辣蛋

營業中

休息中

見惜食Apps可以幫小店清剩餘食物又有半價優惠，諗住OT完買返屋企同家人分享，可惜小店列出的食物如蔥油豬扒丼丶芝士焗豬扒飯丶日式牛肉炒飯，韓式豚腩泡菜湯麪丶照燒雞肉芝士麫丶韮黃滑蛋蝦仁飯等一樣都冇，全部係平價食物夾豆肉碎配白飯（兩客）同豆腐肉碎配白飯（兩客），得過辣字，但見其他堂食食客（包括比我遲來的）有雞肉有豬扒晚餐，與其食呢啲平價菜式，不如食兩餸飯更好，根本搵人幫襯佢啲低成本食材，咁做生意咪冇下次囉，希望Apps可以確保質量，不要好心做壞事！

🦞◖ 麻辣- 辣蛋香辣小龍蝦 ◗ 第一份$188 第二份$88小龍蝦肉質鮮嫩多汁，配埋濃郁嘅麻辣湯底同香辣調味，每一啖都充滿辣椒嘅香氣同辣味，一份大約有十幾隻，兩人share都足夠～🥗◖ 蠔油雜菜齋配撈幼油麵 ◗ $68滑順嘅撈幼油麵同香濃嘅蠔油醬汁，整體調味偏甜～🐄 ◖ 日式牛肉炒飯 ◗ $68炒飯調味幾鹹淡得宜，飯粒都幾煙靭，可以同太陽蛋撈埋一齊食🤤雜菜有鑊氣之餘仲保持住佢哋嘅脆度同鮮味🍗 ◖ 韓式炸雞 ◗ $78炸雞外皮酥脆，內裡多汁嫩滑，再加上特製嘅韓式辣椒醬，同蛋黃醬比你沾🍺 ◖ Hoegaarden Grapefruit 啤酒 ◗ $28呢款葡萄柚味啤酒，非常容易入口，有啲似果汁，特別適合食辣野嘅時候飲！🍻 ◖ Hoegaarden Rosee 啤酒◗ $28呢款酒有濃烈嘅玫瑰香味，相比葡萄柚味更甜～

今日開完會係中環附近覓食💖見到呢日日新餐廳，香港好少見有小龍蝦食，即刻去試下啦🤭🤤＊＊＊＊＊🍱Bi Bim Bap 韓式石鍋拌飯 Combo $88呢度另外有hungry Korean 嘅食物可以叫，我叫左呢個石鍋拌飯仲包飲品🥤～佢可以揀牛肉或者豬肉，我地揀左牛，超足料架！🦞港辣-辣蛋香辣小龍蝦 $188小龍蝦有3種辣度，我地揀左最唔辣嘅港式辣㕦木小龍蝦🦞佢甜甜辣辣咁好好味😋仲有啲三色椒🫑、洋蔥🧅等等嘅配料，小龍蝦啖啖肉又易剝，真係好正架🤤依家仲有晚市21折，即係$38就食到一份辣蛋香辣小龍蝦嘅😍😍真係勁抵！＊＊＊＊＊

嗰日同朋友經過中環蘭桂坊，竟然發現有一間好抵食嘅小龍蝦舖頭。鍾意剝蝦殼嘅朋友就話想入去試吓，估唔到味道都好惹味🤭🌶️港辣-辣蛋香辣小龍蝦同朋友都唔係好食得辣，所以叫咗最小辣嗰個🙈估唔到一大盤都有幾多小龍蝦，個汁個味道香辣惹味，送飯一流。小龍蝦肉質彈牙，而且來源環保健康，所以食得放心。🍚日式牛肉炒飯個味整得幾好，炒飯炒得乾身，飯粒粒分明，都幾多牛肉粒。🍹韓國柚子蜜通常都會整到好甜，但係呢個甜度啱啱好，如果食再辣啲嘅小龍蝦就一定要飲。

中環蘭桂芳都有平靚正美食😋 撼價挑戰深圳！講緊嘅就係《辣蛋》小龍蝦專門店🦞！ 呢度提供三款口味嘅小龍蝦，同埋多款港式食物比大家選擇💕🌶️ 麻辣辣蛋香辣小龍蝦 🦞 （$188/1st 750ml, $88/2nd order）好耐冇食過小龍蝦！估唔到香港都有得食🥳 啲殼超易剝，一舊舊小龍蝦肉好易起😋 我㨂嘅麻辣味十分過癮！香辣惹味🔥🐮日式牛肉炒飯 🍛 （$68）呢外叫咗個簡單嘅牛肉炒飯，炒飯好香、粒粒分明😛 牛肉汁好香、鹹淡得宜，好好食🤤🐥 韓國炸雞🍗 （$38/3件）炸雞等候時間稍長少少，但係值得㗎！即叫即炸脆卜卜，正😋🍹 韓國柚子蜜 🍯 （$18）再飲返杯柚子蜜解辣一流🥳