醉翁亭火鍋館 (已結業)

今晚番觀塘搵舊同事食飯，兩個人，唔知食咩又想慢慢坐住吹下水，最好嘅選擇就係打邊爐啦。網上見到介紹醉翁亭唔錯，就二話不說let’s go。一坐低，服務員見我地兩個男仔就同我地介紹先食個雞煲然後再揀湯底打邊爐。除左海鮮拼盤，刺身，花膠冬菇，至尊水餃王，牛頸脊等指定食品只係出一次，其他野都係可以任飲任食。咁抵食嘅邊爐，都真係第一之試。係等緊雞煲黎嘅時候，我就出左去睇下有咩小食。雖然款式唔多，但係品質都唔錯。炸排骨夠酥香；白雲鳳爪酸甜爽口非常開胃。服務員好快就為我地送上蠔皇金錢花膠，花膠都幾厚身炆得都入味，同埋D芡汁濃郁。另外個刺身都算幾新鮮，有中價日本餐廳嘅水準，相當唔錯。上晒前菜，個雞煲終於到啦。滾左一陣，指天椒、乾指天椒、花椒、八角等香料嘅香味己經出晒黎。雞肉鮮嫩又夠入味，咬落脆身又唔會覺得「鞋」。我地叫左微辣，但食左一陣我已經滿頭大汗。唔食得辣嘅朋友要留意啦，其實都有走辣可以揀番。最驚喜嘅就當然係海鮮拼盤同埋牛頸脊啦，海鮮每款都大件又飽滿聖子，蝦，青口，扇貝，魚片，象拔蚌，十分豐富。唔似其他餐廳個D 雪左好耐又勁腥；至於個牛頸脊絕對係「無投訴」色水靚，紋路又清晰，有咬口，夠牛味，食完齒

朋友在觀塘返工，約了收工一齊去醉翁亭打邊爐。朋友講火鍋店現正做緊Promotion，download 定coupon 任飲任食海鮮火鍋，每位還減＄30！一坐低，服務員就問我哋打邊爐還是想食重慶雞煲！雞煲而且有點辣，最後我們還是選了芫茜湯底。下單後，店員立刻送上蠔皇金錢花膠！花膠幾厚，而且淋滑二人剌身拼盤，材料新鮮這個超正，一隻至尊水餃皇裡面有4、5海蝦，好彈牙二人份量，好大碟極級牛頸脊肉！好淋，好有牛味輪到環球海鮮盤！其實我哋已半飽，不過還有好多食品可以任叫任食，不要錯過哦⋯⋯各款都好新鮮

朋友比左張 coupon，食火鍋一枱每人都有得減30元，咁著數，當然要用，原來生日仲有優惠。放工約了同事齊去食。晚間少了午市的虛撼，環境算清幽除了指定食品，其他都可以任叫任飲。大花膠，花菇，西蘭花餐前菜花膠又大又厚， 蠔油冬菇炆到好冧又夠味，絕不馬虎希靈魚、 北寄貝、魷魚和三文魚非常新鮮，尤其是三文魚腩入口充滿油脂甘甜肥美 令我差點兒想encore海蝦、聖子、 貴妃蚌……新鮮大隻size 超大，蝦多皮薄入口嫩滑，有咬口但絕無韌的感覺, 肉味香濃，有4A牛肉的質素2人份量都好多。食完上面幾款差不多飽了，覺得唔抵，再叫了肥牛手打4寶丸粒粒彈牙可口苦瓜、翠玉瓜、魚雲、豆腐、 午餐肉、 油麥菜真係飽到十成。無論質素或價錢，就算無30元 coupon 都抵，可況有，真是超值2個人都飲左唔少呀😉😉

今晚同女友去apm 行街，行完想食飯，咁岩網上搵到一間醉翁亭火鍋館，評價不錯，我地決定試下店內環境清潔。醬油配料唔算多，但都夠用。邊爐任飲任食，會送魚生刺身，海鮮盤，牛頸脊，花膠，水餃皇，其他食材都好齊全！雞煲先到，份量多，肉質嫩滑多汁，辣度夠，好食海鮮盤有聖子，蝦，青口，扇貝，魚片，象拔蚌，十分豐富，而且新鮮牛頸脊有牛味，有咬口，油脂都不錯，水餃大隻，皮薄飽滿，蝦夠彈牙刺身夠新鮮，特別三文魚夠肥美，花膠夠鯰，又入味其他配料都十分新鮮，最鍾意就係手打丸，爽口彈牙好食我地食左咁多野連加一先$656，如果單叫唔止咁平，而家仲有推廣優惠，惠顧任食火鍋全枱每位減$30，又可以幫慳錢啦

琴日見到朋友介紹觀塘工廠區有間士多賣嘅急凍燒賣好好食，勁鐘意食燒賣嘅我忍唔住今日收工就走去觀塘買嚟試下～係間店舖見到有啲火鍋食品突然撩起咗我條打邊爐引，所以就即興去醉翁亭打邊爐啦～之前都食過一次，覺得性價比高，三百多元一位有海鮮又有好多選擇任食～而且位置方便～係正APM隔離，打電話上去問即時有冇枱，侍應確定之後就上去了～一出lift全層都係佢嘅～門面招牌都十分亮眼~同其他任食火鍋館不同，醉翁亭室內很闊落～完全沒有壓迫感，一班人來打邊爐也舒服呢今晚得二個人打邊爐～所以無雞煲做前菜～下次叫多啲朋友一起先～多啲人可以有雞煲任食，之後先打邊爐～更加豐富～來到當然選任食套餐，298一位每人有一份海鮮，一份手切牛～一份前菜，另外大量火鍋配料任食，無酒精飲品任飲～加上無限時坐得又舒服～呢個價錢真係性價比高原來佢仲有做優惠，符合以上條件仲可以平多$30，變相有9折～真係幾抵！下單之後侍應先上一份是日前菜～蠔皇炆花膠估唔到前菜都咁有驚喜，花膠仲要係大大塊，呢味餸成本都唔少～二人竟然都有三大塊花膠～花膠用料唔錯，食落口幾彈牙而且加埋炆咗好耐嘅冬菇汁味～大大加分呢～餐前放題小食侍應見我哋冇行出去～好心提示我

前幾日同個friend 係觀塘揾食，兩條麻甩佬揀左任食邊爐。呢間店都幾大，坐得幾舒服。我地有張coupon 每人可減$30，埋單每人200幾蚊都幾抵食！呢度有刺身，海鮮拼盤，花膠冬菇，兩隻大蝦餃，靚肥牛，呢d 係只送一次～但其他任食項目都有好多。我地兩個人勁刷得，叫左勁多。碟靚肥牛勁正勁好食，花膠冬菇都好好食！但d響鈴麻麻，唔太脆。玉子豆腐都一般，唔夠滑。其他食物就中規中矩，不過200幾蚊黎講性價比係好高，一大班人去更有氣氛！

星期六日好鍾意同屋企人嚟到鱷魚恤大廈飲茶，不過從來都唔知道原來晚市醉翁亭茶樓竟然係食打邊爐嘅！今次佢帶我嚟先至第一次試下！朋友話俾我聽原來佢一早喺Facebook download定coupon!! 有得平$30喎！見到個餐單有啲無從入手，店員見到我哋成個？喺頭度就走過來介紹啦！原來任飲任食已經包左一個海鮮盤同埋刺身盤！你見到呢上面呢個海鮮盤其實只係二人份量，淨係食呢個都夠啦！仲話任叫！望得出海鮮都好新鮮，最值得推介係個扇貝同埋蟶子，其實冇諗過任飲任食都有呢個質素嘅海鮮！刺身盤，作為前菜都幾滿意！佢哋話每日刺身嘅供應都唔同，睇下你好唔好彩撞到你想食嘅刺身啦！冬菇炆花膠，花膠好大嚿，真係每人一舊大大嚿再加冬菇㗎！性價比奇高！前面食得太多野啦，之後再任叫都唔知叫咩好因為其實都已經有啲飽，身為食肉獸嘅我當然會叫番碟肥牛啦！肥牛質素都唔錯！仲竟然有得間我最愛嘅竹笙，鵝腸同埋豬潤，係任叫任食黎講選擇都算好豐富！減完$30其實真係超值呀！

星期六晚上一行8 人，嚟到醉翁亭打邊爐，因為其中一位朋友喺二月生日，我地有一人免費嘅優惠啦！ 除咗任食之餘亦都冇限時間。自助餐打邊爐款式眾多，肥牛羊肉等都係任叫嘅，我自己本身唔食羊，但同行嘅所有食羊嘅朋友都讚呢度既羊好食。除咗有一盤海鮮之外，仲有一碟刺身。海鮮方面，蝦非常新鮮，帶子都好大隻。聖子都好爽口。我哋將魷魚刺身，一同放埋落個邊爐。魷魚好爽口好好食！ 白鱔同埋魚都好好食。豆腐好滑好有豆味。 但個火鍋size對八個人來講就太細了。

之前幫襯過你地，食物唔錯，諗住帶女朋友試下兼慶祝情人節。我早超過一星期前訂檯，到情人節當晚到達餐廳，才發現竟然要同人搭檯坐。我同經理投訴，佢就話全場都係訂咗枱，就算訂檯來到都係先到先得。見佢講到咁真，我就求其搵咗另一張檯嘅客問，結果答案係佢哋祇係walk-in。老實講，見到之前其他評語話你最近服務變得超差我都唔係好信，結果就真的出事了。你做錯左如果同我道個歉我都諗住算數，但你要死撐，連經理都係咁，無心做不如唔好做吧。奉勸各位，不要挑戰自己底線吧。

又黎到觀塘搵下有咩好野食😳突然想食火鍋，就上網搵下有咩好介紹，見到醉翁亭好似幾吸引就黎試一試！去到門口8:50左右，職員就建議我地等一等，原來佢地9點係宵夜時段，有8折優惠😍超級nice去提醒我地，咁我地就係外邊坐一陣，好快就安排我地入座。佢地係雞煲加海鮮火鍋，仲要任飲任食！坐底立即送上新鮮海鮮一盤！然後就放底左雞煲，份量多，肉質鮮美，唔算太辣，中意辣既朋友可以叫辣d，或者佢都有辣椒配料俾你自己加。食完雞煲就加水打邊爐，無諗過兩個人任食都會俾咁大盤牛肉😭真係良心店鋪，仲要每件都好平均，用心制作！最後聽到隔離大枱由我地坐低前叫野食叫到我地走都仲叫緊，我地己經飽到上心口啦🤣

話算莉莉子今晚同一大班朋友仔黎左apm醉翁亭打邊爐，7點幾黎到眼見個場未有8成滿，估計可係平日關係。所以唔係好多人，但莉莉子朋友曾經提過醉翁亭價單需要比較貴少少，但係火鍋既食物質素唔差嫁甘當然要試下啦！！話說莉莉子知道最近醉翁亭晚市推出左火鍋優惠，任食指定火鍋配料只係$328，仲要係無限添食，而且無限時間，$328蚊仲要有海鮮拼盤送埋，以中高檔次既火鍋品牌黎講，真係非常優惠由於今晚莉莉子帶埋一大班朋友一齊慶祝，一行十人送既刺身、足料海鮮盤，包括龍蝦、海蝦、青口、蟶子，真係非常新鮮最後大家埋單連加一都只係$361一位，拍住拖黎都唔錯嫁，希望大家都會試下啦

足料頭盤夠晒飽的任食無時限火鍋其實很少食任食火鍋，一般都認為時間唔夠同食物質素低。但今次有少少改觀，朋友仲話會同家人再去。首先到步時，一見到裝修格局都幾好，枱大，而枱與枱之間空間亦夠，都已加分。知道是不限時更高興，因為可以同朋友勁吹水，唔使就住坐下叫完湯底後就有一大盤海鮮配料上，仲有魚生，餃子等。女人至愛的花膠冬菇是每人一set（好似每星期不同）。花膠冬菇大又厚，不是一般平價貨，連男人都話正。海鮮盤如果有買餸的都知已不止100蚊1位，我估雖然不是新鮮，但樣樣都鮮甜爽口。龍蝦雖細，肉質彈牙鮮味，滿足Jumbo水餃皇我覺得最掂，有驚喜好味。其實之後我哋都飽，只叫些菜同丸，之後的食物當然無之前的頭盤咁好，但個人覺得合格。要講就係魚生質素一般，送的牛肉太厚（牛味不香），飲品甜品選擇不多，即食前菜無味。總體還是滿意，服務也是貼心，店員都很有禮貌。以後可能會試更多任食餐廳，希望也有驚喜。

一大班人去完聚會，一早book左食呢間野，係平日下午茶時段。基本上菜單已經set好，但似乎呢間野強項始終係打邊爐，其他食品完全唔合格。首先，一大半的餐具(如碗、杯等)都有明顯的污蹟，肉眼都望到，唔知阿姐點洗碗架。然後上菜時，大大力劈碟餸落張枱，唔好同我講話碟餸重，你班auntie返左咁耐工唔係第一日捧菜掛？然後收碟、斟熱水、上菜時動作急速到令人擔心個d坐喺上菜位附近的人會被撞到，唔會有體貼客人的心意。明明裝潢係幾似模似樣，有梳化咁，以為好好服務架啦，原來錯。至於菜餚，有d好普通，亦有d好參差，一邊淡另一邊就濃味。係得咕嚕肉叫做過得去，而條魚好韌好難𡁻，仲要有鮮血，煮唔熟！各方面質素比正常酒樓低劣，似乎只適合去食放題火鍋（但會係超貴），anyway我絕對驚訝呢間咁既酒樓可以租到觀塘市中心呢個位置營業，而事實上佢只有資格處身於二線屋邨商場。

天氣涼涼哋又係打邊爐嘅時候，打邊爐梗係要任食先過癮啦，今次選擇咗去觀塘鱷魚恤大廈“醉翁亭”， 見到宣傳單上面嘅海鮮好吸引仲有個重慶雞窩好似幾正，但可惜我唔食辣所以冇食到雞窩，入座每位有海鮮盤一份，有六款海鮮花膠冬菇一碟四款嘅刺身一碟極級牛脛脊，牛肉味好香好正， 可惜係厚切， 如果可薄切就更好仲有每人一隻超勁大至尊水餃皇，至尊水餃勁大隻，有半隻手掌咁大，內裏幾乎全係鮮蝦好鮮甜好好味，可惜無得再加之後落單叫其他火鍋配料，丸類係新鮮手打 白鱔片鯇魚片好鮮甜另外豬潤豬腰所有配料都好新鮮值得推介，不過美中不足飲品選擇太少整體不錯，價錢不貴，仲係無限時，坐幾耐都得

屋企人生日，一齊去左打邊爐慶祝生日果位有免費🤘🏻之前都黎呢度食過一次，佢唔限時幾好，可以慢慢食又傾外計。任食邊爐黎講雖然係貴左啲，但係物有所值，會包一份靚海鮮， 刺身，高級牛肉，大水餃同random一款名貴小食，今日輪到係鮑魚，真係岩哂我地心水🤩🤩十個人叫左兩個鍋，雞煲同鴛鴦，雞煲係可以無限refill雞，食到你唔食🤡 酒樓黎講，surprise既係雞煲個味道一啲都唔hea! 仲要可以任食，我地refill左3次先加湯去打邊爐。海鮮拼盤黎到好壯觀😍有好多款海鮮同好新鮮飲品方面種類唔係好多款， 多數係盒裝飲品，不過有暖櫃都幾開心，飲左好多盒竹蔗茅根🙈