逸東餃子

營業中

休息中

仲記得剛剛過黎北角返新工既第一日就係食佢食完之後念念不忘佢個酸辣湯同埋煎餃🤩時不時都會想再食不過呢頭又真係好多野食小店真係多到試唔晒🤪早2日同事講起好耐冇食佢就決定過黎會一會佢🙌🏻🤩我地2條友叫左:▪️椰菜木耳鮮肉餃 (酸辣湯)▪️X香三椒鮮肉餃 (酸辣湯)▪️芫荽胡椒煎餃我特別鐘意個椰菜木耳鮮肉餃, 餡料豐富 椰菜同埋木耳口感清新 配上鮮嫩既肉餡 味道層次分明🙌🏻仲有個煎餃 外脆入面超Juicy 好香口🥹但煎餃會等得耐D但等耐D都值得呀

一想食煎餃就會幫襯佢，見未人齊就叫吓小食食住等，平時實叫嘅豆腐就照舊，見到有皮蛋酸薑就試吓啦，皮蛋一d都無嗰陣“壓”味，連埋酸薑一齊食係正，酸薑又脆又夠味，呢樣下次可以再叫，唔知可唔可以多酸薑呢平時粟米芝士餃會叫湯餃，今次轉食埋煎餃，果然一放低響檯就食，好似芝士醬包粟米嘅感覺比湯餃明顯，另一食法都唔錯。韮菜煎餃又係我必叫嘅食物。之後仲買咗兩盒生餃番屋企煮，因為唔係住附近，10隻送兩隻又抵，放冰格又可以隨時食，比起超市急凍餃感覺好似新鮮d, 員工叫我最好7日內食晒佢。

幾個月前無意中搵到呢間餃子店覺得幾好食成日都心心念念想再黎今日二訪覺得差了好多🥲叫左雙拼，大白菜鮮肉餃拼椰菜木耳鮮肉餃($56, 雙拼再+$2)加$10要左個通心米粉以為通心會比較掛湯🙄原來唔係，不值一試今次食比上次個皮更厚餡料同出面其他餃子店差唔多比較下鐘意椰菜木耳多少少，多左木耳爽脆嘅口感湯底揀左蕃茄薯仔魚湯全湯冇湯渣，幾好飲我都飲哂豆漿加$12 係支裝嗰種得個甜字冇咩豆香望真d仲要係中國製樽口個封口痴得好實勁難開完全搣唔開最後用筷子篤開佢先飲到店員都係除左基本落單出餐收錢就係0服務差過快餐店唔知係咪因為天氣熱一路食仲有隻烏蠅飛來飛去埋單$80 中午食個餃子麵加飲品黎講算小貴最主要係餃子係重點但唔算好食附近亦有唔少出色嘅餐廳決定冇下次👋👋

今日趕住去開會，路過小店見到有餃子，可能仲係時間尚早，6:30pm成間舖一個客都冇，都係打算嗱嗱聲食少少唔係太差就算，點知竟然有驚喜，逸東餃子原來唔係剩係得餃子㗎😂 ，麻香三椒鮮肉餃六隻 配招牌蕃茄薯仔魚湯，味道同湯底都好味好夾😋係嫌佢餃子皮厚咗少少🥟，桂花圓肉烏龍茶，鍾意桂花香嘅一定要試，打開個蓋就已經聞到勁香桂花味，薑蔥手撕雞，一個人食份量剛剛好，好彩早到經過入咗去，食咗一陣就已經成間舖坐滿客，呢間真係有下次😋

晚餐想食得簡單啲清淡少少，於是就搵到呢間大埔名店逸東餃子！港島呢間位於炮台山同天后之間炮台山行過去會比較方便！兩個人點咗三樣嘢食涼拌海蜇 $28 味道正常不過不失覺得份量有點細，下次未必會叫啦當然重點係試佢呢度嘅餃子啦🥟韭菜鮮肉餃配招牌蕃茄薯仔魚湯 10隻 $52餃子都足料好食嘅 我鍾意佢多菜佢個蕃茄薯仔魚湯都真係做得幾好，比起一般嘅都濃郁！之後如果都嚟食都會繼續要佢呢個魚湯！真係真係會令人諗起屋企煲嗰啲🤭喺餐牌突然間見到逸東蔥油拌麵$30🍜而且只係$30即管試試佢！結果冇失望大大碗，而且撈得好均勻，仲好多蔥油夠香！呢碗嘢幾有驚喜😂😂值得支持嘅小店，有機會都應該會再嚟😋

見到好多人都介紹呢間餃子 bookmark咗兩個月 史努比竟然咁快就的起心肝去食🤣平時bookmark完起碼一年後先去😂😂可想而知佢嘅吸引力都幾大😎我哋嗌咗湯餃同煎餃各一份 每份10隻 唔想食咁多都可以揀6隻🤪但10隻就抵啲😆👍🏿招牌魚湯餃子 (雙拼+$2)先講佢個湯因為史努比嗌咗麻香三椒餃 所以面頭有啲辣油本身系冇嘅～湯底魚味好rich😳非常鮮甜而且帶有番茄嘅酸甜仲帶少少已經煲融咗嘅薯仔甜味🤭飲落有種住家湯feel🥰絕對唔系味精湯👍🏿👍🏿椰菜木耳鮮肉餃(10隻) $56餃皮系史努比鐘意嘅厚度 稍稍厚身帶少少煙韌口感🥰又唔會太厚成舊粉咁🤣餡料超足😍塞到脹卜卜菜肉比例適中 食落好juicy😚而木耳嘅爽脆同椰菜嘅鮮甜正好中和翻豬肉嘅油膩令人覺得唔會好heavy🤪(雖然其實餃子都系肥架啦🤣)好好食~味道: 9/10👍🏿麻香三椒鮮肉餃(10隻) $56見好多人推呢款 史努比就嗌嚟try try😛同樣都系脹卜卜嘅好足料😍呢款肉嘅比例多啲 食落感覺啖啖肉咁🤪裹面釀咗少少切碎咗嘅三色椒 放心完全冇嗰陣臭青味😂只系喺肉肉嘅口感中增添少少嘅蔬菜🤣開頭見到麻香驚會好辣 最後完全唔使擔心😚其實唔覺好辣🤭反而

第一次食，湯餃同煎餃都有叫，粟米芝士湯餃熱辣辣，芝士全溶狀態咁食，我個仔話要食晒佢。黑松露香菇鮮肉煎餃個配搭超夾，皮脆 餡香。咖哩雞洋蔥煎餃叫嗰時感覺好似怪怪哋，但食落又唔錯，好似咖哩角咁。芫荽胡椒鮮肉煎餃唔錯，肉汁夠，芫荽香，咬到胡椒粒，有d辣。韮菜酸辣湯公仔麵，酸辣湯公仔麵有d似撈麵feel,魚湯通心米線都有d特別，出面未食過。酸辣湯就普普通通，涼拌海蜇夠爽口。豆漿有甜有唔甜，有熱同凍揀，都幾好。

之前幫襯過大埔堂食，幾好味，係貴咗少少。今日經外賣平台第二次幫襯，兩款共12隻餃子連運送費要$145首先講個湯：蕃茄薯仔魚湯，湯夠熱，但好重胡椒味，魚唔新鮮多腥先要落咁重手辟味，呢度扣晒分。我諗應該冇人飲揀蕃茄薯仔湯想飲到胡椒味？咁不如我飲胡椒豬肚湯仲好？白菜豬肉餃正常，但多肉少菜，比例失衡；最失望係個所謂招牌「黑松露鮮肉餃」，唔覺有肉，就係一堆菇拼湊而成，餡唔飽滿，有酸味，餃子破皮。水準差成咁，真係唔會再幫襯！

今日係平日，橫掂落開街買野就係街食埋lunch 啦。唔太肚餓，想搵啲輕食食吓，諗起蜆殼街有間餃子店，一於幫襯吓。呢間舖頭我之前幫襯過一次外賣同一次堂食，兩次食都幾好味。12:45嚟到，仲有位。睇咗一下餐牌，決定叫個酸辣湯拼埋6隻大白菜豬肉餃子（$44）。餐廳環境，簡簡單單，都好光猛。坐位唔算好多，但都坐得舒服。大概容納到20個堂食客人。餃子係即叫即煮，等咗10分鐘餃子就送到面前。酸辣湯有啲木耳絲，粉絲，蛋絲同筍絲。唔算好足料。味道正常。大白菜豬肉餃子，個餡滿滿的，有鮮味。不錯。不過個人覺得性價比就唔係好高。

又是快速醫肚的時間，今次試了這間「逸東餃子」小店。我十分喜歡吃餃子，所以也滿期待，最後決定點了大白菜鮮肉餃！結果？我會說是中規中矩。餃子餡足料，外形也吸引。蕃茄薯仔魚湯偏淡，可能「招牌」兩個字令我對他多了點期望，有期望就可能會失望，哈哈，不過飲下去好像挺健康，所以我也有把它喝完。最滿足的反而是可以吃到通心米線！一來少見，不是很多餐廳有通心米線，二來這通心米線彈牙爽口，十分好吃！整體來說也不錯，適合街坊方便快速醫肚，下次可以試試其他餃子！

Lunch同同事去左食逸東餃子，1共有7款餃子可選擇，可以選擇湯餃或煎餃，而且仲可以加個面底，我揀左粟米芝士鮮肉餃，好驚喜，咬開1啖已經食到好濃郁嘅芝士味👍👍👍而最加分地方係個湯底，番茄薯仔魚湯，好鮮甜，推😁

呢間真心好味而且健康😌😌喺呢頭番工嘅打工仔/街坊一定要去食‼️‼️‼️‼️今次試咗麻香三椒鮮肉餃椰菜木耳鮮肉餃 雙拼 10隻配招牌蕃茄薯仔魚湯 另外朋友叫咗大白菜鮮肉餃同另一隻 唔記得咩味🤣🤣叫咗冷盤 涼拌海蜇原本自己幾抗拒三色椒但切碎左之後撈埋鮮肉出奇地夾同埋多肉汁冇咗嗰種草青味食落香口但唔辛辣可能食得辣嘅都食到呢款可以一食😌😌😌椰菜木耳嗰款都有驚喜食佢嗰種爽脆 但呢款相對會較清淡自己覺得呢個組合同魚湯比較夾如果酸辣湯就可能會太濃味而大白菜豬肉嗰款會冇咁突出如果係芫荽控嘅可以食芫荽胡椒鮮肉餃 如果有一款胡椒鮮肉餃嘅就好咁我就可以挑戰下🤣🤣🤣涼拌海蜇係必食鍾意佢嘅麻油香同埋酸味係開胃嘅小食之前做緊個優惠Like或者follow佢嘅社交平台可以免費送一款小食呢間分店嘅座位唔算太多當日係平日嘅晏晝 仲要落雨但都有人排隊同外賣單唔想排隊就要早拎位唔係就有排等啦😌😌😌

📍炮台山餃子小店‼️• 粟米芝士餃好有鹹香😋 -- 逸東餃子•Follow @pigfoodiexhk for more food!🐷💛#pigfoodiexhk_炮台山#pigfoodiexhk_港式============================見到唔少comment話呢間嘅餃子幾好食！前排就同朋友嚟trytry!! 呢到嘅餃子都有幾多口味，有最classic嘅韭菜、白菜、椰菜，仲有三椒、芝士、黑松露😆------------------------------⭐️椰菜木耳餃 拼 粟米芝士餃 $52湯底係番茄薯仔湯，飲落胡椒味有啲重，少咗啲酸酸甜甜嘅味道，唔夠清甜～椰菜餃木耳爽脆有口感，幾精新😆粟米芝士餃好有鹹香，肉都幾有油脂香！------------------------------賣相：3/5味道：3.8/5性價比：3/5推介度：3.5/5------------------------------店舖資料名稱：逸東餃子地址：北角蜆殼街6-16號寶榮大廈地下F號舖前往方法：炮台山站A出口

係炮台山已經唸好要食咩餐廳😆只是個間餐廳太多人所以就轉咗呢間餃子店😙店員都好nice,見到佢keep住同客傾計🤭應該都有不少熟客🙌🏻🔺大白菜鮮肉+粟米芝士鮮肉餃子(十隻)$63餃子真係好大隻仲要係好足料,成隻都係饀料💦一隻等於平時嘅一隻半而皮都唔算厚😍大白菜係滿滿嘅肉同大白菜,調味都岩岩好😚粟米芝士餃都超多饀料✨芝士係mozzarella cheese係多到可以拉絲🧀粟米就唔算多但都係甜🌽肉嘅份量都好多🥟湯底係番茄薯仔魚湯,魚味好濃🐟番茄相對較弱,唔係味精湯唔會飲完口渴可以飲哂成碗🤭🔸玫瑰冷泡茶 +$14玫瑰味好重🌹茘枝相對冇咁重,可以試吓!!

呢排天后返工，有機會試下唔同嘅餐廳，今日lunch search下有咩食，見有間水餃幾多人讚，入去試下，呢到水餃湯底幾特別，通常啲舖頭係清湯，但呢到有蕃茄薯仔魚同酸梅湯揀，我揀左蕃茄薯仔湯同埋雙拼椰菜木耳餃，麻香三椒餃，椰菜木耳食落爽脆，麻香有種淘大椒香鮮辣餃味道，不過呢到水餃更飽滿大粒，呢到辣椒油都係好香既，湯底蕃茄薯仔味濃，有浸胡椒味，呢間可以落入lunch既選擇之中