越萊 (福榮街)

營業中

休息中

有人大病初愈，同佢嚟深水埗行下，順便嘆番個下午茶餐。見到附近有間越南餐廳，反正好耐無食過越南菜，一於試下。門面好養眼，以湖水藍為主調，配以一室淺木檯櫈，裝潢簡約明亮，感覺開揚舒適。下午茶餐選擇豐富，有小火車頭、包類、湯粉及撈檬等，全部都會跟一款熱飲或凍飲，如果想轉特飲，亦只需另+$8。點左客越萊小火車頭 ($62)，原來份量一啲都唔少，有生牛肉、牛腩、牛筋、牛丸、扎肉、豆卜、雞絲同唐生菜，另外仲有白蘿蔔、洋蔥、芽菜及蔥花等，非常足料，絕對可以用大堆頭嚟形容。湯底味道好香濃，飲完唔會有口渴感覺。牛肉鮮嫩不韌；牛丸彈牙爆汁，檬粉韌性十足，就連蘿蔔都超吸湯！另外呢客越式傳統豬肝醬手切扎肉包 ($46)  賣相亦非常吸引，麵包超軟熟，配料有札肉、甘筍和青瓜等。扎肉厚切有口感，配埋豬肝醬，食落充滿油脂香。跟餐小食揀左網皮春卷，即叫即炸，新鮮熱辣，香脆可口。加左份潘良帶子明蝦伴茄子 ($42)，帶子外香內嫩、明蝦彈牙爽口，加埋軟熟嘅茄子，再淋上黃金比例嘅魚露，提升鮮味。跟餐飲品點左凍柑桔蜜，酸甜度適中，消暑解渴；另外呢杯熱生薑茶亦真材實料，暖胃健脾。

每次想食清清地嗰排，就會諗起呢間可以話係我深水埗嘅越南食堂呢間都幫襯過幾次最主要係佢個越南pho好好食今次都係叫返自選雙餸越南粉 $58揀咗牛骨湯 牛筋 生牛肉 檬粉每份越南粉都會配芽菜、九層塔、辣椒、青檸可以自己決定加唔加落去但係我就一定會加晒 家完之後成碗嘅香氣都升咗一層次尤其九層塔超新鮮超香連埋啲洋蔥一齊食，又有咬口又惹味湯底濃郁 唔會死鹹 又唔會好油仲要咁耐以來都冇減過份量無論係檬粉定係生牛肉/牛筋都好多食極都仲有補蛋白質一流越式雞扒蛋飯 $62呢個同香港既蔥油豬扒飯一樣聽落平平無奇但係往往就係雞油香+豉油飯+太陽蛋呢個會變成一個神奇組合令到人食唔停口雞扒都係好大塊 煎到好Juicy最鍾意佢啲醃白蘿蔔醃菜食食吓嫌唔夠白飯添😂😂😂送既熱菜蜜唔會勁甜 好潤喉 係兒時食茶記嘅味道

今晚陪男友吃飯，因為日頭食得太飽，我淨係嗌杯嘢飲，而男友就食越南湯河越南咖啡雪山 跟餐+$24造型都ok，雪山係沙冰，驚喜嘅係咖啡幾順滑，加左煉乳，甜甜嘅，幾好飲手切牛柳河 $88牛柳份量都幾多，幾大塊，比較軟稔，仲有索哂湯汁嘅白蘿蔔！仲配左菜心苗一碟，健康又抵食！落左芝麻，都幾香男友飲檸樂，跟餐$15，不過因為我杯野飲跟左餐，另嗌就$30呢間都幾多人，除左堂食，唔少嗌foodpanda、外賣，睇嚟都係晚飯嘅一大選擇！

以前都有食過覺得好食！噚日放假同屋企人老遠走去食個下午茶啦！我叫魷魚沙律🥗配柚子汁，牛油雞翼，凍啡！成份野除咗柚子汁甜味乜味都冇，魷魚好似咬緊膠圈，都算。半夜開始痾，成晩冇瞓覺，痾到而家，仲痛緊！全日係張床同厠所活動，冇得賴架，因為食完頂胃我冇食過其他野！直至痾之前只係飲過支維他水。本身唔想多事，但今次好深刻，起碼痾咗二十次！希望老闆見到！你自己都食下，交D咩嘢俾客人食！😡好彩嘅就係得我一個痾，屋企人冇事！

大家好今日到了深水埗福榮街越萊食午餐這間店就在高登電腦商場對面主要係食越南河粉甘我就叫一碗牛萊了要左河粉這碗粉各種牛都有包括牛丸 牛腩 牛肉 牛展 牛筋其中牛筋炆得幾腍牛丸就似係手打有肉汁果一種牛腩用既部份都幾靚 無乜肥膏但有少少筋膜果種不過個牛肉湯都好清甜有牛味無乜味精果隻仲有些芽菜同九層塔一齊食跟個河粉+$8要左凍越南咖啡都幾大杯同有越南咖啡既風味小食叫左三岐珍寶蝦仁春卷春卷炸得幾香脆同肉量都幾多仲有青瓜 生菜 九層塔可一齊食仲有醬汁跟埋總括呢間店牛肉湯河都幾出色

其實餐廳食物味道係可以嘅，但好唔好彩俾我見到唔想見到嘅嘢.....可能好多人都會覺得眼不見為淨，可惜我清楚見到。他們員工裏裏外外都帶有藍色膠手套，好似好衛生，但係佢哋做乜嘢都帶住手套，我見到有個姐姐踢倒垃圾桶，她就是帶著手套拾回垃圾放回桶內，另一個姐姐如是都係帶著手套拾垃圾，我望住她們拾完垃圾，並沒有換新的手套，就拿食物給你。雖然我都將食物食咗，但總覺得不吐不快。但食物味道真的沒有問題嘅。

「越萊」系一間以越南料理為主題的餐廳。佈置都用上越南裝飾，空間夠大，足夠4-6個一枱。每張枱都有個掛袋勾，都幾貼心又善用空間。叫左碗自選撈檬 ($36)： 搭配各種配料，份量大大配夠哂月，細食既朋友仔都可以叫'少粉' 咁就唔會浪費啦。麵條彈牙，搭配香茅牛肉 (+$15)： 香茅是越南料理中最常見既香料，牛肉搭配香茅既香氣，食極唔厭。 魚露雞脾 (+$20)： 魚露是越南料理中的調味料，雞脾搭配了魚露，鮮美且有層次感。雞脾肉質超級鮮嫩!!!勁開胃仲要啖啖肉 !必試!小食_酸辣無骨鳳爪 ($48)： 酸辣無骨鳳爪絕對無死。它的酸辣口味胃口大開越南咖啡雪山 成杯都系沙冰，解暑一洗，咖啡味道香濃不過如果真係想飲咖啡嘅話，建議都係唔使揀沙冰原本我以為下面會係普通越南咖啡流質，上面先係沙冰或者雪糕所以大家自己衡量其實仲有飯：下午茶選擇，有包都好吸引，選擇種類夠多不仿試下，價錢合理👍🏻👍🏻

深水埗出名多嘢食，尤其是福榮街、福華街，花多眼亂。但越南嘢唔多，經過俾呢間幾搶眼淺藍色招牌吸引咗～ 自選撈檬已包括芫荽、蔥油、炸乾蔥片、生菜絲、甘筍絲、青瓜絲、酸菜和花生碎。每款配料$15至$20不等，我揀咗網民春卷和魚露雞髀同埋跟餐飲品+24 越南咖啡雪山😋雖然已經叫咗小粉，但個份量大到嚇親。個碗本身已經大，仲要深，如果咁樣已經少咗粉，我應該要嗌少少少粉先可以食得哂🙈 魚露雞髀個調味震驚到我！雞髀似凍嘅醉雞質地，但係特調蒜蓉魚露汁超開胃好食🤤春卷三條新鮮炸起好鬆脆～ 非常推薦越南咖啡雪山！濃濃咖啡香，個人覺得仲好飲過Starbucks 嗰啲frappes!另外叫多個香甜菜心苗和蒜蓉包，菜心非常鮮甜新鮮蒜蓉包，如果可以跟少少咖喱同沙嗲更好味！

呢間係深水埗既越萊係成日都好鍾意黎食既。 每次行過黃金呢頭都要黎幫襯下。 因為佢既價錢好親民，野食都好大份量，真係好抵食。今日都唔例外，黎開呢頭又要入黎食啦。 想試下佢既越式包，因平時都係食湯河或者飯，今日熱熱地就食包啦。 仲趕得切下午茶，所以越式包加小小錢就有埋飲品。叫左個越式扎肉包，配凍既咸柑桔。 個包黎到都幾大份，入面除左扎肉仲有豬肝，青瓜，醃蘿蔔絲。 包係即烘，好香，每啖都好好食。而凍柑桔竟然仲有2粒話梅，更加好味，好醒2胃，啱晒咁熱既天氣飲。 跟住又叫左份炸蝦餅。 呢個幾乎係每次切食，好大件，勁有蝦味。 仲要係即叫即炸，好新鮮。再試埋佢既烤豬肉米紙卷。 佢既烤豬肉係豬肉腸，唔咸，夾埋菜同濛粉更覺清新，呢個配搭好正。今日又係食得好滿足，等下次又再黎食先。

今日分享一間深水埗越式美味餐廳，深水埗其實好多卧虎藏龍，嚟食下越南菜都係一個好好嘅選擇，呢間店喺夜晚亦好多人流呢！我地二人食左招牌牛骨湯河粉。河粉的質感非常彈牙，入口即化。搭配滋味濃郁牛骨湯，每一口有牛肉的鮮香。裡面還有鮮嫩的生牛肉和豬肉丸，增添了口感的層次感。湯底的味道十分濃郁，喝起來令人回味無窮。另一碗招牌牛骨湯河，配上豬軟骨。豬軟骨的軟嫩口感和牛骨湯的香濃味道，既濃郁又清爽，非常開胃。除了湯河粉，仲有潘良帶子明蝦拌茄子。特色在於帶子和明蝦的鮮美，茄子的軟綿滑嫩，回味無窮。最後有熱柑桔蜜和凍柑桔蜜，帶有濃郁的柑桔香氣，非常適合在冬天享用。而凍柑桔蜜則是冰涼清爽，夏天吃來十分解渴。兩者各有特色呢。

廟街都有分店所有主食送熱柑桔蜜 正常味道平均每個餐都係$50幾蚊 好抵食👍🏼香茅牛肉撈檬 ($52)勁大碗 撈檬汁分開上可以自己調較味道 酸酸甜甜幾開胃牛肉唔算好多 不過幾惹味 唔會好韌另外仲有蘿蔔絲菜幾清新 好食😋牛筋手撕雞絲湯河 ($52)可以自己揀餸 揀左牛筋同手撕雞牛筋都唔韌 其餘幾清淡 都唔錯傳統越式豬肝醬手切扎肉法包 ($42)唔算正宗好脆個隻法包睇落似漢堡包😂 不過入面都足料有豬肝醬吊味 成個口感幾豐富如果係脆法包就perfect 🫶🏻整體夜晚食呢個價錢真係好抵👍🏼

在地鐵站附近的食店非常方便，而且環境衛生乾淨，提供了一些貼心的設施，如背囊掛勾和自助取用的醬料。牛萊了檬粉的牛肉碗看起來份量豐盛，配料包括多種部位的牛肉和蔬菜。特別推薦了牛丸，有彈牙的口感和爆汁的美味。其他牛肉部位也腍滑，尤其牛筋的入口即化，蘿蔔則鮮甜入味。牛骨湯的香濃味道和清爽口感也令人讚賞，尤其是配上少許九層塔和青檸汁，更增添了風味。河內蝦仁米紙卷也很清爽美味，大隻的蝦仁配上爽口的米粉，外皮的米紙質感順滑煙韌，配上微酸的醬料更能增加開胃感。最後，每份主食都會附送熱柑桔蜜，是健康且解渴的選擇，並且沒有過於甜膩，金桔肉的存在也增加了口感的層次。

去完黃金買嘢，最近又實行緊走碳水化合物餐單，見到喺黃金電腦商場附近有間叫越萊竟然有越南湯粉可以轉菜底，於是入去試吓。餐廳係小店形式唔算太逼夾我入咗去就叫咗個牛萊了（轉菜底），兩件牛油雞翼及兩件炸蝦餅。牛萊了份量非常多，包括嚴重不同部位嘅牛肉有生牛肉牛腱牛腩牛丸牛筋。一定要推薦佢哋嘅牛丸，一口開牛肉汁必晒出嚟，非常喜歡。其他牛肉亦炆得非常腍滑，尤其是牛筋，入口咬兩口就已經化開，菜底亦包含了海量的娃娃菜，對於我嚟講非常滿足。牛油雞翼也是我非常喜歡的小食，先將雞翼炸脆，然後用牛油蒜蓉炒香，熱辣辣淡淡牛油香氣，一定要即刻食。蝦餅亦非常彈牙配上越南酸辣醬汁，口感豐盈。餐廳位於地鐵站附近只需行2分鐘，推薦大家嚟試吓。

今日響深水埗附近行完街，我想搵越南菜食，想買一搜尋，發現好多人推介呢一間位於深水埗的越南餐廳，去試吓，點知一試就愛上，真係好好食，服務質素好高，食物種類又多，真係頂呱呱，所以一定要介紹俾朋友嚟試吓，首先呢一間餐廳響深水埗地鐵站附近，係兩至3分鐘就會搵到，非常方便，而且環境衛生乾淨，環境都好寧靜，真係加返，仲有佢哋嘅湯河粉都係超級推介，我哋叫咗一個生牛肉湯河，拖尾濃郁，有豐富嘅牛肉味，而且份量十足，睇得出廚師嘅心思，賣相吸引，而且佢哋嘅牛油雞翼都係大大件，仲有佢哋嘅自家製春卷，餡都好豐富，脆卜卜，真係整得好好同好新鮮，而且呢度嘅員工都服務好好，態度良好，友善同有親切感，有賓至如歸的感覺，所以食得好開心🤤🤤🤤🤤

一試難忘！估唔到比我搵到一間人細美食嘅越南餐廳，位置於深水埗地鐵站附近，好方便，好適合我的家大細，同埋一大班朋友嚟聚會嘅地方，食物選擇種類好多，有粉面類，有飯類，嘢飲選擇豐富，而且價錢係好抵，每碟都大大碗，真係可以好飽肚，而且佢哋嘅小食種類都好多，有豬頸肉，有雞翼，有春卷，蝦餅，串燒等等，而且嘢飲都有特色飲品，所以真係可以好豐富，我最推介嘅係佢哋嘅照燒雞扒，仲有粉面類，佢哋嘅湯底真係一流，佢哋有三餸兩餸揀，而且全部都係好濃郁口味，全部啲肉質好鮮嫩，超級抵食，出面係食唔到，係佢哋餐廳自己手工整出嚟嘅，真係好有心思，而且擺盤都係好靚，服務質素好高，全部客人服務都係好有笑容，有賓至如歸的感覺，所以我覺得味道好好，而且衛生方面要求好高，所以食得有信心