影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
每次去開將軍澳醫院覆診，診後都會去醫院對面 "明德商場" 1樓飲茶，原來呢間酒樓都係百好集團旗下餐廳。幫襯了幾次，發覺食物質素比一般茶樓好，點心菜式多樣，價錢同樣合理，還有很多優惠套餐，而且有限時優惠。價錢方面建議選擇套餐，價錢比較優惠，同時份量亦較大，散叫價錢貴，份量則比較細份。樓面嚟講呢度算係新淨光猛整齊，燈光好夠，望落地方乾淨。員工服務手腳快，衣著得體。餐具方面就感覺有點油膩感，不太亁淨，相信需要用熱水清洗一下比較好。整體味道方面還好，街坊飲茶，上班族食晏，還可以的。
繼續閱讀
早前見到酒樓推出「黃金長腳蟹」特價$750，約三斤多，頗為抵食，於是相約家人今晚（3月26日）到酒家食晚飯。我深知貨源有限，所以今早去飲茶順便訂位，並與部長訂定一隻長腳蟹，該部長還對我說留定一隻給我。我滿懷期待並載着家人經過東隧到該酒樓預備大吃一餐。誰知去到酒樓時，部長竟然話今晚沒有長腳蟹，我和家人隨即大失所望！如果酒樓沒能供應食品，只需與客人溝通便可以，但已答應客人要求而未能提供，則不能接受。難怪頗多港人北上娛樂，而不願留港消費。
繼續閱讀
今天一個人下午兩點左右光顧下午茶，有半個場係吉枱，突然間門口帶位個姐姐叫咗兩個人坐我張枱。我同個姐姐講半個場都係吉枱，咁都仲要搭枱，跟住佢話呢度係咁😳我同佢講你哋唔係懶到咁呀為咗執少張枱，我話我哋客人有比加一有比茶錢，你哋咁樣真係冇下次幫襯。重點嚟啦，個姐姐同返我講冇下次都冇辦法㗎喇👍🏻我之後同個男經理講返件事，佢係咁啊、啊、啊，之後就走咗去不了了之，呢間嘢味道普通，下午茶價錢又唔係特別經濟，所以真係冇下次😮💨
繼續閱讀
星期五夜晚唔想煮 諗住落街食啦諗住樓下酒樓有片皮鴨 街坊酒樓又比較經濟打電話去話唔洗訂枱 隨時有位心諗：疫情真慘，酒樓星期五夜晚都坐唔滿一半人上到去加茶、落單都無人係得個店長跑都係 無生意 邊養到員工食完 見枱枱都有糖水問下 侍應姐姐佢話轉頭拎來我地就一家坐喺度等期間見到店長過來諗住問下佢佢話： 你食套餐先有得送架 大佬哦 唔緊要 酒樓食飯不嬲係咁有咪食 無咪算但轉個頭姐姐經過執枱時 話等一陣叫咗人整咁咪再坐囉跟住就見到有個侍應捧住糖水行過來點知店長截住佢 叫佢拎返轉頭唔洗咁呀嘛？火火地 出去埋單時過去同佢講 其實無 咪算但拎到咪來 行返轉頭係咩意思點知個店長鬧返我轉頭邊個話送比你咁樣當客係乞衣唔怪得星期五夜晚都無人食幾好食 唔洗錢 都唔會再去
繼續閱讀
冬天一定要食羊腩煲，呢個冬季剩係食過媽咪整嘅羊腩煲。上次飲茶睇到餐牌見到呢間酒樓堂食羊腩煲好抵，今次就嚟食晚飯菜。一坐低即刻點羊腩煲點知賣晒，原來一日只有幾煲。最後點咗幾個小菜，味道都可以呀，價錢都好公道。皇子片皮鴨，呢度嘅片皮鴨好啱我，起出嚟嘅皮只會帶少少肉。好地方嘅片皮鴨係會連肉起，雖然會無咁肥膩，但係我食片皮鴨係享受油脂喺口嘅感覺，而且連皮切會有啲鞋。孖寶餐：醬皇脆皮燒雞(半隻)，清蒸生猛海斑(約1斤)雞肉都算嫩，雞胸唔會鞋到食唔到，個味都ok。清蒸生猛海斑，魚肉新魚嫩滑。黃金流沙脆鱔球，鹹蛋黃同鱔同樣吸引，好鐘意食鱔嘅我未試過咁嘅做法。脆漿擺放一段時間仲保持住脆口，不過鹹蛋黃醬汁太少，只喺碟底有少少，朋友話食唔出係鱔，咁嘅做法可能有少少浪費。鱔球係新鱔嘅，所以我覺得都係好食。
繼續閱讀