路邊海南雞

營業中

休息中

不經意地經過這間路邊海南雞，叫了幾份外賣下午茶，去骨豬髀真的很美味，很入味，肉質也很腍。豬頸肉也不錯，唯獨家人不喜歡當中醬汁有點薑的味道，但這些都是個人口味，我卻認為很好吃。下午茶$49包嘢飲，價錢性價比不錯。另外還有全日$68或$88的套餐，我想下次會試試，因為當中可以嘗試其他不同口味的菜式，有特別款式比較好吃，下次可以叫大份。不過順帶一提，地板有點滑，我想鋪地氈會好些。泰籍姨姨也很好人很健談。一定會再幫襯的。👍

同員工講冷氣機滴水，啲員工話少少水冇嘢嘅，跟住問佢哋可唔可以換枱，唔知佢係聽唔到定扮聽唔到。問咗好多次先至有個好似醒目小小嘅員工幫我哋換枱。跟住個收銀仲要俾說話我哋聽，話今晚好Full,其實啲食物都好普通同一般，我哋見到仲有啲吉枱唔知係咪得佢見到full晒呢？

📍一間專做外賣店嘅路邊海南雞飯，除咗海南雞飯，仲有好多唔同嘅泰菜，店舖細細黃咖喱豬頸肉飯•路邊油菜$52黃咖喱好香椰香味，有兩舊薯仔，豬頸肉燒得唔算特別香不過份量都足夠🍛最特別係附送路邊油菜，特別用個小膠兜裝住，有小小香蒜味，有兩條菜心不過就淋同油左小小🥬🍚不過飯偏淋 (個人唔中意食淋既飯)，有見過其他食評話飯好硬好似未煮熟咁，餐廳日日都要煲飯希望下次食可以軟硬適中啦🥲⚠️第二日屋企人話想試下其他·點知……青咖喱豬頸肉飯•路邊油菜 $58豬頸肉份量都一樣好多，青咖喱味道好甜，甜好有小小似食芒果糯米飯既feel😂質地好似芝麻糊咁，個人唔係太鍾意🌶️酸辣去骨鳳爪$46酸辣味平衡得幾好，微微酸辣好清新，鳳爪大舊好爽脆🤮招牌黃咖喱牛腩飯•路邊油菜$52今日既黃咖喱同上次味道唔同，偏甜又無椰香味，牛腩份量都幾多燜得幾淋，今日既飯軟硬適中，不過差唔多食完既時候。。。⚠️咖哩有蟲蟲🦗唔係話好大隻，但絕對唔係細唔係蚊滋仔🤮🤢🤢🤢🤢🤢🤢餐廳難免會有小昆蟲😵‍💫希望廚師可以留意下衛生，裝外賣都望多兩眼先🫤感覺食物水準好似唔係好穩定，加上有陰影🦗我就唔會再幫襯🤧

😳街邊海南雞飯｜📍路邊海南雞餐廳係一間喺馬路邊嘅店舖，空間唔細但係無堂食位🤫咁多位要留意啦♡全都要餐盒♡｜💰$78餐盒配料有泰式豬頸肉、路邊招牌去骨海南雞飯、酸辣鳳爪、蒜香青瓜💛款式幾多❶泰式豬頸肉食落口感爽脆❤️‍🔥肉質唔柴亦唔會有太多脂肪而且香氣十足 ❤️‍🔥推薦❷海南雞飯雞皮Q彈可惜肉質偏乾身，雞味亦唔太濃❸酸辣鳳爪酸味調節得啱啱好，可惜軟骨偏硬身口感欠佳，理論上應該係無骨但實際上仲有硬尖嘅骨塊差少少哽死我🥲❹蒜香青瓜，話明蒜香咁蒜蓉梗係越多越正🫡但實物係0蒜味，調味淡🥲好似食緊普通青瓜咁❺油飯聞落香得嚟粒粒分明，但食落味道唔算太濃🤔可接受♡蒜香青瓜♡｜💰跟餐+$8同上🫡無乜味，不過切得比較大塊♡泰式奶茶♡｜💰原價25 跟餐免費餐飲可選路邊檸檬茶/路邊檸檬水/路邊泰奶茶/路邊咖啡🫶🏻+$5可轉配椰汁冰冰/ 青檸梳打。奶茶無特別要求都做到少冰🫶🏻味道甜得嚟可以接受❤️‍🔥同喺泰奶店嘅味道相近，只係變咗少甜版本🫶🏻不過冰少好多，幾加分❤️‍🔥

🍛🍛🍛今次要推介大家速食之選，小店為外賣店，主打海南雞飯，由俾錢到推餐，都只係三分鐘，真係好快脆，lunch set 全部$46，係平民價錢可以快快食到個lunch又唔會太難食既一個選擇路邊招牌去骨海南雞飯轉白飯($46)Lunch set送湯又有飲品，打開個飯盒，雞既份量好多，應該係我食外賣海南雞飯最多既一次，雞肉去左骨，好滑又唔肥，飯既份量好夠，湯唔油，不過唔算多糊椒味，如果中意濃味既朋友可能會少少失望，個人黎講味道好夠👍🏻👍🏻👍🏻

已經反映咗好多次，今次係第三次叫海南雞飯，返到去發現又唔記得俾醬我啲雞本身就無咩味，你一時唔記得俾醬，個飯根本完全食唔到如果你啲員工成日唔記得俾醬，一係你就放啲醬出黎俾客人自己拎！不能接受，不會再幫襯！

呢間已食過好幾次，試過撈檬、豬髀飯、青咖喱（因本人不特別愛好海南雞所以無食過海南雞），覺得全部都好食，尤其豬頸肉切得好厚份量又多，青咖喱味道令人一試難忘，介紹完好快全公司都愛上咗，好幾個同事幾乎一個禮拜一定要食一次，重點是餐廳只做外賣，飲品連好食飯餐都係$46，等候時間短，真心推薦！

同事幫手買外賣，買左個海南雞飯番公司食，首先講吓啲飯，我轉左做白飯，好硬，未熟咁。其次就係啲雞，雖然份量係多，但係又硬、又「鞋」，真係唔好食。豬扒仲好食過啲雞，強烈唔建議嗌海南雞飯。

今日星期六2點左右，想吃雞。去太子買完金魚順便周圍行下。見旁邊之前的泰國人海南雞沒有了變了賣其他野，但是又見到這間隔幾個舖位買海南雞的店沒有人（原來沒人排是有原因的）。便諗住買一隻試試（平D）。回到家一吃一件（應該已經是髀，不是胸），好Hai。覺得是老🐔，但是望落又不像是好大隻呀。那應該是煮的問題。 皮吃下去係滑的，但是肉似煲湯豬肉一樣韌。但是還是吃到雞味。應該是煮.的時間沒有掌握得好好，煮過頭。

去太子咁多次都無試過呢間海南雞飯，今日經過咁啱lunch time要搵食醫肚，見呢到有去骨雞飯，就買返個懶人無骨外賣返屋企食。去骨海南雞飯配油飯加例湯我自己覺得海南雞飯最緊要係個油飯，呢到油飯尚算好食，海南雞亦可以，不過未至於話好好食。去骨豬脾飯 我記得餐牌係寫泰式，但食落完全唔泰式，似中式炆豬脾多啲😂。不過係好食嘅，我小朋友用呢個撈汁食飯，竟然食晒成盒飯，佢話唔要食白色肉（海南雞）要食啡色個啲肉（豬脾肉）😂

食外賣，叫咗個路邊招牌去骨海南雞飯，話就話去骨，但係食嗰陣時根本就冇去骨所有骨都喺度，啲肉又好（鞋），個海南雞飯嗰醬，都唔係正宗醬好水，難食過茶餐廳嘅海南雞飯，寧願去茶餐廳食頹飯都唔會再試呢個海南雞飯，真係十分之難食。

之前行開旺角，見到呢間賣海南雞飯好似唔錯咁，今日再次經開就梗係試吓啦，結果又係失望而回，去之前已經知要企喺度食，因為店舖面積有限，我選擇了堂食，不過我想講....如果想堂食既朋友，考慮返自己嘅身高，高過170cm會食得好辛苦；寫之前都有睇過其餘八份寫評，但與我各有差異入正題了～～碗湯ok好飲的，份量飯同埋雞，我都覺得足夠嘅，飯既味道同好感都還可以，出事都係個雞ga la,切雞刀風不敢恭維，食落有d位有骨，冇乜雞味，口感亦都好一般，喺我心目中評價呢個飯只值$35左右

昨晚下班有點🌛晚，就想說打包點東西回去吃，嗯竟然味道不錯哦，尤其是豬腿，滑滑嫩嫩，就連皮也都不會很膩，雞爪🐤也都好吃，酸酸甜甜，配上菜清爽的，豬頸肉雖然肉質Q彈，但是味道不是我想要的泰國感覺！

太子 花園街同金魚街 街 一向都多餐廳， 今次呢間立食外賣餐廳專做 泰國海南雞飯， 以海南雞飯做主打，當然仲有泰式豬手飯/ 串燒等等。 帶嚟得食嘅多數都係食海南雞飯夠快夠方便。海南雞飯 配油飯及雞湯雞肉份量多，黃薑飯有雞油香，不會覺得太肥膩。 其他openrice食評話唔見海南雞有啫喱 ， 你望下我依舊雞髀幾多啫喱 。 雞肉夠爽唔會覺得霉。送埋雞湯我覺得都幾抵食。餐廳仲有串燒賣， 雞肉牛肉豬肉都有， 豬肉燒得夠香口，豬油的香在口內久久揮之不去。跟餐加錢叫多杯荔麗火龍，超解悶氣的。

家人去了拜年，只有我一人在家，我又不想煮晚飯，最好當然是買外賣回家吃，吃畢不用洗碗筷，省卻了不少工序。回家前，我去了路邊海南雞買了一堆吃的。明爐香燒豬頸肉飯火候聚集豬頸肉表面，口感酥脆，而肉質柔韌，搭配店家自家製泰式醬料，豬頸肉肉汁因為沾上醬汁引出味蕾的奔放感，一吃難以忘懷。串燒雞肉和串燒豬肉的沙嗲醬花生味濃郁，搭配醬汁一起食用，串燒風味更佳。雞肉與豬肉慢火烘烤，完全吸收醃料滋味，香氣足，肉不柴，極之下飯。黑糖紅菜薈有著清新的香氣，消暑解膩 ，入喉時香韻鋪天蓋地，香茅濃香遠逸，黑糖散發出誘人的幽香，蘆薈清甜，為黑糖紅菜薈帶出獨特的氣質。雖然是外賣，但飯後也不忘來點甜，椰汁千層糕以斑蘭汁和椰汁製成，然後再淋上細滑的椰奶，泰式甜蜜好味道就此因應而生，椰汁千層糕冰涼滑彈，甜而不膩。