醒辰冰室 (東匯坊)

營業中

休息中

有follow開醒辰冰室社交平台，睇到佢地話更新左下午茶餐牌，相信對街坊黎講係好事，又多樣選擇。雖然係咁，我始終鍾情於佢地嘅焗肉醬義粉，原因係：1- 即叫即整，熱辣辣2- 大大份，唔講以為係午餐份量3- 價錢非常親民，加埋野飲都係40幾蚊所以我每次晏晝去完附近圖書館，都一定黎歎一歎！下午茶兩點半開始，就算較啱時間入黎，都幾乎一定搵到位！飲品的話都係鍾意叫熱奶茶，茶味都幾濃。不過都有改善之處嘅：1- 焗肉醬義粉咸左少少，少少姐...2- 裝熱飲的杯太勁，有時等左好耐杯飲品仲係好辣口...

已經幫襯左幾次醒晨冰室，都係試佢既下午茶最平下午茶係西多只係$28 仲包一杯熱飲。其他下午茶套餐我簡左芝士焗鮮茄菠蘿豬扒配意粉$43同埋咖喱雞扒飯$48，唯獨芝士份量唔夠多，如果多返少少味道會更好。咖喱味道唔會太辣，適合港人味道。

整個星期都落大雨，今日出街行吓，希望可能見到久違了嘅太陽。約咗去之前已經想試吓下午茶嘅醒辰冰室。發覺佢冇改錯名，真係令我好醒神，佢嘅餐牌三十幾蚊就有交易。我哋幾個人叫咗幾樣嘢食，都發覺食物好出色。咖喱牛腩值得一讚，好味牛腩又够“林”，好耐冇食過咁好嘅咖喱牛腩，下次去一定再試。嗰個全日早餐就樣樣有，比較普通，不過收70元，在港島區算好抵食。個帶子磨菇意粉就有驚喜，好味之外，大大隻帶子嘅下午茶，其他地方都好難揾到。估唔到今次下午茶食物有意外驚喜，下次一定再去試吓其他嘢。

食左好多次醒辰冰室下午茶，復活節放假，終於食到醒辰冰室早餐。大約十點半黎到，自己一個當然識行去後面望牆的單人座位。早餐都有幾多選擇，有中有西，價錢都非常街坊價。醒辰冰室落單，尤其見到果個呀叔侍應，記得要講英文加數字。雖然佢係唔會用手寫低，但睇黎每次都落啱。今次我就試A4沙嗲牛肉公仔麵加熱奶茶少奶。份量剛剛好，女士食都有機會食唔晒！仲有呀，呢種杯保溫真係好勁，我本身都好飲到熱野，但呢款杯，我食晒食物先飲都覺得非常熱！如果趕時間的話就好難入口了！出去埋單比錢時，瞄到原來佢地有全英文餐單！都幾細心！我最欣賞都係坐得舒服，整體黎講好安靜，呢度啲人傾偈聲音唔會大。

同女兒温書悶悶地，揾間早餐食下，呢間餐聽算幾寬落，卡位不會太迫。點了沙爹牛肉麵和奄列腸仔配茄汁豆，薯餅，牛油多士。份量剛剛好。上枱時還是熱乎乎的，早餐都算ok。

星期日下晝寺去完鰂漁涌圖書館，原本打算穿過東匯坊行返去太古搵食，點知就見到商場有呢間醒辰冰室，咁我就入去試下啦！。座位我坐果張係好似打橫斬左一半的兩人自閉位，又幾好！雖然好近廚房，但絕對唔會有酒煙味！梳化椅舒服又乾淨。。食物睇餐牌已經覺得好吸引，價錢又合理，我就試下吉列豬扒同蕃茄湯通粉啦，點知豬扒隔離有少少沙律菜，碗通粉超大，當午餐食都一定夠！杯奶茶少奶好味！平時好少飲剩，但今次太飽，飲唔晒！加埋$45，好抵！。服務店員好友善，又快手，最欣賞係佢地講野算細聲，唔會嘈住晒，連食客都係！誤打誤撞搵到好野，而後去完圖書館一定會再黎食野。海山樓好多遊客影相，可惜佢地唔識入黎食啦。

聖誕節放工後一個人搵食，諗起東匯坊依間冰室應該唔會太多人。18:00來到，見到果然人少少，仲有聖誕餐供應，即刻入座!侍應伯伯好殷勤咁介紹我食羊膝，話係近期熱賣。見天氣凍凍地，食羊暖下身都好，於事點咗羊膝意粉套餐。

阿哥哥阿姐姐聽日啊！嗱，今日去咗間冰室食午餐，唔使諗，搵食好去處一定畀個讚先！點咗份煙肉炒蛋多士，炒蛋做得啱啱好，唔會太老，煙肉香味足夠，夠脆，仲有埋牛油果，咬一口，獨有嘅質感拉絲，好fit！🥑再嚟仲試咗碗魚蓉云吞麵，嘩，湯底夠哂鮮味，云吞飽滿，蓉豬肉好有嚼勁，麵條口感Q彈，老實講這家店內外一樣正！海鹽朱古力冬甩，甜到心頭！🍫而家講呢間餐廳質素嘅話，真係得㗎，食物新鮮，環境友善，係咁岩放假出嚟放鬆下嘅好地方。唔單止平民價，食物仲好有水準，真係喺呢個區內揾食嘅好選擇，我下次一定仲會返嚟！👍

好多時lunch都唔知食咩好，今日途經鰂魚涌一個商場-東匯坊，唔行真係唔知入面都有野食架🙈落到去就已經見到呢間冰室，門口有今日提供既lunch set,叫左個西冷牛扒配意粉，牛扒要左7成熟，有埋個粟米湯同飲品。粟米湯有少咸，有少許粟米粒，味道都唔錯。西冷牛扒配上燒汁，牛扒嫩，淋上燒汁好入味，而且7成熟既牛扒味道剛剛好，唔會有血淋淋既感覺👍可以下次再黎試其他食物🤗

午餐 焗豬扒火腿飯，賣相唔錯。先來忌廉湯，頗為香濃，唔錯，仲有磨菇。焗豬扒都算好味，有口感，味道都唔錯。可惜係飯無炒底，麻麻地。最後奶茶亦可以，以呢種餐廳來計算係有驚喜。夠茶味，夠香濃。保溫杯上。餐廳環境都可以，幾乾淨。裝修都舒服，值得一試。

八月份OpenRice有優惠，外賣自取有折，所以食過幾次lunch，雜扒雖然70幾蚊，但係都叫可以接受，試過一次蔥油雞扒飯，雞扒比較乾，但係估唔到今日食下午茶$50.4紐西蘭牛扒配炒蛋多士熱飲，可以咁失敗咁差！紐西蘭牛扒，各位真係要睇清楚，絕對係iPhone原圖直出無添加，應該同我終止長度差唔多，因為本人係斯文人嘅關係，所以我用咗食指來做比較！去任食打邊爐嘅肥牛都不如！真係離晒譜有冇見過牛扒可以捲埋叉住？知唔知咩叫做牛扒？絕對違反商品說明條例，我點解唔食隔離大家樂？好耐未試過咁嬲。絕對係即時激嬲咗我🔥呢段時間都食過好多次， 以後可以唔選擇，鰂魚涌大把選擇！

間餐廳其實就無乜野，都會落去食下tea而呢個阿伯出現後，落單靠記性，肉丁腸仔麵都可以漏我條腸仔。叫凍飲走甜，佢例牌會話：糖水自己落. 咁你何必浪費左個糖水呢？定係會拎返入去入下個客？今日17:30無哂下午茶，即管又試下佢個晚餐啦因為‘西餐’佢有芝士粉同辣椒仔等等，上菜時一齊擺低。因為意粉無味需要經常落調味，所以枝辣椒仔我地長期打開個蓋方便用，阿伯經過見到落手扭返實個蓋…到底邊間餐廳會搞客人個蓋？$308二人晚餐湯太鹹意粉太淡，白汁太watery 牛柳係正常梳打粉牛柳利申：我唔係同正常西餐比較

又係鰂魚涌搵食系列今日係lunch嘅時候搵到呢一間餐廳 唔使點樣排隊呢間餐廳主打係卡位 多人去就未必岩 啲位都好窄，唔坐得唔係好舒服，男同事隻腳長啲都唔知點擺店員服務一般般 冇乜特別講返嘢食，$66-$70 叫咗個牛扒 好明顯落咗好多鬆肉粉 口感不是太好反而個燒春雞，有啲驚喜 又夠熱 個皮夠脆個汁唔夠多 女仔食嘅話個意粉都夠多嘅 呢個燒春雞係幾唔錯！嘢飲方面，個咖啡係幾好飲 香滑正正常常嘅一間茶餐廳 價錢偏中上

如果你問我以$308可以食到有質素的二人晚餐嗎？我可以好肯定的說一句：「有，醒辰冰室（東匯坊）是你不二之選！」以下就是我和我的太太在五個鐘頭前在醒辰冰室用餐的經驗與大家分享。我們點了四道菜的廚師推介二人套餐。餐湯我倆選了非常濃郁的龍蝦湯，龍蝦味道十足，熱度夠又不鹹。接著是兩款的頭盤：西班牙火腿哈密瓜沙律，沙律的味道非常清新，哈密瓜的甜味和火腿的鹹味相輔相成，口感非常豐富。芝士焗澳洲帶子也很好吃，兩粒鮮甜的帶子加上濃郁芝士味道的薯蓉，真的叫人食到舔舔脷！主菜方面，我們點了北寄貝菠菜蘑菇白酒汁意粉和烤紐西蘭香草牛柳伴薯菜。意粉的淡淡酒香味配上蘑菇和菠菜的清爽口感，如果加少許芝士粉，味道就提升不少👍🏻五成熟的牛柳肉質嫩，如果加少少海鹽，香草的味道就更明顯，連蒜蓉汁都不需了！最後是甜品，我們選擇了tiramisu和朱古力心太軟。tiramisu的味道非常軟滑，而朱古力心太軟內裡的濃郁朱古力，一切開就香氣撲鼻！總括而言，醒辰冰室的二人套餐確可以用「性價比高」來形容！在這冰室用餐還有兩件驚喜事情使今晚我與太太談心的晚餐錦上添花🍾🥂第一：這兒有一位來自在好多年前光榮結業（位於何文田）的樓上雅閣餐廳的

位於鰂魚涌東匯坊地庫有間醒辰冰室，之前食過黒松露炒蛋配千層丹麥多士幾好味，今次跟課長同小組長再嚟，不過已經換咗餐牌，我哋三個人叫咗同一款早餐，正宗或者講唔上，洋蔥青紅瓜玉米粒配料豐富，味道唔錯。據說奄列係所有西班牙家庭主婦都識做嘅菜式，傳統叫農夫奄列，是早餐吃的，份量大可以分享。🇪🇸西班牙奄列配焗茄汁豆、薯餅、牛油多士奄列材料十足，開胃醒神，唔油膩，薯餅有番薯味，份量適中☕️奶茶味道正常，夠熱環境地方算新淨略嫌座位淺窄餐牌