯底味不錯，香菜類份量算足夠😘。再看以為細細碟的追加小食原來不算少，可以特別要留意這款香茅豬扒，超好味，薄身，易入口。最後超出預算的即磨咖啡☕️，$40套餐你都會覺得咖啡已值回一大部份票價，如不是老闆都是咖啡愛好者，我真猜想不到還有什麼其他理由可以有這柸咁上成咖啡☕️最後大家多謝🙏對方$108埋單