都島屋

營業中

休息中

平時夜晚唔知食乜好，突然間醒起有間日式炒麵同大阪燒，價錢又合理！！好多個set比人揀XD真係好耐好耐冇食過喇！！叫左個SET C同埋SET B!!不過當日既八爪魚丸賣晒，要即整！所以要等15分鐘。不過都值得等的，買到返屋企仲熱辣辣，食落唔會成口粉咁！！奄列炒麵依然係我既最愛XD！！大阪燒就一般啦，塊肉硬左少少。不過呢個價錢，冇投訴啦！！！最滿意係八爪魚丸！住得近近地，間唔時會再encore!!!！！！

早兩日雖然好鬼凍 但都無阻史努比食雪糕嘅衝勁🤭呢間嘅雪糕其實史努比已經回訪過最少3次記得疫情嗰排佢仲做買一送一真系超抵🤪可惜而家冇咗lu🥲但就算唔做呢個優惠佢都系$10杯姐 compare其他佢都依然抵食😎👍🏿牛乳雪糕 $10佢好似比起之前買一送一嘅時候嘅得大杯咗🤪雖然就唔系超級之smooth嗰啲牛奶雪糕但帶輕微雪葩口感 咁樣反而冇咁滯史努比更鍾意❤️食到香甜煉奶味 牛乳味就相對冇咁出～如果crave for好濃牛乳嘅呢杯未必啱你🤣但不得不讚嘅系佢個cone系厚身嘅脆筒 食落真系非常之脆口🤪而且帶少少牛油嘅香味😚好多舖頭賣到勁貴都做唔到!!唔系誇張 呢個雪糕真心好食😋味道: 8/10性價比: 9.5/10回頭率: 9.5/10$10杯咋喎 分分鐘仲抵過你到快餐店買而且好食過佢🤭呢個價錢呢個質素值得史努比無限次回購😎At least佢已經抵過某大品牌雪糕車😂其實除咗雪糕之外佢仲有提供日式便當呀定食之類同埋有啲日式炸物小食不過史努比就對呢啲冇乜興趣 加上佢賣相又唔系特別討好😂😂都系食翻雪糕啦🤪

難得有一個星期六可以不用帶小朋友去學這樣去上那活動。可以一個人自己去食什麼都得的自由，不用擔心這個那個，又要坐得舒服，食物又不會太油膩。。。當然為了身體健康都要想下的，這次不想太多了。去到坑口，想起有間新開的ikea 是有food court 的，便是看看。新menu 不太match 今日個mood。便行去一田看看。這間很久無食了。已經忘記了這間的食物十分有去了日本食的味道，個章魚燒takoyaki 是有一粒章魚在中間的，而個汁因為有很多沙律醬可以做到平衡的效果。而個炒麵，做得很好。很多說自己是正宗日式的店都炒不到的黏韌度很QQ 。是次彩蛋是由這站可以行到去夏威夷，hint 是瀑布

哎呀，今日食完午餐，熱噶啦，就行到呢家小店，隨便嘆個雪糕消消暑。宜家吹水啦，嗰個雪糕真係出奇地正😍！雪糕濃郁到似牛奶嗰啲鮮甜味，完全唔係平時啲稀稀哋哋嘅鳳凰牌，而且溝埋甜筒食，筒嗰個脆卜卜，鬆化中又帶啲牛油香，真係正到彈🍦！每啖雪糕都滑得嚟又唔會咁快溶，成個口感細膩得黎又實淨，雪糕同甜筒個組合真係絕妙！🤤吹水唔抵，食嗰陣時，個心情都爽晒！嗌聲「靚仔，再嚟一個！」，係啦，飲飽食醉囉，噏吓先。喂，你哋有無咩雪糕推介？夏天熱到，都想試多啲新口味嘅😎！更新啦，記住搵我啊！

今日走過一家小店，心諗：正！嚟份經典港式小食，再搵款靚雪糕做完美Ending啦！🍦 一落座，先來一份經典的脆皮炒麵，啲麵條唔漏油，拖上啲蒜香，嚟碟辣椒醬，啱晒食！😋 炒麵啲麵身足夠爽口，唔會太腍，每啖都有咁輕微嘅韌勁，真係咬落有聲出。跟住，攪下個日式燒餅，外皮烘得啱啱好，咬落去外脆內軟，塗上嘅醬汁添咗鮮味出嚟，酸酸地，啲海鮮餡料又新鮮，令人食指大動！最後，點都少不了份雪糕。攞起個雪糕筒，首先係眼睛嘅享受，雪糕擠得好靚，質感Creamy到不得了。第一啖，牛奶味直沖天靈蓋，冰凍得啱啱好，融化於口，絲絲滑溜，入口即化。👌 餐尾嘅這杯雪糕宛如這個午後甜美的句號，心情雀躍，簡直是平民價格的雪糕貴族享受！是日小食大滿足，市井小食，亦可以有非凡品味！

一路都有食開呢間 但估唔到今次去食嘅時候 叫左一個炒面配章魚小丸子🧆 見到佢倒醬嘅時候 見到小丸子黑黑地 睇落係煮過左 幾乎大半粒嘅外層都係黑色拎到返屋企食嘅時候 食落凍冰冰 一啲都唔熱 炒面嘅面好硬 好似係放左好奈 放到乾左 難怪佢咁快就比到我🫠份量就同以往差唔多 無咩太大分別 但每次經過都見到無人幫襯 服務態度唔差 但食物質素要改善除左呢兩個問題之外 其實其他都無咩野 希望日後會有改善 凍冰冰嘅野食真係接受唔到🙏🏻食左咁多次 真係好失望😞

收工後很累, 走到商場內不知吃什麼好, 見呢間鋪餐牌好多食物都50蚊有找, 而且有陣陣香氣傳出, 雖然是counter位及 self-service形式既簡單檔口 (大約有十個位, 只淨一個, 我即刻擺低個袋) , 但正合我心意.這裡店員當時有兩個, 眼見一個負責烹煮, 另一個負責收銀. 我取了餐後, 見不時有人買外賣. 坐著吃的時候, 我可以隔著大玻璃看到整個烹調場所, 裏面都很乾淨, 師父很勤力地專心整野食, 唔似當今所謂高級餐廳嘅服務員, 不論有無客都成日埋堆傾計. 我點的煎餅份量很大, 不會過份油膩, 醬汁啱啱好, 不會太鹹. 墨魚丸子入面好流心, 起初都覺得奇怪是否未熟 , 收銀員剛巧在我身邊執枱 (其實檯面有寫明係自助形式嘅, 好似好多外國嘅 food court 及快餐店咁, 不過香港人唔係好理解呢種文化, 慣咗食完就走), 我便問他墨魚丸內部為何漿漿的. 店員解釋這是正宗的做法, 剛煮好的會特別流心, 叫我放心食用. 店員忙完收銀和執枱之後, 又問我及我隔離的客人需唔需要熱茶 =) 雖然俾杯水對好多人嚟講都冇乜大不了, 但唔好忘記自己俾幾多錢食呢餐, 就算街邊三四十蚊

口痕痕好耐無食想食下 八爪魚丸一直都係好鍾意食嘅嘢之一喺一田裏面呢一間已經開咗好耐諗起想食真係會過嚟呢一度 燒餅 章魚燒 放落口 好奇怪 味道正常嘅 燒餅一食落去 點解咁稀再試吓個八爪魚丸 都係好黏 同店員講 話個燒餅係咁 已經賣哂咁話 係咁架到個八爪魚丸 又話係咁架 其實 。我都唔係第一次黎食呀。。。 以前係叫正常 會嚟食 今次之後 真係以後都唔會！與此同時 有第個客人都完全無掂過八爪魚丸可想然之都唔係我咁覺得嘅問題 係個粒八爪魚🐙仍然都係咁好食又彈牙

平時好小走入黎一田今次無啦啦就走咗入嚟 見到呢間都島屋 價錢合理，即刻叫咗個燒餅/奄列炒麵試吓依個價錢來講食物質素都唔錯 真係唔貴今次都食得好滿足 下次會想試吓其他如果有埋飲品會比較好

絕對唔係第一次幫襯 每次路過總會心思思一陣 然後就買返屋企食😂今次忍唔住 直頭留低堂食💁🏻‍♀️今次要左個八爪魚小丸子拼奄列炒麵 先講八爪魚🐙小丸子 我地好好彩 剛好賣晒 要等下一批 雖然員工好快手 但係始終要等一段時間 其實配左照燒汁 沙律醬一定無得輸 只係我地唔好彩 其中一粒無八爪魚粒 雖然依煞好味 但係店員應該要更加留意!奄列炒麵好食 味道夠 只係有啲太油 加上要等小丸子出爐 食到時已經凍晒 建議唔需要一定等齊先上 或等小丸子ready先炒😇我地食完時已到晚飯時間 好多顧客都黎到買外賣 三位店員忙不過來 食物整唔切 導致有大量客人係狹窄既通導等候 堂食既客人都感覺唔太自在!

位於東港城一田超市入面既都島屋可以外賣或者堂食最中意係食大阪燒Set B 燒餅/奄列炒麵 ($36)大阪燒好足料，口感豐富但略嫌多醬左啲，偏咸奄列炒麵啲麵就反而淡左啲，靠奄列蛋上面既醬吊味，有好輕微既甜辣Lunch食一個都已經好夠飽

最近一田做緊大減價 我都當然有去掃貨啦 掃貨之前梗係醫飽個肚先 嚟咗呢間喺一田超市入面嘅都島屋食個平價lunch🙊估唔到一田減價會連呢啲餐廳都有特價餐 咁我就叫咗一個Set B同E 由於我大概十一點半就幫襯 只係得一個店員返咗工 佢又要煮又要落單收錢 所以佢提醒我地 食物要等十至十五分鐘😮Set E 特價咗就$38 原價要$42 有燒餅同章魚丸6粒 章魚丸好熱辣辣 外層少少脆 口感唔錯 燒餅都幾足料 又有塊薄豬肉係面🐷 燒餅上面嘅汁都幾鹹 如果你喜歡清淡嘅就唔啱啦 不過塊燒餅咁多餸 只要搽勻啲醬 味道都可以接受嘅Set B 有燒餅同奄列炒麵 炒麵唔會過林 不過塊蛋就薄咗啲啦呢個午餐都幾平 味道又可以接受 不過可以多啲人返工 可以等少啲時間啦😹 個店員好慘

同事話喺餐廳食到悶想試吓啲特別嘅嘢，提意食一田裏面嘅日式快餐。一入一田門口就望呢間小舖，門口仲有櫥窗仲有唔同食物嘅逼真模型，食店有幾張不銹鋼嘅小圓枱，每張枱有兩張櫈，我哋喺收銀處order咗一份炒麵及便當，四種小食後等叫號碼取餐。食物每份都係新鮮做好，味就可以，坐就一定唔係咁舒適，間唔中食吓都幾好，不過呢間餐廳無飲品，如果食嘢好似我咁無飲品唔得就要自己買定喇。店外櫥窗食物模型裝飾。炒麵類套餐。便當套餐。各類炸物。炸雞肉便當，除咗雞肉，有沙律，泡菜，腸仔，玉子，炸蟹柳，雞肉唔鞋，飯都煮得軟硬適中，小食就無特別，無汁對我哋嚟講好難食晒啲飯，不過味道Ok。燒餅/奄列炒麵，燒餅好多雜菜，醬汁多，但啲粉漿調得麻麻，炒麵可以。八爪魚球(6粒)，新鮮製作嘅八爪魚丸，雖然唔夠脆，但係入面嘅八爪魚都幾大粒，好幾好味。以下嘅小食雖然炸好但外面仲鬆脆，我哋都覺得好味：北海道忌廉蟹肉薯餅。黑胡椒香腸，有黑椒味但唔辣。北海道牛肉薯餅。

在家中困了多日，的起心肝落街食下嘢。尋找之際，發現未試過位於一田的都島屋，基於思念日本之情，即管坐低叫兩個餐試下，怎知，等了15分鐘後......Set C: 燒餅+炒麵+八爪魚球Set F: 奄烈炒麵+八爪魚球八爪魚球即叫即整，材料、味道和口感尚算及格🐙但燒餅則完全不是那回事，油膩到半件也吃不完🥴最崩潰是那炒麵，麵條過軟、無鐵板炒過的香氣之餘，麵條更未炒散，成餅嘢咁痴埋一大舊😖價錢平，但伏味濃，令人更懷念正宗的日本燒餅和炒麵呢！😭

以前坑口food court有另一間食章魚燒但依加無左間店，所以就食一田呢間其實我唔係第一次去食，先前食過都唔算太差今次我去食，佢可能賣晒先前整嘅所以係即刻整雖然今次嘅係熱辣辣，但係今次去食發覺好厚粉，而且燒得無咁脆餡料相對地感覺少左我諗係佢哋鋪頭質素唔穩定希望下次再試嘅時候會好啲