過橋麵檔

營業中

休息中

聽講呢間霸王雞好出名，特登走入元朗試一試。舖頭有室內同室外，我就揀咗室外食，望住街景食好似唔錯，霸王雞賣相唔錯，份量都正常，雞下面就用芽菜打底，表面就灑上炸蒜同蔥花，都幾惹味。但係豉油雞就麻麻哋，啲汁有啲鹹，賣相都一般。雞絲粉皮就完全唔入味，就算落咗好多芝麻醬都食落無味。店員態度一般，面無表情，仲要成日都送錯單。

雖然只係嗌外賣，但係嘢食好好食，特別係蔥油雞，個雞非常之滑，連埋上面嘅蔥油同埋炸蒜片，食得好滋味！另外都嗌咗一個黑椒炒烏冬，一般茶記食嗰啲烏冬會好油膩，但係佢剛剛好，唔會覺得太油或者太鹹！另外都嗌咗小食糖心蛋同埋魷魚鬚，但係就唔記得影相，個魷魚鬚都非常之好食！

過橋麵檔咁多年嚟一直以霸王雞聞名，水準保持得好好豉油濃得嚟唔會太咸，墊底嘅芽菜入晒味，雞整得好滑，雞胸部位都唔會韌，面頭有炸蒜、蔥同薑絲，配埋雞食更香口同好味，菜飯好多菜，份量好夠凍奶茶同凍檸茶茶底濃啲會好飲啲，整體算唔錯

「過橋麵檔」最出名梗係食霸王雞啦⋯但今日試下其他野。.見到好多人話唔好食，講真小弟覺得味道唔錯，要平反一下先.🍺「咖哩牛腩飯」HKD 64.咖哩汁聽伙記講煮左六個鐘頭，牛腩炆得好林又好入味 又多牛根🤩.咖哩偏向似巴基斯坦款式，好重香料味之餘仲有好有層次，相信因為加埋青瓜，薯仔，芹菜，洋蔥等等去煮，我覺得辣度普遍既人會覺得勁左少許（事先聲明本人係食得辣既，所以依碟完全No problem😎）.🍺「巴辣雞＋菜飯」HKD 71.雞肉尚算嫩滑，雞皮有厚厚的黃油，知道係冰鮮雞但唔會有「雪味」.巴辣醬其實係好多辣椒蒜蓉拼埋少少口水雞風味，對老婆🐽黎講後勁都真係有D辣，但辣度係無得揀.雞件底下墊住D芽菜可以索晒啲汁，香濃惹味，而菜飯係滿滿的小棠菜切碎，幫白飯加左口感，汁撈飯成件事好完滿

和友人到元朗找原材料，友人曾住元朗並带去過橋麵檔午餐，友人極力推薦吃雞和其它小菜。這裡以麵檔起名，出名食物卻不是吃麵，反而是吃雞和小炒。以個人來說這裡食物出品，味道和價錢性價比真的不算差，就以炒飯來說，飯炒得粒粒分離不乾也不油，份量亦不少，炒功火候真的不錯。咸雞算是微咸裡算有些雞味，雖我們點叫是例牌，份量卻感有半隻雞，仲有雞脾，雞肉算是嫩滑，可惜忘記點叫雞胸，否則口感應覺更好。若然起骨對我來說更好。炒菜也覺份量多了些，份量大得俩人吃俩餸一炒飯也有些吃力。下次再到元朗必試其它麵食

之前經過好多次，以為呢間係食過橋米線，由於我唔多鍾意米線，所以一直冇幫襯過。但早兩日偶然間睇youtube有介紹呢間原來主打雞飯，今日去開元朗於是過嚟試下。睇個餐牌原來都有好多款雞飯，而之前見介紹係霸王雞，加上有得揀輕量版(比正常版平少少同包杯飲品)所以就揀霸王雞輕量版餐。個飯係菜飯，而碟雞雖然話係輕量版，但都有好多件，每件都幾嫩滑上面有炸蒜同蒽，好香口，底層有少少芽菜，索咗D汁都幾好送飯不過我覺得以茶餐廳格局，lunch食雞飯要六十幾蚊算係偏貴了！

過橋麵檔，之前成日經過，都以為只係食麵，但原來佢係有飯食㗎🤣，仲要好好食添。我哋叫咗個霸王雞同大極鴛鴦炒飯。兩個人食，直頭可以飽到上心口😂。霸王雞 $204/隻超級多蔥仲同炸蒜，淋咗啲滾油，真係好香蔥蒜味。 雖然只係冰鮮雞，但係都好嫩滑，又唔太肥，個底仲有大量芽菜，入晒味，超好食。太極鴛鴦炒飯$98一碟飯有兩款餸，仲要超超超大碟，幾個人share食都得，紅汁係蕃茄洋蔥燴雞絲，個汁唔會太酸，又唔會太甜，好fresh，超開胃。另一個白汁係白汁菠菜燴元貝粒，好足料，有好多元貝粒😍，個汁同菠菜元貝粒都好夾，一碟飯，兩個味道真係好正囉，超推⭐️。推薦指數：❤️❤️❤️❤️❤️店鋪資料 🏢過橋麵檔地址:元朗建德街25號大福中心地下1號舖

去完睇紅葉，返到元朗經過見到呢間中國風嘅「過橋麵檔」以為係食麵架啦，點知發現新大陸😍用餐途中，間餐廳嘅外賣忙過不停！證明應該好多人識食！霸王雞菜飯 $71 勁多蔥絲係面再加埋熟豉油！雞肉嫩滑就連雞胸肉都好入味！完全可以鯨吞成盒飯！菜飯都比出面既多菜！重點一提雞入邊仲有大量芽菜！吸晒啲汁！巴辣雞菜飯 $71未食已經覺得好辣！先試左一啖面頭嘅醬蓉！嘩 都真係幾辣！但都係可接受範圍（平時食開譚仔3小辣） 一樣雞肉勁滑！配菜飯可以中和辣度！好過癮！

好耐之前已經知元朗霸王雞好出名，亦都食過幾次。之前堂食過係跟菜飯，雞同個飯份量都勁多！今次屋企人想食，就外賣左半隻雞返去。咁耐無食依然可以保持到水準。本人好鍾意食蔥，見到咁多蔥已經覺得好正！再加埋蒜同辣椒更加惹味。雞既質感好滑，量亦多。而個底係有Ｄ芽菜墊住，芽菜吸哂Ｄ味，好好食！

😅之前食過都唔係咁樣架家下食返隻雞咩事肉好梅咁，冇味，鞋口蔥汁一如既往好味，只好硬住頭皮扒哂落口,用汁撈飯芽菜索哂味，好好送飯個餐成6條野，真心係唔值暫不回頭

今晚兩人叫了兩個霸王雞菜飯(走翼)，無意中看到收據，寫住什麼(手寫單收費)$8賣單 時我問 ，乜有得唔手寫單嫁咩？點知佢話$8係 指定費用喎！ 嘩，咁唔老實，完全無講過囉！話我地要指定下莊喎！咁下莊你唔比隻脾我？？ ？ ？ ？ ！咁我加脾啦！ ？ 原本就知改脾要加錢 唔出奇呀！ 我話走翼咋喎！你要加錢咪講囉！比左個雞背咋喎，咁都要加錢？！重大大地話走翼咪姐係要下莊囉！當比乞丐！咁樣都要呃………

我哋已經嚟過呢度好多次啦，今次去食霸王雞同埋魷魚鬚，又香又好味，正到爆！霸王雞好多蔥，仲有好多花生粒粒，又有薑絲，又有芽菜，但係啲雞肉質比較淋，如果換咗走地雞就好好多。另外，佢啲菜唔記得咗切開，好大棵，但係d調味料好入味嘅。

191517082022，好耐沒有入去元朗，現在既元朗多野食到你唔信。十年前我都有食過呢間過橋面線，今日主要來懷念一下，但由於比較趕時間，所以今次就外賣霸王雞菜飯返去食，大約等左十分鐘就可以拿到。返到屋企打開個盒，見到大量既蔥絲，炸蒜粒，蔥絲帶著點點既微辣，蒜粒既香脆，加上嫩滑既雞件配合尤其是個雞皮加上又香又脆既配料淋上一個特別制作既豉油，同過往都一樣保持水準，雞件份量都相當多，應該有四分一隻，菜飯味道也算不錯加上沾滿了豉油既芽菜，今餐外賣令我相當滿足。

今晚家人想食過橋麵檔的霸王雞菜飯，梗係好啦，我都想食佢地的豉油皇雞扒菜飯，另外再叫咗2個小食。霸王雞菜飯 - 雞肉一般，唔算嫩滑，無以前咁好食，但份量OK。豉油皇雞扒菜飯 - 同平時差唔多，都算入味，水準保持。菜飯品質炸雲吞 - 賣相就麻麻地，不過咬落去，外皮好脆，唔錯。涼拌雞絲粉皮 - 賣相同樣係麻麻地，食落口感一般，粉皮唔夠爽，雞絲亦相對較少。總結：過橋麵檔整體同以往相比，食物質素確實係差咗啲，但作為元朗街坊我地會繼續支持。

山長水遠入到黎元朗 稔住重遊舊地去食番半隻雞 叫左一個set飯同半隻霸王雞等緊啲野黎既時候，留意到佢地啲碟都用哂紙盒去裝，好似食緊外賣堂食咁，應該係市道真係唔好幾好，要cut cost ，連洗碗都無埋…等左一陣，霸王雞黎啦，好失望，發現半隻雞竟然脾又無翼又無，成碟差唔多都係骨，仲要加左價，之前半隻雞100蚊有找，宜家仲要加到112。稔住去搵個侍應反映下，開頭個侍應都算好好聲氣了解下發生咩事，之後個侍應同左個應該係”女負責人”講，個女負責人就黎我地張枱黎睇下啲雞，估唔到佢只係一味係咁話佢地無可能做啲咁既事，不斷重複，死口唔認，連隻脾都搵唔到，其實都唔係稔住要佢做啲咩，稔住同佢反映下，點知個”女負責人”就開始發老脾，話我都廢是同你講就走左去….心稔…無野呀麻…估唔到一間之前要排隊先有得食既餐廳會用啲咁既態度對待客，唔係應該以客為先，或者會稔下廚房會唔會做漏左，而唔係覆個客”我地唔會咁做，我都廢是同你講”…真係對住啲咁既”女負責人”，真係不可一，不可再…唔怪之得要轉外賣盒同再無人排隊…