醉瓊樓飯店

營業中

休息中

這間抵食平民飯店位於油塘中心商場內，冇乜裝修的一間飯店，但有着正宗客家菜嘅味道，價錢亦大眾化，兩位用套餐只需$228，我們點了例牌鹽焗雞，西蘭花花枝片和梅菜鯇魚，鹽焗雞夠惹味，鯇魚肉嫩，三個餸都很下飯👍

油塘想吃到客家菜, 除了商場的連鎖酒樓, 也有這家打着醉瓊樓名字的餐廳, 除了價錢更為親民外, 裝修更有街坊風味, 在食評網上它是佐敦醉瓊樓的分店, 我就沒有深究, 但也是油塘沒有太多選擇下的其中一個選擇. 午市以碟頭飯為主, 但也有小菜提供. 鹽焗雞飯是我的最愛, 40多元的價錢有相當入味的雞飯, 雖然雞肉肉質有點韌, 但比起一般的茶記算是較為特別. 梅菜扣肉的味道也調得夠濃, 又夠甜, 豬皮和脂層也夠腍, 同樣都是肉比較韌, 不知是否火候控制問題, 還是餐廳的風格. 最邪惡的炸大腸, 做得最好, 內裏處理得很乾淨, 外皮夠酥脆夠熱燙, 配以啤酒一流.

還記得小時候因屋企附近有間東江菜，跟家人常常都去光顧，但自從結業以後就鮮有機會能夠食到，加上市面上專經營東江菜的餐廳少，都不是很記得對上一次食這類菜式是幾多年前了。先排爸爸找到一間傳統的東江菜，他品嚐過覺得質素不錯，週日就提議帶我們來到位於油塘的醉瓊樓食晚飯。一直都知道佐敦有間醉瓊樓，若干年前食過，原來油塘也有一間呢，不知供應的菜式是否一樣呢？我們一行四人帶了一客六人餐，包括了一隻雞、自選四款小菜以及六碗白飯，多款菜式任君選擇落單後店員就送上了一大碗老火湯為我們開啟晚餐的序幕。金牌鹽焗雞(一隻)肉質比一般餐廳食到的結實一點，不算肥，有雞味，輕輕沾上少量沙薑更添風味，果然是她們的招牌菜梅菜扣肉一直是我幾喜歡的一道菜。扣肉肥瘦均勻，食入口不會感覺很油膩，夾著底部吸收了所有精華的甜梅菜非常下飯，絕對是一道讓人不知不覺吃了很多飯的菜式煎炆釀豆腐的豆腐邊做到有點焦香，底部有些菜墊底，味道正常發揮，只是調味有點偏鹹而已。粉絲雜菜煲清清的，裡面也有一些白灼海鮮，少油少鹽健康之選，與其他餸菜平衡一下。環顧四周，晚飯時間基本上是全場爆滿，沒有環境、裝修，檯凳都是摺檯圓凳，卻深受街坊歡迎。點了六人餐的我們

有睇開揾食肥華，揾食經驗嘅朋友，都知道肥華正揾緊，幾拾年前在西貢醉瓊楼午餐必食嘅，荳腐肉片炒河，可惜試過兩三間客家或東江飯店都失望而回，各店家都未能提供此款美食，12月27日肥華再度出擊與靚媽到游塘灣呢間老牌客家飯店，繼續尋找荳腐肉片炒河的故事，但此店大厨向肥華表示，在午市時段此店没有炆荳腐供應，衹能做到紅燒荳腐肉片炒河，既然一埸來到，此店大厨又肯為肥華做呢款，此店菜單上没有供應的食品，肥華亦欣然接受，呢碟荳腐肉片炒河二點零，此碟炒河雖非原裝正版，但味道OK，靚媽仲大讚個兩件紅燒荳腐好好味，再加上此店招牌鷄飯和跟餐例湯，都係滿意之選，到此店尋找美食，都算不枉此行👍✌

連街坊生意都黑，唔執無天理！！！之前已經有濫收錢既前科（見截圖），上次焗要係因為屋企人趕食，點知事隔2年仲係無改進，仲聲大夾惡鬧客？？！！個女仔客問點解要+$但打來order個陣無同佢講，阿伯主廚+阿嬸侍應一唱一和：「飯就係$47，你換河粉咪+$5囉！（打來個陣唔講？）」「我地唔係下下都要同客講架喎（吓？！刻意迴避亂+價？）」「（咁保留另1個，河粉換返飯？）$5你都要拗？」然後就發脾氣唔賣嚕~依家咁做生意...不如等我問返佢地：「為咗呃$5，輸咗商譽，值得？」

飯堂 好多鑊氣小炒任揀叫左 生炒骨 （but cool lo 肉）西芹鮮魷 生炒骨 味道 唔會太甜 骨不止得骨 有肉食 舊舊 夠汁唔over洋蔥配菜好好食西芹鮮魷 輕輕 拖過油唔鞋身 舊舊 魷魚都界左花有口感 新鮮 魷魚 西芹 我自己少整所以 都好鐘意叫依個送我地叫小菜 通常我會自己煮飯其實都有單點 $18/2大碗飯=一盒飯

同幾位同事收工到油塘「醉瓊樓」飯店食飯，呢間飯店我細細個已經都喺度營業，一直屹立不倒。因為無論人情味定食物質素都有一定質素。今日同三五知己叫左六人套餐。合共5個小菜。👍1.金牌鹽焗雞（一隻）醉瓊樓招牌！一定要食，味道甘香，入口嫩滑，配埋d沙薑汁，送飯一流！🤤2.沙嗲牛肉粉絲煲其實我一直都唔係好明點解要放菠蘿入去，個人覺得唔係好夾，加上今日d沙嗲汁有d失色，不過見牛肉都足料，畀個合格你。🙃3.豉汁蒸大鱔兩個字，好食。🙂三個字，唔夠食。👏豉汁配大鱔唔會輸囉，想食多幾碟。4.京都焗肉排糖醋豬排，汁夠甜，菠蘿水密桃夠酸，豬排啱晒一班食肉獸。❤️5.味菜炒豬肚略為有少少油，一般般，最好食係d味菜😛豬肚都爽口。醉瓊樓可以係油塘屹立不倒咁多年，人情味就係其中因素，油塘有咩食？我點都會諗起「醉瓊樓」。飲酒食飯嘅一個好選擇。

深入油塘一間住宅舊區裡的大排檔雖然有鋪位餐牌依然包羅萬有蒸炒炆焗炸，百般武藝其實依家人大左少少出開街都係去果d大商場連鎖店外國菜已經包曬個場有時候仲衰到好似重重覆覆，熟口熟面唔多吸引經朋友介紹，去完鯉魚門果邊睇完日落過番黎油塘同佢兩人食番個兩人晚餐200蚊包左例牌，加少少錢可升級到半隻仲包兩個餸胃口細少少都食唔曬我地跟左豉汁蒸大鱔+西蘭花炒花枝鱔係有份量的雖然唔算大條/好肥美但係抵食花枝質地都幾好有炸過一樣雖然唔可以話真係最高質不過抵食主打沙薑雞唔點沙薑已經好好夠味半隻不少上碟雞胸雞脾一樣好食總結坐位就一定唔算好坐都係果d港式大排檔風味抵食真係無得輸200左右又雞又鱔又花枝不過地方都唔算方便要用心行入黎

行完山肚餓，喺商場行咗一圈諗唔到想食邊間， 所以出返大街諗住搵個特色d嘅地方食送湯送飯。飯。結果係個舊式商場地舖搵到呢間醉瓊樓，俾個門面吸引左，好懷舊。 星期日晏晝都有好多捧場客，見大部分都叫左招牌鹽焗雞（髀）飯。 點左個二人餐再加餸， 都算幾大碟，而且有鑊氣。 本來食食下都話滿足要收手，點知最後都係全部清盤。 朋友話如果每次行完山都有餐咁嘅食，都可以考慮行多啲山哈。 d 阿姐叔叔都好熱情， 同我哋傾咗一陣，知道我地第一次過嚟就話出面無咁便架啦，$175/隻雞。

油塘除咗有鯉魚門商場同埋大本營商場之外，油塘中心附近而家有好多嘅餐廳🤣🤣不過唔係住油塘嘅人可能就會比較少搵到～呢一間醉瓊樓飯店，主打食唔同嘅小菜，我覺得CP值都幾高👍👍-佢有個二人餐，係包一份例牌鹽焗雞，可以自選兩款小菜同埋包兩碗白飯❤️呢個二人餐嘅份量超級大，基本上我覺得三個人嚟食都會夠飽🤣🤣佢哋嘅鹽焗雞好滑，仲有沙薑可以俾你點😋😋佢嘅京都肉排份量都好多，數數下應該有差唔多10 舊，得閒黎呢到食下住家飯嘅味道，好滿足❤️

痴線！打去醉瓊樓叫外賣然後去買，個阿姐收貴我居然仲話因為叫既豉椒班腩炒麵係out of menu、班腩&豉椒係貴D所以要+$、慣例係咁🙄咁打來落單你5講？！依家明搶仲咁理直氣壯？！做街坊生意都夠膽黑，聽執啦😡

朋友介紹食醉瓊樓，我地2個人叫左個2人餐，有2餸一湯+隻例牌雞最後揀左金銀蛋時菜同蜜椒豬扒，前ja普通家常便飯味道但後者好布驚喜！豬扒勁林唔硬身，蜜椒同黑椒汁完美混合食到我覺得好幸福😂最後隻例牌雞就好普通，唔好expect too much!總之言之蜜椒豬扒係必叫之選！(影影下相電話冇電所以得返一張相sosad)

醉瓊樓，佐敦分店頗有名氣，我也不知道那一間是分店，但油塘店於我較便利，光顧已有三四次，每次都是小菜客飯。建議點套餐，一般鹽焗雞是必備的，再選兩三個小菜，價錢優惠。雞，每次都會點。雞浸得都算可以，雞味是沒有的了，但滑倒是夠滑，雞皮有點膩。先浸熟放涼，有單斬件再淋沙薑水翻熱的做法，配沙薑醬。小菜按心情所點，沒有特別推薦。八珍豆腐煲。今次大件事，就溫暖而已，食煲類，不熱就很有問題。配料娃娃菜，豬肝鞋，雞絲淡味，豬肚淋滑無腥味，豆腐可以，其他拼配就忘記了，但相信沒有固定組合，和豆腐湊夠八樣就可以。冷掉了，芡水凝固了。西檸豬扒，同樣大件事。西檸汁沒有打芡，味也調得不好，寡酸，就是濃縮西檸汁加水，超市買到那種。豬扒調味帶咖哩味，估計是百搭之用，或椒鹽或茄汁或京都或酸甜，都是同一塊豬扒。但我肯定，西檸配咖喱，很不配。整體而言，食物是一次比一次差的，而價錢也有上漲到。話雖如此，即使現在價錢對比質素，性價比依舊中上。堂食小菜，送湯白飯，我中伏了的菜色不建議點。

見到有幾個關於外賣嘅食評，都想分享一下自己經歷。以前食過幾次，堂食和外賣都試過，雖然環境不太好但勝在又平味道又唔差，早排專登行去打算買個2人套餐，3個餸包埋飯和湯，落柯打時話外賣套餐唔包飯和湯，吓！咁都算套餐？阿姐話：喺度食就有飯和湯，外賣就無！最多送一個湯俾你喇！當然最後我無買就走咗！唔明點解外賣會無飯和湯，就算另收外賣盒錢亦無問題，買外賣就係唔想煮，難道買完呢度嘅外賣，仲要回家煮飯煲湯？

食個晚餐，叫個套餐，一碟鹽焗雞，一碟蒸蛋，一碟豆腐火腩煲，都要等成個半鐘，仲要慢慢上，問佢幾時有，就話煮緊。再等半個小時，又話要等煮多兩個餸。連隔離比我遲來的，也一早上齊。服務超差超差超差超差超差超差超差超差超差。今次係我第一次評估一間咁差的餐廳。總括來說，唔使再幫襯。唔值得去試👎👎👎👎👎👎。如果大家喺油塘有其他選擇，千祈唔好再去試。環境也不是那麼好，本身諗著隨便吃一餐，也沒有什麼要求，但呢間真係超差。