影片
電話號碼
92007028
開飯介紹
這是一家由日籍廚師主理的割烹料理餐廳，雖然只有十數個座位，但裝潢高級有格調。以日本時令食材烹調高級懷石料理、廚師發辦、壽司、刺身。
繼續閱讀
營業時間
今日營業
12:00 - 16:00
18:00 - 22:00
星期一至日
12:00 - 16:00
18:00 - 22:00
公眾假期
12:00 - 16:00
18:00 - 22:00
以上資料只供參考, 請與餐廳確認詳情
終於的起心肝來這家小店吃一次每次路經都很多人排隊~ 今日見天色幾好就出發同友人去食呢間咁出色既小店~今日一早就黎到排隊~ 排頭12位真係要有心理準備早點到呢~準時11點30分派飛仔~ 坐了在門口等了30分鐘! 終於入席了~!!! 一坐下先來一杯啤酒給自己和友人消暑降溫~ 爽到不得了!!!這家小店採用 YEBISU PREMIUM DRAUGHT 生啤YEBISU這款生啤~ 麥芽味及泡沫綿密~ 真的日本生啤界其中一名皇者~ 堅正~ 接著就是前菜~// 龍蝦沙律配紫菜 / HK$48呢款龍蝦沙律是新推出的，龍蝦肉打得好綿密，咀嚼中還會吃到一點點的龍蝦肉所選用之沙律醬跟龍蝦肉的清甜相當配合，加入了這個應該是香葉碎(?)味道濃郁得黎很下酒! 加上紫菜中和這個濃口味道 ，我覺得非常不錯~! 第二款小吃就是 // 唐揚炸雞 (4件) / HK$48這個炸雞真的瘋了~ 相比起拉麵~ 這個是超水準 ! 真的看得出用心製作! HK$48/4件真的真的真的 太 好 吃 了 吧 ! 外皮相當脆薄 ! 內裡的雞汁完美地鎖在雞件中炸漿做得相當入味，雞件亦有輕微調味，整件雞件對我來說都不用加什麼沙律醬已經超級好吃這個真的必點推介! 真的真的~ 良久沒有吃到這麼像樣的炸雞了 接著就是主打拉麵!!!// 雞白湯拉麵 (雞叉燒，味玉，紫洋蔥，青蔥及香葉碎) / HK$98這個雞白湯拉麵~!!! 真的推介的說~ 這個濃厚度的湯頭跟這個麵質都相當不錯絕配的說 ，湯頭相當出色 ， 看到那個奶白色的湯頭， 真的還沒有吃就已經加50分那一口的湯頭味道，那雞的鮮甜味~ 簡直是100分的拉麵湯頭!!!味玉及雞叉燒也是相當出色，味玉流心~ 蛋味濃郁~ 雞叉燒就輕灸，不會過熟，而且配合湯頭，也是天衣無縫~ 最後就是一款期間限定的拉麵~山椒塩清湯拉麵 (鴨叉燒，味玉，紫菜，大蔥，木之芽) / HK$138 (期間限定)這個山椒鹽拉麵， 我形容為它是一碗很「正氣」的拉麵看似很油的湯頭，但喝一口就知道那根本沒有油膩感那份鴨油香，色澤鮮明微油黃感加上山椒的微麻，但不算是辣的味感整體來說，就像喝了一口胡椒湯頭的這麼「正氣」!那份湯頭絕對吃得出是「精神正氣感」~慢煮鴨胸就有一點比下去，個人來說覺得鴨胸有一點點的overcook，口感上有點過熟感，但還好接受~其次是麵質，麵質是偏硬的，但不知道為何我那碗看到有一點未煮熟，幸好因為湯碗是熱的，因他們是會用熱水座熱碗子令到熱力在碗內得以維持所以吃到最後，麵條終究熟了啦~ 這個麵條跟這個湯頭是配合的~ 不錯不錯~ 這碗「正氣的拉麵」 //總括來說，我終於明白~ 為何這家小店，每天都這麼多天冒著夏熱時間冬凍日子來排隊~ 真是值得去試一下~!!!
繼續閱讀
屯門紅橋既道本身係做omakase既開關之後好似話係主廚離開左之後就轉型變成拉麵店用番過往裝修風格所以係比一般拉麵店望落高級既感覺呢個位就成日都要排隊以前排章魚燒又係要排勁耐而家又到要排拉麵我係上年10月果時去既果時餐廳夜晚六點開門我收工坐車去到都六點四左右見到第一輪已經滿左前面仲有四個排緊隊因為道煮麵速度比一般拉麵店慢流轉就無一般拉麵店咁快結果第一輪成九個字都未有人出番黎排左半個鐘先入得張凳好重好難移動不過下面有得擺袋算係坐得幾舒服唔會同格離手貼手餐廳都係bar檯設計12個位都感覺到以前omakase大概既樣入面有三個職員一個負責煮麵一個收錢一個上菜同介紹唔知而家有無變到餐牌成日會轉見上網有人話炸雞好好食但呢日係無既因為係輪住入所以都係輪住落單都無話會比後入既落左先好似話因為裝修唔同佢地煮麵既方式同一般拉麵店都唔同係一個大鍋逐個麵逐個麵咁煮我就唔知係好定壞不過就真係好花時間仲有人就話乾水會無咁好另外佢d碗係會一直用滾水熱住個碗食到最尾都仲係熱既由坐低到上麵又等左廿五分鐘即係連埋排隊都差唔多成個鐘因為白湯近年成日都食到所以想試下濃醬油清湯白湯係有用機器攪拌過先上而且有介紹但清湯就無既不過成個擺盤package都好靚一碗拉麵應該有既都齊晒唔洗話蛋要加錢又乜乜物物佢個湯有雞油係面但我自己就覺得雞味唔重不過醬油味真係好濃而且飲落真有層次唔是死咸比較再清新一d飲晒成碗都唔會膩糖心蛋都唔錯叉燒唔鞋正常麵條係幼麵上面有小麥點咬落都比較爽口食完係好滿足整體成個配搭就係好好食係香港食過既醬油拉麵唔多我覺得呢間仲好食過麵處一家呢個環境仲唔洗加一就咁118落樓比一般拉麵店仲多左些少服務唔好處就當然係太遠同要等太耐啦偶爾有目標咁食都仲可能得但就唔係諗起就可以食得到既餐廳不過就真係贏晒香港其他餐廳紅橋以前仲有間奇蹟拉麵係賣醬油拉麵應該係賣左品牌所以都唔同左但而家都係大坑再開番個名改左做麥先有機會都好想去試下不過大坑同紅橋都係兩個唔同程度既遠無車直到真係有難度既
繼續閱讀
《醬油雞清湯拉麵》 附有雞叉燒 味玉 香蔥 大蔥 紫菜湯底用5款唔同既醬油 加上煲咗20個鐘嘅雞湯製成 味道偏向清淡 完全無落味精同埋好鮮甜 麵質比較硬身 而且夾雜住少少麥味 感覺都幾唔錯 有口感又好食店員建議食到一半可以落黑椒調味由於大鼠係比較重口味 所以覺得落咗黑椒之後更加好食咗有別於平時油脂feel重嘅叉燒 呢度用嘅係黎自熊本嘅雞肉叉燒 呢款叉燒好滑 口感唔錯 值得一試!.《唐揚炸雞》黎之前已經知道呢款炸雞係必食之選炸雞即叫即炸 粉醬一啲都唔厚 所以食落唔會成口粉同太滯外皮相當薄脆 雞汁完全鎖住喺塊雞件入邊 雞件本身都好嫩滑 每一啖落去都有好滑好Juicy嘅感覺雖然本身雞件已經有少少調味 但另外唧啲檸檬汁同埋點沙律醬會有額外風味.《總結》一到達舖頭 店員會先詢問乘客有冇到訪過餐廳 需唔需要為食客介紹餐牌亦會好耐心逐一介紹同解釋每款拉麵嘅分別上菜嘅時候都會再向食客提供建議嘅食法 埋單嘅時候都會細心聆聽每位食客嘅食評 睇得出真係好有心機有機會大鼠都會想二訪去試其他拉麵同埋再食多次份炸雞
繼續閱讀
平日午餐時段，等了25分鐘入座。下單後，等了15分鐘拉麵到。前後等了40分鐘，心裡充滿期待。我點了雞白湯拉麵，由於第一次食，店員簡介了拉麵特式：湯底無加味精、自己熬至白色、打至起泡增加口感，叉燒九洲來的，可加青葉消滯等。第一啖先試湯底，雞白湯好好味、濃郁，連續飲了幾啖。之後吃拉麵，偏硬，沒有拉麵那種煙韌。叉燒十分普通，沒有厚切那種口感，豬肉味亦不濃厚。總結，除了湯底，其他都十分普通，吃完覺得口渴。以$98一碗拉麵，於此地段，以及等了40分鐘來說，我覺得相當貴。
繼續閱讀
進餐當日遇上紅雨，但係排隊嘅人龍都冇減少，食完就明白點解！當日分別試咗雞白湯拉麵、塩雞清湯拉麵，同埋唐揚炸雞，兩個人食好夠飽😋😋😋雞白湯經過多個小時嘅熬製，整個湯都係奶白色，飲落好有奶香味，麵底都好有咬口。如果食到一半覺得有啲油膩，可以加翻啲柚子皮落去，唔單止中和到油膩嘅感覺，更加可以令到個湯變得更加有層次，令我想飲晒成碗湯😆😆😆塩雞清湯飲落好清甜，但係完全唔會有好腥嘅雞味，每一啖飲落口都好舒服。而個麵底同雞白湯係唔同，係比較滑身嘅一款，再加埋有啲煙熏味嘅雞肉叉燒，湯、麵、肉，三樣嘢食落去感覺好配合，推介！👍🏻另外值得一提嘅係，雖然師傅們都好忙，但係佢哋都會好用心咁同客人介紹佢哋推薦嘅食法，同埋烹煮嘅過程，亦會同客人傾計了解吓食客嘅感受，係一間好用心嘅小店！
繼續閱讀
您可能會有興趣的...