越香風味

營業中

休息中

自從調左黎深水埗番工，開始認識依一區既美食。 深水埗區的餐廳，大多數都「平靚正」。 而西九龍廣場的Food court , 亦是美食集中地。 有不同菜式的小店，而當中這間主打越南菜餐廳，是我的最愛！ 忍唔住要寫篇食評推薦一下！$39 特價餐，有香茅雞翼/ 豬扒/ 雞扒 ，可選湯河/撈檬，還附送春卷及飲品撈檬酸酸甜甜，夏日食份外開胃無論是炸豬扒/ 雞翼都好正，好香口份量都相當多！即叫即製，味道擺盤都相當有誠意😍太喜歡了！一星期要光顧兩三次

香茅豬扒湯粉套餐（ $39 ）-青檸水滋潤解渴，湯底肴得好，正宗越南湯味，有青檸味，洋蔥，蔥。香茅豬扒炸到金黃可口美味。勁多香茅。香茅雞翼撈檬套餐（ $39 ）-撈檬有花生，芫荽，蔥，魚露。脆皮越南春捲，大份。香茅雞翼，多汁肉嫩。蒜蓉炒生菜（$33 ） -蒜蓉片大塊切，唔會過重蒜蓉味，慢慢滲出。

香茅雞扒撈檬 ($38)送青檸一杯同埋春卷一條青檸汁唔係好酸幾好飲細細杯春卷味道正常 都好食撈檬分量超多 完全冇揸流攤有花生生菜 同煎得啱啱好嘅雞扒不過唯獨佢個撈檬汁沉晒喺底食到最底就會比較酸😐不過整體性價比真係好高 又好食💯

私心大推呢間係西九龍中心food court嘅越南餐廳！食過呢間不下5次，原因係超抵食之餘又好味！越南生牛肉湯河（$36）同埋豬扒撈檬送春卷（$36），仲要送埋自家製青檸水，需要辣椒嘅話都係新鮮切俾你，呢個價錢真係抵食到爆！所有食物都係得店主自己一個整，即叫即做，落完order無單據，店主會認得😲如果有時多人落order嘅話，等候嘅時間就耐少少🤏🏻今次等咗20分鐘左右～而西九Food court d 坐位就唔算太舒服，高腳果種好似好Chill，但坐耐咗會腳痺😓⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10（有台灣的味道！）服務： NA/10（自助服務）環境： 6/10（稍嫌座位坐得唔算太舒服）打卡： NA/10CP值： 10/10（平靚正）推介值：9 /10（值得再回頭）⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

用餐體驗非常差。嗌餐嘅時候，越南姐姐態度已經好差，黑口黑面，又串，明顯感覺到佢非常煩躁。明白疫情下生意難做，不過將負面情緒轉嫁俾客人盞倒自己米。等餐嘅時候，見到姐姐戴著手套喺雪櫃抽出一隻雪凍雞擺係個勁污糟嘅星盆度洗，果時已經有小小反胃。之後收錢，煮餸，對手套由始至終都無換過，至多係噴下消毒酒精，就咁直接掂啲食物。湯粉味道差，湯底偏酸甜，有啲怪。份量OK，不過重味精，食完口渴。另外，湯粉都無越南河配搭嘅青檸，辣椒等配菜。再講番炸物，好耐以前食過一次，印象中佢嘅炸物都算可以接受。不過尼次非常失望，炸物入口嘅時候已經唔熱，又腍又軟，好明顯係一早已經炸好，去貨慢，擺得耐咗。另外春卷嘅豬肉碎仲有腥臭味，可能係用唔新鮮嘅豬肉整嘅。食物價格算係較平，但咁嘅質素，下次不如俾多幾蚊去附近嘅越南餐廳歎番餐正常嘅越式pho好過。食完到宜家個肚都仲係唔舒服，胃部有「頂住頂住」嘅感覺。總結：態度，食物質素，環境，衛生都已經差到貼地。非常失望，永無下次！

早排去西九龍中食食咗意粉，今次又要喺 food court 尋寶搵美食，太多款式好難揀，就算縮窄範圍揀東南亞都好多間 😅 最後見多人排隊，羊🐑群心理就想試下點解咁熱門～鋪頭得姨姨一個，所以製作都需要啲時間，嗌咗一個特價雞扒撈檬$36同埋一個越式拼盤$56。個特價餐好抵，大碟又足料之餘仲送青檸水 & 春卷 🤤 平得誇張!! 越式拼盤有炸雞翼、庶蝦、春卷同埋米卷～雞翼&庶蝦熱辣辣好 juicy (要小心辣親個咀) 😳, 姨姨仲好有心用生菜🥬隔住啲炸物同米卷，唔會整到啲米卷好油 👍🏻不過除咗雞翼&庶蝦之外，其實春卷同米卷都重複咗 (米卷都係撈檬啲料), 所以如果有興趣試「越香風味」，可以揀拼盤(推介💯)+炒河或飯類都可～

西九foodcourt 一向多人不過呢度食物選擇多 適合口味唔同嘅朋友一齊黎 唔洗驚邊個唔啱食咁係平民地區 食物質素要求唔會高啦 心裡面都有個譜 叫左個普普通通個生牛肉河粉不過我擔心衛生問題所以叫佢整個熟個牛肉河粉算🤣更餐包杯凍飲 香茅青檸嘅嘢啦 叫做幫個人降下溫個麵份量多 邊食邊發脹 就越食越飽🙊味道就符合價錢期望啦 都可以接受 不過希望佢香料味可以再重d 係香港想三十幾蚊有個dinner 基本上冇咩可能 如果你呢排手頭緊就可以考慮黎呢邊食

依家西九龍中心個美食廣場越嚟越多舖頭唔開，又有啲舖頭執咗， 行咗個圈見到呢間舖頭35蚊有嘢飲就叫咗。35蚊一個香茅豬扒飯仲有一杯嘢飲， 打開個飯盒飯嘅份量好多，裏面仲有一啲通菜，仲送兩條春捲。香茅豬扒有少許乾身，但係都幾大塊;飯都幾有誠意，唔係真係白飯有少少汁撈落去，所以有一啲未，通菜就應該係蒜蓉炒，不過有菜都已經係幾好，另外嗰兩條春捲，唔知係咪因為外賣返屋企，所以就已經係淋曬送個杯青檸飲品就完全冇青檸味，感覺有啲似寶礦力整體嚟講35蚊絕對係抵食

窮遊香港-深水埗必食越南小店今日講下一間係西九屹立多年 都仲喺度嘅越南小店加姐表示成日黎深水埗西九 揀咗好耐最後都係食呢間.呢日叫左個 ⭐️香茅雞翼撈檬$34送春卷同青檸汁 價錢算平👍🏻素菜春卷同香茅雞翼都勁熱 勁脆👍🏻雞翼都夠香口 可以見到有啲香茅絲係雞翼上面👍🏻咬開肉質唔錯 小滑 有汁👍🏻檬粉質感都控制得好好😋加埋酸酸甜甜嘅汁確實係一個高水平既平價檬粉（😅加姐果然識食）.#越香風味 (深水埗)地址：深水埗欽州街37號西九龍中心8樓美食廣場8F15號舖.⭐️評分：味道：4.5/5環境：-/5服務：-/5抵食：4/5

深水埗西九龍中心8樓嘅food court選擇實在太多，有啲舖頭都經常轉手，而呢一間越香風味相對地就比較有多年歷史，能夠喺呢個food court裏面屹立不倒，一定係有佢嘅原因。首先價錢一定要平，喺深水埗呢區開店，想受歡迎價錢一定要夠平，佢嘅特餐大大份有飯有飲品，只係$34，呢個價錢就算food court都未必每間食店都做得到。我首先就揀咗豬頸肉湯粉，有好多豬頸肉，基本上係出面叫一份小食嘅份量，而佢有埋湯粉同青檸水都只不過係$35，仲要湯同豬頸肉係好味嘅，真係超值！另一份更抵食嘅就係豬扒檬粉特餐，因為送一條越南春卷，老闆娘仲會好細心咁檬粉同湯係分開上，確保食物質素。青檸水酸中帶少甜，非常清新可口！食物質素高得來價錢仲要咁平，真係好抵，所以難怪咁多食客多年來捧場，有時都要排下隊先食得到，我都會繼續多多支持！

$33特餐包主食 送春卷同青檸水可以揀香茅豬扒/香茅雞扒配飯/湯麵/撈檬咁我就叫左香茅豬扒撈檬😙😙豬扒食落脆口 而且調味幾好😋春卷包左素菜去炸既 唔錯👍🏼另外仲有啲花生 生菜 芫荽底下就放左啲酸甜醬汁 好開胃🤤🤤之前4月幫襯過叫左雞翼撈檬當時都係寫住今日特餐 本身以為只限個日😂估唔到時隔6個月個餐牌仲係一樣記得當時嘅雞翼係即炸 好好食🤤👍🏼去西九唔知食咩好 可以去試吓呢間😆

成日行過西九龍food court都唔知食乜好，因為有太多選擇，呢日想食越南🇻🇳野，就一於試下呢間越南風味，之前經過見到已經覺得好抵食😍。可能好抵食嘅關係，所以條隊keep住有人，我都等咗15分鐘先拎到外賣。佢有個全日套餐只係需要$33，有一碗香茅豬扒/雞扒/雞翼+河粉/檬粉/飯、一條春卷、一杯青檸梳打，真係無得輸👍🏻👍🏻👍🏻。店舖只係得老闆娘一個，佢超忙但都好有交帶，會問你要唔要蔥/芫荽/辣嗰啲。我估唔到佢會幫我將湯同檬粉分開，唔會整淋咗。😊返到office開餐喇，發現原來個份量超足，啲檬粉同豬扒都好多😊，仲有好多芽菜添！一食試下個湯先，咦無味精喎，正正常常。啲豬扒見住佢成塊剪開幾嚿，都幾好食煎得幾正，雖然望落張圖有啲黑咁，但其實唔係”濃”咗㗎🙈。春卷都唔錯，另外仲有啲生菜🥬！頭先排隊時聽到有個阿伯話唔要春卷要多啲菜都ok！幾好幾好。碗粉唔算話係最好食嘅越南檬粉，但絕對唔差，其實什至比起好多$6x,$7x一碗嘅好食。我一定會多多支持，可能會變埋我lunchtime食堂添。去到西九龍中心foodcourt嘅話，絕對可以食下👍🏻👍🏻👍🏻。

九點鐘係西九做完野，已經攰到唔知晚餐食乜好，唔想揀既情況下就去左8樓food court度事事但但搞掂餐飯就算咁岩經過呢間越式餐廳，見都幾多人幫襯所以都冇乜點煩就揀左佢今日個menu係香茅雞扒/香茅雞翼配飯/湯檬/湯河/撈檬都會送一條春卷同一杯青檸汁重點係，咁樣一個餐都係$33，我都唔知仲可以係邊度搵到個咁平既晚餐仲要咁多野食雖然個餐係平，但係雞扒同雞翼都係即炸，所以係超脆 而且仲炸得外脆內軟，超級juicy!! 個湯檬湯底亦唔係冇味，同出面$7x果啲味道冇乜分別！抵到爆

今日同男朋友去food count食野，貪選擇夠多，價錢又平。。。不過只係吾中意啲凳係斜既。。。去到行左一個圈，我要食越南粉，吸引左我。最後點左個特價餐加拼盤。香茅豬扒湯粉拼春卷：🐷呢個餐係33蚊仲有杯飲品！真係好抵食！豬扒醃得好入味，而且炸粉吾厚咖，仲要算大塊既。個粉好多，滿滿一碗，不過湯頭好普通，無特別，但一定夠飽！春卷入面包素菜去炸，味道正常好食既。越南拼盤55蚊：拼盤以蝦🦐為主，有炸蝦🍤，竹庶蝦，燒蝦同鳳爪沙律🥗香茅雞亦。鳳爪沙律好好食，吾會太辣又入味！相反蝦較差，燒蝦肉質都霉左，吾好食。另外2款就可以接受既。。但整體上，甘既價錢，絕對抵食。只要吾好對環境有太高要求就得。

其實好少寫野，但眼見好多有誠意小店執下一間執下一間，決定略盡綿力，幫幫手。好耐冇上過西九龍，今日行過好想食啲撈檬呀生牛河呀之類既野，所以上左8樓food court 睇睇。呢間野一啲都唔起眼，比起另外果間有曾俊華張相加持既，其實行過左都唔覺。但無奈呢排窮窮地，一心想搵平野食，所以睇上左呢間。本來冇咩期望，叫左個雞排撈檬，因為肚餓關係，本身以為呢啲粉類一定唔夠飽，點知食落係好夠食。夠食其實好基本，佢仲要好平（$32送飲品），而且味道幾好。酸汁唔會好酸，酸中帶甜，開胃既，配菜新鮮眼睇都乾淨既。同行細佬叫左個生牛河，同樣份量都足（$33送飲品）。湯底清甜帶少少酸，河粉爽滑唔係魚蛋河果啲。生牛岩岩熟，有牛香味。我估佢都唔會係咩好牛飲，但都唔差了。唔好意思，呢張圖係食左少少先影。$32份量夠，送飲品，食落又ok，今時今日去邊搵呀？有機會再食。