路邊煱 (已結業)

這間食肆在土瓜灣有兩間，一間在美景街，一間在這裡，所以約朋友要講得很清楚。我見大部分食評都是花甲蟹鍋，我覺得其實這裡的雞煲都很好的，雞件都切得大件，都幾好味的。而係價錢不便宜，兩個人平均要$400以上

｜八味金磚豆腐｜這款炸豆腐，似乎是來吃大家都會必點的豆腐外層炸得金黃香脆，但入口卻不覺得外頭粉漿很厚，內邊是嫩嫩的豆腐，吃時真的要萬分留意由於豆腐炸得熱騰騰的，一個不留神，很滑的豆腐絕對可以直接滑入食道！值得一讚的還有豆腐上的特色調味粉，惹味又不會太重味精！｜雞鍋｜雞鍋基本上很很火鍋店都有，賣點大多類同，就是沒太大賣點，平平凡凡就一個雞鍋而已。老實說這個醉雞鍋同樣也打破不了這慣例～花椒、八角及洋蔥共冶一爐，香味惹味一定有的。而雞件，幸好都很嫩滑，令此鍋加分不少！｜牛肉拼盤｜先來介紹一下，這個拼盤認真不．普．通！牛頸脊、牛胸爽，牛脷托、和牛粒，肉眼邊及金錢𦟌如果要數牛味最香最濃的，本人之選絕對是牛頸脊！牛味香濃，脂肪分佈平均，口感很稔。其次和牛粒脂肪比較多，油脂足！入口相當juicy！其實牛脷亦很騷香。有點失望的是牛胸爽，沒牛味，不過口感很爽有咬口！

訂了 7 ：45 吃飯， 同五位朋友打邊爐。冬天離開前最後一次打邊爐， 個人不吃牛肉，幸好這家火鍋店的主打菜不僅是牛肉，很多元化。先從羊肉講起。羊肉處理的好，新鮮，肉和肥的分佈好 魚皮餃正常。 豬潤新鮮， 夠滑 花甲蟹鍋-當然不少得最最最有名蟹鍋湯底，加上番茄和一系列香菜， 喝下去清甜暖胃。途中還會加湯， 服務親切另外也點了一些丸子， 全都是手打的，很有彈性，有口感埋單的時候送上紫薯糯米糍，很特別總括來說， 所有食材新鮮，服務親切，坐的舒服。 

I'm pretty sure that in this freaking cold days (you are as cold as a METALLIC ROBOT, I know), hot pot must be the on the top of eating list. Indeed, even in normal days, I like eating hot pot as well since the atmosphere is the most charming part of hot pot. I really enjoy the time when groups of friends gathering together and sitting closely and sharing a hot pot. "I want beef slices please!", "I want some shrimps!" really interesting Many choices and there are some recommendation for easier o

一直唔覺眼有呢間餐廳, 直至有次有途人問路先發現哈哈。紀念日選擇左打邊慶祝, 本來都爭扎去九龍城果邊定嘅呢間, 不過當日下雨, 咁就選返就腳嘅啦。講返食物, 湯底都唔駛多講架啦, 篇篇都讚, 我們2個人叫左花甲湯，確實係鮮甜, 幾夠味, 好多花甲, 食極都仲有, 湯都飲左幾碗先開始打, 呢個湯底無疑係同出面唔同, 但食物方面....我叫左蝦丸, 手切肥牛, 油炸鬼釀蝦，墨魚滑 , 蠔, 餃子。個人覺得肥牛份量以價錢來講, 相比九龍城曾經幫襯過嘅...係少左d。餃子一般, 唔算好好食, 油炸鬼蝦係特別嘅, 但油炸鬼已經唔係好脆, 蝦丸和墨魚滑偏貴, 又未算好突出。如果以湯底來講就冇得輸, 但食物新鮮同好味程度, 我會投九龍城果邊嘅大邊x一票

放工啦！放工啦！我哋每個月總有一兩日成班同事去食飯，天氣轉凍了，當然要打個邊爐暖下身先！餐廳位於係堀頭路隔離，對自細就喺土瓜灣嘅我，喺呢到搵餐廳當然難唔到我啦！如果土瓜灣之後有地鐵，一定會成為下一條東大街姐！平日8點嚟到餐廳，食客唔算多，有電視睇等齊人就開始食啦。餐廳有二到四人枱及可以坐到十人嘅火鍋枱，調味配料都隨即送上！有辣椒、芫茜、炸蒜、沙茶醬等各款火鍋大約 $58-228，有烤魚鍋、醉雞鍋及辣雞煲等，配料有牛豬雞肉、自家製配料$28-288不等選擇都真係幾多。韓國BB象拔蚌 $180/隻生猛海鮮中，有蟶子皇、紅肉羔蟹、龍蝦、鮑魚等，種類真係幾多，可提早預訂確保新鮮，如果係街市揀新鮮象拔蚌，千奇唔好揀脹卜卜吸滿水嘅，要揀啲收哂水嘅，所以切開薄片，邊位就會好似波浪咁彎起，咬落爽口，好新鮮呢〜避風塘茄子 $48食落都唔會油膩，加咗炸蒜令表面特別脆身，而裏面嘅茄肉變成軟淋淋，好惹味。招牌雜菌花甲蟹鍋 $400所謂有大食大，今日老細跟埋我哋嚟食飯，我哋就緊係嗌個最貴嘅煲嚟賀賀佢！重點嘅蟹鍋到啦！裏面就有大大隻蟹，花甲，雞肶菇等，湯底鮮甜，店家就建議我哋先飲碗湯，食咗蟹同花甲先，再打邊爐，蟹

完全咬唔開（ 手切本地新鮮肥牛）小 $198，第一次打邊爐 打到咁火滾，好似食緊香口膠咁😡，好心佢就唔好攞出來賣啦😡，D牛肉用嚟做菜心炒牛肉都嫌佢老😡，同個阿姐反映咗，佢有D激動咁同我哋講：係咁架 冇問題 好好食，我老公見佢咁激動，就話算啦，照食啦，費事好似同佢嘈咁😤。雞煲質素亦是係一般，總言之⋯⋯無下次☹️不過埋單時見我哋碟牛真係冇郁過咁濟，亦主動話幫我哋換小小美國安格斯肥牛攞走，同收美國安格斯肥牛嘅價錢，平咗$10🙄，都算佢仲有啲良心。如果打算去試呢間食店嘅話，奉勸一句🔴千祈唔好叫，手切本地新鮮肥牛🔴

路邊鍋同朋友一行八位，枱早已訂，但呢間火煱比我哋想像中仲要多人（應該係慕名而來），等咗接近45分鐘，先入座，肚仔已經嚴重抗議，表示連隻牛都食得落！一坐低，二話不說就喪叫！| 八味金磚豆腐 |第一道上嘅菜就係呢味炸豆腐磚！外脆內軟，薄薄一厚炸得香脆的外皮，配合獨特味粉，誘人甘香，包著幼滑嘅豆腐，兩種口感結合喺一齊，非常有特色！（小心燙口 XD）| 花雕酒煮雞鍋 |同一款食嘅雞煲有啲唔同，滾燙後一打開，即刻散發出淡淡酒香（當然冇醉雞鍋咁勁）！ 半隻雞都好似好多，雞塊肉質幼嫩，相當入味！| 廣島蠔 |肥美新鮮！其實個人認為蠔咁樣加入濃湯入邊有啲浪費，始終會掩蓋佢本身嘅鮮味，but anyway，呢個廣島蠔質量上都係冇得輸！| 本地手切肥牛 |脂肪比例分明，色澤鮮明吸引，第一眼睇到已經心動，本地牛其實真係質素高（當然都係一分錢分貨）！入口牛味香濃，口感比較爽身，不錯！| 脆鯇腩片 |有啲失望，首先佢完全唔「脆」，其次佢有啲諗身，似係普通魚片。

今年時間過得真快, 轉眼已經踏入秋季, 又係時候去食打邊鍋. 繼月中去了打邊鍋, 上星期又去, 今次試了另一間火鍋店, 位於土瓜灣的路邊煱.來這裡當然要一試招牌雜菌花甲蟹鍋. 店員奉上各款醬汁, 客人因應自己喜好而混醬.以下是我的混醬.個鍋未到, 先點個小食食住先, 我地點了八味金磚豆腐.這個是即點即整, 所以好熱.外皮香脆, 內裡嫩滑, 名符其實外脆內嫩. 而且外皮帶點椒鹽的咸味, 特別好味.招牌雜菌花甲蟹鍋上枱, 賣相非常吸引.蟹幾大隻, 而花甲數量也不少.先飲湯, 飲吸收晒蟹和花甲的精華, 所以夠鮮甜. 愛飲湯的我, 當然一口氣飲咗幾碗. 再食埋蟹和花甲.蟹的蟹膏多得驚人, 我甚少食到咁多蟹膏的蟹, 愛食蟹膏的朋友要來一試. 蟹膏帶甘香, 蟹肉雪白又鮮味.花甲也算大隻, 肉質夠彈牙.接着, 火鍋配料點了手切本地肥牛拼牛脊肉.愛食牛的我, 打邊爐一定點牛, 我想試兩款牛, 所以點了拼盤.兩款牛肉色澤帶紅, 而脂肪分怖也好均勻.我是不食生嘢的人, 即使整到全熟來食, 兩款牛肉肉質也腍身, 沒有乾又硬的口感.牛脊肉的牛味較為濃郁.而手切本地肥牛側較有口感. 另外,點了我愛食的響鈴.這個

今晚是特意來encore的，這間小店之前食過之後，一直未能忘懷，時刻抅起我的回憶！友人為解我單思之苦，再陪我吃番餐，真夠朋友( ´▽` )ﾉ簡單的店面，沒有豪華的裝潢，氣派的格調，反倒有點像市集的氣氛，就是有令人在家一樣的舒適感！秋意漸濃，場內桌子不多，大的小的大概十來張，來的時候也見掛上了預留席，果然不消一會都坐滿客了，我還碰到好久不見的朋友！等湯底前先來一個小食先，最推介金磚豆腐，上次食過已經令我印象深刻，之後都有戚其他地方食過類似的，就是不及這裡的好食！那金黄色的磚頭外脆內軟得緊！許是那薄得緊要的外皮和嫩滑得如忌簾不樣的豆腐的功勞吧！帶少少的椒鹽味更令我停不了那往咀裡送的動作呢！萬衆期待的花甲蟹煲出來了！這雜菌花甲蟹煲好味到震呀！足一斤大肉蟹，單是個蓋都手掌咁大完全大隻！，重點是爆膏，超爆膏，勁多膏，所以鮮甜也是不用多說的！而且肉質爽實，非常新鮮的口感，真是食得過癮呀！花甲也勁多，看來一斤也是走不掉的，肥美肉厚，很是好食！還有整個煱底鋪得滿滿的雜菌，湯還豈有不鮮甜之理？手打四式丸丸都值得一試！有爽口彈牙的蝦丸，鮮味十足！；有鯉魚球，不帶半點腥或骨；有好似 乒乓波在口中亂跳的墨魚丸

而家打邊爐，就算你任飲任食，都未必可以draw到人嚟，但反而你用心推出唔同gimmick,再加埋任食，就算你開到幾山卡啦都好多人會願意入嚟等同食。呢間路邊煱都幾唔就腳，要落左巴士穿過一條小巷先去到。去到有勁多人等緊，但店員都好識做，話不如去佢地另一分店，仲話叫佢地搭的士claim番錢添！呢樣我都幾欣賞，唔係話貪你的士果幾十蚊，其實就算搭左都未必claim，但呢種服務態度真係幾好。再等我一陣就入得喇，嗌左個招牌雜錦花甲蟹煱，少少小食同火煱配料。小食推介:八味豆腐薄薄的炸粉，蓋住滑溜的豆腐，加上香料，非常惹味！終於等到個煱黎喇，一黎到勁香，一打開個蟹蓋，真係嘩左聲！因為個蟹蓋舖滿橙色既就膏!!大家極速分左啲膏，就裝左啲湯同食左啲蟹先，事關店員話而家嘅肉係啱啱好，如果唔係就會好鞋架喇。一飲個湯，真係好清甜，蟹既餘香係個口度浪下浪下，好想飲多碗，可惜已經差不多無哂湯啦。火煱配料推介以下幾款:牛頸脊每片大小一樣，灼佢10秒變色就可以食，入口即溶，牛油滿溢。推介！響鈴朋友說係即叫即整，熱辣辣，浸佢兩秒好拎上黎，腐材好薄但有勁香豆味，正！

經過忙碌嘅一星期，黎到星期五，當然就要大魚大肉，活在當下，享受一番。雖然我地成9點幾先黎到，但係呢度都係人頭擁擁，所以我地都要等下位先可以入席不過唔緊要，呢度啲野食係絕對值得等待嘅！我地一坐低，就即刻快快手order啲小食，同埋當然最重要嘅就係湯底同埋火鍋配料。而呢度亦都好快手，就即刻上左好多餐前小食: 酥炸豆腐，皮脆而內裡嫰滑，加上少少香辣粉，非常惹味。魷魚鬚亦係我另一至愛，炸得唔厚粉，魷魚亦爽口彈牙，好不錯。食完小食，蟹皇海鮮湯底同埋麻辣雞煲湯底亦登場，以個人雜食嘅取向，我覺得兩個煲都非常之好食。蟹皇海鮮堡就鮮味濃郁，而且配料非常之多，淺嚐一口海鮮湯，就有如淋浴大海嘅感覺; 麻辣雞煲亦都好啱我嘅口味，少少辛辣嘅味道，配上嫰滑嘅雞件，都已經好足夠！呢度嘅火鍋配料亦都非常出色，無論係安格斯肥牛，牛丸，生蠔定係鱔片，都覺得呢度係比其他火鍋店出色！肥牛都相當嫰滑，亦有牛肉嘅香味; 鱔片亦物有所值，因為佢的而且確係好新鮮，所以話，係門外等下位，都係值得嘅！！

九點半黎到，點知都等左三十分鐘先有位，可能星期五多人食，老闆娘都叫左啲客去附近新鋪，我地一行九人就無謂再移動啦，咁岩等到十點有七折！花甲蟹鍋-必食之選！一大班人黎一定要試呢個鍋，甜到不得之了！成個湯充滿濃郁既海鮮味，但一啲都唔覺得腥，連平時唔食海鮮既人都飲左兩碗。同埋成個湯底好足料好多野食，有排食@@雞煲-少麻少辣，人多既關係嗌多個雞煲。少辣都幾辣架，唔食得辣就留意返啦！不過我就覺得岩岩好，雞都幾嫩滑，但份量唔算多，成個煲好多洋蔥@@手切肥牛-好靚仔呀食落口感係實淨啲，唔係入口即溶既感覺。牛頸脊-呢個我就覺得大fit！肉同脂肪分佈好好，真係入口即溶，而且好有牛味生蠔-都幾新鮮，無咩腥味，但唔算大隻煮完之後變左蠔豉@@丸類-全部都好彈牙，要特別介紹下胡椒豬肚丸，係其他地方未見過。幾好味，胡椒味岩岩好唔會好辣，真係好似食緊豬肚咁，不過更爽口既感覺。嚮鈴-無得唔試！因為係即炸，上到枱見到好有光澤以為好油，但完全錯哂！！擺三秒即刻食得，好香好好腐竹味，完勝所有係出面食過既嚮鈴

昨晚，老婆話好耐未有打邊爐，所以一家人去打邊爐。經朋友介紹，去咗土瓜灣一間新開的火煱店- 路邊煱。同往時一樣，一定叫手切肥牛、鵝腸、蝦丸等。路邊煱有幾樣是好出色。

雞煲呢排成日興, 朋友慶生已經唔係食蛋糕, 係要食雞煲 搵左一間開響土瓜灣既雞煲 點左麻辣雞煲(半隻雞)要少辣, 手打牛丸, 牛柏葉同 鵝腸野食未來, 就要個小食-海, 食住等~少少辣, 幾惹味, 好爽口 雞煲熱辣辣上台, 好香, 煮滾黎食, 雞件唔但只大件, 仲好入味, 上色, 唔咸 少辣的辣度岩岩好, 唔會話辣到唔想食, 鐘意辣既人真係唔可以錯過牛柏在街外的通常係已加工, 呢間餐廳好好, 提供未加工, 健康D既選擇, 無減佢既爽口程度, 不妨一試 鵝腸則有點韌, 不過和雞煲的湯一起吃令到鵝腸更滋味 牛丸一睇形狀就知係手打, 無欺場, 牛味濃,彈牙爽口