影片
電話號碼
92007028
開飯介紹
這是一家由日籍廚師主理的割烹料理餐廳，雖然只有十數個座位，但裝潢高級有格調。以日本時令食材烹調高級懷石料理、廚師發辦、壽司、刺身。
繼續閱讀
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
公眾假期
12:00 - 16:00
18:00 - 22:00
以上資料只供參考, 請與餐廳確認詳情
屯門紅橋既道本身係做omakase既開關之後好似話係主廚離開左之後就轉型變成拉麵店用番過往裝修風格所以係比一般拉麵店望落高級既感覺呢個位就成日都要排隊以前排章魚燒又係要排勁耐而家又到要排拉麵我係上年10月果時去既果時餐廳夜晚六點開門我收工坐車去到都六點四左右見到第一輪已經滿左前面仲有四個排緊隊因為道煮麵速度比一般拉麵店慢流轉就無一般拉麵店咁快結果第一輪成九個字都未有人出番黎排左半個鐘先入得張凳好重好難移動不過下面有得擺袋算係坐得幾舒服唔會同格離手貼手餐廳都係bar檯設計12個位都感覺到以前omakase大概既樣入面有三個職員一個負責煮麵一個收錢一個上菜同介紹唔知而家有無變到餐牌成日會轉見上網有人話炸雞好好食但呢日係無既因為係輪住入所以都係輪住落單都無話會比後入既落左先好似話因為裝修唔同佢地煮麵既方式同一般拉麵店都唔同係一個大鍋逐個麵逐個麵咁煮我就唔知係好定壞不過就真係好花時間仲有人就話乾水會無咁好另外佢d碗係會一直用滾水熱住個碗食到最尾都仲係熱既由坐低到上麵又等左廿五分鐘即係連埋排隊都差唔多成個鐘因為白湯近年成日都食到所以想試下濃醬油清湯白湯係有用機器攪拌過先上而且有介紹但清湯就無既不過成個擺盤package都好靚一碗拉麵應該有既都齊晒唔洗話蛋要加錢又乜乜物物佢個湯有雞油係面但我自己就覺得雞味唔重不過醬油味真係好濃而且飲落真有層次唔是死咸比較再清新一d飲晒成碗都唔會膩糖心蛋都唔錯叉燒唔鞋正常麵條係幼麵上面有小麥點咬落都比較爽口食完係好滿足整體成個配搭就係好好食係香港食過既醬油拉麵唔多我覺得呢間仲好食過麵處一家呢個環境仲唔洗加一就咁118落樓比一般拉麵店仲多左些少服務唔好處就當然係太遠同要等太耐啦偶爾有目標咁食都仲可能得但就唔係諗起就可以食得到既餐廳不過就真係贏晒香港其他餐廳紅橋以前仲有間奇蹟拉麵係賣醬油拉麵應該係賣左品牌所以都唔同左但而家都係大坑再開番個名改左做麥先有機會都好想去試下不過大坑同紅橋都係兩個唔同程度既遠無車直到真係有難度既
繼續閱讀
🚩真正的拉麵皇者 記住趁早🚩📍 道身為拉麵愛好者，一直有聞這間位於屯門的道評價極高。奈何它所在位置對我來說偏遠，一直都未有機會前往試試。這天機會終於來到，我們在星期日大約一時左右扺達，最終等了超過一小時才能入座。但其實去之前早有聽說等候時間會很長，所以有心理準備，加上門外有不少椅子供人等候，整體來說感覺不算太差。不過未去過的朋友就要注意啦。🍴濃醬油雞清湯拉麵 ($118)由於當天的雞白湯已售完，所以最後選擇了這個。先要説，文字也無法形容它的美味，它可以直接排在我心中的香港第一。湯底以雞清湯做基調，加上多種不同醬油調製而成。醬油可説是剛好，不會搶去雞清湯的香味，使你兩者都可嘗到。雞蛋亦要一讚，生熟度掌握得非常好，溏心亦調味得得宜，是香港少有可以令我完全滿意的蛋。拉麵會配上雞卷片，店員説雞卷是他們用華味鳥親手捲成，再加以煙熏。這個雞卷片也是非常出色，有特色之餘不會榎，口感亦頗特別。麵身也是我喜歡的軟身。整體來說非常滿意，已經急不及待下次來試雞白湯拉麵。🍴唐揚炸雞 ($48 四件)來拉麵食炸雞？對，沒錯，而且非常好食。炸皮不會厚身，雞肉本身亦是剛好熟，肉質嫩且保持到多汁，咬下去完全不會乾身。説是在香港食過其中一個最好的炸雞好像很誇張，但實情就是這樣。來這裡不要炸雞的話，你將錯失很多。絕對能讓你一解想念日本之愁的拉麵店，想避開人龍的話，就建議你早來。
繼續閱讀
今日心血來潮去到屯門順便試試拉麵好彩黎得比較早等到第一輪入座黎食嘅朋友記得開店前15分鐘要齊人先可以攞籌今日試咗兩款拉麵 三款小食首先上菜嘅係off menu嘅雞肉刺身食落有d似有咬口版嘅煙三文魚 幾特別然後係龍蝦沙律配紫菜龍蝦好彈牙 食落有啖啖wasabi味好鍾意跟住係好多人推嘅炸雞啱啱上碟嘅炸雞炸衣好脆雞肉好嫩滑多汁不過炸衣好易同雞分離同埋淋店員好用心為第一次黎嘅客人介紹拉麵嘅用料同埋食法兩款拉麵都好有咬口雞白湯飲落相對其他店冇咁膩仲配有切碎嘅檸檬葉不過個人比較細食食咗一半已經食唔落 雞白湯始終點都有少少膩特濃醬油雞湯清清地又唔太咸仲有陣陣清新嘅味道整體來講野食都唔錯食完見到店外人龍又長咗第二輪大約12:30開始陸續入座
繼續閱讀
《道》塩雞🐓清湯拉麵🍜📍屯門青菱徑7號華興大廈地下H號舖响d拉麵關注組入面，廣泛地受網民推薦嘅拉麵店來講，屯門區嘅代表想必肯定有呢間《道》。既然叫咁多人吹湊，好啦，就來會一會佢。一到達，我係有少少嚇親。當日係星期五，佢開12點，我12:15到，已經開始要排隊。跟據我嘅籌號，意味住我前面已經有20組人比我早到，當一組有1.5人，我估計都有30人，真誇張。一入到店內，又嚇多一嚇。估唔到入面個裝修非常靚仔喎，同出面個街景相映成趣，落差甚大。以下係食評：香味 (2/5)因為塩本身冇味，論香味，不嬲塩拉麵都比較蝕底d。雞油嘅香味僅僅聞到，唔係太明顯，而個湯本身係冇乜香味，所以好難比高分。湯 (3.5/5)有左一層雞油嘅加持，湯嘅色澤好靚，金黃色。味道方面，雞味係比較淡，唔係好明顯，湯嘅層次感亦不太足夠，所以我可以話，個湯並唔算討好，只係一款淡淡雞味嘅塩湯。加分位都有嘅，湯嘅溫度十分夠，雞油亦有保溫效果，由頭熱到尾。另外，湯嘅鹹度剛剛好，屬淡麗，重口味人仕可能未必啱。麵條 (3/5)呢款麵比較少見。細麵，扁身，直身，顏色較白。我見到個師傅每一碗麵都好有心機咁處理，排到好整齊，視覺效果十足。店員有講係高加水麵，而高加水麵最應該發渾到滑溜，爽彈嘅口感，而呢款麵係冇嘅，煮得比較軟身，滑溜感唔夠，麵味一般比較淡，配埋個本身已經淡嘅湯，效果麻麻地。配料 (3/5)雞叉燒方面，用左雞腿🍗肉，口感稍稍偏扎實，唔夠嫩滑。溏心蛋，生熟程度偏少少生左d，蛋香唔太夠，一般。紫菜方面，店員有解釋係用來轉味，不過我就真係食唔出，又係一般。除左碗麵，間店咁遠，反正都黎到，叫多份唐揚炸雞，味道偏淡口，炸功則唔錯，夠香脆又唔會太硬。整體 - 小小推薦 點解小推，係有得解。雖然碗麵唔係好對到我口味，不過值得一提嘅係服務方面。本身我係唔多會講服務，因為食碗麵🍜，快嘅10分鐘，慢嘅20分鐘乜都食完，我根本就唔 care 服務好與壞。。。而呢間店响呢個範疇係有落功夫。首先，店員好有禮貌咁接待客人入座，第一印象好左先。而碗麵上嘅時間，店員亦會問客人係咪第一次食，如果係，會大概用25秒左右簡單介紹，對我來講係25秒，但對個店員來講，一日起碼要重複至少幾十次，算好有耐性。最後，店員收碗同埋單時都會問客人：食物 ok 嗎？比到人態度十分親切。話分兩頭說，如果店員好有禮貌咁問你食物 o 唔 ok，你會直接話唔 ok 嗎？可能會有人直話直說唔奇，雖然我有以上咁多唔太滿足嘅地方，但基於性格關係，我只係微笑回應：ok呀。
繼續閱讀
朋友帶咗我入屯門試呢間堪稱香港數一數二嘅雞白湯拉麵，雖然有啲遠，但係朋友極力推薦之下當然要嚟試吓。星期日八點嚟到以為會少啲人，點知都排咗十個人左右，因為入面係得10個位左右，差唔多等左成個鐘先入到去我第一次嚟，當然叫咗雞白湯拉麵。每一碗拉麵到嘅時候，店員都會詳細講解雞白湯嘅製作過程，當時聽完之後對複雜嘅製作方法有啲震驚，想知可以去😂雞白湯拉麵💜💜💜💜💜自問唔算雞白湯拉麵專家，不過呢度嘅雞白湯都頗濃，等左成個鐘都冇絲毫後悔，排隊都係值得嘅；可惜係我哋太遲嚟，炸雞已經冇晒，好彩仲啱啱好有雞白湯，所以下次一定要早啲再嚟另外仲叫咗個沙律，已經唔記得咩名堂😂總之幾得意
繼續閱讀