醉藥雞 (福榮街)

營業中

休息中

真心地推薦呀~~~已經係第三次去食啦,每次去都要排隊,好在人流都轉得快.環境偏小坐位都唔多,基本上都係要搭枱食,人同人之間距離都比較貼近,要有心理準備.雖然每次去食都會叫雞湯系列,好少試到佢ge小食,但每次見人叫,都好似好好食甘.主要我地一人一鍋ge雞湯米線,我都食唔曬,量太多,每次都食到好飽.呢次我叫左鮑魚砂鍋雞湯翅,有兩隻鮑魚,好新鮮,有鮑魚味,魚翅都比得好多,口感一流,個雞湯好濃好鮮,雞肉好鮮嫩,真係人生雞湯!!不過食到後面就有點偏咸,不過可以接受到.

黎到深水埗呢頭，行完之後搵野食，行行下見到呢間食評唔錯就等左陣位，最後坐低睇menu之後揀左食砂鍋雲吞雞同麻辣豬耳。等左一陣就上雲吞雞配米線，個窩係大不過份量唔多，食完都唔夠，雞既口感比較一般唔夠滑，雲吞有2粒，細細粒不過無咩味道。整體好一般而言米線份量唔算多，口感正常唔算林。湯既味道都算濃可以飲少少既。麻辣豬耳，味道夠麻辣同口感ok既。。。。總結。。。整體不過不失，不過份量唔算足夠，食完呢餐之後仲要食街邊小食。

冇食到最出名嘅醉雞，食咗雞煲翅同埋胡椒豬肚雞，我哋揀咗食米線同埋刀削麵，米線配啲湯好好食，但刀削麵好出色，麵有筋度，麵側邊仲有啲波浪紋嘅切痕令到佢嘅口感好豐富。雞湯濃郁有料，雞肉香而鮮甜，食得出有條過少少味但係又唔會太重手。胡椒豬肚湯尤其出色，見到一粒粒嘅胡椒喺個湯度，食得出應該係喺雞湯再煮出嚟，豬肚調味都不錯，胡椒嘅辣唔係留喺個嘴好耐，即使唔係食得好辣都可以一試。店員嘅服務態度都好好，面帶笑容咁樣叫我哋坐低。係一間食得好開心嘅餐廳，用心製作！

食過幾間藥膳雞米線或醉雞藥膳湯，呢間係最差一間，無論味道、賣相、速度都唔得。雞先上枱，雞好大舊但骨更大，無切斷、小肉、酒味有點但不香、雞無底味、內臟未清好（觀感唔好），杞子同蟲草花味都好淡、較欣賞佢有花生。雞上枱好耐，差不多食完都未有米線，催促後一陣先有。 米線上枱只有少許藥膳湯味，見多圓肉同藥材料，估計都重味，但一食，似中湯多，有少少少許藥膳味，但明顯加水重煲，因為好淡口，食圓肉都係湯嘅味道，未有圓肉甜味，應該煲咗多次。 米線有ddd硬過種，還可以，但味很淡似用水煮後放入湯，枱上未有鹽，啫唔係預自己加味，我都趕時間無問攞。之前食過幾間，就算唔係完全好食，都會雞/米線/湯是但有樣好，但呢個無。 唯一好係，佢$60都幾大碗米線，醉雞有花生粒（我食過嘅其他店沒有）唔知佢係不斷加水重煲，定係浸洗材料太耐？ 大部分食材無乜味道

先一日見到電視有美食節目介紹呢間餐廳，第二日即刻就要去試吓。唔知係咪真係有咁多人睇電視，竟然大排長龍，而且未夠8:00就已經截龍啦。好好彩等咗半個鐘都冇就有位。砂鍋醉藥雞🍲係間餐廳嘅招牌菜，基本上成間舖有大部份人都係叫呢一樣嘢。用個砂鍋裝住上枱都仲係滾嘅，冬天嚟食應該好暖身好正。啲雞嘅生熟到啱啱好，好滑好嫩口。原來啲雞每日都係限量供應，所以雖然舖頭收10:00，但係八點未到老闆已經驚啲雞唔夠賣，所以截龍了。醉牛舌👅另外呢間餐廳有好多唔同嘅冷盤選擇，有好多唔同「醉」既菜式。忐忑咗一輪，最後都係決定食我最愛嘅牛舌。$50一碟，全部都大大嚿，而且唔會俾啲邊邊角角位人。牛舌本身有輕輕調味過，再加埋自家製嘅汁，非常入味。雖然舖頭入面都幾擠迫，同埋嘈吵，但係食物方面真係冇得輸。有機會都想再去試吓其他唔同嘅菜式。

放工後，最期待的就是去覓食今次黎到深水埗，香港人都知道深水埗食店非常多今次朋友帶左我去醉藥雞砂鍋醉雞 $70呢個真係勁驚艷，砂鍋滾住上酒香撲鼻，簡直令人垂涎欲滴！🐔 雞肉嫩滑，浸係醉雞湯內，食落暖笠笠，真係好補身💪🏻雞湯翅配銀針粉+醉肝鮑 $100 雞湯翅湯底濃郁，最估吾到係可以叫到瀨粉或者銀針粉呢類粉面，最後叫左銀針粉，每一口都可以配上湯底一齊食，真係勁滿足鮑魚爽口彈牙，鵝肝吸晒酒香而且仲要有4-5片😍雖然價錢有點貴，但偶爾獎勵一下自己都無妨嘛涼拌青瓜 $40清新爽脆，解膩一流！🥒 夏天食這個真係最啱，清爽又開胃！雞絲粉皮 $48麻醬香氣四溢，粉皮滑溜，撈埋一齊食，簡直係味蕾的享受！🍜人蔘雞湯娃娃菜 $48娃娃菜泡上人蔘雞，人蔘雞湯淡淡蔘味也不太搶娃娃菜既清甜，而且菜身，掛湯娃娃菜爽口同蔘雞湯既配合真係一絕總括來講，這間深水埗的小店真係幾有水準，價錢又合理，放工來食真係可以叉足電！🔋 不過環境就有點逼，坐得有點緊，但為了美食，這些都無所謂啦！如果你想找平靚正的美食，深水埗絕對值得一試！

上個禮拜特別 event packed … 忙到爆，終於搵到機會為自己補一補啦！去咗間用心經營嘅小店 ，真係食得好滿足！🐓我試咗佢哋嘅招牌砂鍋雞鮑翅配刀削麵。砂鍋滾住上枱，奶白色嘅湯底濃郁又健康，食得出冇味精添加，飲落去好舒服。雞肉份量足足有半隻，肉質嫩滑，雞味香濃，超正！🪿冷盤小食中，醉肝鮑最得我心。第一次食醉鵝肝，口感超級絲滑，醉鮑魚同溏心醉蛋都入味十足，完全係我嘅心水必食！🍗另外，佢哋嘅招牌藥膳酒浸雞腳都好正，中藥味帶少少甜，味道易入口，雞腳吸滿藥膳精華，好滋補。呢間用心嘅小店，無論食物質素、服務態度定價錢都好吸引又抵食，肯定會再返嚟！

Weekend 放假約好朋友去行街食嘢，之前我朋友一直都好想試下醉藥雞，難得weekend 有時間就去試下💖我地中午12點幾去到，都幾Full，好彩都有少部份枱，唔洗等位👍砂窩醉藥雞（煮雞酒）拼粉絲個砂窩黎到好滾又好多雞雞酒再加埋藥材味令到個湯好鮮味粉絲索晒啲湯好入味👍醉三鮮+雞湯翅米線我哋好鐘意食冷盤，所以見到冷盤都有得加米線就好興奮🤣醉三鮮有鮑魚，蝦同花螺汁好濃，令到海鮮好甜，我哋連汁都飲埋😂雞湯翅米線要加錢轉，好值得，個湯好正宗雞湯，感覺好似用咗好多雞熬的湯，翅又好大份又多，配埋米線超好食💖跟餐加10蚊就可以有一隻醉糖心蛋，我發現原來一個好嘅花雕汁，可以令到隻蛋唔會苦之餘更加甜😋😋醉三寶（牛舌、豬肚、薰蹄）都話我哋好鍾意食冷盤😂😂好食到另外加多個牛舌好淋，豬肚洗得好乾淨，唔會有苦味，燻蹄好入味💖迷你藤椒花甲餐廳做緊優惠用$42就可以叫一個，好抵，個花甲都做得好好，少辣，鍾意重口味可以試吓😋本人十分喜愛😆🫶整體嚟講醉藥雞可以回顧多幾次嘅一間餐廳令到客人可以💚醉住飽，醉住走，醉開心🩵

早排行經深水埗，發現一間排隊名店《醉藥雞》有位😍 即刻同兩個朋友坐低食嘢😚🐥砂鍋雞湯翅 （$70）呢係招牌雞湯翅裏面真係乂好多翅㗎！用砂鍋裝住煲，煲到熱辣辣超暖肚，食落肚好舒服🥰 雞肉好嫩滑，份量都多！我揀咗跟米粉，好入味～🐣砂鍋雲吞雞 （$70）兩個朋友都叫咗砂鍋雲吞雞，有兩粒雲吞，雞肉份量都幾多，一樣都係好嫩滑🥳再跟埋條菜，健康又營養均衡！ 朋友嗌咗米線，彈牙好味🤤🍳加溏心醉蛋 （$10@）我哋每人叫多咗隻糖心蛋，有少少酒味，好香！🐷口水豬手 （$60）口水豬手香辣又唔油，好食！

深水埗街坊介紹有間「醉藥雞」，實在係食過返會想再嚟嘅好店，價錢親民，經常要排隊才能入座。🔸招牌砂鍋雞湯翅米線，雞湯濃郁，味道鮮甜。翅及米線吸咗滿滿嘅湯汁，雞肉鮮嫩，果然係招牌。🔸醉三寶（牛舌、豬肚、燻蹄）更加係必試。牛舌厚實，豬肚爽脆，燻蹄香濃，三樣食材配醉酒後嘅味道更加獨特，令人回味無窮。🔸胡椒豬肚雞湯瀨粉，湯底辛辣，但唔會蓋過食材嘅鮮味。🔸醉肝鮑，肝鮑鮮嫩，酒香濃郁，味道層次豐富，係一道非常有特色的菜式。🔸新品迷你砂鍋香辣滕椒花甲，花甲鮮甜，香辣味十足，滕椒嘅香味和辣味融合得非常好，令人停唔低筷子呢。

今個假期我發現了一間以「靚雞」為主打的人情味小店，環境唔太大但坐的舒適，店員又好禮貌，最重要食物水準高而價格平民，值得支持❤️花雕冰醉雞（半隻）賣相精緻，上面有杞子、蟲草花、花生，雞肉相當入味，啖啖酒味開胃惹味，肉質夠滑嫩，實在好適合越來越熱的天氣呀👍砂窩醉藥雞刀削麵招牌推薦一定要幫襯的砂鍋醉藥雞，砂鍋湯上枱係熱騰騰仍滾中，清香藥膳味，養生有益行氣活血，近來身子弱的我食完好補呀！食物好足料，性價比高👍🤩醉藥雞深水埗福榮街103號地舖

🐣💛深水埗呢間舖頭主打精心熬製 養生既砂鍋生滾麵🔥午餐時間經常人頭湧湧🍜砂窩雞湯翅係以一個熱鍋形式呈上🔥啲湯係一路滾住，真係要小心手呀我叫咗粉絲，可以更加清澈咁樣飲到啲湯底💛雞肉既份量都唔少，肥瘦適中🐥有雞皮有雞肉 夠晒嫩滑，雞味濃郁另外入邊有唔少魚翅 口感幾好 🐓另一碗叫咗砂窩雲吞雞 分別就係多咗啲雲吞 味道都係一樣咁清甜可口😗😗另外呢度有一系列以花雕調配過嘅「醉入心」系列，首先叫左隻醉蛋 💛有酒嘅香味滲入咗啲雞蛋當中😇😌仲有杞子同埋蟲草😙😙另一份叫咗💛醉鵝肝，份量好多，有成7塊🦆花雕酒既味道好濃郁，同鵝肝豐富嘅油脂好匹配，而且食落口鵝肝嘅似好柔軟，完全係邪惡又不能抵抗嘅小食🤣🤣😇😇🤪🤪🐣雞絲粉皮有充分嘅胡麻醬連同爽口嘅青瓜絲，仲有煙靭嘅粉皮一齊食落口，口感實在好豐富😍😙

每次去 我都只會食 醉雞+粉絲雞湯 ， 雞湯味道沒變 一直都是這味道 ， 但那醉雞就越來越差了 ， 今次再吃 醉雞。 雞 不夠凍 ， 也不夠入味 ， 最重要的是雞還是好像半生的 ， 那雞肉真的不敢吃 ，肉咬不斷 ， 算了 ， 如果有朋友想來 不吃醉雞還是可以的

本身收工晚餐諗住求其搵間嘢食，見呢間個門面雖然唔算吸引，但因為我同朋友都想食養生啲嘅嘢， 所以就照揀呢間。本身我就冇乜期望，但求唔難食， 結果呢間出奇地好食，以佢呢個價位黎講真係好抵😆👍🏼醉鵪鶉蛋 $38正常味道，當小食食ok，雖然有啲驚食咁多粒會膽固醇超標🤣砂鍋雞湯翅配刀削麵 $70上枱嗰陣啲湯仲係滾住🔥啲雞嫩滑,有雞味 （當然唔係最頂級嗰隻美味，但喺香港算係唔錯嘅質素）。雖然我唔知啲翅係咩翅，但食落真係有魚味，以呢個價錢嚟講真係估佢唔到😮個湯底都好飲，同埋都真係幾似我平時自己屋企整雞麵嗰隻真材實料味，雖然佢應該有落味精，但食落感覺應該唔係落咗好多。砂鍋醉藥雞配飯$70雞都係同上邊一樣咁嫰滑，個湯印象有紅棗同木耳（其他材料唔記得咗🤣)。個湯嘅酒味同紅棗味都出，同埋佢啲紅棗係去咗核嘅，冇咁易上火，唔錯唔錯😄整體嚟講，晚餐兩個人食$200 都唔洗，仲要有雞有湯有小食，味道又唔錯(雖然感覺有落味精，但食物整體味道真實 ， 應該就算有落味精都落得唔多，呢個價位黎講絕對可以接受)。呢間性價比咁高嘅餐廳係香港真係算罕見， 幾年前我去燒味舖買隻雞髀拎走食都成$60-$70🫠我唯一希望可以改善嘅，就

第一次吃這家餐廳，點了雞鮑翅刀削麵。是用砂鍋盛的，上檯熱騰騰還在冒泡。湯頭濃厚，除了有雞味，還有金華火腿咸香味，這個價錢也不期望會用上貴價魚翅，只用上魚翅邊，但足以使湯有種黏黏的感覺，骨膠原滿滿，吃到最後把湯都徹底喝完，也沒有口乾的感覺，應該沒放太多味精。如果下次路過會再反桌其他出品。