辣妹來了 (已搬遷) 新店位置

因為住附近所以成日都係葵廣搵食，其實都幫襯左好耐，我諗由2018年左右開始，但今日真係忍唔住負評佢食左咁耐，質素係不停下降，今日嗌左個麻辣燙，湯係唔辣得個咸字，薯粉漿到一個地步，好似麻薯咁，痴埋哂一Pat分都分唔開，咬係可以做到拉絲效果係咩玩法？最過分係我嗌得個三個餸，可以錯兩個，娃娃菜豬紅芝心丸，得個菜岩，打開個下真係x左出聲，因為都唔係第一次比錯餸，之前我嗌得多餸，比錯一個餸都算，三個錯兩個真係太過份結果成碗嘢食左3份1就掉左，希望老闆娘會睇到呢個comment好好改善

葵廣實在有太～～～多野食！對於唔係成日去葵廣既小弟黎講真係眼花撩亂😂所以事前都開左openrice黎睇～見到呢間食麻辣燙既幾吸引，呢幾日天氣咁凍食d辣野就啱哂喇～重點係唔貴😂😂所以好快就決定左食呢間😋不過可能佢搬左，openrice上面個地址唔啱既～依家位置係2/F😆咁多餸揀真係要花d時候諗食咩😂今次小弟就揀左麻辣燙：麻辣魚蛋、生根、豆卜、午餐肉同埋組薯粉😋雖然佢係叫麻辣燙，但係湯底就唔算有麻既感覺同埋有d偏咸，不過食完都無話好口渴👍🏻每款餸大概有4件～份量都算多！生根同豆卜索哂d湯好正😍😍麻辣魚蛋係用陳皮魚蛋🤩不過因為本身湯底係辣所以食唔出佢個麻辣味😆紅薯粉食呢麻辣燙就最啱喇😍d紅薯粉好滑～好想快d再試埋其他餸😂$30唔使食到一餐咁豐富又夠飽既，ok啦👍🏻👍🏻

今天初嘗葵廣嘅呢間麻辣燙舖頭好細有d難搵 有立食的枱之前係葵廣都食過另一間 辣妹嘅湯底略勝一籌😋辣度可分為4種 湯底濃厚 應該有加到肉湯 並非一般嘅清水溝辣同調味料。個湯飲完無乜味精味🤓麻度可以稍微增加，但辣度好足夠。芫荽同蔥係絕配(本人超鍾意，當然如果唔食嘅話落單個陣可以圈低走咗佢)今次叫了5個餸👉🏻魚皮餃 貢丸 蘿蔔 豆腸 豆腐串個人推介豆腸！出面好少見嘅一個食材老闆娘俾咗好多 起碼有6-7舊 食落爽口又彈 吸哂d湯🥰🤪不推介蘿蔔 雖然入味 但又少少渣 而且只有2小舊🌝總括黎講，好食！下次會試下酸辣粉

葵廣食辣既選擇都幾多，由連鎖店去到小店都有。呢一間中規中矩，佢舖頭細細，旁邊擺左一張臺，可以俾人立食， 可惜無得坐，食食下會嫌冷氣唔夠。 好在食物都多選擇，而且價格較便宜，一次可以食到多款食物。鍾意食辣既我揀左娃娃菜，金菇，雞肶菇，豬紅，辣魚蛋同豆腐串。埋單都只係$28。 平時食開譚仔三小既我，揀左小辣，辣度對我黎講岩岩好。不過湯底偏鹹，食完都幾口渴，需要喝水解渴，代表湯底有一定味精。我會推介食豆腐串，因為佢夠索味，而且索左湯都好有咬口，認真唔錯。而娃娃菜，金菇都係麻辣燙既最佳選擇。豬紅就一般，本身味道較淡亦都唔太入味，魚蛋係陳皮魚蛋，可惜較軟身，應該係煮得耐左，而雞肶菇我食哂成碗都見唔到，唔知點解失蹤了。。。總括黎講值得再食，不過就要識得揀岩材料，同埋買定野飲就會食得舒服d。

今日去左葵涌廣場試下尼間麻辣燙，之前因為趕時間所以冇食到，今次終於可以試下啦！佢有自選麻辣燙同重慶酸辣粉選擇，今次點左自選麻辣燙，叫左蓮藕片、炸腐竹、蘿蔔、金菇、響鈴、娃娃菜同薯粉，要左小辣。未食嘅時候就已經聞到好香嘅麻辣湯味，佢個湯底好夠味，夠辣，而且每樣餸都吸收晒麻辣湯嘅精華。佢嘅蘿蔔好甜但係有渣。另外，每樣餸嘅價錢都係好平，而且餸嘅種類都多，值得一試。個人諗為蓮藕片、娃娃菜、同薯粉都係必叫。

葵芳區，小食店越來越多，想不到，連中國式的食品也越來越多。本來，只有一樓有一間吃巴蜀冒菜的辣東西，之後，可以見到2樓以及頂樓，都有幾間好像大陸那些美食廣場，所有食物外露，一個個小圓盤盛着的食物鋪陳出來那種賣相；現在，在一樓的另一端，又有這麼一間辣妹來了，亦是買麻辣燙之類的東西。另一邊冒菜那一間主要分別，就是這兒這一間，門面比較狹窄，但亦是放了一個雪櫃在門口，所陳設的食品，好像和內地的麻辣燙沒有太大分別，單據上面看到每一款食品的價格，應該比起另一邊那一間比較便宜。我點的餸菜，沒有年糕，於是叫了午餐肉、豬耳、豬大腸、馬鈴薯，因此在這張照片看到的西蘭花以及牛丸，只是家人所附加進去的配菜。😃通常，在家裏吃，都覺得可以吃辣一點，如果不夠辣，你沒有方法加它的辣；但是如果太辣，你可以加點熱水將辣味淡化。😏這兒的豬大腸，不算太過肥，但是質地非常之好，唔會好像有些店舖，只有一層外皮的豬腸，這樣的豬腸，內裏還有點肉有點膏，吃起上來肥美而味道香濃。豬耳則切得比較幼條，因此口感可能會比較差，但是豬耳夠爽，亦都可以吸點湯的麻辣味道。這個麻辣湯，湯底來說，味道還算是挺為香濃，而且辣得來有點火喉，不會只覺得有辣椒油

佢吸引到我既地方係鋪頭隔離有一張小枱可以企係度食唔洗一路食一唔洗鼻水都無手抹😂叫左碗麻辣燙無米粉 只有湯每樣餸都唔同價錢分別係$4/$6/$8最低消費$25烏冬加$10生根$4我覺得要食佢既麻辣味一定要叫生根山根會吸曬d味！真係好正豆腐串$6好奇怪既名😂😂😂係食唔到有咩味既😂😂貢丸$6Um🤔佢係冬菇既我以為佢係牛丸韮菜$4食韮菜可以中和下味道有麻辣味就食唔到好重韮菜味仲有叫左肥牛$8我覺得可以叫多小小肉類咁樣碗湯會更加豐富我叫左小辣唔算好勁！可接受辣既程度都算標準唔會小辣就辣到食唔到同埋唔會食到個咀麻到唔舒服怕食麻辣既我都食到簡直另眼相看呢

我身為辣愛好者既評價!!!全葵廣第一食店~~鍾意食辣既朋友一定要黎試下!食慣譚仔中辣既我都覺得真係好好食~黎葵廣一定要食~掃街掃到厭既我唯一食唔厭既鋪頭~相信食過既朋友一定唔會後悔~~十個like呀~~

平時去開二樓樓梯一上去見倒果間真好味今日咁岩無開就試下其他啦辣妹價錢好似平啲 個湯味道唔錯 但係比係二樓果間個湯油好多 而且啲餸無咁新鮮🙈下次都係會去番二樓買 果間啲料自己夾 而且每次去都好新鮮

這間食店有很多不同的小吃，但是我每次經過都只會叫一樣食物，就是豆腐花。這裏的豆腐花非常好吃，所以每次經過，如果還有的話，我就會點來吃。他的豆腐花非常嫩滑，而且配以薑汁更加好味。

鐘意食辣嘅人一定要試下個麻辣燙，係係香港揾唔到嘅味道，辣得黎又夠味，唔係得個辣字！價錢上幾平民，而且麻辣燙可以食到好多唔同嘅菜，個人感覺better than酸辣粉。

近期的葵涌廣場，興起一股四川小食的熱潮。屈指一算，場內已有約10間四川小食店「辣妹來了」是屬於最早期開業的四川小食店。店面放有剔剔紙，客人選好了想食的材料後便可以交予店員。圖中分別點了金菇、麻辣魚蛋、豆腐串、魚皮餃，還有米線。因為外帶的關係，豆腐串一直被湯泡著，非常入味。材料方面也不吝嗇。份量並沒有因為落單食物的多少而改變。本人點了4個餸，魚蛋也有4粒份量。不過，如果外帶時候，可以分湯上會更佳。只不過花了十多分鐘回家，開蓋已見米線浸到發漲了

愛辣之人一定會鍾意呢一間野，超級之入味，我叫中辣就已經辣到頭皮痕，可能係自己唔太食得辣不過食完真係好過癮，加埋芫荽一齊食超級好味，涼皮比較爽口食落冇咁辣，涼粉就比較吸味，所以食會比較辣，用匙羹食比較好。

食過HK咁多間麻辣燙, 佢味道叫中上, 個湯底都偏辣, 叫微辣都係辣到流鼻水果隻, 但湯底都幾香食過咁多次, 次次都叫薯粉+唐心蛋+魚腐+娃娃菜, 都係廿幾蚊, 算抵食可惜舖頭隔離張台唔大, 企幾個人就已經無位, 同埋成日都有人食完就走, 明明前面好大告示要自己執返D手尾, 搞到張台幾污糟下

最近上網見到葵廣好多麻辣野，今次就試下辣妹來了。本身想食涼皮，但已經賣晒，咁就試下涼粉（$15）喇！唔好睇佢$15，分量都唔少，認真抵食。涼粉好似厚版同粗版既河粉咁，而味道方面，個人覺得有些少似tamjai皮蛋再重口味啲。佢有微辣小辣中辣大辣簡，我同朋友簡左中辣，兩個唔算特別食得辣既人都覺得可接受，下次可以挑戰大辣！（雖然我地食到出晒汗，食辣就係要呢種爽既感覺嘛~）