越男仔 (已結業)

對於灣仔打工一族，其實食黎食去都係果啲，呢間越南餐廳前排試業lunch 時間都好爆，一直想試下都無機會，今次終於食到！我同同事三個人一人order 一個飯，大家share 食，希望樣樣試下，見到隔離枱出餐都份量好夠！餐牌有好多選擇，好彩我無選擇困難症，我本身好中意食豬頸肉，甘我就叫左豬頸肉飯，估唔到都幾正喎，可以做到外脆內軟真係唔係間間做到🌝我同事就叫咖哩牛腩飯，一上枱已經聞到好香好濃的咖哩味，用黎送飯係一流，牛腩都有好多舊，唔會縮數，仲有牛根添😛另一個同事叫左牛粒紅飯，呢個飯應該係用蕃茄汁整出黎，就算無餸食個飯都好有味十足，牛粒有口感得黎唔會咬唔爛，反而三樣我個人覺得最好食同有特色🤭🤭我地最後無加錢叫小食，食成碟飯已經好飽😯 可能我地細食，不過下次都想試下小食，好似都唔錯🤭😳

話說放工同同事搵野食見到呢間越南餐廳，因為之前係沙田見過已經想試，噤今日見到入面無咩人，就決定去試一試。入到去個環境係係普通茶餐廳噤，坐得唔舒服，冷氣仲要坐邊都吹到正...落單果時，店員懶得行過我地張檯落單，所以要我地大嗌要點咩野...(話說我地同佢部機都相距幾張檯，而佢就一直企係部機面前黑口黑面噤叫我地大聲d).......我嗌左個撈檬，同事嗌左個湯河，跟住再嗌左兩個小食同同事share..蝦餅豬頸肉撈檬我點呢個撈檬算係合格但唔可以話好食，蝦餅無咩特別，熱辣辣係好食既。而個豬頸肉睇落好似幾好，但食落就好似食豬肉干噤..真係好乾身......小食:手撕雞檬紙卷呢個米紙卷睇落其貌不揚，不過食落又真係幾好食，唔錯～法式芝心蝦多士呢個蝦多士...味道都算幾好，但個面煎得太硬。蝦多士本身已經油，而佢入面仲加左芝士...食完會覺得好漏..另外就係，同事話佢個河粉都唔錯。總括黎講..我覺得呢間野野食都尚且可以，但絕對唔值呢個價錢....因為跟餐小食係要加錢，仲要唔平架。同埋凍飲係要加8蚊......另外就係..覺得呢間餐廳既店員態度..的確有待改進....題外話:話說個蝦多士等左一段時間都未黎，我

之前係銅鑼灣食過一次呢間，印象不錯，食物款式多，價錢唔貴，可惜想翻兜時竟然執左笠。偶爾之下同事話灣仔呢間新開張，所以豪不猶豫即刻贊成去。由於午餐時間都比較多人 係出面排左一陣隊都好快有位，門口招待既哥哥仔態度幾好，諗住新開張為左留客，各員工都應該態度良好，點知...連我呢個出名好脾氣既人都竟然"辣"得著我。大家都知，正常公司只有一小時午餐時間，但同事叫左個飯，足足等左45分鐘 已經一催再催三催，我明中午時間係人多，食物係要等，但都唔可能等45分鐘咁耐。最後迫住叫取消張單，食物先黎到，諗住快快趣食完趕返公司，點知故事仲未完，其中一個女服務員態度已經麻麻，我地都唔係搞事既人，所以無去理，但佢每次經過我2個同事既位，好明顯係專登用腳踢佢地椅子腳，我唔相信係次次行過都會踢到，我2個同事係面對面坐，坐轉角位無可厚非會踢到，呢點我明白，但前前後後踢左3次，連一句sorry都無，所以我覺得佢係有心。另一位同事坐的位置不是轉角位，係明顯好刻意先會踢到佢既椅腳，個女員工每次經過我地枱，我都見到佢啤住我地，我地都忍埋全餐飯，唔想同佢嘈。最後埋單時我忍唔住同門口哥哥仔投訴，識我既人都知我一向係息事寧人既性格

脆漿肥膏撈檬昨天經過呢間新店，下午茶餐有蒜蓉雞扒撈檬，便入去試吓。蒜蓉雞扒撈檬有4件麻雀大小的雞塊。食咗兩件都只係食到厚厚的脆漿和肥膏。覺得唔妥。我見到有位男士收在銀台，問佢係咪負責人，女侍應話係經理。我向女侍應表示想向他投訴食物，女侍應便去叫他。由於當時只有我和另一客人，所以靜到我隱約聽到該男經理話食物有乜問題，無使理我住。10分鐘後我向另一侍應表示不滿，於是她去叫催，經理才過來。我同佢講，4件雞塊都是厚厚的脆漿和肥膏，只有尾指第一節大的肉，好離譜。佢話全部都係咁，毫無抱歉嘅態度，木口木面話一係炸過一份比我。佢無建議我換其他或取消，我惟有接受。以為第二份會好D，點知一樣是厚漿肥膏無肉。好明顯是所謂雞扒的來貨質量有問題。當然食唔落，叫埋本餐茶拎走，埋單算。見到張單多咗8元，問侍應點解，佢話因為過咗6點，但我個茶餐係5:30落單，於是佢先去改單。我唔發現，就被收多錢。灣仔越南菜選擇多，何必貼錢買難受。