醉潮館

營業中

休息中

我好鍾意食大排擋打冷😙😙荃灣三坡坊就有好幾間，醉潮館有點裝修又有冷氣，明顯比較受女士歡迎！呢度有唔少海鮮選擇，價格貼地份量足，係日常食打冷嘅好選擇！砂鍋卜卜蜆煲（$158/小）好大一盤，肉肥無沙👍🏻我們2人食，食極都仲有！蜆底下仲有蘿蔔、甜粟米，蜆湯鮮甜微微辣，好開胃 。辣酒煮花螺（$118）也不錯吃，非常適合送酒，慢慢挑慢慢食，有個爐慶住，食到尾都仲熱👍🏻招牌沙茶牛肉炒麵（$98）係本次到訪的驚喜！不愧是招牌，以鐵板熱辣辣上枱，麵底好夠脆，有鑊氣，加上惹味嘅沙茶醬牛肉，入口脆卜卜，係幾好食！！！天地一號（$18/罐）+10%服務費

尋晚又去左蒲荃灣🤭聽講有間叫醉潮館啲野食唔錯，於是就去左試試佢！見到佢啲小菜都唔錯，就叫左幾款！卜卜蜆煲一上枱見到個份量真係嘩一聲！蜆肉又大大粒，仲有好多粉絲、白蘿蔔同埋粟米索曬啲湯底同蜆味😍湯底有啲微辣又有啲酸味，非常開胃！仲要有個gas爐喺度煲住，勁有風味！本身幾中意食咕嚕肉，所以基本上見到都會叫下。本身都不抱好大期望，始終都係食潮食物嘅鋪頭，結果竟然超出所見！外面層皮完全唔厚，薄薄地又夠脆。而肉亦唔會痴牙，夠彈牙爽口，份量又多！炸饅頭呢個炸饅頭雖然睇落好普通，但炸到外脆內軟，又唔油，讚！醉潮館 (荃灣)荃灣三陂坊30號地舖性價比：⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️

醉潮館位於荃灣三坡坊30號地舖餐廳裝修好似古代客棧有寫住山水情的屏風坐既係木椅 一張長椅木檯唔會頂腳由兩位年輕人負責傳菜，做樓面工作今晚我食左招牌路邊炒米粉$88，招牌雪裏紅蝦干芥蘭鍋$88，傳統鴨蛋煎蛋烙$88，砂鍋鯇魚煲$118路邊炒米粉有魷魚鬚，蝦米，洋蔥，蛋，冬菇蝦米香味令整碟米粉更加香❤️砂鍋鯇魚煲魚肉炸到脆卜卜配菜洋蔥帶出香味雪裏紅蝦干芥蘭紅蝦干預先爆炒後再加豬肉，雪菜非常惹味❤️招牌傳統鴨蛋煎蛋烙用鴨蛋比雞蛋更香珍珠蠔非常乾淨餅底非常平餅面非常鬆脆非常正👍飲品有健力士啤或asahi岩晒一大班朋友想保持身材的靚靚仲可以飲天地一號

收工喺荃新天地行街，行行吓想食大排檔，二話不說即刻嚟到三陂坊呢邊，呢邊全部都係大排擋，好多選擇，揀唔落手即刻問一問朋友，就介紹咗呢一間喺最入邊叫醉潮館嘅大排檔，食過之後，就知朋友冇介紹錯😋🦪傳統鴨蛋煎蠔烙 $88 餐廳跟足傳統嘅煎蠔烙咁，用上蕃薯粉加鴨蛋，鴨蛋取其香味，蛋味更濃，做起黎嘅蠔烙更有結實質感，同坊間用雞蛋整係好唔同，至於最關鍵粉漿，餐廳亦都做得十分出色，半吋厚嘅餅底外脆內軟、剔透煙韌，配埋新鮮厚肉嘅蠔肉，真係食得好享受🦐雪裏紅蝦干通菜煲 $88 熱辣辣用鐵煲上菜，基本上食到最後一條菜都係熱嘅，所以真係好正，紅蝦乾有好香嘅蝦味，即使係蝦乾我得好韌，而且通菜吸收晒蝦乾嘅鹹香味，而且仲加咗肉碎去炒，所以成煲通菜都用了十足，味道一流🦀籠仔荷葉膏蟹蒸飯 $268 可以話係我食過最好食嘅荷葉飯，飯底好似糯米飯咁，但就用上泰國香米，所以食落唔會覺得好滯，好啱我呢啲唔係好食得糯米嘅人，蒸飯吸收晒膏蟹嘅鮮味，同埋臘腸嘅油香，一口氣食咗三碗飯都唔嫌多，至於面頭嘅膏蟹，簡直係無與倫比的好味，新鮮鮮甜多膏，食多幾隻都得啊📍荃灣三陂坊30號地舖 - 醉潮館 (荃灣)

今次係第二次黎醉潮館食晚飯，上次同屋企人食完覺得好好食，所以今次再黎，點了欖菜炒四季豆，椒鹽鮮魷，咕嚕肉同家鄉炒米粉，椒鹽鮮魷同咕嚕肉超級好食，鮮魷炸得好香囗，炸粉唔厚，簡直會食唔停囗，咕嚕肉外脆內軟，之後炒米粉味道偏淡，不太推介，四季豆不過不失，整體黎講係好食，值得推介。

原來已經差不多4-5年沒有在三岥坊附近找食，今晚心血來潮跟老公四周圍逛逛，最後發現了間潮州小菜館，一於入去試試。鴨蛋煎蠔烙鴨蛋取其香味，蛋味更濃郁，蠔烙底煎得香香脆脆，面頭用油炸得酥脆香口，蠔仔夠大隻，鮮味十足。芥末牛仔粒牛仔粒面頭既芥末醬比想像中溫和，食落香濃惹味，牛仔粒軟嫩可口，非常有鑊氣。XO 醬西蘭花爆炒鮮魷整碟菜加入XO醬，入口辣辣地，XO醬用了瑤柱絲、蝦米乾及其他惹味材料製成，只要加入少少，馬上能夠令食物提升惹味效果，西蘭花翠綠爽脆、鮮魷彈牙鮮甜，非常滿意的鑊氣小炒。瑤柱蛋白炒飯材料簡單但名貴，瑤柱的鮮甜味能帶出這款炒飯味道更加美味，感覺較清新不膩，口感豐富。

三陂坊係好多大排檔小炒嘅食肆，睇左OpenRice 見咁多好評就揀左呢間入去試下，order左我至愛嘅椒鹽九肚魚$118(不過有d失望，因為炸得5夠乾身食落比較濕)、涼拌蔥脆魚皮$78(5夠爽脆好似食緊1塊膠片咁嘅感覺)、鴨蛋煎豪烙$88(粉漿5會太厚所以幾好味😋)、椒鹽全豆腐$78(都炸得脆卜卜算幾好味)、雪裏紅蝦干通菜煲$88(芡汁比較鹹)、沙茶牛肉炒麵$98，整體係比較失望😔，座位比較窄完全係人貼人嘅感覺😖

跟荃灣地膽捐窿捐罅搵嘢食，今次食潮州嘢。砂煲粥天氣涼涼哋就叫咗砂煲粥試吓😁 佢有好多配料揀，朋友推介海蝦同雞件再加埋最鍾意食既豬潤同魚片。一上枱煲粥仲係滾緊，叫左小份都好大煲🤣 材料一啲都冇偷工減料，好多海蝦同埋雞件。 粥底充滿住海蝦同魚既鮮味。蝦同豬潤都好新鮮彈牙。雞件亦都好嫩滑豉油王炒麵食粥一定要配炒麵😆 雖然唔係潮州嘅名菜，但係都煮得好好。麵身炒得好乾身，好有氣鑊。每條麵都被豉油包住但又唔會過咸👍🏻👍🏻豬油渣炒菜心比起普通蒜蓉炒，佢多左一份香味。 菜心食落爽甜，非常惹味😋😋

📍醉潮館荃灣三陂坊30號地舖隱藏小巷裡，一不留神就會錯過，但是一旦進去，就會發現裏面別有洞天。《砂鍋卜卜蜆》 大廚每日親自落街市挑選鮮活靚蜆，蜆肉味道鮮甜全部都冇沙，蜆煲加入咗蒜蓉、辣椒、 芹菜， 底層鋪咗蘿蔔 、粟米、 粉絲，上層是沙白蜆熬煮，在加熱過程中生的沙白蜆陸續開殼而發出卜卜聲， 聽住啲聲好吸引~ 食慾大增😍蜜椒脆薯牛仔粒鑊氣十足的黑椒牛柳粒，今次竟不是主角牛柳粒，搶曬鏡係個薯仔粒又真係幾好食 ，薯仔沾滿蜜糖黑椒汁 ，外面微脆而中間綿密軟熟~正雪裏紅蝦乾通菜煲香噴噴熱騰騰，聲味俱全鑊氣十足， 蝦乾好大隻不過2個人吃幾樣小菜，實在有點壓力下次幾個朋友一齊再戰 ...

琴晚同朋友去咗荃灣三陂坊食飯，餐廳嘅餐枱和牆磚有精心設計過，配搭到潮州菜嘅古代中國風。睇完餐牌見到炒菜、鍋類同湯品都好正咁。鴨旦煎蠔烙一夾起餡料好多，蠔仔算大粒，食落粉漿又唔算多，仲有脆邊卜卜脆！白果胡椒豬肚湯一上枱己聞到好香胡椒味，一筆見到煲底好多胡椒，入口胡椒辣味都好濃好夠味，暖笠笠最岩最近秋涼暖暖胃。砵酒脆肉鯇呢煲一上枱仲係熱辣辣有蒸氣架，鯇魚腩經炸過外脆內都係好嫩啖啖肉！XO西蘭花炒鮮魷 鮮魷好大片，同豉汁XO醬炒好惹味！

📍 醉潮館（荃灣）宵夜一定愈諗到打冷、同朋友聚一聚，我地今日就相約係荃灣食餐好～道地大排檔Feel 既小餐館，有冷氣，環境企理，好舒服既地方～🔸 砵酒脆肉鯇一上枱己經好香，熱辣辣，要趁熱食，就算炒完魚肉不易爛，肉質結實、清爽脆口，配上餐廳既獨特煮法，帶岀少少酒香，令魚肉更鮮甜～🔸 路邊炒米粉係家的味道，配料十足，炒得乾脆利落，配搭辣椒油，又香又辣，好過癮～🔸 醉潮小炒王不愧為招牌，材料豐富~又夠鑊氣韮菜花、魷魚、蝦乾、鮮蝦、菜脯、腰果仲有炸香白飯魚砂愈食愈惹味～🔸 椒鹽孖寶一口方塊炸豆腐加炸饅頭，粉漿唔厚，炸得蓬鬆，一啖一口，饅頭再點煉奶，一熱一凍，好好食😋

5人6點左右黎到walk in 都有位入座前服務員問個半小時可以交還桌子嗎醬鹵拼盤盤子有點細不過好深（有蛋、紅腸、豬耳、大腸、腩肉、墨魚、花生、鹵豆腐、大豆芽菜）白果胡椒豬肚湯胡椒有點重手食吾到辣的不建議叫鐵板鮮魷盤龍茄呢個色香味俱全不過咸左點又帶點辣椒鹽九肚魚即叫即做熱辣辣又鮮味金湯酸菜魚魚滑溜溜湯酸味比辣味重但平衡得好好大豆芽菜好多

經過一條小巷，發現這地方非常熱鬧，周圍有幾家餐廳，氣氛也相當不錯。吸引著我們的目光，選擇了這間食潮州菜的小店品嚐美食✨蒜頭蛤仔雞湯（$88）湯中的雞肉煮得十分嫩滑，搭配蘿蔔和蜆一同煲煮，湯汁非常鮮甜，並添加了大量胡椒，有點像胡椒豬肚湯的味道，很適合秋天享用，味道一流✨牙簽雞（$68）將雞肉穿在牙籤上，再經過油炸至紅噹噹的色澤，雞肉保持著嫩滑的口感，同時外皮酥脆✨沙茶牛肉炒麵（$98）用鐵板煎製，上桌時仍然冒著熱氣，麵條底部煎得酥脆，而頂部鋪滿了沙茶牛肉，可以同時享受到吸滿醬汁的麵條和脆口的麵條✨鴨蛋煎蠔烙（$88）蠔餅外皮酥脆，大大塊，蠔仔都算飽滿，即使放置一段時間，仍然保持到酥脆香口，非常驚喜

📍醉潮館 荃灣嚟講我覺得最好食嘅大排檔😋😋，同埋價錢唔貴份量又大，我自己覺得三陂坊咁多間大排檔對面最好食嗰間，潮興嗰啲NoNoNo‼️，如果大家嚟食記住book位 arrr，唔book位隨時無得食或者有排等，小編每一兩個星期總會去一次😉，想知我食咗咩就繼續留意睇落去啦👇—————————————-————👅 鴨蛋煎蠔餅 $88食潮州菜必要㗎喇‼️，最驚出邊食嗰啲蠔餅勁油，呢度啲蠔餅炸得好乾身唔會好油，啲蠔仔大大隻又多，同埋佢哋係用鴨蛋特別香—————————————-————👅 椒鹽鮮魷 $128椒鹽鮮魷份量就真係唔係好多🥹，但不過真係好好食，我呢碟係升級左做避風塘炒鮮魷㗎🤫，個味道好香，啱晒我呢啲重口味人士—————————————-————👅 醉潮秘製雞煲 $268呢個第一次試份量真心大，色香味齊晒🔥送飯一流，下次我一定要試埋佢個砂鍋卜卜蜆煲，好似好吸引🤤🤤🤤—————————————-————👅 薯仔牛柳粒 $128呢個我每次又係必叫，不過有時份量好大有時份量好細😂😂，廢話唔使啦總之好食—————————————-————環境 - 坐室外或者室內都有，訂位嘅時候記住講明，佢哋有分兩輪

📍醉潮館 (荃灣)荃灣三陂坊30號地舖中秋節同家人一齊食潮州菜，提早訂枱，餐廳座位比較迫，食物款式多，即叫即做，鑊氣十足。推薦大家必要叫乳鴿同蠔餅☁️醬滷拼盤$148滷水拼盤有豬腸，腩肉，八爪魚，花生，紅腸，流心蛋等等，濃郁入味，可惜沒有鴨片☁️砂鍋卜卜蜆$188細鍋卜卜蜆，蜆肉新鮮，味道鮮甜，睇住佢地打開個，冇沙，湯底有少少辣，配埋白蘿蔔粉絲，好食☁️鴨旦煎蠔餅$88即叫即做，炸得非常脆身，蠔仔份糧多，外層鬆脆，中間檽身，再點醬汁，yummy ☁️金湯酸菜魚$138酸菜魚份糧多，☁️紅燒籠中乳鴿$68乳鴿用雀籠包裝，賣相精緻，乳鴿皮香脆，好香，多肉☁️雪裏紅蝦干芥蘭煲$88濃烈蝦醬，芥蘭脆口，熱辣辣上枱，好香，但鹹左小小☁️椒鹽鮮魷$128椒鹽灑上表面，鬆脆酥香，有少少辣椒香蔥，非常惹味#荃灣#荃灣美食#香港#hongkong#hkfood#hkfoodie