農耕記 湖南土菜 (嘉威大廈)

去北角行街，見到北角匯對面有間「農耕記 湖南土菜」，見佢menu幾吸引，又唔貴，決定入去試吓，好彩我夜晚6:00之前就入咗去🫣我入咗去冇幾耐就見到大排長龍，超級誇張！其實最近碌IG都有見到呢一間舖頭，話佢超受歡迎大排長龍，果然係真嘅，如果大家要嚟要預早啲嚟了😅我無聊睇Menu嘅時候，見到原來佢香港都有六間分店，再睇吓原來佢香港、廣東、北京、上海、新加坡、馬來西亞都有分店，真係好瘋狂！佢店舖環境好有特色，好靚，坐得又舒服，我見到佢可以包房，我估大約可以能容納20人左右❤️雙椒蒸魚頭（配麵條）用紅辣椒和青辣椒所蒸的魚頭，魚頭嫩滑，完全冇腥味同泥味👍🏻麵條好滑，好好味！❤️鮑魚辣椒炒肉迷你鮑魚仔、蒜頭、青辣椒、五花肉所炒成的菜，好香口惹味👍🏻❤️家常炒絲瓜絲瓜平時出面食通常係斜切，第一次食切開一片片，口感幾得意😎❤️蒜蓉粉絲蝦仁呢度餸入邊有蟲草花、乾蔥、蔥、蒜、蝦仁，漏斗計時6分鐘就可以食，蝦仁十分嫩滑，粉絲乾濕度剛剛好，正！❤️香水檸檬茶超大杯嘅香水檸檬茶，份量好夠，而且唔會太甜，好抵嗌👍🏻第一次試湖南土菜，食完之後發現佢食材好好，所有嘢都係即炒好有鑊氣，真係值得推薦！而且地點好方便，北角站A1出口

內地朋友極力推介，北角有間農耕記食湖南菜，朋友還提醒這店每晚都非常客滿，於是去了農耕記湖南土菜，港鐵北角站A1出口，步行約2至3分鐘，北角滙對面，交通非常方便。這間店無論內外都很有中國特色，門口大紅燈籠高高掛，很有氣派，是打卡的好地方，店內面積很大，座位寬敞，服務員很有禮貌招呼，推介這店招牌美食，令客人賓至如歸，稱心又舒心。菜譜在門外任客人先看，使客人心中有數想吃什麼招牌菜，簡單易明，有辣有不辣，全是湖南直接到港，無論肉類和蔬菜類都非常新鮮。鮮炒黃牛肉$138鮮炒黃牛肉很有鑊氣，還要用慢火爐輕輕加熱，入口有些燙咀，肉質鮮嫩可口，脆而不膩，味道恰好，還有多款農耕香草嫩菜伴炒，惹味又可口。蒜蓉粉絲蝦仁$118都是用火爐加熱煮熟，用漏斗量度時間約6分鐘，服務員禮貌提示兼不停看時間，務求精益求精煮得恰好，蝦仁味鮮肉彈，蝦汁浸入粉絲，蒜蓉喚醒味蕾，整體味道發揮極限。家常炒絲瓜$58輕輕嚐口家常絲瓜，味道剛好，口腔被鮮甜又鮮嫩的絲瓜，洗滌口腔味蕾。酒酿馬啼爽$29是湖南特色的甜品，馬啼粒入口清爽舒心，還有爽口的丸子，甜度恰好，為這餐美味食譜畫上完美句號。

在北角渣華道北角匯商場對面的嘉威大厦地下開了一間充满中國風的新店，叫農耕記湖南土菜。這品牌大有來頭，在香港、廣東、北京、上海、新加坡、馬來西亞直營門店超過100間。除了此北角新店，九龍佐敦新寶廣場，黄大仙中心和紅磡黄埔天地都有分店。為慶祝此店開業，店提供好吸引的優惠，難怪吸引咁多人來排隊試新野。5月21至22日有5折，23至24日有6折，25至27日有7折。店的裝修有特色，環境舒適有氣氛，一大班人來聚餐可以訂可容納20人的包房。此店出品湖南土菜，用原生態好食材，現炒有鑊氣，有特色，有辣有唔辣，值得一試。鮑魚辣椒炒肉好惹味，軟皮椒香，微辣開胃，土豬肉嫩和有肉味，小鮑魚鮮美，白木耳爽脆。蒜蓉粉絲蝦仁都好正，不辣，菜送來先淋上醬油，在桌上加熱一會再吃，味道更佳更鮮。家常炒絲瓜採用湖南攸縣白玉絲瓜，又鮮又甜又健康。高壓鍋紅薯飯好食，米飯軟糯，加埋紅棗紅薯煲更香甜美味。香水檸檬茶超大杯，有1公升，冰凍清甜解辣。分享用餐經驗到社交平台，可免費送。今次用餐體驗有新鮮感，好滿意，值得再訪。

在香港走了好久找家湖南菜馆，无意中看到的这家。据说香港这家湖南菜馆也是刚刚开张不久。晚餐时间人爆满，但翻台率超级快！点了必点的辣椒炒肉，味道超赞。也能做微辣，蝴蝶鱼也好吃，强烈推荐哟！

小炒肉最喜欢，镭椒皮蛋也很好吃，在香港也能吃到这么好吃的，湖南菜真的非常不容易，虾仁也很新鲜，皮蛋调味调得很好，米饭的硬度也刚刚好，非常好吃，很有家的味道，推荐大家来吃。

幾正宗的內地家常菜 ，有啲菜式唔係可以喺香港經常見到例如番薯葉，可惜當天冇貨。雖然大部份菜式都有標注係辣，但應該遷就香港人口味，唔算太辣但好香口。叫咗嘅菜式有：辣椒鮑魚、招牌蝴蝶魚、清炒白菜、土雞湯、鹹蛋黃燒賣，仲有花卷。個土雞湯幾推薦，見到係足料同濃味，亦都有雞湯清甜，$38係可以接受嘅價錢。另外鹹蛋黃燒賣都好特別，中間係糯米加鹹蛋黃。招牌鮑魚，入面嘅鮑魚偏細，但係味道不錯。整體來說，雖然價錢相比較低偏貴，應該會再試多一次。

在農耕記用餐的體驗真是令人難忘！餐廳的菜品無論是色香味都非常出色，每一道菜都展現了新鮮的食材和精緻的做工。我特別喜歡他們的招牌菜，味道鮮美，讓人一試成主顧。此外，服務態度也令人讚賞。服務員熱情友好，隨時都能提供建議，讓整個用餐過程更加愉快。無論是餐點的介紹還是用餐中的詢問，他們都非常細心周到。總的來說，農耕記不僅讓我品嚐到了美味的食物，也感受到了賓至如歸的服務，絕對值得一再光顧！

今日去咗北角地鐵站附近食湖南菜，餐廳裝修好靚，仲有包房。原來農耕記喺內地同世界各地有超過100間分店。第一次食湖南土菜覺得幾特別，菜式唔貴而且好大份，好多家常菜，辣同唔辣嘅菜式都有，我覺得口味幾啱香港人。鮑魚辣椒炒肉有超級多迷你小鮑魚好抵食！！醬汁好啱送飯，肉片都好多，辣椒唔會好辣，係餐廳嘅必點菜。蒜蓉粉絲蝦仁蒜蓉粉絲蝦仁不嬲都係超級夾嘅配搭。蝦仁幾新鮮彈牙，蒜蓉嘅香味俾粉絲吸收晒，大碟夾抵食。果木脆皮烤雞烤雞嘅外皮烤到好酥脆，雞肉都醃到好入味，肉質唔會好乾好嚡，鍾意食辣嘅會有啲辣粉點。柴火煙筍筍好新鮮，仲有芹菜一齊炒，好食到菜嘅鮮味。。家常炒絲瓜絲瓜係湖南嘅白肉絲瓜，真係特別鮮甜。香水檸檬茶1L一杯，超大杯，唔會好甜，香水檸檬嘅香味清新特別，夏天飲真係好解渴。

今晚約咗家姐及朋友到「農耕記」食飯，在北角新開地方都好大，因為家姐不食辣我又剛感冒好，所以大家今晚決定不食辣。點了1.果木燒烤脆雞，真係好脆好入味👍2. 砂鍋煨豬腳，汁不會太咸有黃豆用來伴飯食好味😋都好大煲食唔哂打包走🥦3.大碗花菜，雖然簡單但係入味及條條冧度適中。下次會再去食辣野。

🫑鮑魚辣椒炒肉 $128第一次見咁細粒嘅鮑魚好得意，仲以為咁細粒食落冇咩味，點知都好鮮味同好彈牙，青椒唔會有臭青嘅味，連籽食有少少辣辣地夠鑊氣，豬肉係瘦肉片好入味🦐蒜蓉粉絲蝦仁 $118最期待嘅一道菜，即上喺你面前開火蒸7分鐘，開蓋即食真係太好食，g粉絲夠淋入晒味，蝦仁用新鮮蝦剝殼，好鮮甜爽牙，每隻都舖滿蒜蓉超香🐟雙椒蒸魚頭（配麵條） $158岩晒鍾意食魚嘅朋友，兩隻辣椒畫右一邊，綠色果邊嘅椒味比較香濃但相對紅色果邊又冇咁辣，魚肉蒸到岩岩好勁嫩口，就算有骨都係大大條好易挑唔怕啃到🐔果木脆皮烤雞 (半隻） $78真係食到果木嘅薰香味，雞皮又薄又脆，雞肉juicy🥬清炒蕃薯葉 $58本身都怕蕃薯葉會好鞋口，呢碟出奇地唔會，清炒但已經好夠清甜🍋香水檸檬茶 $36/1超大杯好抵，建議兩人share

想吃正宗湘菜就來農耕記香港為數不多的湖南菜館，環境不錯而且服務員很熱情，上菜速度也是非常的快。梅菜扣肉的肉入口即化，熱騰騰加上飯一起吃再來上一點梅菜簡直是十分下飯的搭配。擂椒皮蛋也很香。

記得第一次在開業初期來這家餐廳，當時的第一個感覺就是冷氣不夠凍，食物較鹹，後來有跟餐廳反映。後面又來這家餐廳吃了幾次，這兩個問題都已改進。我特別喜歡的一道菜就是鮮炒黃牛，令人回味，也為我後來把這家餐廳作為日常的選擇之一。

農耕記 過江龍 之前喺深圳食過今次再喺香港試食都冇令人失望鍾意食辣，湖南菜嘅朋友可以試吓呢度個泡椒魚頭，辣椒炒牛肉好正而家評論仲送一杯大檸檬茶 幾抵食環境似足湖南木屋 好多燈籠 可以一試

精緻食物，上菜速度快，店員耐心。 我們點了5道菜式，一，臘肉炒蔥，2，乾鍋肥腸，3，牛肉炒芽菜，4、，古法梅菜扣肉，5，泡椒魚頭。 口味岩返香港人，唔係超辣，食得輕鬆。唔會成身汗。

內地有嘅分店，曾經試過好食所以今次喺香港都試下，都幾好，環境好食物好，又有禮貌。嗌咗辣炒肥腸，梅菜扣肉， 炒臘肉， 味道剛剛好食材都新鮮， 估唔到炒臘肉嘅配菜蔥都咁好味