辣媽川湘私房菜 (已搬遷) 新店位置

萵筍絲，清炒冇加其他配料但仍然好入味。份量又好足，食落好爽口，非常不錯👍🏻酸菜炒肥腸，其實即係炒大腸，酸菜同大腸既比例岩岩好，大腸落刀切得細細粒唔會咬唔開，整個配搭都好惹味，而且好夠鍋氣。鐵板魷魚須，真係有啲辣！除咗魷魚須，佢用咗辣椒🌶️，洋蔥一齊炒，炒完放在鐵板上，呢個係推介。酸菜魚又係一個必須推介。魚片好滑，酸菜同魚片份量好實惠，魚片都有好多，唔會酸菜多過魚片，本來以為有酸菜既湯會好鹹，點知飲一啖唔鹹又好飲。不錯👍🏻

喺大西北，我覺得好食嘅川菜其實真係唔多 ，而且都係喺元朗。辣媽其實已經食過幾次，但係轉完新menu之後，就不得了，好多新嘅嘢食亦都好吸引。係我最愛嘅酸菜象拔蚌，次次嚟都要叫，酸菜湯底嘅味道恰到好處，夠濃味亦都夠酸菜，又唔油，底下嘅薯粉同蘿蔔片吸收哂啲精華，超級正。雖然花蛤同酸菜魚都好吸引，但係酸菜魚比較多地方有，花甲喺街市都好易買，象拔蚌要處理，比較少有，所以呢個係我必叫之選。 干鍋肥腸呢個其實係我隨口叫嘅，原本想叫嗰個應該係乾煸肥腸。但係呢個干鍋肥腸非常好食，有個火興住，長期都熱辣辣，亦都會為啲肥腸同薯仔帶來一啲焦香味，薯仔亦都煮得好林好入味，肥腸亦都好乾淨，超乎想像嘅好食！

打唔到電話黎Book位，長期無人聽的原來阿姐話電話壞壞地喎哈哈，七點左右walkin黎左，間鋪座滿晒人，好彩都有兩個位叫左水煮花甲王，小辣黎到不得了，花甲好大隻又新鮮的小辣岩岩好呀，又香又辣辣地個水煮辣湯好味到我地就甘畢黎飲好正仲要入面有金菇同薯粉，完美的另外再叫左個川北涼粉，小辣味道都OK,涼粉好滑身，用筷子一夾就斷哈哈！飲品叫左水果茶，好大杯幾好味呢間野真係好食岩我口味，哈哈！同埋個地方唔大，環境都算逼的，好多人，不過一D都唔嘈！很好

深圳最近好慶酸菜魚，想係香港食，朋友介紹黎辣媽，6點鐘黎得我地一檯，姐姐們都仲準備緊晚市先點左主角酸菜魚，叫左例牌，分量還可以，3個人食應該唔夠，不過我地有叫其他小菜叫左中辣，都唔算太辣但口味偏重比較咸，飲左碗湯已經開始口渴。魚用左桂花魚，冇骨啖啖肉好正！不過例牌要$288仲要加一都幾貴涼拌手撕雞，分量都唔多底用青瓜絲，撈埋一齊食好味，夠辣夠麻另外仲叫左回鍋肉同四季豆，都有四川既味道，下次要試下水煮魚同牛

勁中意食辣野嘅我，一直都好中意返大陸食 四川菜湖南菜，香港就真係比較少正宗味道同夠辣嘅食肆，講真，呢間第一次食真係好驚喜，同大陸食到嘅味道好接近， 從此就愛上咗佢，今日身痕又想食辣野，水準一直都保持到，唯一一個缺點就係。。。食完個身就好大味🤣🤣

星期六放工係咁熱的天氣，汗就不斷流架啦～一於食下辣嘢加速力道啦係元朗或朗屏地鐵站行去都要十五到二十分鐘。第一次試當然要試推介啦辣媽水煮桂花魚麵(中辣)，再加個半價冰爽青檸七喜，鋪內四人枱都有十張八張連面壁位十幾個，坐位都可以。大約五六分鐘麵就做好了～色濃味香，麵條幼細配上中辣濃底一流，桂花魚片無骨而且好鮮甜夾笌菜一起食～正。不過個湯底真係太辣（出曬汗）所以無飲到，⋯⋯食完麵條再飲返杯冰爽青檸七喜解下渴先，酸酸地不錯的，會再來的⋯⋯待續

又嚟咗元朗搵食，本身唔太鍾意食辣，但朋友話呢間好好食，其他唔辣嘅嘢都好食，既然佢講到咁就黎試吓啦。因為唔記得影相同埋都隔咗一段時間所以唔記得d嘢食名。呢個魚真係好好食，好嫩滑，係有少少骨，魚配埋個酸菜湯好正，不過有d辣。杯嘢飲幾醒神幾開胃。呢碟嘢比較油，味道普通。呢個炒辣雞好食，d雞唔係好辣，反而薯仔辣d，但薯仔真係好好食，我食配料多過食雞😂呢個有d似泰國菜既生菜包，不過變左用好似饅頭既包嚟包，都唔錯，係d肉碎咸左少少，但好香口，推介鍾意重口味既人。

酸菜魚係香港唔多地方有得食，呢間有得食，仲做得唔錯，抵我山長水遠入元朗食。酸菜桂花魚酸菜醃得甜酸度適中，份量仲好多，岩曬心水，桂花魚無骨又滑，新鮮有魚味，個汁又香又麻，仲有好多大豆芽吸曬d味，辣得過癮，讚。麻辣海蜇海蜇浸係d麻辣汁度，花椒食到個咀tete震，正。炸豬手個豬手好重孜然粉味，勁香，岩曬重口味既人，但豬手質感有d 韌，要有d牙力先食到。水果茶呢杯水果茶解辣一流，但太多百香果，飲時要小心d，唔係好易哽親。

元朗餐廳食得多，就係呢一間未食過， 難得一個唔係好食得辣既friend都話無所謂， 咁就一於試下佢啦！我哋三個人叫咗三個餸一個前菜， 有蒜泥白肉，口水雞，牙籤羊肉串仲有干煸肥腸， 全部都係開胃嘢，咁就梗係要叫返三碗白飯啦！呢幾個餸真係冇得輸， 唔好睇佢咁多辣椒，其實都唔係話十分辣， 我覺得一般食到少少辣嘅人都冇問題， 我哋嗌咗好似都唔夠五分鐘，啲餸就嚟齊，真係好快手， 味道我就唔多講喇， 因為講多都無謂， 唔試過係唔會知道有幾好食架。最後我哋仲加咗個炸饅頭收尾， 呢個炸饅頭真係不得了， 食完一個係會想即刻食第二個， 食完第二個係會覺得唔夠喉，想即刻嗌多份！成餐三個人加埋食咗445蚊， 除番開每人都係百五蚊左右，都幾抵食！會再去！

環境：坐位較窄，二人食較舒適味道：好味！鍾意食辣及濃味的人要試服務：店舖很繁忙但服務員都盡量滿足客人需求：姐姐都很親切價錢：合理，物有所值，小吃不過＄100，主食大概200至300不等推介：酸菜花甲薯粉很開胃，花甲大隻新鮮、湯底濃郁、薯粉入味，必食！中辣酸辣土豆絲，嗜辣必備，爽口唔油凍食花螺，味道麻香好味！螺肉彈牙孜然牛肉，肉質較林、重孜然粉味道野味。招牌水果茶必叫，天然健康，酸尾尾的。

堅好食, 夠哂辣 (真係辣的, 唔好懶型叫大辣), 份量夠, 滿足!!雖然係一定比在SZ食貴, 但省去坐車時間金錢, 呢間真係辣癮起時最佳食店店內環境一般, 可能用左黑色design, 加上半open kitchen咁, 多油煙跑出黎, 所以總有點唔太干淨既感覺店員都係內地人, 有如返左SZ既感覺, 叫支青島真係一模一樣享受地點黎講, 唔係元朗人可能有點了lung, 畢竟又唔近西鐵站, 但其實條街多野食, 又有潮豐, 又有水產放題, 住o係果面都唔好話想瘦

認真，要食平靚正既川菜🌶，非番大陸莫屬。不過搭車過關，一來一回都用左1日。今日終於俾我試到一間質素唔錯，又夠正宗既川菜。岩哂我依d懶鬼，又過到口癮🤤酸菜魚酸菜魚要整得好食，真係好考功夫。要做到酸中帶辣，又唔會蓋過魚肉既鮮甜品，辣媽真係做得唔錯。加上魚肉香滑少骨，份量適中，會令人食唔停口，想撈飯食🍚水煮花甲依款菜唔係日日都食到，要有新鮮花甲採購先會有得食，所以包保花甲新鮮，隻隻手掌心咁大🖐🏻不過略嫌花甲唔夠入味，相反係抵既薯粉就入味好多。Q彈有口感，如果可以添夠d就好喇！-如果食得辣既朋友可以嗌中辣，而且每碟份量都好多，千奇唔好眼闊肚窄，做大哂鬼！

一行10人食呢間辣媽。對上次食己經2,3年前。一般食有水準的川菜返大陸食會抵食同野味，今次再次挑戰，估唔到呢間咁好食。必須一定要食 牙簽羊肉串，孜然粉煮，野味爽口。酸菜魚 好味。炸饅頭好翠 好味泡椒田雞比平椒好味得多炒萵苣😍必食鐵板水晶粉口水雞不過不失其他就一般，水果茶有冰但唔夠凍烤魚太多骨 其實可參考大陸既江團魚 又平又好食蒜泥白肉普通，譚仔仲好味過佢。10人2千幾。人均消費200幾。都合理。呢間有4/5分整體，下次都會再食

本身唔係好食到辣嘅我，最近可以食辣到少少，就係咁想食川菜，朋友就帶左我黎食。諗住望下隔離枱啲人食咩，全部都好吸引！揀食咩都諗左陣。酸菜桂花魚係我地嘅目標！魚肉起哂，食落好方便，湯飲落好舒服好惹味，帶有微辣，鍾意食酸菜嘅我就覺得可以再酸啲。口水雞賣相好靚，雞件嫩滑，不過雞味唔算濃，始終個汁先係靈魂，比出面食嘅口水雞冇咁辣，如果點多啲汁，食落口吞完果一下嘅辣就好犀利，但好爽。蒜泥白肉好夠蒜，豬肉片唔'鞋'，好食～

曾經令我食上癮，只要諗起辣就一定係去呢間！因為之前食評都講過，係香港已經冇乜一間辣嘅食店令我有feel ……對上一次叫大辣，都真係要不停狂飲凍野，食到上氣唔接下氣出晒汗，但係到今次，同樣叫大辣嘅情況底下，竟然一滴水都唔使飲，已經比唔到我好似以前果種辣嘅感覺……今次的確仲有少許辣嘅感覺比我，但係已經冇爆汗同食兩下要唞一唞嘅情景出現。。。。。。好希望佢可以再用返以前嗰啲調味……每一次指定都一定要叫嘅川北涼粉同麻辣炒土豆絲