逸月軒

營業中

休息中

幫襯個幾次 食物質數本身唔差，點心新鮮整 但不過個老女侍應服務態度好差 個後生男侍應埋左單，我地再座多左一陣個老女侍應就話唔比用張coupon 而且態度好不友善，唔洗咁惡呀，唔收咪比番我，但唔願比咁款，個樣又惡死一时又話唔比補現金一时又話得 又係度鬧另一個男待應你地溝通問題唔洗將之態度發洩係客人身上的客人又不算多，但唔係咁無禮貌對客人可一不可再 今既今日咁既服務態度真係趕客唔怪之得個個都要北上消費了，比幾舊水咁既服務態度真係唔要得母親大人話食完勁口渴，好多味精，唔會再來了

要幫呢間酒樓平反吓先之前見佢啲食評個個都講到好差嚇到我都唔敢訂枱但係比較了同區幾間酒樓嘅菜單之後佢嘅餐單算係最豐富同埋價錢係最相宜非常豐富嘅晚餐全包宴假日只係$2598仲包了兩壺橙汁一支紅酒同埋茶界兼免收加一首先有乳豬全體非常好味仲有隻燒鴨非常貼心個碟底有蠟燭熱住炸蟹鉗亦都好彈牙全圍枱都覺得個壽桃非常好係大隻嗰款因為一攞上手非常熱打開去仲有咸蛋黃個個都話近期少有不過可能侍應真係比較忙，因為見佢哋一個侍應係要照顧好多張枱但係又未至於服務差

又貴又難食又受氣嘅一餐。中秋前，同屋企人試下去哩間茶樓食做節飯，點知貼錢買難受，真係請我都唔會再去！先唔講上菜慢，份量少，價錢貴，六個人5樣菜埋單接近三千蚊。重點系啲餸好難食！有件阿姐（估計經理，負責收錢，問佢貴姓吾肯講）態度差到爆，無禮貌，黑口黑面咁收錢，好似我地欠左佢咁。另外，全場好似得一個員工做野咁，其他待應好似聾左，叫極都無人理你。三千蚊真系大把選擇，荃灣亦吾系得佢一間酒樓，哩間咁嘅野真系衰過食茶餐廳，垃圾！

落咗單半個鐘都冇點心、原來冇落單；個經理嘅態度超級極度差；個個員工都好似唔知自己做緊乜咁；講嘢大大聲，勁冇禮貌！我哋2:25坐低、2:50都冇任何嘢食，之後先幫我哋入返單，入單嗰個又推卸責任唔係佢落、男經理走過來黑口黑面真係食到好受氣！好少要寫個食評去一間餐廳、真係影衰晒香港嘅飲食業嘢食方面不過不失、不過碟生菜係剪都唔剪成棵果上枱俾你、鯪魚球燒賣都難食、雞扎最正常。不過價錢方便就平，但係即使平都唔需要咁嘅態度

見到OpenRice  評價，以為好差，原來唔係，經理及服務員服務都好呀，有禮貌。朋友未到齊，經理都有話唔好上 菜住，有問有答好正常，仲幫忙雪蛋糕，服務員態度都好幫忙我們影相。我們食一圍的餸菜，全包宴$3298/ 圍。樣樣餸都非常滿意，龍蝦都成兩格斤，乳豬全隻小小肥，但都脆皮，炸蟹鉗好食，炸子雞好味，餸的碟頭好大，12 人食唔晒。 而蟠桃壽包麻麻哋。下次人齊都會再去多次，有泊車優惠，不過泊車唔多時鐘位。

話說下午茶時間飲茶，催人地都算了，飲完茶走人發現呀女個水樽漏低左。返到屋企打電話去問，個男經理一句公眾場所唔見就唔見㗎了，你唔放心你自己落黎搵。痴線，咩態度，係你工作酒樓咩叫公眾場所？？你可以話我知你地唔見有或者幫唔到我。講真，呀女返學隔離商場學嘢，成日黎食，你執到我聽日黎攞有咩問題。幫襯咁耐，第一次收到這樣的服務態度Blacklist.

朋午約午饍，隨便選了最近的這一間，自己慣性上網查一查評論，發覺不太好，但大家(共四人)說無所謂，照去。入座時約十二時十五分，無需等位，只三分二滿。兩位女知客都正正常常，照呼我們的阿姐也有禮貌。點了九樣點心，竹炭七味豆腐，豆腐很滑，質感似八福豆腐，椒鹽蒜味不濃，不太咸，中規中矩。其它如鳳爪、蝦餃、牛肚、咸水角、煎釀青椒、叉燒包等，以這價錢，味道保持應有水準，但芋角就不好食，皮韌不鬆脆及無味。到四時結賬，酒樓一直不滿座，觀察下，大部份侍應都服務OK，但總有一個對你的招手擰歪臉避而不視。有位男captain，招呼食客時聲線和態度都似成奎安加李兆基，不知是天生的還是工作有壓力，幸好不是招呼我這邊的幾枱。

父親節竟然唔使等位 試過就知中哂伏開枱唔主動比茶追3次 每次都話黎緊坐底20分鐘到終於有茶飲但阿姐發你脾氣掉水落枱 成枱濕哂45分鐘點心都未到 追佢 佢check 都唔check 就話黎緊追多次佢竟然直接話你麻鬼煩 響港人阿姐大哂啦 你serve 返佢轉頭差唔多港豬多多要求最後1小時15分點心到好開心竟然終於有得食呀但黎少左既？原來有幾籠根本冇落單又有幾籠落左單 廚房今日冇咩心情整出黎正常既 返工係冇咩心情食物質素上上等成個半鐘食屎都好食啦埋單想取消冇黎果d?朋友唔是咁易的最精密既調查員 會黎慢慢審查邊籠黎過 邊籠冇黎 然後同一問題 問你3次 多謝依間酒樓比我一個絕無僅有既奇妙體驗你去食物銀行拎食物都比入去依間野飲茶有尊嚴

食物已經要等得耐，又唔係特別好食，仲要樓面，經理（著西裝），帶位，埋單（著便服），全部都好一條心，幫老細倒米嘅。好似我得罪晒佢哋全部人咁，全部都係粗聲粗氣。我坐底開始叫要bb櫈，居然比經理用命令嘅語氣叫我抱住bb,呢度係無bb櫈🥹，再問我三次先記得我要開咩茶，到飲到一半左右，居然有侍應自己走埋嚟幫我哋拎個茶壺同埋水壺去加水，我都覺得有啲奇怪㗎啦，佢拎咗去之後，直至我哋埋單個茶壺同個水壺都係冇再出現過！我終於明白點解咁多人鍾意上大陸食嘢，起碼都有啲服務。

姊姊service一般咯唔可以話西嘅，maybe我遇到神仙姊姊？？黑松露燒春雞唔錯 可惜核桃唔夠脆～燒乳豬冇臊味ʕ •ᴥ•ʔ驚喜萬分 可惜有小小肥 皮係好脆好味😋蝦滑蟹肉球食到更多係蝦滑🤔優點就係彈牙 酥皮好薄脆 唔會太搶味 點醋都唔錯👍🏻btw唔點都好味嘅～ 覺得最正就係乾鮑la💕溏心彈牙！連食兩個蔬菜都夠爽脆！d汁都好正🙌環境一般 價錢一般 服務一般 冇西面亦都冇笑面迎人～～reception就西西地面☺️☺️掛住玩電話…

星期六黎飲茶 竟然唔洗等位服務態度全部人都奇差！ 落單叫個阿姐 又話佢唔係負責呢區，唔緊要..咁你咪叫返負責嗰個過嚟囉！啲態度語氣差到..又無人收枱 叫人收仲發我地爛渣 黑晒口面咁 好似欠左佢想受氣嘅就黎試吓啦呢度全部人都keep到同一個水準 就係態度好差 。好似個個都唔想做咁野食又唔係好食🥸超差既經驗 本身都有上黎睇左評價先 無諗過真係咁差..同埋假日 周圍都無位..見呢到唔洗等 就試下！超級後悔，難得周家人開心飲下茶 比佢破壞晒大家真係三思

服務員態度超差，由上之下冇一個會和你有眼神接觸或者和你打招呼。好似欠咗佢。 叫佢斟熱水，叫了四五次冇人睬你。 嘢食又不是太好。 味精超重。 真的冇下次。 今時今日咁嘅服務態度影衰我們香港。現在香港經濟這樣就是給這些差劣的餐廳和服務。 埋單的時候一個眼神接觸都冇，好似我欠咗佢問佢攞錢…………………………. …..⋯⋯……………………………………………………………………………….

放假出嚟荃灣買凍肉，咁就順便同屋企人飲茶。平時都會經過呢個商場，好少上嚟飲茶，咁既然未試過就揀呢間啦。依家下午茶真係好多選擇，除咗選擇多之外，仲要性價比幾高。但唯獨有一樣嘢真係要改善就係部長嘅應對能力真係需要改善。先講講啲食物先無論係蝦餃蝦腸同埋福建炒飯啲蝦肉都好爽，又大粒。個小籠包都好多汁，同埋個湯汁好特別唔知點形容同出邊嗰啲小籠包係有少少分別嘅，當然係好食嘅分別啦。另外燒腩卷都唔算好肥。個蘿蔔絲酥裏面有啲溶咗嘅芝士，咬落去都幾多汁，冇想像中咁熱氣。綜觀嚟講比較差就係最後個皮蛋瘦肉粥，食到隻底嘅時候發現有隻小飛飛。其實都食到底都唔係要換，純粹係想反映返個意見比個部長知。佢話呢啲小飛飛唔會自己跌落去，可能係佢哋間場嘅時候郁到啲板，跌咗落碗粥嗰度個部長講得呢個藉口嘅話，未清場之前郁啲趟板啦，如果我係啲麻煩嘅客，呢個解釋真係解得通咩。題外話佢個外賣燒味燒雞拼燒鵝都幾抵玩，兩樣嘢夾埋都係大概$200。除咗小飛飛，其實其他整體都可以接受。

團年飯預訂咗都確認咗，過到去同我哋講無枱，我哋一家幾口就企咗係度，仲要聲大夾惡，無枱就無㗎啦，你咪上網投訴囉😡依家原來係咁做生意嘅，無枱唔係應該打電話通知咩？有冇攪錯

這裏服務態度超級差 訂枱都無人理 .食物一般, 無咩特別 ,也無咩好揀種類很少.又嘈 員工非常之無禮貌 上野超級慢 連水都唔熱 。點心極少, 味道一般 ,不不不不不不不不不不推介 .