通達食店

營業中

休息中

上次講過要試吓佢地個油渣麵,因為有好多人食,既然行過,就入去食!油渣爽爽地,幾好味,麵本身都ok,仲有蔥粒,火腿,菜脯等,幾豐富!味道都唔錯!再加碟細腸粉,夠哂飽!

對於油渣麵，印象僅限於街邊檔，而且味道也沒甚麼特別，說實在一點，就是不太好吃。今次由友人介紹到這試試「出名」的油渣麵，又看看有甚麼出彩之處。這兒所有食物都名碼實價，大大的價目表座落在食店的牆上。但不便宜，比街邊檔都貴上一兩個價位。點了油渣麵及煎九菜餃。油渣的確不錯，肥肥的，配上火腿呀菜甫等一起吃，而麵都是普通的，整體而言，始終不合味兒！而煎九菜餃則較出色，煎得香口，內裡保留了點肉汁，感覺也新鮮。環境有些逼，而且地下不乾淨，坐落感覺周身不舒服。不會特登來Encore了，而且的確不抵食。

瑟縮喺花園街,俾路邊既攤檔蓋住,本應唔起眼,但係居然坐滿哂人,總有佢既道理!嗌左一碗魚肉魚翅同煎釀三寶食,魚肉好特別,同人地唔同既地方係佢既魚肉係一粒粒,有少少魚旦feel,但係又細粒d!味道唔錯!煎釀三寶一般,比較油,但係夠熱,係新煎起,所以ok好食!見好多人食油渣麵,不過我得一個人,下次先食!

尋日下晝傾盤大雨, 都唔知去邊度行好, 突然間行行下街有少少肚餓, 好想食d野, 於是諗下有咩好食, 而女友話好想食腸粉, 靈機一觸於是黎左呢度!入到去唔係好多人, 坐底睇下有咩食, 睇左一陣就決定要一碟腸粉(大), 一串咖哩辣魚蛋同一串燒賣!唔使一陣d野食就到, 首先試下腸粉, 腸粉份量都幾多, 而腸粉亦都幾滑, 配埋豉油, 麻醬同埋甜醬, 真係非常美味; 咖哩辣魚蛋一串有六粒, 咖哩夠香夠辣, 而魚蛋又好入味, 加上十分彈口, 好正; 燒賣一串有五粒, 燒賣唔會有太多肥豬肉, 普普通通, 但又唔覺有咩特別; 不過食左一半師傅已經要加單, 再加多一串咖哩辣魚蛋同一串燒賣!總括黎講小食都幾好味, 地方就一般啦, 價錢相宜, 腸粉一碟細係八蚊, 大係十一蚊, 而魚蛋同燒賣都係各六蚊, 埋單都係三十五蚊, 唔算貴啦; 而師傅偶然都會食下小食, 不過要食到加單都可能係第一次, 下次一定會再黎!

行開花園街,見角落頭有間幾人頭湧湧既食店,就入去食一些小食!個油渣麵幾好味,麵身煙靭,油渣雖然浸左湯,但係都爽口,湯咸味適中,整體感覺幾好!再食一串辣魚旦,味道都唔錯,起碼唔會得個咸字!喺花園街入面舖,其實有好多間潛龍伏虎,得閒大家可以尋吓寶!

掃街活動進行到花園街,我專選擇一d好多人既店,增加食到好野既機會!肥媽係一個成功既例子啦!通達呢?我入去食左碗魚肉魚翅兩溝!味道唔差,d魚肉都係認真做,有水準!再加一碟煎腸粉,味道都好好,加d甜醬辣醬一併食,好味!今次收穫都幾豐富!

四點鐘,鬆一鬆!偷偷地落街買左碗生菜魚肉食,此店一直是我的最愛,每次幫襯都見店內人頭湧湧,都係正常嘅,因為佢既味道確實係唔錯!服務方面,坐喺收銀位既阿姐幾好人,我追單佢唔會托手肘!不過有時好好好好忙既時候就會有少少走樣!大家都可以嚟試吓!

上次去錯左油蔴地間通達,撞左板,今次去番啱嗰間!先嚟一碗油揸麵,味道真係好好多,我特別鍾意落多d麻油,仲好食!生菜魚肉一碗,魚肉湯做得好好味,魚肉都有魚味,唔係全粉型!再要多碟滑滑既腸粉,飽飽!

只係食過油渣麵同辣魚蛋魚蛋一d都唔辣,只係覺得個汁好甜.油渣麵尚可接受,菜圃+火腿絲撈埋一齊食幾好味,油渣就一般啦.總括黎講ok !

last night去,第一次食油渣麵原來如此,很common,不過真係"油"渣麵,食完勁口渴,飲左3柸水都未得,之後仲胃痛!!!!!!!!!!!原本想食埋腸粉,不過見其他人食既腸粉勁多油,冇食~

未食過甘鹹的碗仔翅﹐鹽平都唔洗落甘多!食完好口乾。

中學食到而家!係我食過既魚蛋之中最好食既!

平,靚,正"呢3個字可以形容哂成間通達!!"魚旦,,呢間係最好食,辣得好食,夠彈牙三寶,,唔知道點講佢既好食!!燒賣,,我中2佢既鼓油,,好味道"

我d fd成日都會來呢間通達食野,仲話係花園街既no.1,我仲心唸...有無咁巴閉先?...我今日去過食,真係好好,我同我另外3個朋友一齊,所以可以叫到好多野食,我地叫左話係最出名既油渣麯,魚肉翅,魚旦燒賣,餃子,三寶,粉果,腸粉..haha真係好多,仲驚食唔哂,但係佢地話好食既,就一定食得哂wor..haha,咁我食過又真係不得不讚好!!油渣麯,我第1次食,仲驚會係好油既,點知又唔係,佢除左油渣仲有好多火腿菜圃咁,好清新,魚肉翅足料又夠味,唔會好似其他地方咁,好似食緊生粉水咁,其他小食都好好,魚旦夠哂咖哩味,d三寶仲要係好新鮮既,腸粉勁滑,樣樣都好好,好到無野好講,最唔好既就係間野太多人la,迫左d,但係好食既地方一定係咁ga la,我一定會成日去食既,而家已經真係好難搵到一間咁心水既食店!

驕陽似火，唔多想食米飯類物體。就嚟呢度食吓"零食"..太太間唔中都鐘意食呢亭嘢，仲特別鐘意嚟呢度食添...碗仔翅、魚肉燒賣、粉果、煎釀三寶、生菜魚肉、油渣麵、雞翼、糯米雞...真係一次過滿足晒你所有嘅願望...對我嚟講，點好食都只係零食啫，何況當然唔算係高水準啦...俾我揀，情願去牛頭角下邨炭爐雞蛋仔檔食番二三件格仔餅，或去肥媽度食三五七串墨魚生腸好過la...