輝記香港仔魚蛋粉 (已結業)

去完祥興記食生煎包 想食下粉麵 去左輝記食 牛腩河 食個雲吞牛腩河$29同埋個酸辣米線 $24雲吞出色多蝦不再講 皮薄大粒 可以一食 牛腩好淋 河粉是幼身那種 加入辣醬已經很美味 酸辣的那個辣到咀唇也紅了 牛鞭的味道一般般 可以不試這個 只要59元就很吃上一餐下午茶了

不想煮飯的夜晚出黎揾食，好耐無食過牛雜一於去輝記先。有別於一般魚蛋粉店，呢度幾好裝修，入面古式古香架，啲位唔算好迫又好夠冷氣，啲阿姐又唔惡，價錢平，可以淨叫一碗粉，又可以轉套餐，好抵食。炸魚皮，跟套餐嘅，都幾大碟，夠脆又唔鹹，好食。牛雜撈粗，大大碟都幾多牛雜，入味唔韌。碗大地魚湯好夠熱，但略鹹。牛雜米，味道同上。套餐嘅牛肺河，牛肺爽口，河粉滑。廿幾蚊大大碗，間中黎食個快餐都唔錯。

叫咗推介嘅紫菜三丸面，份量都幾大，男人都應該食得飽，但係只需要28蚊，呢個價算係好抵食，講味道，佢嘅三丸真係幾好食，有豬肉丸，扎肉同唔知係咪墨魚丸，夠咬口，又新鮮，佢話啲丸係自己新鮮製造嘅，湯底還可以

從機場回家放下行李後，又外出吃晚飯了. 不想吃太飽就決定吃粉麵作晚餐.第一次到這間香港仔魚蛋粉，晚上8時多客人不多，我們可以坐一整張圓枱，也算舒適. 內裡環境光猛，而且整潔. 我們各點了一個套餐，自選一碗麵，配熱飲/油菜/魚皮 ($26). 魚皮餃河這碗河粉內裡有4粒魚皮餃，餃皮煙韌，味道OK. 河粉份量很多，可惜湯底太鹹，要不然會好吃得多. 油菜跟餐的生菜很大碟，亦很翠綠，吃多點蔬菜對身體也好. 雲吞粗麵試吃了爸爸ORDER的雲吞，這店的雲吞非乒乓球般大，只是小小一粒的，內裡有蝦肉及豬肉，不算鮮味但也合格.  魚皮薄薄的魚皮亦香口，沾上湯汁再吃更美味.這餐每人只需$26就吃到飽飽，試問那裡找呢?

自從戀上呢間食店後，之後開始愛上食佢【魚旦河】，當時連凍飲都係 HK$27元，食足一年終於由非常熱愛，食到開始有少少厭倦了! 2012 年之後就冇再去食，其實我都可以轉食其他種類，但原因係有幾點，就係大型趟門太重太難推，加上元朗大多食客冇文化，出入大部份都唔會自動自覺閂門，坐近門口位熱天時，就真係熱到好辛苦! 加上元朗食客又興一人坐兩位，鎖匙包都可霸多一個位坐。好多時兩個人坐四人枱，仲打對角坐添! 所以我咪少左去食囉!自此 2012 至 2013 年 8 月期間，我就改左去合益商場間【許記】食，但始終【魚旦河】，我敢講呢幾年間，港九新界食過最好，暫時都係【輝記】最好食。不過我覺得湯底已經比 2011 年時差，原因係當年湯底，真係見到魚肉渣及魚骨。但現在多左一分胡椒粉味，少左魚肉渣及魚骨，少左一分鮮味，多左一分味精似的味!上星期中我休息經過，見到入面客人不多，所以又入去回味。其中一個做得最耐阿姐，竟然認得我仲話我成年都冇嚟過，仲記得我前年仲整襯腳添! 我讚阿姐好記性喎!現在一碗【魚旦河 + 凍奶茶】，套餐比之前貴左 $3元，總共係 $30元。不過仍然保持到好大碗，魚旦及魚片都好新鮮及有魚

對於元朗人的我，有空假期時也會常常和親友到達不同的地方進食，最近比較有空到附近的香港仔(輝記)魚旦粉麵店吃一碗牛什米粉，味道不錯，牛腸爽口、牛肚彈牙易入口湯底就一般，最讓我感到快樂是大大碗是也，比起那些好吃不飽的麵店，這對於住這區的人來說，實在不錯！最重要是價錢也很親民。不用30元就能滿足飲和吃的樂趣。有空可以平常來醫肚

11月24日同朋友去左元朗按腳,記得這間魚旦粉好抵食,所以嚟左,1點幾勁多人,我食紫菜三寶米,朋友食紫菜三魚河,碗粉都幾大碗架喎,米粉跟河粉既碗係唔同架,河粉還要用大碗,入面有好多紫菜,紫菜好香的,唔會淡而冇味,扎肉幾片,豬肉丸及魚蛋,個湯真的好奶白色,好鮮甜的,魚蛋好好味,好彈牙又爽口,豬肉丸都唔粉,都好爽口,扎肉幾香及好味,朋友都話個湯好GOOD.一路食一路有人進進出出,加杯熱飲,36元, 原來真的幾旺場喎. 員工服務效率高, 食物有水準,同埋價錢合理,可以話係抵食之選呀!! 下次有機會一定會再嚟.

大棠路一街都是食店, 經過時看到輝記裝修如此靚, 心諗可能唔平.但門外餐牌寫住$20一碗, 還有油菜附送.和隔離老舊的面店相比, 價錢差不多, 所以當然選輝記, 坐得舒服又乾淨.叫雲吞河和油菜.油菜份量也不算少, 而且青綠又新鮮.雲吞料也很新鮮, 平時便宜的面店用料不新鮮會加很多胡椒,這裡的雲吞不單沒重胡椒粉, 還很爽口.湯也沒有重味精.店內裝修舒服, 侍應們也是和街坊關係很好, 笑臉迎人.二十蚊, 吃很很開心.

前身係金記成日幫襯 , 頂左手之後首次幫襯 , 入內叫咗【雲吞牛腩河粉HK$26 + 凍奶茶HK$8】... 套餐價共HK$34元 , 比起估益廣場中景墟的【許記】,同一樣咁叫【許記】只係HK$27元 , 相比之下便宜HK$7元相差甚遠及抵食。不過當然都要睇下出品、服務及環境值唔值先啦! 我入內見裝修幾中式化 , 又古色古香 , 店內裝修採取仿酸枝色枱櫈 , 大枱係長方型 , 二人細枱係正方型 , 地方環境相當乾淨企理 , 店員都相當誠懇有禮貌。最重要係一坐低 , 就先奉上一杯清茶 , 呢樣就真係開正我心意 , 凈係呢樣基本服務 , 都值幾蚊港幣 , 其他食店應該好好學習。 【雲吞牛腩河粉】, 先講雲吞唔算好大粒 , 食落唔削蝦冇腥味幾新鮮算中上。牛腩值得讚夠腍夠入味 , 切牛腩師傅刀功都唔錯 , 識得順紋及大細切得適中 , 唔似【傳麵世家】牛腩切到好似和牛咁 , 成粒方糖咁嘅款 ... 哈! 河粉都係竹沙幼河粉 , 食得順喉唔嚡上等貨... 正! 湯底夠味夠清 , 同埋唔鹹飲過好鮮甜 , 個碗好大每樣份量亦非常足夠。 【凍奶茶】, 夠大杯茶味及奶味都 OK , 10分滿分都值 75

呢間店係叫輝記.點解變左發記?我去呢間店的原因..佢一條街有2間加上呢間店係新裝修.......不妨一試...入到店內...因迫人....周身唔自然.而服務生都算勤快......我點了食物如下:雙併:魚旦牛肉米22元估唔到..魚旦好滑...重魚味而不腥.好食...牛肉無化學加工....似屋企煮個種感覺....湯底尚算清甜...凍華田:雖然看到黑白淡奶.事實上不是黑白淡奶冲......味道有點怪同埋太甜.......總括而言.........粉麵好食...飲品一般.....