迦南美食

營業中

休息中

我久不久都會黎食～次次都係食海鮮喇沙～因為個埸底好味～好鮮！上星期又去點咗個海鮮喇沙麵！都不係平74元～但ok的！個麵係我鐘意的油麵有一隻蝦同埋十幾隻蜆～你秋天吃特別爽～D蜆都N大隻的！入面坐位就約二十至三十個位～都好多人食湯麵的！佢地仲有其他野～例如咖喱～肉骨茶～泡飯～老肉反～等其他野食的～仲有D小食的～不過～我一個人吃個麵夠了！下次多D人先試下其他野吧！佢個位置係深井村那邊～不過不係對住大馬路～要入多一個 block的～所以要找找的！

嚟到呢間，決定轉換下口味，試吓佢哋嘅招牌，張枱上面盡係些色彩繽紛嘅海鮮擺盤，真係令人垂涎三尺🤤。首先，清酒海鮮烏冬嘅麵條彈牙得滯，每一啖都似乎踏著舞步般跳入我口中，烏冬湯底微微嘅清酒香氣立即提升咗整體嘅味道層次，海鮮之鮮美我就唔洗講啦，每一口都係咁鮮甜。🍜至於家爸選嘅海鮮泡飯，實話實說，真係有驚喜喎！米飯吸滿咗海鮮精華，每粒米都仿似海裡面浮游嘅珍珠，令人停唔到口。個蟹雖然只係咁咁滯，不過論整體表現嚟講，都係頂級享受。🦀🍚而家講番個冬陰公米線，就有啲平平無奇，唔過唔失啦，味道中規中矩，唔算太出彩。不過，整體嚟講，呢一餐飯，簡直係平民價錢享受貴族般嘅海鮮盛宴咁，真心推介俾大家。下次我一定會再嚟！👍

迦南係深井比較鍾意既一間食店，亦都係成日幫襯既食店，覺得佢環境比較好，D餐食都好食。之前好鍾意佢哋既海鮮米線、海鮮泡飯、茄子田雞、雞軟骨、烤魚等。不過依家食物味道無之前更好了，唔知係咪轉左廚師，之前芫茜豬潤米線既豬潤唔新鮮，有苦味。今日既海鮮米線又超鹹，以前仲有魚肉，依家都無了。茄子田雞又唔入味，有D淡。雞軟骨係一如既往好味，不過價錢也真係越來越貴，由30幾蚊加價到55蚊。食物質素無以前好，價錢卻越來越貴了。

今日去食嘢，係一個長頭髮（用鯊魚夾夾住晒啲頭髮）、戴眼鏡、着黑色短袖衫同短褲嘅一個待應妹妹幫我落單，落單嘅時候已經非常遲鈍，明明我叫咗浸魚、菜底，點知最後嚟咗嘅係炸魚。同返長頭髮嘅妹妹講返佢落錯單，佢竟然話唔係佢落，我同我同事四隻眼都見着明明係佢幫我落單，而且因為落單好慢，所以印象深刻，喺呢個時候竟然將自己嘅錯推比另外一個短頭髮嘅待應妹妹，話係人地落錯。事後個樣非常之心虛，唔敢同我有任何眼神接觸，仲要個短髮妹妹幫佢執手尾。錯咗咪認囉，講句唔好意思成件事就完㗎啦。依家錯咗唔認，仲要推卸責任係無辜嘅人身上，年紀輕輕心地就咁差，真係職場嘅可造之材。

這是一間意外發現的小店，魚湯海鮮米線湯底鮮甜而且還有很多蜆，蜆肉10分新鮮， 10分肥美。另外湯頭加上了下的鮮味，喝停不了口。另外朋友叫了整條魚的套餐，炸魚上來的時候賣相20分吸引。魚肉也鮮美單價， 10分好吃。另外我們還試了其他的小吃，味道也不錯。

尋日8點幾先有晚餐食，即刻上OpenRice睇下迦南收幾點啦，見佢收10點咪即刻衝去食晚飯，9:00去到淨返一枱客就諗住問問店員收工未，有位女職員話未，隨即入去叫左兩碗喇沙米線同小食，野食9:11到，9:23有位男店員大大聲話：我地9:30關門。我心諗唔係收10點咩？碗野熱辣辣，點樣喺20分鐘內食晒呀？又唔係快餐店，兩個人都食咗$200 ，又要趕我地走，你早啲講話收9:30我咪買外賣囉，以後唔會再幫襯

光顧了10年，不敢說編寫一帖食用大全，但是說一說入門指南還是可以的。（附上這個月內吃過的菜式照片）🌟招牌菜🌟：清酒海鮮烏冬原條蒸／炸魚魚湯米線👍🏻推薦👍🏻：田雞魚湯泡飯／其他魚湯泡飯芝士白汁雞皇飯👌🏻有條件推薦👌🏻：金不換咖喱飯🌟招牌菜1️⃣清酒海鮮烏冬湯底的清酒味非常濃郁，烏冬彈牙，花甲／蜆肥美而沒有沙，蝦正正常常。還有小碟給食客放蜆殼，不用怕吃相不佳。吃了10年，只有兩三次烏冬煮得未熟透而失準。🌟招牌菜2️⃣ 原條蒸／炸魚魚湯米線魚可以弄得完全不腥，在香港食過的不多。我喜歡吃魚但少吃魚肚，而他們的魚肚沒有腥味，暫時是唯一我會吃完全條魚的食店🤣 他們會把當天有的魚類寫在板上給食客選擇，亦可要求要辣椒鼓油。如果叫炸魚有可能會整條“立起“給你😆 -–------------------------------👍🏻推薦1️⃣ 田雞魚湯泡飯／其他魚湯泡飯他們的泡飯都是用魚湯湯底，吃完不覺口渴，亦不覺有用味精。暫時是香港內唯一我會連湯喝的泡飯／麵(平時因為怕味精所以食麵不會喝湯🙈) 而田雞比較少地方有得吃，像嫩滑版的雞肉。這還的田雞量多，熟的程度剛好保持了肉的鮮嫩。👍🏻推薦2️⃣芝士白汁雞皇飯小朋友最愛🤣 比

以前住深井幾乎每星期食嘅餐廳，原來呢間小店喺沙田開左分店，沙田的人有福了覺得佢地最出名就係食魚湯飯，魚可以揀炸/浸，餐牌亦有強調絕不加味精，保證健康真美味我其實對魚一般般，主要係陪老公食😂我通常都會叫炸墨魚餅魚湯烏冬，欣賞佢地轉烏冬都唔駛另外加錢👍🏻魚湯一d都唔腥，同埋配有豆卜同埋好多菜，感覺健康又多料👍🏻呢個魷魚酥勁好味，薄粉炸，好脆口，雖然成日都嫌佢$40得呢個份量有d少，但真係好好味，所以我地都係成日會叫黎食😂老公叫左蕃茄湯飯都好正，湯底夠濃，食到蕃茄蓉👍🏻配埋炸魚，條魚一d都唔細條，有時都會食唔哂，所以個鮮魚套餐雖然要$95，但配埋埋湯飯，有成條魚，依然覺得算係幾抵食嘅👍🏻

讚1. 味道的確唔錯，掉咗芫荽皮蛋湯米線，湯底相當清甜，芫荽味都幾香，坦白講無諗過呢啲望落似茶餐廳嘅鋪頭仔，嘢食多元化得黎又有咁既水準，唔怪之得咁鬼多人彈1. 環境逼狹，就算佢冇催客走，都坐得唔自在2. 豬潤切得唔好，好多舊都係厚身，但係有筋

深井不是一定食燒鵝，深井是一個出名食燒鵝的地方！今日去探朋友！他們就帶左我地去他們家多國菜的餐廳朋友說他們家的海鮮好好食！但我們來晚了所以沒有了我們三人叫左兩個雞喇沙和田雞泡飯！味道都好好！環境有點小！

假日下午又係深井覓食。心郁郁都想試下去食之前食過既迦南美食。幾年前食過，佢地既炸魚餐同魚湯都唔錯。迦南美食個位置係一個小巷到，街外人可能未必容易發現到，位置大約係深井牌坊再行入一條巷仔。內在環境就比較細，座位數量唔太多有約7-8枱到。擺位亦比較窄。應該可以容納有20-30人。食物蠔仔肉碎泡飯泡飯份量非常大份，端上黎哥陣熱辣辣冒哂煙，蠔仔既份量多到我諗有成10幾粒蠔仔，蠔肉亦都好飽滿。一個字：鮮！ 魚湯亦都非常好飲，真係無咪精。我食碗都飲哂，一滴都不剩。個魚湯既配方真係無得頂！迦南椰絲咖哩雞飯迦南咖哩雞就比較失色，我記得以前食開個咖哩好出色。今次食無以前咁惹味。咖哩係甜的，水汪汪，無咩咖哩香，洋蔥落太多個味道掩蓋左咖哩既味。雞還可以，唔會太鞋，算滑。個餸叫做食得下，雖然咖哩汁味道有d怪，但都叫做可以餸下飯。飲品生姜茶 & 紅棗茶飲品ok 生姜茶偏甜但可接受，紅棗茶甜度適中。總結：蠔仔肉碎魚湯泡飯非常推薦，有魚湯既餸應該都唔差，因為佢魚湯既湯底真係一流其他餸就希望有改善啦！的確係比以前差左，唔知係咪真係轉左手。服務態度亦都需要改善下。因為係深井街坊，勉強比個好評！

之前試了晚餐大不如前，早兩天再去試試，看看有否改進。一去到， 很多座位，暗覺奇怪，因為以往晚餐時間是比較繁忙。食物送到時，感覺跟以前不同。再品嚐後，心中已作決定，以後無需再來了。不論份量和質量的的確確大不如前。而且那長髮女下單員，態度不佳。此役之後，唯有再找別的美食，更希望日後在別處能再出現"昔日的迦南"!

星期日7點，嗌左兩個鮮蝦香葉肉碎飯等左45分鐘，掛住做外賣。又冇左跟餐小食，性價比不如前。侍應/老闆娘態度惡劣，對員工好過對客。真係要來既話，記住嗌湯麵唔好嗌飯。

深井就如一個遠離煩囂小村落，除了著名的燒鵝外，也隱藏很多美味的食肆。朋友推介迦南美食，位於後巷並非當眼處。坐位不多，可以容納25人左右。當晚六時半到達，也需要等候20分鐘。 到晚上七時許，已經有很多人等候了，所以記得早點排隊。朋友推介鮮魚套餐，可以選擇魚湯泡煮或香酥脆炸，主打原條上的特色，再配粉面飯。每天供應的鮮魚都不同，我選擇炸黃立倉魚湯炮飯，朋友選擇海鮮魚湯米線。或許餐廳需要兼顧外賣及堂食關係，我們又要等上20分鐘的上菜時間。建議有空閒時間才惠顧此店。原條的炸魚賣相很突出，雖然黃立倉肉部較小，但外皮香脆非常可口。泡飯意外地出色，鮮魚湯味很清甜，泡飯和菜絲及肉碎一起進食值得一讚。米線海鮮足料及新鮮，魚湯加上海鮮甜美有另一種味道。相信魚湯並無添加味精，食完整晚也沒有口渴的感覺。

今日的迦南美食已大不如前，食物質量和份量，再加上地方不舒適，我不會再去! 以前是很踏實，如今已成過去。過完年加價後更加物非所值，而且又偷工減料，很失望! Very disappointed with the quality and quantity of food. The food is no longer like before. The ingredients have been missing for some reasons in most of the occasions even the prices have been reviewed since Lunar New Year 2019.