越華會海鮮小館 (已搬遷) 新店位置

自前幾年食過佢D油鹽水浸蜆真係攪到我成日"羅"羅"luen"想去食, 因食過幾間都唔夠佢好食. 前幾日同老公去又再食, 七點幾都開始多人, 個叔叔叫我o地8:15再去, 好彩返去時佢有留位比我o地. 果日叫o左膏蟹粥, 鹽焗鷄, 椒鹽鷄軟骨同我至愛油鹽水浸蜆. 樣樣都唔錯, 係椒鹽鷄軟骨勁多油. 因除o左個蜆, 其餘都食唔晒, 要打包. 第二日整番D椒鹽鷄軟骨, 唔洗落油都勁多油出. 我諗下次都唔好食哩個. 次次去都好嘈, 不過我都會再去食.

昨晚慕名而來這間不小食友稱讚的食肆，亦點了兩款招牌菜，沙拉骨及脆皮豆腐，再加個鮮蝦荷葉飯。沙拉骨用嘅係斬件豬扒配甜酸獻再加沙律，調味還可以，但豬扒明顯不入味，而且肉質不夠鮮及鬆化，我相信如果用金沙骨來代替豬扒效果會較佳。脆皮豆腐，能做到皮脆豆腐滑，算是收貨，但無甚驚喜。至於鮮蝦荷葉飯，蝦不鮮，荷葉飯不香且淡而無味。不過，當晚七時半已滿座，而且不小是訂座的，我想應該有其過人之處，會給他多一次機會。飯後路過隔兩個鋪，有一間叫新光？？？，見D蟹成兩斤重都只是$180一隻，很有興趣試，吾知有無食友試過呢？

家人已遷往在香港的醫院, 所以, 在香港島吃晚飯的機會多了. 老公及奶奶一早到達, 我要處理埋少少公事至可以走, 於是...菜上了半小時後我才到.奶奶話據聞呢度d炸生蠔好食, 我一食...雖然已凍了, 但非常好味! 一點腥也沒有. 加order一個鮮蟹肉扒娃娃菜, 蟹肉真是生拆的, 獻汁也是埋得剛好.埋單頗貴. 炸生蠔約8隻, 索價$118, 但老公說:"好過收你五、六十但比d腥蠔, 到時你一隻都食唔落." 也有道理.

兩個人10點進門, 撞正特價時段, 由於不可搭台要等一等位, 約五份鐘有位.叫了炒蟹(16x), 焦鹽瀨尿蝦(13x), 鹽水蜆(40).炒蟹炒料夠香, 有大辣小辣選, 小辣已夠.瀨尿蝦兩隻, 切件上, 肉甜.蜆, ok.埋單$400趣事一件, 在我們等位時,有一個四眼仔走進來,跟在場推銷的啤酒妹說要四位. 對方找了個伙記跟他說, 有兩位等緊, 下一張到佢. 但到了有張四人台空出來時, 伙記竟嘗試對我說不好意思, 可否讓給之後來的四位. 但最後由另一位伙記截位, 叫我們請坐.

星期六晚食咗《豉椒炒蜆》，碟蜆好多沙...仲有《沙薑雞》、《冬瓜盅》，有田雞o架..怕怕，《沙拉骨》，《蒜茸虾干蒸勝瓜》，仲有碟菜；第二日，我同細路兩個...一個肚痛（仲入埋醫院睇急症），一個勁肚瀉...雖然D嘢食無可口非係好好食，但係經過呢次咁o既經歷，唔敢再嚟食嘞...

失戀的第2天, 家庭聚會的日子, 我建議了到越華會晚膳~ 只為了想吃一件豆腐而已…到目前為止, 仍覺得這裡的豆腐是美味無比, 而且成功打入了我心目中美食排行榜的頭幾名之內~不知是否受心情影響, 今日的豆腐比以前差了, 以往一塊塊長方形金磚的造型, 今日竟變是了不規則的四邊形, 好奇怪~ 而炒香的乾蒜沒有放上豆腐面, 只散落在四周~ 可幸的是味道依舊~沙拉骨亦是這裡的招牌菜, 不得不佩服越華會師傅的功力, 每次調味也分毫不差, 帶出肉質的鮮味~ 而豉椒炒蜆及黃金蝦亦是我的誠意推介~值得一提的是冬瓜盅, 雖然加入了我絕不吃的田雞, 但味道清新鮮甜~ 可一試~如果這裡有甜品吃就好了~(30.8.05)

Inexpensive, quality seafood and Chinese dishes. Highly recommended. But don't look for good decor.

7-6-2005 1900某日有幾位食友既post話想食越華會的出名菜式，於是麵包兄就搞了今次的飯局。未正式開局之前，KC兄當晚雖不是座上客，但都帶了朱古力mousse給大家及煮菜高手試味，mousse似食緊雪糕，不論如何，都要說聲thx a lot!說話正題，雖然只有一圍，但菜式油鹽水浸大蜆的湯十足十某一牌子伊麵的味精湯，如果係味精湯層面來說當然係最好，否則都只係一種回憶，幸好蜆冇被湯味蓋著；黃金炸豆腐真係炸得好出色，最緊要係冇油哥下先至敬佩，冇上面的風沙一樣咁好味；沙拉骨比想象之中好，甜酸及不韌差唔多使我想叫多一碟食；鮮奶蛋白炒涼瓜質素麻麻，當然冇可能與大良炒鮮奶相提並論，涼瓜如有番多的甘味會更加合我心意；膏蟹蒸肉餅真材實料，蟹鮮味兼肉餅滑，放多的可以索味的食物係中間會更好；炸生蠔總比黃金蠔膽固醇少一些，蠔經過出水之後再炸，也沒有韌的情況出現；蒜茸干蝦蒸勝瓜如冇蒜茸的話，可以話係最佳清清口腔味道的菜式之一；黃金蝦我覺得比東寶出色，與新和富更係不入流，自己連殼都食埋落肚呢；避風塘炒蟹炒得香，如不是要就一就食客的話，一定叫佢勁加辣，縱管炒得不算很香，肉質佔了炸蒜茸更加好味；豉油王炒麵質

睇咗食評，昨晚經過所以就同我朋友兩個試一試。我哋大概9時到，可能星期二同夜咗啲既關係，所以係我哋之前都係得一張枱等緊位，唔使5分鐘我哋就有位。menu唔算大，所有餸都以經係牆上貼咗出來。最後我哋叫咗避風塘抄蟹，沙拉骨，清抄西蘭花。避風塘抄蟹8蚊一両，最後我哋嗰隻$216。味道不錯, 很香，很有水準，蟹身唔會太乾身。隻蟹唔算太大，由於我朋友唔係咁"好"蟹，所以啱啱好夠。沙拉骨甜酸適中，很好味，很有肉味，必試。清抄西蘭花雖然係清抄，但係味道都唔錯，唔會太"林"，亦唔會太硬。大概十點，都見到好多人入來，如來十時後每隻蟹都係$138，但係就無講有幾大隻。都幾抵，但係十點就幾夜。計埋支汽水，mineral水，一碗飯，埋單總共$396。總括來講都幾抵食，都好好味同新鮮，唯一係坐得比較迫。如果多啲人就好啲，可以試多啲野。

因為看報章說亞洲華爾街日報選了此店為香港其中一間最佳食肆，所以週二晚立即到此試試。沙拉骨　－　全晚最好食是這菜，酸甜適中。點菜時問伯伯是否可沙拉醬另上，他說可以，但上菜時發覺伯伯忘記了我的要求﹗香煎銀鱈魚　－　雖炸得香脆留有肉汁，但魚不新鮮且帶腥，要靠沙拉醬辟味才能下嚥。炸生蠔　－　蠔夠大隻也多汁，但無鮮味，脆槳也不夠薄，且碟底多油好肥，又要靠汁、椒鹽才有味。總括　－　失望﹗點解佢會得獎﹖沒興趣再來。我也試過筲箕灣分店，分店好味些，價錢也平宜些。

越華會雖然叫做位於灣仔﹐但其實同銅鑼灣好近。上次一大班人食得好高興﹐主要是食蝦蟹﹐但我覺得小菜都唔弱。不過原來越華會雖然鋪仔細細查實好出名﹐週末唔訂檯唔使指意有位﹐碰了一次釘後﹐便揀了一個平日來訂檯。點了蛋白炒涼瓜、黃金炸豆腐、沙拉骨。這三樣都是上次吃過的﹐味道的確不錯﹐不過由於人少﹐我一個人吃了四、五件炸豆腐﹐四、五件沙拉骨﹐都咪話唔滯。最鍾意係蛋白炒涼瓜﹐蛋白嫩滑﹐涼瓜甘甜而不帶苦味﹐最厲害是不油膩﹐三個菜都唔太鹹﹐煎炸物的壞處是經常過鹹﹐但佢沒有這個毛病。其後看看它的餐牌﹐寫住不用味精﹐吃完後﹐我真的有點相信了。

又一次Openrice 的聚會﹐這次由“麵包超人”擔當發起人﹐亦很多謝“麵包”就我選星期二﹐令我可以在旅行前吃了今年我認為最出色的一頓飯。是晚的菜共有十四個﹐整體比前次在新和富好十萬倍﹐環境和裝修就與新和富差不多﹐但由於控制了出席人數﹐所以坐得比較舒服。“牛油果”極力推薦的油鹽水浸大蜆是第一道菜﹐可能期望過高﹐加上我比較喜歡吃清酒煮蜆﹐所以唔覺得好好味和很特別﹐而且所謂大蜆﹐我覺得極其量只是中蜆﹐但好處是份量幾多﹐共有兩大碗。第二道菜是黃金炸豆腐﹐豆腐炸得外面香脆﹐內裡軟滑﹐豆腐入口融化﹐不用點甜酸醬都非常鮮味。沙拉骨的肉質上盛﹐做到鬆軟而不韌﹐甜酸味道適中﹐上面蘸有沙律醬﹐配合得天衣無縫。蛋白炒涼瓜亦是出色之作﹐涼瓜味甘而不苦﹐用淡味的蛋白來配合﹐是十分聰明的做法。跟住係膏蟹蒸肉餅﹐我沒有吃到蟹膏﹐反而吃了兩隻蟹爪和中間的肉餅﹐蟹爪的肉當然比較普通﹐但肉餅卻鬆軟非常﹐沒有一般蒸肉餅“實的的”的毛病﹐的確是真功夫的表現。炸生蠔雖是其中一個主角﹐但相比起新和富﹐卻失色了許多。所選的蠔未算新鮮﹐蘸的粉醬亦過多了一點。另一味蝦米蒸勝瓜﹐我覺得可以用來中和這麼多煎炸菜色﹐是一大涼拌。蝦米好脆口

今次聚會，主要是花花話:好想食越華會d豆腐同埋黃金蝦，之後牛油果、baby_sakana和Olivian也話想食，我見無人出post，心想:那麼就我搞吧！可惜的是Olivian因有事來不到。每次和openrice的食家食飯，總是很開心的，有講有笑，不經不覺又過一晚。說回正題，今晚的食物大致OK，但有些就失水準了。1.油鹽水浸大蜆- 好香胡椒粉味，令食欲大開，大蜆很新鮮，味道很鮮甜。2.黃金炸豆腐- 牛油果的介紹，果真外脆內軟，豆腐味也不錯。值得一試！3.沙拉骨- 很唔韌，味道好；可惜太少，每人得一舊。4.鮮奶蛋白炒涼瓜- 涼瓜，我唔多喜歡，因有少少苦味；鮮奶蛋白就幾好，但就炒得過了點火。5.膏蟹蒸肉餅- 膏蟹新鮮好味，肉餅鹹了少少。6.蒜茸干蝦蒸勝瓜(忘記名字) - 干蝦好硬，唔多喜歡；勝瓜，好，加上蒸過的蒜茸，真係好正。7.炸生蠔- 一個好飽肚的選擇，味道都唔錯，但就感覺很油很大件，真係半件起、一件止。8.黃金蝦- 外皮很脆，連殼一起食就更加方便；可惜因用鹹蛋黃炒，膽固醇比較高，唔係個個都喜歡。9.避風塘炒蟹- 因我唔食辣的，所以無食；聽他們說，味道幾好。10.豉油王炒麵- 豉油比較

夜晚成十一點幾好肚餓, 又凍又橫風橫雨, 去新吉士碰釘, 去仿膳碰釘, 去新羅寶又碰釘, 唯有行呢頭搵小菜館醫肚, 就咁就呢間.都有好多人, 我地兩個人, 以為要搭檯, 好彩有張細檯, 又埋邊, 感覺好似好. 唔駛五分鐘, 我地就落單, 叫豉油王炒麵, 蜜餞蒜香骨, 椒鹽九肚魚同鮮奶蛋白炒涼瓜. 當中首推蒜香骨最好味, 好香酥, 好有蜜味, 肉質鮮嫩, 正! 其次我會揀鮮奶蛋白炒涼瓜, 蛋白溝埋鮮奶一齊炒, 好香甜, 但炒得太熟令個蛋唔夠滑, 但整體配合都唔錯, 幾清新! 至於個九肚魚, 炸就炸得好鬆香, 但無魚鮮味, 唔係咁得! 個炒麵就交到功\課啦!侍仔有性格, 但唔係差, 上菜跟單都爽手, 度食唔計較得咁多! 呢餐\好平, 好抵食呀!!

三個人點了避風塘炒蟹, 芝士班塊, 椒鹽豆腐, 鹽水蜆和蒜蓉炒西蘭花: P椒鹽豆腐保持水準, 豆腐仍然咁滑, 好正!!芝士班塊唔漏好惹味, 好得!!鹽水蜆keep 得到, 好掂!!避風塘炒蟹, 唔夠辣, 蟹唔夠鮮甜, 麻麻但抵食過喜記!!三個人五舊水賣單, 都算經濟啦: )