醉桃園

營業中

休息中

之前兩次都係夜晚打邊爐，服務同食物都無失望今次team lunch近公司帶同事嚟食，一樣全正面評價！牛肉普遍咩位都覺得唔差，又鮮，必點！我都幾鍾意佢哋黑松露餃，蝦好彈牙，黑松露香得嚟唔太搶味！湯底今次係花膠雞，都唔錯，不過最鍾意都係杏汁豬肺，大力推

今日特登返嚟約個舊同事食lunch~ 唔好以為lunch打邊爐好誇，原來火鍋店都有點心同小菜食! 我哋叫咗個二人午市套餐($298 for 2PAX)，超高性價比!! 👍🏻👍🏻凍凍哋叫多咗個養生海鮮豆漿鍋!咁凍飲碗熱湯胃吓暖真係正!!!! 湯底係用魚湯加豆漿熬成，好足料，超鮮甜! 飲完成個人暖晒，仲補充咗骨膠原✨~ 私心推介必點 - 家鄉炒米粉!!!! 😋😋😋撈咗粉絲加米粉一齊炒，係我鍾意嗰隻爽口質感! 配埋欖菜好香! 工業區其實都好多好嘢食!

觀塘醉桃園主打火鍋，推薦嘅湯底有藥膳花雕醉雞鍋。上星期同朋友食飯，佢哋一定要我試下，話絕對唔會後悔👍🏼👍🏼。佢哋嘅藥膳花雕醉雞有啲藥膳嘅味道，啖啖都係滲入醉雞裏面，啖完之後喉頭會有種暖暖嘅感覺，真係幫身體驅寒。有專人幫我地煮雞，落雞後水滾熄火再焗六分鐘，熟度剛剛好。除咗醉雞，仲有好多唔同款嘅料可以揀，例如美國黑豚肉、手打牛肉丸 同埋手打墨魚丸，都係推介。個個料都新鮮，丸好彈牙。最驚喜嘅係佢哋嘅竹笙雲吞，啲雲吞皮好薄好滑，餡料滿滿，令人意猶未盡。而脆鯇魚片同蘿蔔片都係一流，特別係脆鯇魚片，好新鮮，配埋啲醬汁，一個字正，食完仲有流心丸子做甜品，第一次食炸湯丸，好有驚喜，食完完全沒有油膩感，👍🏼👍🏼

觀塘工業區的美食珍寶—— #醉桃園 🍽️ 前幾天Lunch在觀塘工業區尋找餐廳，第一次吃醉桃園，無論出品環境服務都非常高質🌟 當日我們3個人Lunch，座位寬敞，而且餐廳提供多間包廂，私隱度高，部分房間可以唱K🎤🎵，尤其特別適合多人飯局聚會。他們午餐選擇豐富！😋$298的二人套餐包括前菜，主菜，主食，甜品，而且份量十足，看食評好多人都說性價比高！我們都十分同意！聽餐廳職員介紹，他們夜晚提供高質特色#火鍋 🍲，還有#圍菜 ，主打鮑魚的Menu以供不同食客選擇！當日我們點了：$298 二人套餐，包羅萬有 ！😋瑤柱粟米羹：瑤柱的鮮甜與玉米的味道香濃，每一口都散發著自然的甘甜。🌽😋桃園酸菜魚：🐟 魚片彈牙，酸菜的微酸恰到好處，令人食指大動。湯底清爽，帶有淡淡的辣味，讓整道菜更加開胃。🌶️😋京都骨：肉質鮮嫩，酸甜的醬汁令人食欲大開。😋乾煸四季豆：經過乾煸處理的四季豆外脆內嫩，香氣四溢，搭配獨特調味，讓人忍不住一口接一口。🥢😋濃湯浸時蔬：新鮮的時令蔬菜在濃湯中浸泡，保持了鮮嫩的口感，每一口都充滿健康的美味。🥬😋滷肉飯：米飯吸收了醇厚的滷汁，五花腩肉質細膩，入口即化，令人回味無窮。🍚😋甜品炸湯圓：外酥

專登試咗三次先至上嚟寫食評，目的係想睇吓依間火鍋嘅高品質輸出係唔係一路都咁穩定！結果答案係：食物高質！ CP值高！服務好（呢個真心絕對好Appreciate）我最鍾意依度嘅芫荽皮蛋鍋底，因為佢嘅芫荽唔係求其擺幾條喺個鍋度，而係將啲芫荽Blend到好濃嘅汁加入豬骨牛仔嘅湯底（店員後認真介紹）。口感好濃厚，唔會好似有啲地方嘅芫荽皮蛋湯底，咁好似滾水一樣🤣我哋叫咗幾款前菜都好surprise荔枝蝦棗好好味炸得唔油膩，但係好鬆化，入邊嘅蝦滑非常實在，乳鴿味道夠濃又新鮮，讚👍🏻呢度嘅牛肉切得好厚，而且肉味好新鮮，仲有我覺得最正係手打墨魚滑同埋野生竹笙，非常厚身！呢幾款食材都係同我平時喺其他地方打邊爐食過有明顯分別嘅！佢哋嘅服務好好，店員都好熱情，而且加湯非常及時，就算當日我哋食飯嘅時候個場已經好爆，但我哋食完都唔會好似想我地快啲買單走人咁！而且我哋當日坐嘅地方屬於大廳，但係座位都好寬敞唔會好逼夾，我鍾意呢啲用餐環境！

朋友今日帶我嚟觀塘嘅醉桃園，聽聞他們的藥膳花雕醉雞鍋好食，所以我們決定一試究竟。藥膳花雕醉雞鍋（全隻），$298香氣四溢，令人迫不及待！有服務員幫我哋煮雞，確保熟度剛剛好唔嚡口，雞肉夾著藥材香，藥材的香氣與花雕酒完美融合，好滋補。肉質滑嫩，湯底濃郁，簡直是冬天的最佳伴侶。脆鯇魚片，$88好新鮮，魚肉爽脆，打邊爐必點！美國黑豚肉，$88肉質鮮美，油脂分佈得剛剛好，咬下去肉汁流出，搭配鍋底的湯，口感真係升華，幸福感爆棚。手打牛肉丸 $44 手打墨魚丸$88兩種丸子都好彈牙。牛肉丸肉汁滿滿，牛香十足，墨魚丸係新鮮手打，口感好彈牙，正！竹笙雲吞，$78皮好薄，餡料豐富脹卜卜，鮮蝦好爽口 竹笙的香氣更添層次。蘿蔔片，$30淥耐啲淋啲，索左個湯，好食飯後仲有甜品送，係流心脆丸子，簡直係驚喜！湯丸放入鍋中去炸，流心丸子外脆內軟，咬下去的瞬間，流心的芝麻同花生醬料瞬間充滿口腔，真係好滿足

我和家人都愛吃火鍋，火鍋最重要除了是個爐（安全）之外，我們認為最重要的是食物要新鮮，有良好服務就更好。今次來這裡，主要是近公司，放工步行過來便可以。初次嘗試，火鍋湯底選擇多，我們選了「天麻魚頭鍋」湯料豐富，魚頭大大個，湯味濃郁👍🏻👍🏻菜單選項也很多，我們點了豬拼盆、生蠔和蔬菜。這個豬拼盆包含兩三個豬豬部位，全部都好好吃說好的一桶生蠔，嘩！怎可能這麼多😍目測和口感都感到他們把蠔清潔得很好，入口爽甜。蔬菜亦很新鮮，絶無老、殘、爛葉👍🏻在等湯鍋的時候，我們再點了兩個小吃魚皮很爽口，藤椒味剛好，沒有太搶第一次吃這個午餐肉響鈴卷，又幾特別喎，兩樣本身油油的食材夾在一起，但入口又不會吃到一口油，掂。這間店不但食物新鮮，服務也一流，值得再次到來。

好懶打字，寫得食評一係就好伏，一係就好驚喜，今次係後者😍🥳朋友介紹呢間餐廳…環境，食物質素，服務態度，價錢都係香港打破負評之作👍🏻👍🏻👍🏻 佢絕對可以幫香港飲食界平反💪🏻首先湯底係真係可以先飲湯嗰個質素，夠味，夠鮮！前菜叫咗醃師庵，醉乳鴿，都好好味。打邊爐食材好多選擇。叫咗多個平時經常食嘅打邊爐菜品，都好有驚喜！碟頭比出面好多打邊爐都大！墨魚滑好正！安格斯牛頸脊超級嫩滑！野生竹笙必定要食！！！！！！！！！！！！！！！！！！職員服務態度超好！$58可以任飲，出面打邊爐一罐可樂都10幾廿蚊🤣任飲心理上真係好爽！鍾意飲酒嘅人更加爽！抵到爆！！！ 佢地個楊枝甘露都好正！！如果真係要挑剔，我會希望個調味料豉油可以鹹少少🤣醉桃園，下次一定再食！因為呢間打邊爐，我會好願意去觀塘🤣

Lunch time中式裝修得靚😉之前其他評論都有相可以睇。一大班同事食飯嘅好去處！份量大，8個女人叫個6人餐都夠食，嘢食好味道☺️每次去啲服務都好好，員工好好笑容好nice。雖然之前上菜慢，但反映過之後，呢幾次去都好快有得食！甜品仲好有驚喜，無論是糕定係炸湯丸，都啱啱好唔會太過甜太過油👍有時候都會轉下set嘅內容會有啲新鮮感算係咁🤣可以改進嘅位應該係每次兜酸菜魚／水煮魚，薯粉嘅份量都唔同😅

觀塘打邊爐地方多選擇，但有信心保証應該係這間。每次樓面老細都熱情招待，不論你是熟客還是生客，他都招呼周到，讚！每樣食材新鮮可口，養顏湯底清甜鮮味，飲2碗絕對唔口喝，只是竹蔗茅根水仍是偏淡，失色。每次都有甜品送贈，上次是美味楊枝金露，今次是食唔停既炸湯丸，完美！今晚星期五人流多，環境有些嘈吵。

今日來到觀塘隱世火鍋店—醉桃園距離觀塘地鐵站8-10分鐘，位置尚算方便！火鍋店走中國風嘅裝潢，有桃花吊飾同埋燈籠🏮🌸環境寬敞，適合同一班朋友來聚會落左單之後，店員端上一盤載有九隻「萬字碗」嘅醬料，好有特色。同一般火鍋店有別，唔需要行出去用公用嘅醬料bar。個人覺得邊爐最緊要係湯底。今次點嘅藥膳花雕醉雞鍋果然冇令我失望👍🏻👍🏻可以揀半隻或全隻雞，我地四個人就叫半隻。湯滾起先將雞件放入，然後熄火等10分鐘，就可以食喇。雞🐓：皮爽肉滑，花雕酒味入曬啲雞湯🍲：聞落已經好香酒味，飲落有藥膳補身嘅味道一路食一路煲都keep住好濃嘅醉雞湯味再講講我地揀咗嘅火鍋配菜蜂巢豆腐：必須點！因為呢種蜂巢豆腐完全吸收湯底嘅精華手打墨魚滑：一致認同好食，好彈牙，推介😻美國黑豚肉：豬有豬味～🐖油花平均，放心食多幾片都冇問題黃沙豬潤：跟一般食開嘅豬潤個樣唔同，呢隻應該有醃製過，口感爽脆。而且切出來一大片，起雙飛牛胸爽：非常罕有嘅牛肉部位，係其他店好少食到。其實係牛胸肋骨上嘅筋膜類肌肉，含豐富的骨膠原，十分爽口架。啱哂我同女士朋友們食。脆脘魚肉：稍微一般，魚肉唔夠脆而且有骨黑松露鮮蝦餃🥟：就算朋友冇話我知佢地點咗咩味道

雖然係夏天但都無減我對火鍋嘅愛之前見到觀塘新開左間新火鍋店店內嘅裝修充滿古式古香感食材同湯底嘅選擇都好豐富清香養生椰子雞鍋（半隻） 椰女雞鍋有好多椰子。粟米。紅棗配上半隻生切件雞件按喜好放入鍋內湯底好清甜帶住淡淡椰香雞肉好滑嫩又無雪味即炸脆響鈴 響鈴輕輕浸一下湯咬入口仍然香脆充滿豆香又吸湯安格斯雪花牛頸脊 牛頸脊新鮮呈鮮紅色雪花紋分佈平均 肥瘦均勻肉質嫩腍得黎又帶嚼勁入口帶住陣陣牛脂香氣手打墨魚丸墨魚丸好鮮味又甜口感好爽口彈牙餃子拼盤鮮蝦雲吞 l 魚皮餃 l 韭菜餃 l 鯪魚肉餃4款餃子都大大包滿晒餡料自己最鍾愛係鮮蝦雲吞同韭菜餃雲吞包住大大粒鮮蝦同大量鮮肉入口好彈牙而且雲吞皮又唔會好厚韭菜餃餡充滿大量韭菜 韭菜好甜又香雜菌拼盆雜菌拼盆超有份量拼盤內有5款雜菌雜菌配搭椰子雞湯好夾篙筍 篙筍好爽脆清甜角切篙筍令口感更爽脆炸芋條 炸得唔會好油膩嘅芋條充滿芋香同芋頭粉香口感清潤竹庶芋根食火鍋最啱就係襯返杯降溫嘅飲品竹庶芋根就啱啱好清熱又降溫

觀塘有好多穩世食店，今次比我同幾位好友黎到呢間火鍋店;這裡環境似仙境咁靚，感覺很有中國古典氣氛🌌座椅也很復古及很寬敞，有多間獨立VIP房間，私隱度高；仲有多個特色打卡位，啱晒💥調味九宮格裡面有蒜蓉、蔥、辣椒、炸蒜、芫茜等等讓我們按喜好調制醬料，店員特別推介自製海南醬及XO醬，比起出面街邊買度既，會特別辣同香口!!💥藥膳花雕醉雞鍋(半隻)店員上鍋就告知，醉雞要滾約十分鐘後再焗，咁樣做雞肉先滑!! 湯滾起，就先要喝碗，感受一下藥膳湯既味道，一飲就知食材有當歸、准山、紅棗等，仲有香濃既花雕酒香味，果真滋補!半隻雞己經份量十足，焗一焗，果然肉質嫩滑😋💥即炸脆響鈴響鈴層次超多，入口超鬆脆，浸泡後，己吸收雞湯既精華，更好味!!💥牛胸爽好稀有既部位，白肉牛胸軟骨，口感爽脆，沒脂肪，唔怕肥，可以食多幾塊💥竹笙雲吞雲吞皮好薄，食得出自家製，入面鮮肉餡透皮可見，鮮蝦大隻，加入竹笙令口感更佳!💥黃金炸魚皮及蜂巢豆腐✨前者：魚皮脆卜卜，加上咸蛋黃的濃郁味道相得益彰，帶來了令人驚喜的口感，前菜必選✨後者：豆味香濃，滾左廿分鐘都仍然嫩滑，仲吸晒雞鍋既精華，好味~💥白鱔片鱔片厚身，咬落彈牙，夠鮮甜，食時不覺有泥味!

餐廳裝修幾靚,但其他嘢唔可以接受服務好差,中午食飯上菜時間超慢公司食飯十二點半食到兩點鐘都未到齊漏咗啲嘢再落單都會再漏.叫佢打包因為同事已走曬,仲有好晦氣講要收外賣盒錢.又唔係平,超失望.最後差唔多兩點半先走得好無奈係間餐廳食咗兩個鐘.超失望

上星期朋友帶我到觀塘工業區食火鍋，並說環境很有特色。坐電梯到三樓，當電梯一開，眼前看到的是一個中式古風的環境，相當雅致，與工廈形成超大落差。養生花雕醉雞湯底，有半隻雞，服務員幫我們先把雞浸熟，時間把握恰到好處，雞肉皮爽肉嫩，滲出淡淡酒香，食完雞再喝一碗湯，藥材與酒香交織，感覺好養生。牛胸爽，色澤剔透，十分鮮嫩，入口超爽脆，油而不膩，滿口油香，加點辣椒豉油更美味。美國黑豚肉，都幾大塊，油脂分佈均勻，肉色嫩紅，味道比一般的濃，很滑，一點都不會柴。田園雜菜，有幾種不同的時蔬，很新鮮，入口甘甜，感受到蔬菜本身的甜味，而且份量都足。手打墨魚滑，晶瑩白亮，大小自定，相當煙韌彈牙，有墨魚的香味。洛神花山楂茶，是他們自家出品，無添加，微酸帶甜，十分開胃，邊食火鍋邊飲，更可清熱解渴。