越男仔

營業中

休息中

📍【沙田美食】越男仔De Viet Son - 酸湯控必試！🔥終於喺沙田搵到香港少見嘅酸湯啦！😍 今日同朋友去咗沙田嘅「越男仔De Viet Son」，呢間餐廳主打新派越南菜，裝修超級有特色，打卡一流📸，而且職員服務態度好好，令人感覺好舒服。🌟 三鮮椰汁酸湯煲呢個小火鍋真係驚喜滿滿！湯底酸酸甜甜，椰汁味濃郁，入面有大量蔬菜、雞肉、蠔肉同生蝦，材料新鮮又豐富，每一啖都充滿越南風味，酸湯控絕對唔可以錯過！🍲🦐🌟 無骨海南雞（半隻）海南雞出餐前會用明火燒過，雞皮香得嚟又唔油膩，肉質嫩滑，蘸埋佢哋特製嘅醬汁，真係食到停唔到口！🔥🐔🌟 蕃茄紅酒燴豬扒配飯呢個豬扒份量十足，足足有三大塊，斬開九件，豬扒燴得入味，蕃茄紅酒汁酸甜開胃，配飯一流，食到好滿足！🍖🍚🌟 新鮮菠蘿梳打最後飲埋杯新鮮菠蘿梳打，清甜解膩，為呢一餐畫上完美句號。🍍🥤總括嚟講，「越男仔De Viet Son」無論係食物質素、環境定服務都令人滿意，特別係佢哋嘅酸湯煲，真係香港少見，值得一試！👍📍 越男仔De Viet Son沙田沙田圍路1-7號勵城花園地下1號舖#沙田美食 #越南菜 #酸湯煲 #海南雞 #打卡餐廳 #越男仔 #香港美食

同朋友今日專程入沙田圍試呢間餐廳，失望而回。地理位置不算優越，但價錢和旺區一樣貴，白飯都收$15。上菜後更發現份量極少，個碟蒜蓉牛油蝦得4隻完全唔夠飽，更離譜的是店家把蝦頭亦放入餸菜來想濫竽充數扮蝦肉，最後賣單$316。#越男仔 #越南美食 #越南菜 #越男仔旺角店 #越男仔九龍灣店 #越南

今日去咗沙田拜年，同朋友嚟咗「越男仔」食飯。之前食過旺角分店好好味，所以對呢間新派越南菜好有信心。菜式精緻與創新，更巧妙地融合了咗多種元素，好值得encore我哋order咗紅蕃茄火車頭煲，配料有牛丸、生牛肉、牛筋&牛栢葉，再配埋烤牛肉，湯底濃郁滋味十足。追加多份蒜茸包，蒜香味十足令人回味無窮仲有招牌去骨海南雞配上黃薑飯，雞肉鮮嫩多汁，黃薑飯香氣撲鼻，兩者相得益彰，完美呈現出典雅越南風味。特別推介秘制沙嗲串燒大拼盤，雞肉、豬肉、牛肉各有特色，搭配燒菠蘿更加增添咗清新口感飲品有新鮮自家制雙檸香茅薑蜜、龍眼花蜜茶，清新解膩朋友都話好食，以後晚餐又多個地方選擇

沙田新城市啲餐廳我地食得多，但今次行行下去到河畔，無意中發現咗一間專賣越南菜嘅餐廳😮於是決定入嚟試下😋呢間餐廳係街坊越南菜，環境親切又舒服，裝修帶有港式元素，背景音樂播放住越南文pop song，令整個用餐氣氛愉快而輕鬆🎶上菜速度夠快☺️🍗原隻燒雞 $188 (😸😸😸😸😺)呢道菜即場有開火儀式，感覺好有氣氛🔥原隻雞賣相澎湃，外皮烤得金黃，口感外脆內嫩，真係好正👍雞肉嫩滑，每一舊都保留肉汁，食落去好滿足🤤味道簡單鹽醃，唔會太重，搭配泰式酸辣豆瓣醬，更有另一種風味😋🍲紅蕃茄火車頭煲 $163 (😸😸😸😸)呢個煲嘅番茄湯味濃郁，完全唔係只係茄膏嘅甜味🍅反而有啲酸感，好開胃🤤滑牛夠嫩夠香，醃得入味☺️其他牛件(牛丸+生牛肉+牛筋+牛柏葉+烤牛肉）份量充足，食落去夠晒滿足🥹粉絲配上甜美嘅番茄湯，明火加熱，暖心又暖胃，食落每啖都好入味🔥🍍鮮菠蘿梳打 $35 (😸😸😸😸)入面有好多菠蘿粒，夠晒清甜，仲比咗成支梳打水我自己refill咗好幾次🤫真係好抵飲！🥤飲落仲好refreshing，可以解渴又可以提神！🍵雙領香茅薑蜜（熱） $35 (😸😸😸😸)姐姐話呢款係新鮮自家煲㗎，聽到就即刻叫返杯試下😆天氣

最近天氣凍冰冰，最岩就係食熱辣辣既粉絲煲！係港鐵沙田圍站 C 出口, 步行約9分鐘, 就黎到呢間別具特色既越南fusion菜！河內三鮮(生蠔+生蝦＋滑雞) 椰汁酸湯煲生蠔非常大粒，生蝦也非常大隻，仲有超級多雞肉！招牌椰汁酸湯，湯頭清新酸爽，椰汁的香甜與酸味相輔相成，令人耳目一新。每一口都帶著海鮮的鮮美，生蠔的滑嫩與蝦的彈牙相得益彰，讓人忍不住再來一口。至尊拼盤入面有4件芝心蝦多士4件煙三文魚檬紙卷 4件龍蝦餅 同2件 蒜香牛油雞翼 ！芝心蝦多士入面既流心芝士好好味，煙三文魚都可以整做檬紙卷，實在創意十足！蒜香牛油雞翼非常脆口！龍蝦餅十分彈牙！秘製香茅薑蜜非常重薑味，軀散哂身體既寒意！

最近無論同屋企人或朋友食飯都是食港式、西式、日式菜，食到悶都想轉吓口味。上星期同老公食過〈越男仔〉— 在沙田圍站附近的越南菜，覺得都唔錯，以後食飯又多個好選擇了😋.我哋當晚叫了〈河內三鮮椰汁酸湯檬配白飯〉、〈至尊拼盤〉及飲品〈龍眼花蜜茶〉，好飽好滿足。.河內三鮮(生蠔+生蝦＋滑雞) 椰汁酸湯檬鍋配白飯 —湯底係椰汁酸湯，用雞骨熬製，加入椰汁、酸子和醋等配料，不會太酸，愈食愈開胃，飲湯或送飯都好味。呢個鍋份量超多！共超過10件雞肉、雞髀！每件都大大舊；生蝦有2大隻，蝦膏好味，蝦肉新鮮有甜味、肉質彈牙；蠔都有2隻，大隻厚肉；配料仲有芽菜、茄子，真係好豐富好抵食👍🏻.至尊拼盤 —〈芝心蝦多士〉 有4件，外表炸過好鬆脆，蝦肉好厚、爽口，配埋流心芝士一齊食好邪惡🤤〈三壘煙三文魚檬紙卷〉 有4件，米紙卷包著濛粉、生菜，煙三文魚好大片，沾魚露甜酸汁一齊食好好味，口感豐富；〈下龍灣蝦餅〉有4件，炸得好香，肉質爽口；〈蒜香牛油雞翼〉有2大隻，外表牛油炸漿好脆好香，雞肉好嫩滑入味。.龍眼花蜜茶 —我哋叫了一杯凍、一杯熱。龍眼花蜜茶係餐廳新鮮自家煲，不會太甜，好滋潤，好飲。

**冬陰功湯配生蝦（三隻）$165** 這道湯品以精巧的小鐵鍋上桌，湯底由香茅、檸檬葉和辣椒熬煮而成，酸辣的風味令人陶醉。搭配的新鮮生蝦，蝦頭裡充滿濃郁的蝦膏，每一口都散發著海鮮的鮮美與湯的香氣，價位為$165，特別適合喜愛刺激口味的食客。**原隻太平燒雞 $188** 接下來是原隻太平燒雞，這道菜以整隻雞為主角，經特製醬料醃製，然後由餐廳員工現場點火燒烤，外皮酥脆、肉質鮮嫩，滋味濃郁，令人垂涎。售價$188，燒烤後可以選擇手撕或由廚房斬件，非常適合家庭聚餐。**雙蝦扎肉撈金邊粉 $108** 最後，雙蝦扎肉撈金邊粉是一道絕佳的分享菜品，結合了蝦的豐富口感與扎肉的香氣，搭配滑順的金邊粉，再加上酸酸甜甜的醬汁，味道十分美味，份量也非常足，售價為$108。這三道菜不僅色香味俱全，還能讓你體驗到濃厚的東南亞風味，絕對值得一試！

沙田圍呢度其實都好多餐廳，今日食呢間超多好評嘅越南仔，餐廳裝修充滿着好多玩味嘅佈置。紅蕃茄火車頭煲天氣凍叫咗個火車頭煲，一上枱已經見到非常豪華。濃郁嘅蕃茄湯基底，酸酸甜甜，用料十足，食得出好多新鮮蕃茄肉，豆角，洋蔥等。火鍋材料非常豐富，包括牛肉片、牛筋、牛丸等。牛肉片嫩滑多汁，牛筋膠質滿滿，牛丸非常彈牙又爆汁。加$8加配黃薑飯絕對值得。黃薑味香濃，仲食得出好香嘅香茅同埋椰奶味。淋上濃郁嘅番茄湯汁，小朋友都胃口大開。天氣涼涼哋，食呢個熱辣辣嘅湯鍋實在非常正斗。蒜蓉牛油海南雞脾撈金邊粉主角海南雞脾非常嫩滑，皮肉均稱，上面淋上蒜蓉牛油汁，濃郁而不過膩。金邊粉非常爽口彈牙，米味香濃，仲加咗好多新鮮蔬菜，好清爽。撈金邊粉嘅靈魂醬汁魚露，酸酸甜甜帶微辣，咸香味濃，清爽解膩，可算係食過最高質嘅撈金邊粉。三色檬紙卷拼盤賣相一流，色彩繽紛。拼盤有三款特色檬紙卷，每款嘅基本元素係檬紙加滿滿嘅蔬菜同檬粉，蔬菜的確好新鮮。牛炸醬帶著燒烤香氣，牛肉軟嫩帶微辣。煙三文魚咸鮮味十足。手撕雞一絲絲肉質細嫩多汁，感覺健康又清爽。整道菜色彩鮮豔，好睇又好食。椰汁拉茶紅豆冰以香濃嘅椰汁為基底，口感濃郁順滑，加上濃郁嘅拉茶。

今日無煮飯，就在屋企附近食晚飯。呢度有間越男仔，又未食過，咁老公就話不如食吓。餐廳燈光淡黃，播放住越南歌，環境乾淨整齊，坐得舒服。餐牌選擇都幾多，老公發辦叫左佢鐘意食嘅燒雞，另外串燒拼盤同撈金邊粉。原隻太平燒雞：燒雞先原隻上枱，職員先倒酒，然後再點火。火燒得都幾勁，其他客人都有望，都幾吸引。燒左一陣熄左後，職員問我哋切唔切，唔切可比手套撕黎食，我哋揀切會方便D。燒雞熱辣辣，皮夠薄，咬落脆，肉嫩帶肉汁，醃得入味，隻雞又唔算多脂肪，好好味。秘製沙嗲串燒大拼盤：除左豬牛雞各兩串，另外仲有菠蘿。肉類燒得好香口，入口juicy，點埋秘製沙嗲醬就更加好食。而燒過菠蘿亦夠甜，好多汁，幾好。蒜蓉牛油雙蝦扎肉撈金邊粉：蝦大隻，食落帶鮮味，面層鋪滿牛油蒜蓉，兩款味道又夾又突出，另外蝦頭炸過，都幾多蝦膏喎，好夠味。扎肉亦有煎過，有香味。金邊粉較煙韌，米味香，裡面仲有生菜，爽口。整體撈埋甜酸汁一齊食，酸酸甜甜，又幾開胃。

🍅紅蕃茄火車頭煲 $193🥖大脆包 +$38 濃濃蕃茄湯🥘包括牛🐮既唔同部位，牛肉牛筋等等！十分足料👍🏻配搭埋大脆包，脆既包沾上蕃茄湯，一流！🐥海南雞黃飯 $79海南雞嫩滑到不得了，黃薑飯好香，唔怪得係招牌菜式，不能錯過🤣🍗串燒大拼盤 $139串燒有牛🐮有豬🐷雞🐥又有菠蘿🍍，大大件，肉質彈牙爽口🍹冰凍水果茶 $33水果好多🤣甜度岩岩好，最怕太甜，食完泰國野飲杯野好清新🤗🥃香茅青檸梳打 $35香茅令到成杯野唔同晒，配合埋青檸同梳打水有氣，飲杯真係好爽☺️

雞 全部都係雞 之前食牛食得多 今餐全部都是雞平時食開荃灣分店 今日見到沙田有就試試佢── ✦── ✦ ── ✦ ── ✦ ──ʚ #原隻燒雞 ɞ 呢隻燒雞真係唔食得都睇得睇到👶🏻👶🏻眼都突埋係你面前即燒 熱辣辣 雞皮脆卜卜肉質都好嫩滑 👶🏻👶🏻食到自己拎住隻雞脾咬ʚ #海南雞黃飯 ɞ個飯唔會好油之餘仲幾香雞都好滑身 而且份量十足ʚ #蒜蓉牛油海南雞脾撈金邊粉 ɞ蒜蓉牛油味香 雞髀位所以更滑配埋佢樽魚露 更加惹味🤤── ✦── ✦ ── ✦ ── ✦ ──

♡我全家人都好鍾意食越南菜 最鍾意食越式湯河同小食 好鍾意嚟呢一間正宗嘅越南菜餐廳 《越男仔》 鍾意佢夠時尚之餘 菜式好 好豐富 有好多越南小食 飲品 而家冬天好想食啲湯河 呢度都出咗 一人火車頭煲 好有打邊爐嘅feel◇紅蕃茄火車頭煲$148勁多料 有牛丸 生牛肉 牛筋牛柏葉 烤牛肉 跟飯或者蒜蓉包 沾上好甜嘅湯底 暖笠笠 好滿足◇招牌去骨海南雞配黃薑飯$79大大舊無骨海南雞 啖啖肉 加上酸辣汁 好開胃 再加上香 好多香料嘅黃雞飯 都係我嘅至愛◇鴛鴦拉茶(熱)$29好鍾意呢個配搭 越南咖啡出名好香 仲要係滴漏咖啡 配上港式嘅香滑奶茶 呢個配搭 可以嘗試兩種味道 好吸引 #devietson #越男仔 #越南美食 #越男仔旺角店 #旺角美食 #香港越南餐廳 #香港越南菜 #香港越南美食 #香港越南粉 #香港越南粉旺角

心血來潮想食越南菜，朋友建議到沙田圍站附近勵城花園的「越男仔」午膳。店內裝修幾有越南風格，環境舒適。翻開菜單，就被琳狼滿目的菜式吸引住，價錢亦相當實惠。招牌去骨海南雞黃薑飯啖啖肉，肉質嫩滑多汁，搭配特製的黃薑飯，再沾上秘製醬汁更惹味。河內三鮮椰汁酸湯煲（送白飯）湯底係用雞骨熬製成的，加入椰汁和酸子等配料，生蠔肥美、雞肉爽滑和新鮮大蝦，真係越食越開胃。串燒大拼盤串燒有菠蘿、雞肉、豬肉、牛肉各2串，燒得好香，食落唔會鞋。新鮮菠蘿烤過份外鮮甜。椰汁拉茶紅豆冰紅豆煮到軟淋，椰汁和拉茶好夾，味道唔錯。#devietson #越男仔 #越南美食#越男仔沙田店 #沙田美食

早幾日同朋友傾計講起去越南，諗起好耐無食過越南菜，加上最近胃口麻麻，就想食下惹味菜，就上網搵到越男仔餐廳風格有特色，而且有多款菜式選擇🍅紅蕃茄火車頭煲火車頭粉就食得多，火車頭煲就真係第一次食，超香濃蕃茄湯底配上牛肉、牛筋、牛丸、牛柏葉同蔬菜，而家天氣凍凍地，可以一邊煲住就唔怕食物會好快凍，小朋友淨係湯汁撈飯都可以食到一大碗，大人都忍唔住要加份蒜蓉包撈埋湯汁食🦐冬蔭功湯+生蝦沙律（3隻）酸辣惹味冬蔭功湯入面有青口同魷魚，大大隻生蝦配以清爽沙律，越食越開胃🍖秘製沙嗲串燒大拼盤（雞豬牛各2串+菠蘿）非常足料的串燒，每一串都有香口脆邊，食落唔乾唔柴，真正做到外脆內軟，加埋秘製香爐沙嗲醬一齊食，啖啖都係滿足，燒菠蘿清甜唔酸，食完串燒仲可以解膩消滯

年尾好多聚會，今次去到沙田園餐廳坐位全部都係卡位，坐得幾舒服紅蕃茄火車頭煲連白飯 $155冬天最中意食打邊爐🍲熱辣辣連食越南野都有得滾住咁有打邊爐既感覺🤣🤣🤣🤣火車頭有牛丸、生牛肉、牛筋、牛柏葉、烤牛肉🐮🐮🐮🐮牛魔王必點好足料，牛肉一d都唔嚡蕃茄底超濃郁🍅🍅🍅🍅蒜蓉牛油海南雞髀撈金邊粉 $98海南雞髀好滑嫰🐥🐥🐥🐥雞味十足面頭有金銀蒜，個底有牛油個味道層次提升😋 香好多串燒大拼盤 $139串燒豬肉、牛肉、雞肉各有2串仲有2舊燒菠蘿🍍串燒配上沙爹醬，有香茅花生碎🥜🥜🥜🥜好惹味‼️‼️‼️‼️冰凍水果茶 $33有d似菠蘿冰🤣 有好多菠蘿仲有薄荷菜既清新三檸七 $33三檸係咸檸、青檸、鮮檸唔洗講檸味爆棚，不錯的👍👍👍👍