車厘哥夫餅店

營業中

休息中

車厘哥夫總係人來人往，麵包唔係亮眼展示個種，西米布甸係代表作，店內外總會充斥濃濃牛油曲奇香。豬公係老婆控，而豬妹係麵包控，但卻很少到車厘哥夫幫襯，今次唔買曲奇，試左2款抵食麵包蘋果包外型四四方方，麵包鬆軟，中間包滿蘋果肉，加埋肉桂味更香，甜度適中，酸甜蘋果肉好開胃新疆合桃包看似平平無奇，但有驚喜，外皮微脆，內裏鬆軟，味道咸咸地，係有層次嘅咸咸地，而中間有好多合桃粒，好有咬口，好食

話說係6月8嘅時候買左半磅朱古力味曲奇同咖啡味曲奇，返左屋企一個鐘已經比屋企食曬咁食過返尋味，就係6月9號由將軍澳出發去太子買左$100朱古力味曲奇，返到屋企食第一塊嘅時候就發現咗唔同味，在望清楚啲發現同前一日買個啲曲奇啲顏色好唔同，原來係燶咗~真係唔明點解燶左都可以賣比人，仲要專登係將軍澳出去買，心情都差曬，為左賺錢可以做咁～

由細細個食開呢間既曲奇，今日再去尋找那懷念嘅味道。進店既時候冇乜客人，所以想問吓店員簡單問題。點知佢一開口就係惡夢既開始。首先佢嫌我買得唔夠多，態度已經麻麻。之後我決定買半磅，後面明明冇客，但佢用極其不有善既態度吆喝：「講啦，要乜嘢味呀。」我見唔到佢包裝，到交比我既時候係一個白色膠袋，冇得封口。一來曲奇容易碎，冇得封口d碎會跌到週圍都係。二來香港天氣朝濕，冇得封口既話好容易變質。問佢有冇好d既包裝，當然繼續比佢鬧。其實冇咪冇囉，唔駛鬧人既。但其實佢有，於是心不甘情不願咁幫我過袋。估唔到買包曲奇都要受氣，全程都係冇人排隊，我唸我明白點解喇……

從來未寫過食評，但今次真係忍唔住......由細到大都好鍾意食車厘哥夫嘅曲奇，當中最欣賞佢哋嘅朱古力曲奇，每年都會專登走去買幾次，之前試過有一次買到燶燶地嘅朱古力曲奇，已經覺得好奇怪，燶左都賣比客？今日買完，可以話完全失望，以後都唔使去買喇！店員阿姐話唔夠朱古力曲奇，咁就加少少合桃囉，點知返到屋企，跟本大部份都係合桃，重點係啲合桃曲奇真係好難食，曲奇餅身乾到爆，而且一啲味都無，係完全無甜味，從未食過咁難食嘅曲奇，就連其餘嘅朱古力曲奇都唔好食。真心話，真係好失望，其實130蚊一磅真係唔係平，計返仲貴過小熊曲奇。好了，到此為止，以後唔會再去買，呢個價錢應該會有質素同服務好一啲嘅餅店。

太子地鐵站附近嘅呢間懷舊餅店,經過都會聞到一陣陣香噴噴嘅曲奇餅味道,招牌嘅牛油曲奇更加係成日賣晒!牛油曲奇最少可買4oz, 約有10款選擇,有朱古力醬曲奇,士多啤梨果醬曲奇,藍莓果醬曲奇,咖啡味曲奇等~🌸牛油曲奇 $68 半磅@3隻味原本其實只想買4oz ,但要半磅先可以揀3隻味,掙扎下都係寧願食耐啲試夠3隻味🤭, 牛油曲奇只得號碼牌,冇標明味道,所以都係憑賣相去揀, 我就揀咗朱古力醬, 紅莓果醬同杏仁呢3款😚曲奇牛油味重,口感鬆化,令你忍唔住食下一塊又一塊,款式雖然傳統但簡單得嚟依然好味,可惜食多幾塊就有少少乾,揀有醬嘅曲奇就會好啲🌸朱古力醬曲奇朱古力醬呢款好受歡迎,見差唔多個個買親曲奇都會揀,果然係最好味🤤鬆化嘅牛油曲奇配一pat邪惡嘅朱古力醬,好香甜美味🥹🌸紅莓果醬曲奇酸酸地嘅紅莓果醬配上曲奇,味道甜甜酸酸咁, 所以食落唔會咁易膩🌸杏仁曲奇見呢隻味淨返唔多諗住咁多人揀係正野就叫左佢🌝,點知呢隻少少伏,主要係杏仁太硬好難咬,配埋曲奇我只感覺係乾上加乾😶﹍﹍﹍﹍﹍﹍﹍﹍﹍﹍﹍﹍📍車厘哥夫太子彌敦道760號聯合廣場地下G29號舖

行經車厘哥夫，又入去望吓有咩曲奇先。雖然有個告示話6點岀爐，不過重離岀爐重差15分鐘，又見到架上已經有朱古力味曲奇，就買半磅先。依舊憑個🍪曲奇個樣去揀。半磅（$64）可以選擇3款曲奇，揀咗🍫朱古力味，原味有朱古力碎碎款，同紅色果醬味三款。曲奇香鬆，牛油味重，三款口味都唔錯👍，不過紅色果醬就唔仍然唔太食得岀個果醬係咩味道🙈

每次經過車厘哥夫都見到入面好多人，不過又真係好想買佢哋嘅曲奇餅，唯有入去迫一迫。半磅曲奇 $64可以揀三款味道。曲奇櫃只有號碼，無列明曲奇味道，只係知道藍莓味果醬啱啱岀爐，所以另外兩款就憑感覺曲奇充滿牛油香，又香酥。藍莓味果醬唔算岀；咖啡味相對明顯；另一款有朱古力粒粒味道最好。

經過旺角見到有幾間面包店～同一條街三間麵包舖～諗住嚟嚟去去都係嗰幾款呢間有麵包、蛋糕仔、蛋糕、蛋撻～麵包款式差唔多～不過攞起手都幾重～唔似D連鎖麵包食兩個都唔飽～見到有一樣好特別嘅栗子卷～外型長形睇落似雞尾包～見其他店都冇嘅～咁就試吓啦栗子蓉餡都算多～應該就係生日蛋糕上面嗰D粟子蓉～加埋個咸嘅包～食落唔會覺得好甜幾特別～比起平時嗰D麵包～成日食嚟食去嗰幾款好悶～呢個係唔錯嘅選擇～大人、小朋友都鍾意食 $9一個都算係咁上下

雖然呢間餅店主打鳥結糖同曲奇餅，住喺太子嘅朋友話佢啲麵包都幾好食😛 店內環境簡潔整齊，左邊有各式各樣嘅傳統麵包🍞 而右邊就有一排玻璃櫃放曲奇餅🍪 🧈 奶油椰絲包 $9.5打開包裝後奶油味沖晒出嚟超級無敵香😆 麵包非常鬆軟而且cream多得嚟又唔會好膩🥰 幸福感滿滿，十分推介！！🍇 提子十字包 $8 有啲似麵包同埋曲奇嘅混合版😜 外表比較結實但味道同埋質感都好正，幾特別😙 另外提子乾都俾得幾多，夠足料👍🏻🍞 雞尾包 $5.5 麵包鬆軟，咬落去有香甜嘅椰蓉絲🫣 攞去焗爐叮一叮後更加好食🥰 性價比都幾高，推介！🥐 合桃提子鬆餅 $8 質地比較濕潤，無平時鬆餅嗰種香濃嘅鬆脆感😢 記得對上一次食嗰陣啲牛油味出啲㗎！今次就做得比較普通啦～

次次經過太子站出口都聞到好香嘅曲奇味，香到不得了，但好多時都忍住冇買。今次真係香到忍唔到，衝咗入舖頭買一袋曲奇，即刻食咗幾塊。熱辣辣係最香最好食嘅，曲奇夠酥化，牛油味香濃，朱古力好夾曲奇。多數呢款朱古力曲奇都係舊式麵包店先有，的確個價錢比較貴，所以今次只買咗一小袋都已經接近$40。除咗朱古力曲奇，仲有好多其他款曲奇、花生朱古力、面包。好多都好吸引，下次經過再買嚟試吓～不過曲奇好肥吓，建議唔好食太多。

好耐之前食過呢間曲奇幾好食，所以今次想食就特登黎買左半磅，$60半磅，可以選3種味。我要咗朱古力、腰果，同埋紅色應該係果醬？朱古力同果醬係正常鬆化好食既，但腰果味就差唔多全部都焗到燶曬，食到燶咗嘅苦味。唔明點解焗到燶晒都可以照賣？

都喺度買咗曲奇好多年，有陣時甚至會特登過去買朱古力曲奇，因為呢度嘅曲奇真係好好味。首先就係因為曲奇本身好鬆脆，但又唔會太硬，同出邊一般西餅店嘅曲奇唔同，都幾難得見到呢一種曲奇。再加埋佢有大大Pat嘅朱古力醬喺上面，每一口都係大滿足平時亦都會再搭埋另外一個紅色醬嘅味道，雖然都唔太清楚係乜嘢味🤣食落酸酸甜甜，比起朱古力曲奇，呢個就唔會太過膩，但依然好好食。但係呢度嘅曲奇都偏向鬆脆，食嘅時候好容易整污糟，記得要墊住先好食如果唔係就好容易食到成身都係曲奇碎

好有歷史嘅一間餅店，出面望入去有啲幽暗嘅，老舖嘅感覺，入面除咗有蛋糕，仲有曲奇餅同麵包。買咗個杏仁蛋糕做早餐，35蚊😙，比而家流行嘅古早蛋糕平好多😱，蛋糕用錫紙托住嘅，攞上手微暖，好鍾意有餅房嘅麵包舖。買到返屋企再re heat , 返熱完面嘅杏仁片有啲微燶，好香好脆💗，咬落唔係鬆軟嗰啲質感，似椰絲質感，但無椰絲味嘅。杏仁片唔止面有，連中間都有。總括性價比高，雖然老舖，收八達通幾方便👍

No. 12朱古力曲奇超好食🤤，由以前7/80蚊磅食到而家$110/磅，永遠都覺得有d貴😣，但每次經過都忍唔住買1磅💸💸💸， 有時會加幾塊紅色jam或車厘子🍒曲奇，以前有試過其他口味，但始終都係朱古力最好食💓💓，買返屋企好快就會清晒💸🤑，朱古力甜味適中，曲奇超鬆化，但都係因為咁好易碎，每次食完都一堆碎係袋🍪🍪🍪。試過多間出名既曲奇餅（多x，小熊，貴x) ，始終覺得車厘哥夫最好食💕💕。

呢間餅店我經常去幫襯，但係售賣餅店嘅阿姐十分之冇禮貌，我今日一早去買麵包買咗兩個麵包，阿姐俾咗一個細細個嘅袋我，但係我想要一個大啲嘅袋職員居然要我比五毫子仲話個細袋已經夠用，但係個細袋太細我返工想將麵包包實避免沙塵進入，但係職員拒絕比大啲嘅袋我仲話如果唔買嘅退錢，以後都唔會幫襯！