越發地道河內料理

營業中

休息中

排咗40分鐘先入到。舖頭面積好細，好少座位。招牌河內牛柳牛丸粉  湯底：走清甜路線，唔係濃郁牛肉味嗰種。比較出色嘅係佢將d 越南香草葉整到碎碎地，融入喺湯底度，所以飲落去係清甜嘅清湯加越南香草嘅味道。材料：有兩粒牛丸，濃郁好味。牛肉係細細碎碎嘅賣相同口感，口感唔係高質牛肉果種爽滑，份量有啲少。🤔越南法式三文治 麵包好脆，同時又唔會好硬或者拮口，質感唔錯。味道就係以酸蘿蔔嘅味道為主，再夾一啲豬肝醬嘅味道。個人口味會prefer肉嘅口感同味道再出啲，或者再濃郁啲嘅豬肝醬味。🤔越發牛油雞翼 食落第一啖都有牛油味道，但係之後會更加多係甜嘅味道。個人會prefer唔甜，以牛油味為主嘅牛油雞翼。😐河内芽車快 比較出色嘅係有啲麻油味，增加咗香味同層次。但係再食落去就會覺得太重嘅酸酸味甜甜味道。之前來食過覺得酸甜味太重，今次已經叫佢少汁，但係食落都仲係太酸太甜。材料方面唔算多雞絲，主要係充滿紅蘿蔔白蘿蔔嘅口感。🤔越南柑桔梳打 30正常青檸梳打嘅味道，冇柑桔味，冇咩特別。另外，扣少少分係餐廳用紙碟嚟裝住啲餸，無論係環保定係賣相方面都差咗少少。總結嚟講，味道唔錯，係可以返食嘅舖頭，但係又未至於話食落會嘩一

本身滿心期待11:55就已經排隊等位，服務同埋都係乾淨企理嘅，一坐低就叫咗個招牌越南河。碗麵嚟到嘅時候個心都覺得有啲中伏,，碗面又唔係平都成舊水，但係牛肉就係肉碎，牛丸得兩粒切半，湯同埋河都係普通水平。坦白講，普通食個麵係可以特登嚟就不必了。呢個價位，會有更加多嘅選項，和牛嘅船麵，拉麵，牛腩河等等，可能係我唔識嘢肉碎先係正宗地道，但係我真係未食過越南河係會用牛肉肉碎，真係連鎖店嘅越南河都做得比較有誠意

❣️見唔少人都介紹過呢間越南河，而我都好鐘意食pho，於是平日放工時間一於嚟咗吓，網上評論好多都話呢間排隊熱店必食，湯底超正🥸但試完覺得味道都唔錯，但絕對未到好驚艷同必食嘅程度，當日7點左右都有3組人排隊，但都唔算等太耐，十幾分鐘就有位，成個用餐體驗唔算好好，店員會好趕咁落單、上菜同埋收枱，位置比較窄，同埋只收現金🥲河粉同牛丸味道的確唔錯，但$102一碗嘅價錢都算貴，個人覺得港島有幾間越南河嘅味道比佢好食好多，價錢都只係60幾蚊一碗🤓🌟 招牌牛柳牛丸河粉 $102一上枱就聞到好香，好多香蔥鋪滿河粉，湯底味道清得嚟都算入味👍🏻牛丸比較出色但得兩粒，牛柳整得好碎，同埋份量唔多，河粉有幼身食落都幾順滑，整體味道係唔錯嘅，但食完之後好口渴，未去到必食嘅程度😅🌟招牌越南脆春卷 $70 春卷外皮的確好脆，但入面啲餡好普通，主要係食落味道一般🥲

又喺IG見到好多foodie大推，我又走咗去一探究竟。哩間位於油麻地站附近嘅小店，場内位置真係好有限，可能坐到16個人左右？肥少少都驚自己撞親人，又有咁多人慕名而來，所以我都等咗45分鐘左右先有得入去食🤡不過講翻嗰PHO，真係出色。一埋位坐低，嗱嗱臨叫咗碗招牌河内牛柳牛丸粉，好快就上到枱，熱辣辣出哂煙，仲配咗份油炸鬼，嗰陣心諗係咪俾錯枱，然後見到張張枱都有，原來係跟埋。首先嗰牛骨湯完全係my favourite，冇死咸，飲落去岩岩好。然後啲牛丸爽口彈牙，咬落有肉汁。另外啲牛柳半生熟嘅時候好好食，但因為嗰湯太熱，好快就淥熟啲牛柳，全熟就爭梗啲。最後佢搭配嘅油炸鬼，浸湯好食，不過略嫌有啲淋。最吸引我係佢杯斑斕葉水，好飲到我係咁要續杯🤡最後，其實唔駛排咁耐的話，我都想成日翻嚟食🤪🤪

食物質素一般過一般，求其入間越南鋪食應該都出色過佢。1)牛肉河 :牛肉碎濕濕、牛丸一開二仲要振興都好味過佢、湯底清到無咩味2)撈檬 :  有菠蘿幾特別，可以試下3)牛油雞翼 : 只得蜜糖味、個皮仲要硬既環境已經唔係坐得舒服..仲要態度差，又串又趕客咁，真係以為自己名店咁款。.報導吹到點用心都無用，真實食過就知咩事。食完再望下出面條隊...心諗係米要全香港個個被佢呃一次佢就準備執....有時想撐小店都唔係間間撐得落。     

🍜 招牌牛柳牛丸粉 HK$102・味道：牛柳同牛丸都重牛味爆汁，但係牛柳太散修修碎上🤡，好似食緊pat嘢咁🥶。湯底都冇特別，似唔出係咩湯底，唔係清又唔知係咪牛骨湯？有啲失望🥲。蘿蔔香甜，而且有蔥花同埋辣椒青檸點綴，令個味豐富啲～但因為本身湯底真係冇特別，所以配料幫唔到好多～・口感：牛柳真係太碎濕濕，而且原來牛丸係一開二咁比，所以其實係得兩粒，性價比偏低。🍜 香茅雞絲札肉撈檬 HK$80・味道：反而呢個仲好啲，除咗有炸蒜、酸蘿蔔絲、花生粒、生菜絲令到個味道豐富啲外，仲有啲菠蘿粒🍍，喺出邊比較少見嘅，加埋又幾夾唔突兀！不過個撈檬嘅酸汁就麻麻哋，佢話有加魚露，但唔係好食得出，純粹係一個酸酸甜甜嘅汁咁囉～・口感：如果個撈檬汁係凍嘅就好，而家變咗室溫感覺少少怪，冇咁開胃。不過啲配料幾足，而且新鮮所以都有令到個口感層次更豐富。而且雞絲同埋扎肉都唔會好嚡口，份都夠多，OK desu～🦐 鮮蝦米紙卷 HK$65・味道：就係撈檬版嘅米紙卷，入面配料醬汁一模一樣，蝦幾大粒，不過一啲蝦味都食唔到🦐，又未到雪藏蝦嘅，一般般啦，有少少吃了個空虛🤡～・口感：配料爽脆，米紙皮忌煙靭，整體正常發揮～🥤 越南柑桔梳打

我食咗好多年越南河粉，由美國開始，喺嗰度佢為我嘅期望設定咗標準，可能同你喺越南搵到嘅好唔同。喺香港，我試過好多間越南河粉店，由特許經營品牌到本地最愛，但我從來都冇真正鍾意過佢哋 —— 主要係因為湯嘅溫度，對整體體驗有好大嘅影響。不過呢間喺旺角嘅地方，湯底做得值得讚賞。佢係喺適當嘅溫度下上菜，令到啲味道可以散發出嚟。雖然佢哋用高級牛肉，但我發現佢冇明顯提升 pho 本身。總括嚟講，呢個係我喺香港食過最好嘅 pho 體驗之一，但係仍然未到我會排好長隊等嘅地步。如果你喺呢個地區，又想食河粉，呢度值得一去，但我唔會特意去食。

呢間係一間幾出名嘅越南舖，佢係一間小店，坐落喺油麻地砵蘭街，裏面我諗唔多個20個嘅座位，所以外面成日都排隊。間舖只係收現金，佢哋嘅服務幾好幾親切，啲嘢食就幾多，一個人食都係食返啲最大路嘅嘢，我點咗個牛柳河粉，同埋一份鮮蝦米纸卷。個河粉好好食湯嘅味道好夠濃因為係牛柳，所以同平時嘅越南粉有啲唔一樣。個碗好大份量，其實唔係好多，試吓鮮蝦紙米卷點埋魚露食都係正常好食，我覺得同出面都差唔多。 下次可以試吓燒豬扒同埋蟹檬！

呢間越發網上食評唔錯，路過好多次一係冇開一係人太多要排隊冇入去食，最近又出旺角玩Gym兼買嘢見近中午12點又去睇下，剛好開舖已一堆人排隊入緊舖，剛好仲有位就入去食個午餐入到去個舖位唔大，坐位亦有啲淺窄，但企理同乾淨，男女店員都幾有禮貌，比咗張餐單我點嘢食，睇價錢比普通出面嘅高，不過都預咗，我最尾咗個招牌牛柳牛丸粉，要102蚊講真少少貴，我再加杯嘢飲熱情果凍茶飲。首先杯嘢先到，冇咩特別但果肉好酸，我直接啜入肚算。約十零分鐘個粉到，另附一碟仔幾舊油炸鬼，油炸鬼內部個咬感反而似牛脷穌，外面唔係脆，唔係我杯茶，至於個粉賣相ok，牛柳就微紅色唔會滾到熟哂，我先試牛丸，有咬口又唔會實味道唔錯，至於牛柳牛味亦香同新鮮，至於個湯底幾好飲，又唔會過咸過濃，好過出面好多湯底，真係收得呢個價都仲有咁多人排隊有原因

食夜晚，6點15分先開門, 6點到左都已經有人排緊隊
好好彩地可以第一輪入去
小店目測得10個左右既座位
入面既裝飾同畫好有越南感覺✨招牌牛柳牛丸粉 $102
好特別既位係呢碗粉配埋油炸鬼食
湯底鮮甜 極多蔥仲有九層塔
牛丸新鮮彈牙仲爆汁tim
如果成粒牛丸咁上唔切一半應該仲正
牛柳半熟 肉味濃郁嫩滑但略嫌太碎
河粉好滑又唔會碎濕濕
星星推薦度:⭐️⭐️⭐️⭐️⭐️/5

✨越南柑桔冰茶 $30
超級香 飲落又唔會太酸特別清爽星星推薦度：⭐️⭐️⭐️⭐️/5

呢間ENCORE左幾次, 都係keep到咁高質真係要推介比大家

🍀唯一缺點係價錢略為進取左少少
可能因為佢既河粉同柑桔都係越南空運過黎成本貴左la
不過都欣賞小店提供越南最道地味道比客人果份既堅持

我6:30 到時已經排咗10幾人係我前面 大概等左1個鐘先有得食 店主都盡量排隊時提早點餐 令大家唔使等咁耐👍🏻但排隊時舖頭隔離巷堆積咗好多垃圾 非常臭 🤢店家廁所亦都喺條巷中間樓上仲要不斷漏水 💧見啲人去廁所 要擔遮先過到去點餐先知，原來每個月都會有限定款每個月都不同本來一心想試嘅炭燒豬肉檬 話要暑假先有😓呢間餐廳係我老公睇左YouTuber介紹嘅咁我哋嗰日嗌咗一碗牛柳牛丸河一碗雞絲撈檬 蜜糖蒜香雞翼 同 炸春卷 我哋都成日食完越南嘢除咗個河粉有比油炸鬼配 比較特別之外 面 兩碗都係正常發揮 冇話特別好食🫢反而小食就出色 特別係炸春卷炸得幾好 食完之後同老公都覺得唔值得為咗食佢 排一個鐘🥴

長龍店。Worth every penny every minute of your wait. Arguably their 招牌牛柳牛丸粉 (PHO BO VIEN) is the best in Hong Kong. Clear broth, topped with finely chopped high quality beef fillet and generous portion of herbs. I particularly love the texture of the beef, which is so ingeniously thought out that you get to enjoy a bit of beef and herbs as you chow down the noodles (unlike most beef pho shops in HK that serve you with long fatty beef slices, that you ended up either with mouthfuls of beef or noodle

今日時間早出到黎就試下黎呢間 因為之前成日都見佢排長龍 今日未開門都已經有3個人喺門口排緊 我地排左半粒鐘佢就開門✨招牌牛柳牛丸粉 $102牛柳嫩得黎好有牛肉味😋😋 牛丸都好香黑椒味同牛味 兩樣都好正👍🏻 粉好滑 個湯底好飲到我哋爭啲飲晒啲湯🤣 仲有啲油炸鬼送可以點落個湯度索晒啲湯咁黎食 👍🏻✨燒肉丸撈檬 $80夏天好啱食呢個 有個汁酸味味咁撈落去 仲有啲青瓜絲蘿蔔絲同菠蘿撈埋個檬粉一齊食 幾開胃👍🏻 個燒肉丸燒到外皮少脆 帶少少酸 好香口 係好食嘅👍🏻🍹柑桔蔗汁 $42有成粒柑桔喺個面 一飲就好濃嘅柑桔味 蔗汁味都有 不過相對上就淡啲 但係係好飲嘅 👍🏻🍹熱情果冰茶 $30呢個都好好飲 見到佢熱情果都唔少 絕情真材實料之餘都好足料👍🏻總括黎講野食野飲都好高質😆 難怪成日排長龍 舖面座位唔多 建議真係早啲黎 味道❤️❤️❤️❤️❤️抵食❤️❤️❤️❤️💔服務❤️❤️❤️💔環境❤️❤️❤️💔💰午餐人均～$127 （唔收+1）

11/5/2024星期六，lunch想食越南野，見越發食評幾好，專登來試下佢。來到門口要排隊，我地2人排隊排10個到，大幾排左30分鐘。那裡地方細，2人枱得5，6張，單人位3，4個，所以食完就走，唔會坐得耐。叫了：01 河內牛柳粉 $87牛柳半生熟正常，先試飲湯底好正超出色一飲就愛上，好濃味嘅湯料製成，牛柳熟晒都唔韌，好食02 招牌牛柳牛丸粉 $102牛柳唔再講，牛丸一樣出色，夠彈牙，有牛騷味裡面仲有小粒白色牛脂肪，真材實料👍以下湯粉包埋我油炸鬼切片，2人份量，講明浸湯食，一般啦* 入去有個男人招呼，似乎是老板咁，進食講得好詳細👍nice* 付款只收現金* 覺得有d貴, 地方迫夾，是快食店吧

好耐之前睇到youtuber介紹就放左入bucket list要黎幫襯，襯今日得閒就去睇下多唔多人排隊，多人就唔會等喇。去到有3個人係前面就等下啦，等左陣入左1位，再等左陣前面個哥哥唔耐煩走左，之後因為舖頭得1個吉位就比我地後面遲啲排既1位入左先。本身諗住揾定另一間食唔等啦，點知咁岩有人走，咁就入去食野喇入到去叫左牛柳牛丸河，米紙卷同冰咖啡牛柳牛丸河係配啲油條比你送黎食，有啲特別，牛柳就冇乜特別，牛丸係肥美爆汁既，但唔係啲youtuber講到有幾正幾好食咁，只係算係正常發揮，冇乜驚喜Overall黎講，不過不失，有好過佢既舖頭，唔係經過附近唔會特登黎幫襯，要排隊就更加唔會🫠