辣蟹莊 (已結業)

星期五晚，同老公同朋友第一次去辣蟹莊試試任飲任食，當晚其實好其代，但係除咗湯低可以接受，所有食物都得一個字，差。從未試過生蠔係雪到一舊舊冰架蠔粒，豬肉片喺冰片，出前一丁買晒，真心想講俾大家知，唔好去試，唔好浪費金錢。

係外賣APP叫左4寶飯，一打開心，好開心，有x燒，燒肉，燒鴨，咸蛋。再揭開睇，肥到眼都突。平時有食開佢地點心，諗住落雨，落下方便。唉，咁都俾得外賣客，真得趕客冇回頭。佢地做事管理真係要檢討一下。 你係外賣APP,平個落去親自俾錢不但只，親自落去買外賣，每個盒加$2. 我只一盒點心加$2, 你叫熟客點返轉頭？ 疲情期間，餐廳生意錯，客人都明白，因為咁，餐廳不論管理層（經理）, 員工，都應盡快做好，珍惜附近既熟客。

朋友久未暢聚，一定要找一個能暢談歡聚的好地方！但始終要以食為先！其中一位淘氣靚媽推薦一處她讚不絕囗，隱蔽於觀塘工業區內的好地方！當下已相當好奇及有期望這一頓飯局，因為知道從來都是這些隱蔽的地方便能找出驚喜！位於開源道開聯工業中心A座的這間辣蟹莊確實隱蔽，要從大廈大堂進入，再轉完又轉才能摸到這不起眼的食店門囗。沒有甚麼特式裝潢的食店，我們就包了一間貴賓房作飯局之用！雖打正名號叫做蟹莊，這裡大廚的專長不光是做蟹和海鮮。我們一群也是肉食性的賓客便試了一度很特別的黑椒燒鵝，還有紅燒乳鴿。雖說乳鴿很多地方也能品嚐，但這店選的乳鴿是比較細小的，確是名符其實的乳鴿，所以肉質特別的嫩滑！另一度值得一提的菜式是蝦子抽皮扒鵝掌，柚皮並不是很多食店可以做到，始終製作工夫不少，這裡食到的柚皮做到恰到好處，不硬不軟，配上鵝掌的芡汁的蝦子的個性味道，絕配！我們可品嚐的好菜式還當然有少不了的避風塘炒蟹，大蝦芋絲巢，扇貝蒸粉絲，花膠燉竹絲雞湯！不得不提的是壓軸的鮑魚脆米飯。絕不輕巧的鮑魚配上爆香的脆米飯，兩種不同的咬囗感，真的很特別！超飽都要食曬！看來聚腳只是個籍口，食好東西才是原因！

由第一道菜黑椒燒鵝已經好有驚喜，最後以一個鮑魚脆米作終結。這一次是一個朋友極度推介我們來試，還說廚師會嘗試一啲新菜式，讓我們試來比點評價，廚師還自到來直接問我們的意見，他看到我們的笑容，我相信他應該也很滿意了。

呢度的湯水真係好正，花膠雞湯好足料，好鮮甜，飲完不口渴。不是味精湯可比，避風塘炒蟹好好肉，好香。黑椒燒鵝好juicy,價錢合理，值得一試紅燒乳鴿好嫩，燒得皮脆肉嫩，好味

好耐冇食蒸海鮮，朋友推介之下黎到觀塘辣蟹莊，我地選了龍蝦蒸海鮮套餐，首先送上每人半隻波士頓龍蝦，新鮮程度爆登，上枱時仲識郁，蒸完食係勁鮮甜又多膏，隨後送上海鮮拼盤， 我哋見到都引唔住嘩一聲，仲有和牛， 蟲草雞，梅菜豬肉丸都勁好味， 另外送上粉果和馬拉糕，唔夠既話仲可以免費再食，我地就加左$60有埋粥底，到最後食粥，個粥吸收晒所有海鮮精華🤤 ，食完所有野 ，已經勁飽，最後每人埋單唔使300蚊，真係平靚正之選

叫左$248加一 任食2小時火鍋 食物質素好差！前菜係青瓜、黑木耳、蓮藕、雞翼尖 ，全部蓮藕同雞翼尖好咸又勁辣 青瓜同黑木耳都係軟淋淋既唔爽口。送既爆炒蟹 蟹肉一啲味都無！飲品得好少選擇。上菜速度超級極慢半個鐘先黎一次，完全係唔想你食咁，浪費晒啲時間。同啲員工講結果都係一樣唔會理你，啲野食完都仲未黎第二轉，等極都未有。湯又唔會主動同你加，叫人加湯係加清水比你！認真超級無敵垃圾！又貴又無服務！啲野又唔好食！永無下次🤬極度差！

一个月之前跟老婆两人试过他们蒸气煱，其实冇乜特别，因大家也知海鲜夠新鲜便冇得話吾ok，但份量係夠吃的，可能我们细食最后肉丸我们没吃，叫他们退回去免得浪费，吾新鲜就一定吾再帮襯，今晚与一班朋友试小菜，這个才是考厨師手勢，所有菜式可說是不错，但驚喜是鲍鱼及辣蟹，可以值得再吃，今晚我们预订乳猪及燒鹅，自己圍内朋友一間房，大家都好满意今晚的菜式，環境就一般，因我不太介意環境，亦不介意招乎不好，如果不太过份，因我不会期望平民价要酒店五星级酒店招乎

成日經過觀塘都見到呢一間辣蟹莊。一直都好想試，因為好多朋友推介都話好食。今日終於湊夠人過嚟食晚餐。話明係辣蟹莊，咁當然要試呢度嘅避風塘炒肉蟹啦！ 肉質鮮美，香氣十足！ 非常之入味呀！ 嗰啲卜卜脆好食到直頭想拎走㖭！ 燒鵝同乳豬都非常之新鮮香口！ 小炒王鑊氣夠又足料。 蒸海斑都好新鮮，成餐飯 個個飽到行唔郁， 每人都係300鬆啲，性價比都好高。 呢度冷氣又夠，又夠乾淨，阿姐服務好殷勤，不時同我哋換碟+斟茶。 大班朋友或者一家人食飯真係一個唔錯嘅選擇。

lunch 飲茶小炒～嘅叉燒硬到冇朋友，冇味叉燒包~ 唔係平時嘅叉燒包汁 ，古怪炸軟殼蟹~ 裏面嘅蟹唔新鮮， 好多漿鳳爪～ 辣到跳舞唯一正常係 腸粉同薄撐其他都好差， 喺香港真係好難食到咁差嘅酒樓

之前有朋友話間野麻麻哋，上星期剛剛經過觀塘就去咗試吓二人火鍋. 都係一般火鍋，不過佢哋有一碟牛肉和海鮮例牌附送，估唔到那些海鮮也是活生生的。漿料就唔太多。再者，加$2佰幾蚊可叫隻避風塘炒蟹（原價$398），超好食，又新鮮！服務都可以，可以再好些。環境就一般，街坊生意嗰隻，下次可試小菜，希望有驚喜。

從來都無諗過要寫負評俾任何一間餐廳，但估唔到呢間餐廳，令我引唔住要俾好多個嬲😡😡佢地。原本諗住食個開心團年飯，結果，一肚子氣收場。話說我哋book了晚上七點半枱。我哋先頭部隊準時到場。到櫃檯報到時，先係櫃檯阿姐話’唔關佢事’,再搵個疑似老細的物體幫我哋處理。坐低咗十五分鐘，無人理會我哋，亦無人問我哋要咩茶水。幾經辛苦，終於叫到茶水。然後八點鐘齊人落單，搵侍應A點了八個餸菜。等到八點廿五分，一個餸都無到過，但隔離枱遲過我地到，都已經食到七七八八咁滯，我哋依然乜都未有得食，亦無人應酬我哋。搵返侍應A追單，佢𠲖𠲖哦哦幾句，又走開咗。隔了五分鐘，再搵返侍應A，追問佢有無落單，佢支吾以對後，又連人帶單走開咗。我哋愈諗愈唔對路，無理由等咗大半個鐘，都一個餸菜都無到，懷疑個侍應A落錯晒成張單俾第二張枱，連路過的上菜阿姐都識講，話梗係落錯單。响呢個時候，上菜阿姐同我哋講‘羊腩煲無晒’，我哋叫佢俾落單紙我哋望，見落單時間係.8:35’！再隔多幾分鐘，又有人再同我哋講，燒鵝賣晒🙄我哋又搵返侍應A問，究竟幾時落單。佢一句‘唔關我事，我放低左張單俾櫃檯’，跟住一副’唔關佢事‘咁走左😳🙄我哋搵疑似老細追問，疑似

初初以為呢間係食粥底火鍋，入到黎先知原來係食蒸海鮮，又係一個新體驗。.佢最底係煲粥，如果想食多d粥，最開頭要叫大碗飯，如果叫細碗最後就好似飲水咁。跟住d海鮮係上面蒸，海鮮既精華會滴落去d粥到，個粥就會好甜。佢唔單止可以叫海鮮，仲可以叫其他既野食，都好好食。佢既海鮮好新鮮，好甜，而且啖啖肉，蒸龍蝦同埋蒸蜆真係出色，好好食。食完真係好想再食。想個粥甜d可以蒸雞，雞汁滴埋落d粥到令到個粥更加甜。另外既野食都好好食，例如馬拉糕，粉果，一定要叫。.不過呢間野都算貴，希望佢可以有多d優惠啦，哈哈。

我昨天試過食物新鲜，服務麻麻街坊生意，位置在工廠大厦都唔易找到,價錢合理，好彩我無睇過食評否則無撰擇這間，我會再去吃都算滿足！海鮮蒸鍋，連空氣费每人平均25O元左右！ 值得一試！

今天星期五，眾teammates表示難得happy Friday，午餐當然要食好啲，有同事提議去辣蟹莊飲茶，近近地就順利成章成為我地既選擇。午市時間都爆晒棚，我地雖然十多人同行，但等位都十分之快，入去坐低後，我地叫左燒賣，蝦餃，鳳抓等等必叫點心後，仲order左福建炒飯同炒烏冬，十分豐富，食物味道還可以，上菜速度都合理，如果想近近地飲茶，建議可以試下。👍🏻😬