越火越式湯粉 (已結業)

今日來個越式四道菜,  越式四重享受, 二點行到黎堅尼地的越火越式湯粉, 位於堅尼地地鐵站隔2條街, 行完山黎食好方便。餐館為小店經營, 小店光猛, 乾淨企理, 很適合快閃開餐, 至於食物方便都係啲大路越式小食、主食及飲品, 價錢大眾化。最吸引我當然是$108 /四重享受套餐, 包小食、主食、沙律及飲品。**3檸七喜咸檸檬+青檸+新鮮檸檬的配搭, 鹹鹹甜甜的清新香檸七喜, 夠曬冰涼, 啱曬大量流完汗的我, 一次過補充鹽份及糖份**香茅豬扒湯河豬扒大大件, 炸得色澤金黃, 上枱前已砌件, 方便進食, 豬扒炸得乾身, 醃得好入味, 微鹹微甜, 香矛濃濃的香氣入晒肉, 肉質juicy鬆軟, 香口而唔油膩,  唔似坊間的香茅豬扒完全食唔到香茅味, 好好味。至於個湯河, 河粉滑嘟嘟不失彈牙, 還有腍甜蘿蔔及爽脆牙菜配襯。**香茅雞翼香茅雞翼嘅醃料同香茅豬扒嘅一樣,  都係放上大量香茅去醃, 炸出嚟嘅雞翼皮還黏附著大量香茅絲, 又香又 juicy的炸雞翼配上炸蒜片, 更增添香口! Yummy!**鳳爪沙律食泰菜越菜必食嘅小食, 起骨的鳳爪連茜芹、洋蔥絲、紅蘿蔔絲、青瓜絲及車厘茄撈上酸酸辣辣的甜酸醬

堅尼地城出名多嘢食，性價比高嘅餐廳更有唔少，位於堅尼地城厚和街嘅越火就係其中之一。😋食物質素：⭐️⭐️⭐️⭐️服務態度：⭐️⭐️⭐️⭐️總性價比：⭐️⭐️⭐️⭐️⭐️🦐大頭蝦醬炒通菜$32 比一般蝦醬炒通菜咁嘅味，加入大頭蝦醬，蝦膏嘅味道好特別👍🏻👍🏻唯一可以改善嘅地方就係出左比較多水，可以稍微走咁啲水先上菜。鎮店香茅豬排湯檬粉 $56 豬排醃製出色，一咬落去係好𣺉唔會好乾柴，好感動！😭豬排肉偏甜口，檬粉湯底清甜，份量剛剛好。🧈蒜蓉牛油雞翼（4隻）$46 又一樣必食推介，炸粉比例均勻，唔會太厚，牛油濃香，炸完仍然保留雞翼嘅鮮嫩多汁，但朋友話已經飽左，如果唔係一定再叫多碟啊😚睇Menu係款式眾多，親民價錢家庭味道，不錯不錯！☕️臨走時飲杯話梅柚子茶，完美結束一個工作後疲憊嘅晚上。

放假去咗西環尾散步，終於有得晚市堂食，所以就喺附近食埋晚飯先返屋企。厚和街有好多食肆，其中一間係「越火越式湯粉」，呢區比較少越南餐廳🇻🇳，就一於試吓。小店面積唔大，一眼睇晒，不過環境都幾四正，燈光明亮，乾淨衛生👍。同時，店員服務態度有禮，抵讚。餐廳設有一個四重享套餐($108)，包主菜、小食、沙律同飲品，每部份均有多項選擇，彈性好高。生牛肉湯河，🍜牛河當然係越南菜嘅代表，佢無論牛肉、河粉定湯底都處理得唔錯。🥩生牛肉片份量都幾多，靠熱湯將佢浸熟，牛味突出，肉質唔韌。河粉滑溜，又唔會碎濕濕。最後，佢嘅湯底幾正，清甜濃厚，無落味精，飲完唔口乾。香茅豬扒湯檬，餸分開上，湯檬同樣大大碗，配上大量香葉、蔥同芽菜等，湯底就較牛河清澈。🐷香茅豬扒非常出色，佢並非薄切切、乾噌噌嗰種，而係炸至外脆肉嫩、香茅味滲透其中嘅出品。豬扒嘅調味同肉質都令人難忘，必食推介。餐廳將以下三樣小食放埋一齊，圖左至右分別係：魷魚蝦枝、炸蝦餅(+$8)同埋扎肉米紙卷。🦑長身春卷形狀嘅係魷魚蝦枝，春卷皮入面釀住鮮魷魚，我第一次食覺得幾得意，但略嫌春卷皮唔夠薄脆。🍤炸蝦餅原來有成一大塊，整體口感爽彈，食得出用咗大量蝦肉打成，唔似四

Viet Hot Pho it said on the front of the restaurant. And as it was breezy, we decided that is exactly what we needed.The restaurant wasn't very big. Menu is in English and Chinese. There is no 10% service charge and during lunch time, they offer a free drink. Along with pho, they also have rice and snacks.I had the raw beef and beef balls pho ($60). A decent size but the broth was not that great. Very salty and just tasted of MSG. No beef taste at all. The beef was tender but a bit skimpy lookin

Viet Hot Pho was a Vietnamese cafe that specialized in a wide range of Vietnamese cuisine. It was located at Hau Wo Street, few minutes walk from Kennedy Town MTR.They served pho, cold vermicelli, snacks, salad, paper rolls, vegetables and drinks etc. Iced lemon tea was clear and refreshing, with sliced lemon helping to bring out the tea taste. Garlic bread was toasted till very crispy, with generous serving of minced garlic placed on top of it making it flavourful.Viet spring rolls was fried ti

呢一間餐廳真係幾正，新野所以想試吓！最一定要食嘅一定係佢哋招牌嘅火車頭啦，呢度嘅火車頭湯粉真係好吸引！入面有生牛肉，牛丸，牛腩，牛柏葉，魷魚！非常豐富嘅配料，而且呢度嘅湯底真係好吸引好好食！而且$75嘅價錢來講絕對係非常高質！值得推介

食咗好多日外賣，趁周末過嚟堅尼地城逛逛，順便發掘一下周邊美食。行經厚和街，見到順昌大廈地下新開咗間越南餐廳。細看門外餐牌，店舖主打越式湯粉，另外亦有小食、撈檬、沙律、越式米紙卷、菜類及飲品等供應。點咗個火車頭湯粉 ($75)、咖喱雞球煲跟蒜蓉包 ($93) 同 馬拉盞炒通菜 ($32)。火車頭湯粉嘅用料好豐富，一碗就已經有齊生牛肉、牛腩、牛丸、牛柏葉同魷魚，誠意十足。湯底熱辣辣，入口充滿牛骨嘅香氣，味道鮮甜濃郁。生牛肉口感甚佳，脂肪少、不嚡不膩，入口嫩滑又無渣。牛腩軟腍有肉味，牛丸味道亦不錯，夠晒 Juicy 彈牙。牛柏葉爽脆可口、而魷魚軟韌度亦剛好，一咬就斷。墊底嘅河粉水準亦不俗，入口薄而滑，帶少少煙韌，而且最正就係食至最後仍然彈牙。另外客咖喱雞球亦睇頭十足，大大煲，上桌時仍熱騰騰，香噴噴。雞球份量不少，而且肉質都幾嫩滑，大件得嚟又有肉地。咖喱汁嘅辣度亦剛好，濃稠香滑，用嚟配脆口嘅蒜蓉包食，簡直係一絕。食完咁多肉，梗係要食返啲菜嚟平衡一下，碟通菜賣相唔錯，入口爽脆嫩綠，再配上馬拉盞嘅微鹹，味道香香辣辣，非常滋味。凡 6pm 前惠顧任何湯粉或撈檬，可獲配熱飲一杯，有港式奶茶、檸茶、檸水

越火越式湯粉西環厚和街28號順昌大廈地下E號舖係西環工作都近3年多了, 好多餐廳都食到悶, 所以我都幾留意新開架餐廳, 可以轉口吁試新野, 諗起成個人都精神D。最能食出真章一定是點火車頭,我第一次幫襯食越南湯麵都必然是點佢。 有齊生牛肉, 牛丸, 牛腩,牛柏葉同魷魚。 $75 火車頭湯粉, 牛柏葉同魷魚就食爽口質地, 至於主角生牛肉, 一定要湯夠熱沈到6-7成熟又仲有粉紅色。有埋香葉, 生辣椒粒同青檸加落湯, 正宗同令到個湯升華。食到一滴咖哩粉都無$93 咖哩雞球煲跟蒜蓉包, 跟蒜蓉包唔洗再額外點, 咖哩汁香, 黃薑粉同咖哩味都突出。辣度對我而言是中等, 佢個雞球就起了骨,食時更方便。湯粉口味眾多, 亦有小食供應, 新開小店值得再ENCORE‧

係西環海旁附近發現呢間越南菜小店，同朋友食左個lunch ,幾好味！一直都中意食越南菜，清清地但又幾好味！見menu ，價錢好平又抵，叫左兩碗蝦餅湯檬，蝦餅好大碟，食落好彈牙又好味，檬粉既湯好清，好好食，份量又大！另外叫左兩個小食，一個係香茅雞翼，皮好脆，好味！另外又叫左d串燒，有雞肉，牛肉，豬肉串燒！好正，惹味！落既香料好香，好正！跟餐仲有野飲，又有越式飲品。呢間吾錯，抵食又好食，食完仲可以海旁行一陣！

因為禁堂食，所以買左外賣黎食黎，叫咗幾款小食有蝦餅、春卷、3款米紙卷（包括豬頸肉、扎肉同鮮蝦，最好食既係烤豬頸肉米紙卷，入面好足料有生菜、米粉、豬頸肉等）所有小食都幾好食，春卷炸得香脆，蝦餅好食。咁多款，我覺得最好食係香茅豬排👍🏻香口好食，推介推介！另外，因為新開，所以地方新淨，睇落都會坐得幾舒適。每款小食都係50左右，價錢都ok，所以整體黎講，呢間鋪頭值得推介，大家有機會可以試下。下次再試下拒既越式湯河😃

勁耐冇食越南菜，越南菜最優勝之處莫過於用一個十分便宜嘅價錢食到越式美食，而且多數味道都吾錯。有位親戚喺西環番工，最近就介紹咗我去一間越南餐廳食野，近近哋去試吓都無妨。首先叫咗個牛三寶湯粉，有生牛肉、牛腩、牛丸，生牛肉好淋，牛肉味香濃，吾錯喎。牛腩就還好，就有嚼勁，但算系偏硬咗啲。牛丸幾爽口，牛骨湯底味道濃郁，整體黎講都好味。炸蝦餅數量吾少，每一塊都偏淋，不過呢個正正都系越式炸蝦餅嘅特色，蝦肉香口，點埋甜酸醬更開胃。另外叫咗份香茅豬扒湯粉，轉咗檬粉，中意檬粉爽口啲。香茅豬扒香茅味吾算好重，都整得幾香口。湯檬湯底充滿越式風味。青檸薄荷梳打口感十分清涼，冬天飲真系另一種享受🥶味道酸甜好開胃，適合為本身偏向油膩嘅越式食物解膩。椰汁冰夠冰凍🥶椰香味重。

依家夜晚冇咗堂食，晚飯又要外出外賣了今日試咗係屋企附近呢一間新開嘅越南舖頭，啱啱新開咗，見到都幾多人等外賣 所以我又入去試吓餐單有沙律丶小食丶河粉丶撈檬等等，可謂相當齊全價錢亦都唔貴，簡單叫咗幾樣野就返屋企啦叫咗兩碗湯粉，分別係火車頭湯粉同埋扎肉雞絲湯粉欣賞佢將湯粉同湯底分開，唔會朔晒啲湯汁仲有把辣椒丶九層塔等等放喺另一個小碗度 非常細心湯底係牛骨濃郁味道，係冬天食非常之暖身河粉滑口，火車頭材料有牛丸丶生牛肉丶牛腩丶牛柏葉同魷魚🦑，材料相當豐富，非常滿足全部都好新鮮，特別推介生牛肉，有牛味，超好吃呢！扎肉雞絲，扎肉切得厚身，口感十足🥳另外再叫左幾串串燒，有牛肉串同豬肉串，考得非常香口，每一口都有花生嘅香濃味道，口感豐富🤩呢一間餐廳新開得來質素相當不錯呢！

呢排又冇得堂食啦，行過見到呢間新開既越南野就決定試食下！咁呢度都有好多唔同嘅越南嘢選擇，我哋呢就見到有啲超滿足撈檬咁，入邊就有香茅雞扒又有豬扒又有雞翼又有扎肉乜乜乜咁，見到都覺得好鬼死正咁就決定試吓啦！咁我哋就嗌外賣自取啦一開個外賣呢就見到真係超級足料咁，啲肉就爆曬出嚟見到都好吸引!咁佢就唔單止大份啦，價錢都只係70幾蚊啲肉呢就肉質好好唔會好鞋又夠香！真心食到好滿足🤣生牛肉牛丸湯河就正常發揮啦啲牛都幾有牛味👍🏻另外仲叫咗個燒豬頸肉，燒得勁香好似燒肉咁，推介👍🏻

最近疫情嚴重，沒有晚市堂食，這晚只有兩母女食飯，放工之後就去買外賣，厚和街有不同的餐廳，見到最近新開了一間越式的餐廳，有很久沒有吃湯河，今晚就食越南湯河吧！我同媽媽都好鍾意食香口食物，所以點了小食拼盤！豐富小食拼盤 有春卷、蝦角、魷魚蝦枝、扎肉、炸雞粒和牛串燒，好豐富！這個小食拼盤比一般的特別，蝦角和魷魚蝦枝平時都較少見，炸物都炸得好香脆！蝦角裡面有好彈牙的蝦膠，還有粒粒的蝦肉，真材實料，非常美味！魷魚蝦枝都好特別，第一次食，長長的魷魚鬚用春卷皮包住，鮮味！串燒有豬牛雞可以選擇，牛肉串燒充滿孜然的香味，如果有沙嗲醬就更出色了！牛三寶湯金邊粉這裏除了河粉還有金邊粉和檬粉可以選擇，牛三寶有牛腩、生牛肉和牛丸，雖然是外賣，也有紫蘇葉，薄荷葉，辣椒給我們，湯底是牛骨湯，非常清甜不肥膩，金邊粉都好滑，牛腩是偏瘦的，很有牛味，生牛肉肥瘦均勻又腍，牛丸爽口彈牙！烤豬頸肉湯河媽媽點的烤豬頸肉湯河粉也很不錯，豬頸肉爽口，有點蜜味，份量也不少！河粉軟滑！