連和燒味餐廳

營業中

休息中

老闆態度極差，好似唔休做咁，原本想訂乳豬5隻，問多兩句好似欠左佢全家。燒味係唔錯，但有受氣先食到既話可以去第二間囉我覺得，又唔係得佢一間有得賣，今時今日咁點說好香港故事？

今日（27-3-2024 Wed）請半日假去買嘢，差唔多買齊後，諗今晚食咩餸，蒸肉餅?但又想食燒肉，於是睇睇，呢間燒肉賣$108.00一斤，宏泰賣$118.00，於是我行返嚟買，我就揀咗其中一件嘅一條骨，收$118.00。返到屋企鎊吓，有13安士，約10兩重，但點計到$118.00咁貴?我食吓先，佢嘅皮脆，肥嘅部份入口即融唔油膩，成個又唔會太鹹，正常OK嘅。上次食評係2021年5月31日刊登嘅呢篇:https://www.openrice.com/zh/hongkong/review/blue-%E7%84%97%E4%BD%8F%E5%B9%AB%E8%B6%81-e4039669

19-5-2021(Wed)佛誕公眾假,同老公由沙田返嚟買餸,老公話買叉燒,海蜇燻蹄,咁行去太興睇,完全冇呢啲嘢,連和有齊,叉燒同燻蹄都係$100.00斤,海蜇$150.00一斤,宏泰冇海蜇燻蹄,叉燒就$108.00一斤,咁我哋返嚟連和買啦.由於買買吓,覺得唔使買叉燒,就只買海蜇燻蹄啦,問吓有冇例牌,亞姐話冇海蜇,燻蹄一個個稱嘅,咁就喺雪櫃攞個細嚟稱,相中男師傅話$55.00.亞姐俾我時交帶一聲,唔食要雪住佢.到開餐食喇,呢個味道比唐順興越嚟越鹹嘅燻蹄淡好多,要蘸蒜醋食.價錢:返到屋企,我拎個燻蹄去磅,啱啱8兩,咁即係$50.00啦,點解收我$55.00?嗰$5.00係咩嚟?外賣盒同蒜醋嘅錢?定係加一?

親戚住荃灣， 話連和勝記燒鵝最好食，疫情關係冇得堂食，唯有外賣拎走。外賣拎到屋企，鵝油已經流曬出外賣盒，袋裏面好多油，打開燒鵝底亦好多油，可以留番d鵝油炒菜。顏色望落去都幾靚，係稍為黑咗少少，不過鵝皮唔算脆。鵝有好肥亦有比較瘦嘅部位，有幾舊係全脂肪，不過脂肪嘅鵝油香唔係好重，唔夠香。鵝肉方面，整體比較緊實有咬口，不過醃料唔係好平均，有少部份位比較鹹，但大部份肉都比較淡，配埋送嘅燒鵝汁食應該比較好。整體而言，一定唔會係荃灣最好食，不過不失。

#連和燒味餐廳油雞賴😁大份爽抵食黎形容。勁大碗粉仲有9件唔算細件既雞件，加埋凍檸菜都只係$33。連鎖大xx都做唔到啦。所以好正，岩哂我平時一支公黎食。油雞滑有雞味。賴粉爽口而且夠多，男仔都未必食得哂，好彩有9件雞，唔會食到最後無哂餸配粉食。餐廳仲特登配一碟仔蔥油比係，而唔係就咁放入碗粉，份量都多。湯頭係清雞湯，帶咸香，配粉都幾夾。總結：餐廳好大方，服務親切友善。做街方生意唔會賺到盡。😋十萬個支持呀。

剛剛係佢度買咗個例牌燻蹄海蜇，佢話$100，無問題。當時俾阿仔催我上車，一時唔為意就走咗。點知一上車打開睇睇，即時嚇一嚇，仲少過我係酒樓飲茶叫小食冷盤，如圖。打去同佢理論，仲用粗口鬧我阿媽。大家小心!

家住荃灣的親友到屋企坐坐，並帶來一盒燒肉作「手信」，聲稱此店在該區頗受街坊歡迎。打開盒子一看，舊舊腩肉整齊排列，單看樣子十分吸引。雖然經過個多小時的車程，吃時外皮還是脆脆的，不過某些已燒得過火，所以有陣陣燶味。肉地一層肥一層瘦，但我仍嫌肥膏多了點點，肉質則不會太韌，味道則較為淡口。整體來說，質素平平。

我幾鍾意食燒味的，不管是叉燒、燒肉或乳豬，所以中午跟同事食午飯，很多時我都會叫燒味飯，有同事也禁不住問：日日食，唔厭嗎?其實，又真係唔厭喎！所以，今日又食了，試試荃灣的新燒味店。叫了一碗叉燒飯以及切雞飯大家分吃。叉燒的份量確係唔少，不過近乎全瘦，單睇已知好食極有限，吃起來果然蜜味和肉味均欠奉，幸而肉質還不算太韌，才叫安心一點；切雞嘛，鮮味當然沒有，而且十分嚡口，把薑蓉用來撈飯仲好。兩款燒味均未能令人滿意，就連杯凍檸茶也不合心水，死心了！

2010年12月23日 荃灣 ( 連和燒味餐廳 - 1)( 首評:250)2010年10月櫻島麵包店結業，轉了維記餐廳，今天再轉了連和燒味餐廳。早上，我倆來到這店早餐。要了A餐及E餐共享。A餐有鮑魚手撕雞螺絲粉、腸仔煎蛋、油包，餐飲要了熱奶茶。E餐有南瓜茸麥片，三文治選了餐肉作餡，餐飲要了熱鴛鴦。今天兩杯飲品都不錯，最好飲為熱鴛鴦，南瓜茸麥片都幾好味，其它都OK嘅。