邦記海鮮酒家

營業中

休息中

去魚檔或者去街市買材料叫他們加工，價錢合理，他們的師傅煮大班炒球，炆頭腩絕對可以推介，薑蔥炒蠓，流浮山生產得好果然名，所以昨晚台台都叫蔥炒蠓，及豉油王蝦及又黃蟹🤣🤣🤣🍽🍽洋蔥炒飯叫事頭婆加料😂

今日食癮大發，午餐再走去流浮山邦記食海鮮，天水圍去十分方便，搭K65巴士🚌11點半已到，邦記伙記們正在食飯，見到一人光臨，也問了一句：「食咩架」我二話不說：「食海鮮」照舊過隔離許照記揀海鮮，我話得$900，你幫我攪掂佢，本來我話食瀨尿蝦，但阿姐話成$400斤，叫我唔好食最好揀左兩隻大鬼蝦、兩隻元貝同黃蟶子返邦記坐低，似啖茶，等左陣，第一道先食豉椒炒蟶子，香到不得了，啲黃蟶極肥，隻隻飽滿至極食落肉質彈牙，炒到啱啱好，完全冇過火跟住係我至愛椒豉蝦，上枱熱辣辣，極之乾身，洋蔥同辣椒比例剛好，嗰種香氣非言語能形容，兩個字：好味最後上元貝同生菜，菜係送的，店員有問我要唔要，驚我太飽蒸元貝也好食，蒜蓉粉絲正到痺買料$330，油料連茶錢先$150，呢個價抵啦，一人前食到你飽，最緊要好食

流浮山，我都20年冇去過，以前都黎過食海鮮，都去邦記，依稀記得邦記加工海鮮相當出色今日重遊流浮山，午飯時間去到邦記，去到門口，我話一位，有位叔叔（興哥）問我食乜，我話食海鮮先去許照記揀海鮮，我話要食椒豉蝦，店東立刻介紹，同埋想食條細魚，亦立刻介紹條海釣黃腳𩶘本身想食炸蠔，但店東話不是季節，介紹我食炸元貝就咁先，一個人食不了太多。先來椒豉蝦，洋蔥辣椒炒到香一香，蝦殼上哂味，肉爽皮香係呢個味道了，兒時光臨邦記嘅味道蒸魚，豉油另上，基本上我都冇點豉油，食返魚個原味，魚滑味尚濃，要趁熱食炸元貝也好吃，食得返元貝個鮮味菜是送的，也吃盡埋單$500，20年後再臨，少了熱鬧，獨自品嚐，未尚不可

賣走咗架車幾個月，要習慣坐公共交通工具週圍去揾食，三勝邨/西貢/鯉魚門都唔難去，今次挑戰"流浮山"，天水圍西鐵站落車，轉乘K65免費接駁巴士15分鐘到，都幾容易。食海鮮最怕被人揾笨，開天刹價，貨不對版等等，Openrice搜索過，見邦記的評論比較正面(已經過濾咗負面評論)，冇book位，黃昏6:00 walk in 入去剩最後一張細枱，Lucky😅"邦記"會帶你去"許照記"揀海鮮，下次記住買龍蝦不要貪平，必定要揀"南澳洲"，休魚期前必食九節蝦，魚檔用竹籤篤一篤條龍躉尾仲有反應，即係表示新鮮，大大隻扇貝當然用粉絲蒜蓉清蒸。飯店先送每人一碗海鮮湯(非常正)👍，上湯龍蝦推薦叫炒飯底，炒飯底多蛋絲兼索曬啲龍蝦汁，無得頂👍，再送一碟清炒菜心，龍躉炒球有沙皮，要炒到剛剛熟又滑，功力一流👍，扇貝送到上枱，要提提大家記得要等一等才食，因為蒸海鮮上枱前仍是半生熟，剩餘熱力出曬才剛剛好熟透。服務員經常來清理枱面👍，買海鮮用咗$1000~，飯店煮工加油料錢$400~👍

開頭上咗魚湯好飲唔腥呀姐都有禮貌👍🏻野食就中規中矩但問題係係佢帶去買海鮮個間野😑買左隻龍蝦係深色紅殼南澳呀姐撈嘅時候係新鮮嘅尼到變左蝦肉唔彈牙同霉😰蝦頭仲有發黑😐係唔新鮮、死左先劏先會甘而且煮出嚟仲變左西澳種殼因為種唔同加上死得耐變左淺橙色正常出嚟係會深橙紅色殼同左員工講，佢搵左賣海鮮個位尼睇拎住舊最靚嘅話無野呀今次知道俾人換貨搵笨下次就無幫襯加工費合理唔貴，收費係平但就唔知換海鮮係打龍通定唔知情啦😕

流浮山海鮮宴～邦記🐟🦐紅燒班腩骨&炒班片（又名：炒球炆骨）香港最好食嘅海班兩味一定係邦記❤️炆骨炸得岩岩好，加埋個汁唔怕整淋舊魚。即食嘅一定係食骨😝炒球超級滑，啖啖肉，食埋個魚皮骨膠原，補一補先😉豉椒炒聖子微微辣嘅聖子配豉椒香口好match❤️粉絲蒸扇貝大大隻扇貝，蒸得岩岩好🥰撈埋蒜蓉粉絲🈵酥炸生蠔個炸粉配得好夾，食落口好鬆化🤤如果啲蠔再大隻d就好啦😋白灼紅鬚蝦白灼可以食到蝦嘅原汁原味：啲蝦好實肉，好甜美🤪招牌炒飯炒飯好有鍋氣，啲飯粒粒分明，好味🙆🏻‍♀️總結：海鮮要另買嘅，海鮮費同加工費大約付每位$300-$600。味道就偏鹽嘅，食開淡味嘅朋友可以講聲淡味少油。

好耐冇去過流浮山 媽咪提議去食海鮮 其實我哋成家都係海鮮愛好者 呢間邦記 我哋都經常食 . 首先我哋就去揀海鮮 阿媽最鍾意食蝦 我老竇就話要食蟹 我老公最鍾意就係食魚 lah ... 但係得五個人邊度食到咁多海鮮呀 媽我好亂啊 . 唯有就係放棄我最鍾意嘅賴尿蝦啦 . 我哋叫咗清蒸奄仔蟹 正鹽焗東風攞 我咁大個女都係第一次食鹽焗東風攞咋, 師傅好犀利煮到啱啱熟 勁滑囉清蒸黑瓜子 火候啱啱好勁滑 豉油王中蝦 呢個就一般般白灼聖子就係我嘅最愛 真係好好食記住要食埋佢個炒飯同雞翼 平時有湯送 但係今日晏左到 冇得飲添 ... 😅😅😅

同朋友講起食海鮮, 諗起都有一排無去流浮山食海鮮喇, 於是就約咗一大班朋友一圍枱去流浮山食啦~冰鎮鮑魚 - 一上枱 咁大碟 冰 係真係幾吸睛, 鮑魚好彈牙蒜蓉粉絲蒸扇貝 時間蒸得啱啱好唔會韌 椒鹽鮮魷 - 魷魚好新鮮肉質好淋, 炸粉唔會過厚味道ok酥炸生蠔 - 炸得勁酥脆, 生蠔勁大隻, 個個都讚好食, 一咬勁多號蠔汁彈出嚟添上湯龍蝦炒飯底 - 次次都會叫伊麵底, 今次試下炒飯底, 炒飯吸哂上湯龍蝦味 勁正👍大大隻蝦彈牙新鮮每人大約500蚊, 價錢合理好味👍

等咗好耐終於約咗一班朋友一齊去流浮山 邦記食海鮮，我哋每次去都會自備海鮮，今次買咗8斤東星煮二味，炒班球和炆班頭腩，大蝦，老闆介紹一個上湯大蝦炒飯，個個讚不絕口。聖子用蒜蓉粉絲蒸非常清甜有鮮味大家食到滿載而歸，非常開心，期望下一次再嚟。。。。

雞年快過去，最開心就是一家人齊齊整整食餐團年飯。老豆今年在股市大有斬獲，所以他帶大家去流浮山吃海鮮做團年飯。老豆一早就跟相熟的酒家訂了檯和海鮮，我們一到酒家就可以叫起菜。雖然酒家已預留一張大檯給我們，可是，老豆實在太豪氣，叫了很多餸菜，食九大簋咁，食極都仲有，食物放滿檯，實在太誇張了，我們唯有密密食，報答佢對我哋嘅厚意。第一道菜是龍躉兩食之一的炒龍躉骨。用龍躉起肉後的魚骨撈入炸漿，然後油炸，之後埋茨。好香口，好入味，好好食。第二道菜是豉油王蝦。雖然蝦不是很大隻，但是它們是游水蝦，香煎後，用豉油王煎焗，豉油味入晒蝦殼和蝦身內，滋味無窮。第三道菜是鹽油水雞。雞是本地的走地雞，皮薄肉多，有雞味。做法雖然簡單地只用鹽油水去把雞淥熟，但是這個做法可以完全保留到雞本身的味道，而鹽水的鹹味在淥煮過程中，會滲入雞內，所以味道會有類似鹽焗雞的效果，好食!第四道菜是龍躉兩食之二的西芹炒龍躉球。龍躉起肉之後用來煎炒，肉身和魚皮夠厚，有質感，夠鮮味。西芹炒得爽脆，跟龍躉炒球配搭得很好。第五道菜是香蒜粉絲蒸扇貝。扇貝新鮮又大隻，用香蒜和粉絲去蒸熟，再加些豉油，是很傳統的做法，但是又是最好吃的食法。第六道菜是青炒

一到年尾，朋友們紛紛組織團年飯，為辛苦咗一年慰勞吓自己。不過其實講到尾，都係我哋呢班吃貨借啲易想食餐好嘅啫！今次就決定食邦記！其實之前已經食過幾次，都保持到水準，所以今次就同成班朋友一齊嚟食啦！泊完車之後，淨係行入去食飯果條巷仔已經買到停唔到手。又金蠔啦，又米通啦，又馬仔啦，又海味啦⋯⋯成班友仔買到痴咗線🤣好啦，睇吓今晚食咩先！第一味上枱嘅就係白灼蝦，講真，白灼蝦真係冇咩好介紹，不過隻隻個頭都有膏㗎！接着嘅就係蜜糖雞翼，可能好多人覺得好奇怪，去食海鮮食乜鬼嘢雞翼呀？但係其實都係呢度嘅招牌之一，前兩次食，隻隻脹卜卜，啲蜜糖包住成隻雞翼，好味到震啦！但係今次真係要拆招牌，睇幅相都知道炸到燶晒，又唔夠蜜糖，搞到比班老友話我點解要嗌味未啊🤦🏻‍♀️再嚟嘅就係椒鹽中蝦，非常惹味，又唔會過分調味，直頭連個殼都要吮埋！整咗個班頭兩味，呢個班腩好就好在佢一啲都唔老，唔會鞋恰恰，仲係好滑！好少可見到啲蒸鮑魚係咁大隻，一啲都冇過火，切開來食好鬼正，啲豉油汁唔係好濃味，咁先可以食到本身鮑魚嘅鮮味！再嚟又係蠔兩味，嚟到流浮山唔係唔食蠔下嗎？呢個炸蠔，細細隻，估唔到甜成咁！啲炸漿薄薄哋一層，咬落去嗰陣時係有聲㗎

依家時令嘢係金蠔，就連鼎爺前幾日都在大台教人煎金蠔。周末，我哋入咗去流浮山諗住買定啲貨用嚟做團年飯嘅餸，去到 “十妹” 個檔口，佢見我哋係熟客就計平好多，原價480蚊一斤，都特價賣400蚊俾我咃，仲留咗一斤靚生蠔 俾我哋，90蚊一斤乍，就連企喺我隔離個客人都妒忌我哋。屋企人話，咁靚嘅生蠔不如就地正法，搵家酒家整嚟食。十妹姐就介紹我哋去邦記，仲即係幫我哋打電話去留檯。好彩有十妹姐，否則都幾難入檯。坐低之後，就去對面間許照記買埋其他海鮮，跟住大家就等食喇。靚阿姐先來每人一碗魚湯，白雪雪魚味濃，好好飲。【象拔蚌】550蚊一條，起片成一大碟，用上湯來灼。大家搶住嚟食，好爽，好鮮味。【蟶子】買咗十二両，簡簡單單用嚟白灼，用芽菜墊底，澆些熟油豉油，真係好好味。帶子四隻斤半重，用蒜蓉粉絲來蒸。好鮮美。粉絲最正。【大海蝦】四隻，都九両重了。用豉油王來煎，係工夫嘢。煎得太耐，蝦肉會老，煎得唔夠耐就啲豉油入唔到味。最妙嘅係，師父將海蝦開了邊嚟煎，食起上嚟都方便好多。90蚊一斤嘅生蠔，原來有12隻，用薑蔥來整。薑蔥蠔好肥美。鮮鮑魚四隻十両重，用椒鹽來做，香氣四溢。肉厚彈牙，唔嘢好講。最後仲送多碟生菜俾我哋食

恨左好耐黎流浮山食海鮮，不過地點唔方便又無野行，今晚朋友竟然提意開車帶我地入去食海鮮，大家興致勃勃就出發了黎到原來要係買左海鮮再簡間餐廳加工的，有d檔口係將海鮮放哂係地下，睇到真係唔開胃，唯有去d海鮮檔感覺乾淨d，希望唔會比人當水魚😩我地好隨意咁簡左依間餐廳去加工，買左蝦、龍蝦、蟹、扇貝，佢會提議可以點煮，最後你自己再決定用邊種方法，我地簡既都係簡單快既因爲真係好餓了🦐蝦用白酌，即刻好快有得食，都算大隻，可以肚餓覺得好鮮，好快食哂🦂龍蝦必配伊麵😋不過唔算大隻，但自己一下撕出黎食係正既😁伊麵底有點咸扇貝大大隻，肉好厚，蒜蓉粉絲仲要多蔥，好食！🦀蟹比想像中細隻，應該蒸，炒左無哂鮮味，不過膏好多😋😋但加工費加埋買海鮮每人差不多1000蚊仲要咁遠唔抵，應該唔會黎食了

有朋自遠方來，要到流浮山食海鮮，加上朋友識人+有朋友渣車就一行幾人去食飯了，我呢個大鄉里第一次入鄉！因為訂位時已訂了老虎斑二食，一來到就上了豆腐魚湯，唔鱣！訂了二食當然仲有炒球及炸頭腩。男生們出去揀海鮮，等嘢食時食住蜜糖雞翼好好食，炸到皮沒有肥膏，而金蠔我覺得一般，灼菜芯苗就無咩特別，有一兩條有D苦。豉油王蝦、蒜茸粉絲蒸蚌、蒜大鮑魚都唔錯，海鮮夠新鮮就好食同鮮甜了！最好食就是白灼聖子，灼得剛好，芽菜底吸收了精華。最後見有壽包就order了半打，老闆送的！

流浮山的海鮮一向出名，只是地點不夠方便然而。星期天是父親節，加上不到一星期就是嫂子的生日，所以哥哥提議到流浮山一趟吃海鮮，我們這班海鮮控聽到這個好消息後都特別興奮。另外，他會駕車接我們去流浮山，所以都不用擔心交通不方便的問題，真的要說句「哥哥萬歲」!選擇父親節正日來吃海鮮，那當然哥哥早已訂座，免得全場爆滿的情況下要老人家和小朋友等位。今次特意選了到「邦記海鮮酒家」用膳原因他早已在這裡吃過晚飯而又覺得不錯。而從未到此用膳的我覺得餐廳位置都有點不方便，他們雖有小店在方便而到處有賣海鮮和海味的大街上，但其實他們還有一店在另外的位置，他們都安排了我們到後者的地方。先要通過狹窄的小巷，再要行凹凸不平的路，才能到此用膳。即使路程不算太遠，但對於年屆九十有多的嫲嫲來說真的行得有點吃力。位置不方便之餘，他們亦沒有自己的洗手間，真的要去洗手間的話，都要用餐廳附近的公廁，真的極為不放便，衛生程度又不太理想。到步的時候，發現這裡有種「大排檔」的格局和風味，沒有甚麼裝潢可言，來得這裡吃相信都是吃它的風味和食物的味道。由於餐廳沒有提供生海鮮，安頓了老人家和小朋友後，我們便走回賣海鮮的大街上選擇我們心水的海鮮。哥