道

營業中

休息中

屯門紅橋既道本身係做omakase既開關之後好似話係主廚離開左之後就轉型變成拉麵店用番過往裝修風格所以係比一般拉麵店望落高級既感覺呢個位就成日都要排隊以前排章魚燒又係要排勁耐而家又到要排拉麵我係上年10月果時去既果時餐廳夜晚六點開門我收工坐車去到都六點四左右見到第一輪已經滿左前面仲有四個排緊隊因為道煮麵速度比一般拉麵店慢流轉就無一般拉麵店咁快結果第一輪成九個字都未有人出番黎排左半個鐘先入得張凳好重好難移動不過下面有得擺袋算係坐得幾舒服唔會同格離手貼手餐廳都係bar檯設計12個位都感覺到以前omakase大概既樣入面有三個職員一個負責煮麵一個收錢一個上菜同介紹唔知而家有無變到餐牌成日會轉見上網有人話炸雞好好食但呢日係無既因為係輪住入所以都係輪住落單都無話會比後入既落左先好似話因為裝修唔同佢地煮麵既方式同一般拉麵店都唔同係一個大鍋逐個麵逐個麵咁煮我就唔知係好定壞不過就真係好花時間仲有人就話乾水會無咁好另外佢d碗係會一直用滾水熱住個碗食到最尾都仲係熱既由坐低到上麵又等左廿五分鐘即係連埋排隊都差唔多成個鐘因為白湯近年成日都食到所以想試下濃醬油清湯白湯係有用機器攪拌過先上而且有介紹但清湯就無既不

🚩真正的拉麵皇者 記住趁早🚩📍 道身為拉麵愛好者，一直有聞這間位於屯門的道評價極高。奈何它所在位置對我來說偏遠，一直都未有機會前往試試。這天機會終於來到，我們在星期日大約一時左右扺達，最終等了超過一小時才能入座。但其實去之前早有聽說等候時間會很長，所以有心理準備，加上門外有不少椅子供人等候，整體來說感覺不算太差。不過未去過的朋友就要注意啦。🍴濃醬油雞清湯拉麵 ($118)由於當天的雞白湯已售完，所以最後選擇了這個。先要説，文字也無法形容它的美味，它可以直接排在我心中的香港第一。湯底以雞清湯做基調，加上多種不同醬油調製而成。醬油可説是剛好，不會搶去雞清湯的香味，使你兩者都可嘗到。雞蛋亦要一讚，生熟度掌握得非常好，溏心亦調味得得宜，是香港少有可以令我完全滿意的蛋。拉麵會配上雞卷片，店員説雞卷是他們用華味鳥親手捲成，再加以煙熏。這個雞卷片也是非常出色，有特色之餘不會榎，口感亦頗特別。麵身也是我喜歡的軟身。整體來說非常滿意，已經急不及待下次來試雞白湯拉麵。🍴唐揚炸雞 ($48 四件)來拉麵食炸雞？對，沒錯，而且非常好食。炸皮不會厚身，雞肉本身亦是剛好熟，肉質嫩且保持到多汁，咬下去完全不會乾身。

今日心血來潮去到屯門順便試試拉麵好彩黎得比較早等到第一輪入座黎食嘅朋友記得開店前15分鐘要齊人先可以攞籌今日試咗兩款拉麵 三款小食首先上菜嘅係off menu嘅雞肉刺身食落有d似有咬口版嘅煙三文魚 幾特別然後係龍蝦沙律配紫菜龍蝦好彈牙 食落有啖啖wasabi味好鍾意跟住係好多人推嘅炸雞啱啱上碟嘅炸雞炸衣好脆雞肉好嫩滑多汁不過炸衣好易同雞分離同埋淋店員好用心為第一次黎嘅客人介紹拉麵嘅用料同埋食法兩款拉麵都好有咬口雞白湯飲落相對其他店冇咁膩仲配有切碎嘅檸檬葉不過個人比較細食食咗一半已經食唔落 雞白湯始終點都有少少膩特濃醬油雞湯清清地又唔太咸仲有陣陣清新嘅味道整體來講野食都唔錯食完見到店外人龍又長咗第二輪大約12:30開始陸續入座

《道》塩雞🐓清湯拉麵🍜📍屯門青菱徑7號華興大廈地下H號舖响d拉麵關注組入面，廣泛地受網民推薦嘅拉麵店來講，屯門區嘅代表想必肯定有呢間《道》。既然叫咁多人吹湊，好啦，就來會一會佢。一到達，我係有少少嚇親。當日係星期五，佢開12點，我12:15到，已經開始要排隊。跟據我嘅籌號，意味住我前面已經有20組人比我早到，當一組有1.5人，我估計都有30人，真誇張。一入到店內，又嚇多一嚇。估唔到入面個裝修非常靚仔喎，同出面個街景相映成趣，落差甚大。以下係食評：香味 (2/5)因為塩本身冇味，論香味，不嬲塩拉麵都比較蝕底d。雞油嘅香味僅僅聞到，唔係太明顯，而個湯本身係冇乜香味，所以好難比高分。湯 (3.5/5)有左一層雞油嘅加持，湯嘅色澤好靚，金黃色。味道方面，雞味係比較淡，唔係好明顯，湯嘅層次感亦不太足夠，所以我可以話，個湯並唔算討好，只係一款淡淡雞味嘅塩湯。加分位都有嘅，湯嘅溫度十分夠，雞油亦有保溫效果，由頭熱到尾。另外，湯嘅鹹度剛剛好，屬淡麗，重口味人仕可能未必啱。麵條 (3/5)呢款麵比較少見。細麵，扁身，直身，顏色較白。我見到個師傅每一碗麵都好有心機咁處理，排到好整齊，視覺效果十足。店員有講

朋友帶咗我入屯門試呢間堪稱香港數一數二嘅雞白湯拉麵，雖然有啲遠，但係朋友極力推薦之下當然要嚟試吓。星期日八點嚟到以為會少啲人，點知都排咗十個人左右，因為入面係得10個位左右，差唔多等左成個鐘先入到去我第一次嚟，當然叫咗雞白湯拉麵。每一碗拉麵到嘅時候，店員都會詳細講解雞白湯嘅製作過程，當時聽完之後對複雜嘅製作方法有啲震驚，想知可以去😂雞白湯拉麵💜💜💜💜💜自問唔算雞白湯拉麵專家，不過呢度嘅雞白湯都頗濃，等左成個鐘都冇絲毫後悔，排隊都係值得嘅；可惜係我哋太遲嚟，炸雞已經冇晒，好彩仲啱啱好有雞白湯，所以下次一定要早啲再嚟另外仲叫咗個沙律，已經唔記得咩名堂😂總之幾得意

好多地方都介紹過呢度，屯門嘅高質拉麵，難得今次放假唔使排好長龍，雖然都要排一陣隊，但係終於可以朝聖屯門拉麵！四個人一齊入去一定冇連坐，所以分開咗坐，不過唔緊要，最緊要係食嗰個碗拉麵，今次我自己叫咗醬油拉麵，話真係超級出色，又唔可以係真係大家講到咁誇張，但係只能說呢個一定係一個好合格嘅拉麵，整體嘅湯底都好乾淨，唔會太油亦都唔會太清淡，不過真係食耐咗就會覺得有啲滯。另外叫咗個炸雞，炸雞反而做得真係好出色，可以食吓！

真係幾好食都冇用。因為都完全食唔到。我嚟嘅時候兩個人，數住係第九第十個。。。咁好開心排排隊坐定定啦，等咗半粒鐘之後，店員終於開門。跟住店員出嚟逐個派飛。咁之前一路數住我哋第九第十。。。諗住實有得食啦今次。(因為之前已經排過兩次排唔到)咁個店員派到去我哋兩個度嘅時候精彩啦，佢同我哋講我哋要下一輪。因為有兩個攞飛走咗。有兩個攞飛走咗？！？！我哋嚟嘅時候睇到清清楚楚就係我哋第九第十個，冇任何人攞飛走咗。佢係咪留位俾佢自己朋友？！第三次喇！以後唔會再嚟排，老闆你員工依家有機會係自己預位俾自己朋友啊。我祝你生意興隆。👍

《醬油雞清湯拉麵》 附有雞叉燒 味玉 香蔥 大蔥 紫菜湯底用5款唔同既醬油 加上煲咗20個鐘嘅雞湯製成 味道偏向清淡 完全無落味精同埋好鮮甜 麵質比較硬身 而且夾雜住少少麥味 感覺都幾唔錯 有口感又好食店員建議食到一半可以落黑椒調味由於大鼠係比較重口味 所以覺得落咗黑椒之後更加好食咗有別於平時油脂feel重嘅叉燒 呢度用嘅係黎自熊本嘅雞肉叉燒 呢款叉燒好滑 口感唔錯 值得一試!.《唐揚炸雞》黎之前已經知道呢款炸雞係必食之選炸雞即叫即炸 粉醬一啲都唔厚 所以食落唔會成口粉同太滯外皮相當薄脆 雞汁完全鎖住喺塊雞件入邊 雞件本身都好嫩滑 每一啖落去都有好滑好Juicy嘅感覺雖然本身雞件已經有少少調味 但另外唧啲檸檬汁同埋點沙律醬會有額外風味.《總結》一到達舖頭 店員會先詢問乘客有冇到訪過餐廳 需唔需要為食客介紹餐牌亦會好耐心逐一介紹同解釋每款拉麵嘅分別上菜嘅時候都會再向食客提供建議嘅食法 埋單嘅時候都會細心聆聽每位食客嘅食評 睇得出真係好有心機有機會大鼠都會想二訪去試其他拉麵同埋再食多次份炸雞

平日午餐時段，等了25分鐘入座。下單後，等了15分鐘拉麵到。前後等了40分鐘，心裡充滿期待。我點了雞白湯拉麵，由於第一次食，店員簡介了拉麵特式：湯底無加味精、自己熬至白色、打至起泡增加口感，叉燒九洲來的，可加青葉消滯等。第一啖先試湯底，雞白湯好好味、濃郁，連續飲了幾啖。之後吃拉麵，偏硬，沒有拉麵那種煙韌。叉燒十分普通，沒有厚切那種口感，豬肉味亦不濃厚。總結，除了湯底，其他都十分普通，吃完覺得口渴。以$98一碗拉麵，於此地段，以及等了40分鐘來說，我覺得相當貴。

進餐當日遇上紅雨，但係排隊嘅人龍都冇減少，食完就明白點解！當日分別試咗雞白湯拉麵、塩雞清湯拉麵，同埋唐揚炸雞，兩個人食好夠飽😋😋😋雞白湯經過多個小時嘅熬製，整個湯都係奶白色，飲落好有奶香味，麵底都好有咬口。如果食到一半覺得有啲油膩，可以加翻啲柚子皮落去，唔單止中和到油膩嘅感覺，更加可以令到個湯變得更加有層次，令我想飲晒成碗湯😆😆😆塩雞清湯飲落好清甜，但係完全唔會有好腥嘅雞味，每一啖飲落口都好舒服。而個麵底同雞白湯係唔同，係比較滑身嘅一款，再加埋有啲煙熏味嘅雞肉叉燒，湯、麵、肉，三樣嘢食落去感覺好配合，推介！👍🏻另外值得一提嘅係，雖然師傅們都好忙，但係佢哋都會好用心咁同客人介紹佢哋推薦嘅食法，同埋烹煮嘅過程，亦會同客人傾計了解吓食客嘅感受，係一間好用心嘅小店！

本身見到佢有8月幾期間限定山椒鹽拉麵諗住試下，但好可惜到達之後發現應該完咗售賣期。不過真正俾差評的原因係源於排隊的問題。我到達後店內有同事主動出來俾等候飛，但之後到叫飛的時候發現遲來先上岸的情況，當時我地排頭5位嘅就呆咗，我向店員反映情況，店員入店後堅稱自己先俾飛後者，佢地只係走開了，仲反問我地有咩問題。聽到回答我們外面5個人都好震驚，我地5個人見住店員主動出來依到達次序派飛，「先入」的二位是最後到，但店員堅持是派了飛後他們再離開。食物味道良好！座位較逼。由於是開放式環境，一目了然，衛生環境也很好！但仍是劣評，主要係店家服務態度太差。

排隊排咁耐 又得2條友煮麵慢都正常🥲果日我有啲唔舒服聽人講呢間野湯底好清（係真係幾清）咁健康啲諗住食佢啦一去到我拎左啲藥出黎 佢又冇比水我喎咁我去自助果到裝水啦有熱水 咁緊係自己去裝暖水送藥跟住 條友同我講話我地冇熱水….問題係我已經裝左一杯😅我都知日本拉麵係要配冰水但呢到係香港呀！見到客人話要食藥都話冇熱水😤叫人飲冰水果下真係嬲到想出去！結果野食黎喇湯底係幾清但成個拉麵真係好一般……完全唔值排咁耐😅店員仲要轉唔到彎完全冇人情味 服務態度有待改善🙃

屯門。隱世拉麵🍜位於屯門小巷既隱世拉麵店，每次經過都會見到排隊既人龍，今日行過見到排隊人數較少，決定一試。餐廳環境小巧但裝修都精緻，座位大約有12個座位，主打雞湯底，分別有雞白湯拉麵、塩雞清湯拉麵、醬油雞清湯拉麵和濃醬油雞清湯拉麵。坐既位置都可以目睹師傅們製作拉麵既過程，大約15-20分鐘拉麵就端上我們的面前。—醬油清雞湯拉麵 $98店員介紹湯底係由自家調製醬油和經20個鐘烹調既雞清湯組合而成，醬油雞清湯頭味道不錯，最頂層會蓋著一層雞油，非常香，但個人比較怕看得見的油膩感，拉麵方面係小麥麵，食落會有小麥既味道，比起一般拉麵未算好掛汁，不過較有口感，較爽身，叉燒是雞叉燒，嫩口有焦香感，味玉做到流心。下次會想嘗試其他湯底。—螢光魷魚（季節限定）店員推薦，好食😋—唐揚炸雞 $48 / 4件炸雞大大塊，外皮非常薄而香脆，即叫即炸，熱辣辣，脆卜卜，雞肉有經調味亦非常滑嫩，好食😋。

先說缺點，祇有一個灶兩個鍋，一個鍋煮湯一個鍋煮麵，所以煮的非常慢，每次衹能煮一碗，雖然煮的時間不是很長，但是一個一個煮，耗時就很長。但是的確是好吃，先說說炸雞，皮薄，外脆里嫩，咬開裡面還有汁；然後說說拉麵，我點的是濃醬油清雞湯拉麵，我原本以為他是像濃豬骨湯一樣，奶白色很濃稠很油膩的那種，結果不是，它是清湯底，然後表面有一層鷄油在上面，所以雞的味道非常濃郁，但湯濃而不膩，喝上去就像喝燉雞湯的感覺，雞蛋也是糖心的，叉燒據說是自己卷自己醃製，所以非常嫩，在這樣的配搭底下，面就顯得有些普通了。最後說說裝修，雖然也是木檯，但整體是新派風格，放的歌也是英文歌，所以這一間更像是西餐廳，不是拉麵館。

雞白湯拉麵 $9️⃣8️⃣雞湯用左8️⃣小時去熬製👍🏼湯相當濃厚🍜飲落好重雞湯香味😋麵就用上麥麵🌾每條都會見到有唔少小麥粒🌾食落口感更有質感❤️雞叉燒真係大癲🤤🤤👦🏻食過最好味嘅拉麵叉燒(包括🇯🇵)有訪問講過雞叉燒用咗法式雞卷做法去改良質感厚實👍🏼味道微鹹😌個人覺得好好味😋唐揚炸雞 $2️⃣8️⃣ 2️⃣件又要大讚🤣1️⃣因為麵製作需時，佢唔會太早到，好怕食完份雞個麵都未到😂😂2️⃣炸衣薄身 火候適中 零油膱味3️⃣炸雞外脆內嫩 雞肉質感👍🏼4️⃣配上山葵蛋黃醬 提升層次感😋味道永遠滿足唔曬全部人🇭🇰要咁認真去製作一碗麵真係唔容易希望香港人繼續支持更多小店💪🏼💪🏼