里木

營業中

休息中

昨日同老友一齊去咗呢間高級日本料理店，果然名不虛傳。我哋試咗海膽主題嘅料理，每一道都令人印象深刻。第一道料理上枱嘅係殼付原隻海膽。打開海膽殼，入面嘅海膽肉呈現出靚嘅金黃色，睇落去新鮮飽滿，帶有濃郁嘅海味，略帶鹹甜，口感如同雪糕般順滑。炭燒帆立貝海膽漠堡都好好味，帆立貝表面微微焦香，咬落去嗰陣能感受到明顯嘅彈牙感。海膽醬汁為帆立貝提升咗唔少嘅新鮮感同口感，甜鹹適中，完美配合帆立貝嘅鮮甜味道。松葉蟹雞湯配海膽呢道創意嘅料理令人驚喜，湯底清澈但唔失濃郁，湯嘅鮮美同松葉蟹嘅甘甜完美配合咗海膽嘅味道，增添咗一絲奢華感。海膽配煮鮑魚壽司係一道有趣嘅組合，鮑魚煮得啱啱好，保留咗適度嘅嚼勁。海膽嘅圓滑同鮑魚嘅韌性形成唔同嘅口感，兩種唔同嘅海鮮味喺口中混合埋一齊，好有創意。北海道牡丹蝦配海膽呢道菜展現咗食材嘅本真味道，牡丹蝦嘅蝦膏非常多，同海膽一齊食，兩種食材相輔相成，各自嘅特點都得到充分發揮。最後嘅岩手縣石垣貝壽司為整頓飯畫上咗完美嘅句號。石垣貝肉質緊實，帶有輕微嘅嚼勁，口感清爽，算得上係非常好食嘅壽司。

嗰晚朋友畀我生日驚喜，帶我去尖沙咀食Omakase，令我覺得受寵若驚，因為我從來冇食過Omakase，朋友早就Book咗位，真係好感動。第一次食Omakase心情好緊張，不過服務員嘅熱情態度令我冇咁緊張，餐廳入面環境又好舒服，我哋好Enjoy。我哋點嘅係海膽奢華體驗，食物種類繁多，師傅都好有耐性咁講解每一道菜。每一道菜都係精心特製，擺盤精緻，令我哋眼前一亮！最印象深刻嘅係殼付原隻海膽，原汁原味嘅海膽肉質厚靭，淡黃色，食落去有少少回甘苦味，清甜嘅海水味，十分新鮮。之後仲有北海道牡丹蝦配海膽，牡丹蝦嘅肉質綿軟中帶有彈性，肉嘅甜美喺口中逐漸散開，爽脆而鮮味十足😋炭燒帆立貝海膽漢堡同樣難以忘懷，每一啖都充滿咗新鮮嘅海鮮味，仲帶有微微嘅炭燒味，海膽味十分濃厚，令人驚喜嘅搭配。仲有令人回味無窮嘅松葉蟹雞湯配海膽，口感鮮美，爽滑，松葉蟹、海膽同雞湯互相搭配，使得成道菜味道層次豐富😍😍最鍾意嘅食物仲有和牛海膽熱狗，和牛係頂級嘅A4和牛薄切包住壽司飯，和牛油脂完美同飯結合，再配上海膽，令其味道得到昇華，食得唔亦樂乎。我哋仲Order咗一支清酒，享受美食之餘仲有酒精嘅享受，成個人都好放鬆。

來到生日嘅月份，感謝朋友們帶我周圍去食唔同嘅好西。今日就來左食鐵板燒。里木有幾個鐵板燒套餐嘅選項，今日我地就揀左商務二人前鐵板燒。食材i開始處理之前會全部擺放西客人面前，讓客人感受到佢地食材嘅新鮮度！望住廚師係我面前煮野食，感覺就好似有人係你面前表演跳舞咁，呢種體驗，我諗除左鐵板燒，都無咩其他地方可以體驗到。呢個套餐入面，我最鍾意嘅係澳洲龍蝦，未煮之前超生猛，廚師處理龍蝦肉嘅時候好細心，一邊烹煮嘅時候，我地就一邊聞到龍蝦嘅鮮味。食嘅時候，配埋佢地自家製嘅蝦膏牛油醬汁，簡直係絕配，超好食！下一道上嘅甘鯛立鱗燒都超精美，魚肉肉質細嫩，油脂適中，烹調方式傳統又高級。魚肉兩面都烤到金黃色，食嘅時候可以撈埋佢地自家製嘅忌廉洋蔥醬，真係傳統得來又帶點fusion。之餘和牛方面，薄燒嘅上等和牛肥瘦均勻，質感上有少許彈性。燒好之後捲埋來食，正呀～甜品係焦糖多士，雖然我平時係唔食麵包，但係呢個心型嘅焦糖多時，甜度適中，帶脆邊，食完甜到入心呀！

上個星期去咗尖沙咀一間日本餐廳——【里木】。試咗咗「夏の海膽奢華體驗」套餐，原價$2680，依家只需要$1980一位。首先係海膽配煮鮑魚壽司。海膽非常之細膩綿密，鮑魚煮得啱啱好，帶啲嚼勁，再配埋用醋調過嘅壽司飯，整體口感真係好好。我覺得海膽同鮑魚嘅搭配真係好夾👍跟住就係岩手縣嘅石垣貝壽司。石垣貝本身就有好濃嘅海鮮鮮味，帶啲Q彈嘅口感，咬落去嘅時候仲感覺到貝肉嘅汁液，連埋壽司飯一齊食，真係完美。最特別嘅就係北海道牡丹蝦配海膽🍤呢道菜有兩種海鮮，Q彈嘅牡丹蝦同埋嫩滑嘅海膽，兩者嘅口感同味道互補，食落去有好多層次感。我鍾意和牛海膽熱狗。表面燒過嘅和牛薄片上面放咗新鮮嘅海膽，和牛嘅脂肪均勻，配埋海膽嘅鮮甜味道，好食最後仲有廚師特製嘅季節魚壽司，魚肉非常之新鮮，同其他海鮮一樣都嫩滑鮮甜，味道非常之好食。對呢間餐廳嘅食物好滿意。餐廳嘅食材好新鮮，特別係海鮮。下次會再試多幾款！

今日嚟到呢間日本菜餐廳，整體係行日式私人園林風格，好靚好大氣，令人有種置身日本嘅錯覺✨🩵 日本牡蠣+魚子醬🩵北海道生蠔成隻都好大隻！肉質肥厚，食落去味道清爽，仲帶少少甘甜味🤤 魚子醬🈵🈵當作前菜都算好奢華！魚子圓潤飽滿，入口鹹度適中，好鮮味！最深刻印象就係原隻海膽同拖羅配紫蘇，海膽入口即溶，仲帶有鮮甜味🥰 配埋芥末醬油或者直接生食都已經好好味！拖羅都係一大亮點之一，油脂好豐富，用炭燒嘅方法令成個味道更加昇華！配埋紫蘇葉啱啱好可以平衡到油膩感，正！帆立貝海膽漢堡好得意，利用帆立貝作爲開口入面塞滿海膽，好似個漢堡咁🍔帆立貝帶有淡淡嘅醬油香味，同海膽綿密嘅口感絕配✨🤤連湯都有海膽，簡直就係海膽盛宴！用雞骨熬製而成嘅高湯，同松葉蟹絲絲鮮甜嘅口感完全唔突兀！海膽嘅加入令成個湯底充滿香甜嘅味道，一點都唔腥北寄貝肉厚鮮甜，同醋飯握成壽司，食落清爽唔油膩~ A4級和牛包住壽司飯，上面再鋪滿鮮甜海膽，牛肉濃烈嘅味道同海膽雪糕嘅口感完美融合！真.人間美味🤤

午餐時間同同事去「里木」食佢哋嘅 商務二人前鐵板燒 放鬆一吓。佢哋嘅食物同服務都相 當出色，每一道菜都擺盤精緻，味道亦都好豐富，喺度食午餐真係非常享受😎點推薦呢個套餐嘅 澳洲龍蝦 ，一道色香味俱全嘅菜，味道鮮甜，口感極佳，具有獨特嘅 風味，令人食咗回味無窮。之後就係 日本鹿兒島黑豚肉 ，肉質鬆軟但不失嚼勁，入口軟嫩，口感好有彈性，含有豐富 嘅肉汁，肉味香甜唔膩👍🏻👍🏻👍🏻 然後就係 甘鯛 ，日本嘅高級魚食材，肉質軟滑，食起嚟有甘甜嘅味道，鮮甜清爽，口感令 人驚艷😆甜品係 焦糖吐司 ，愛心型嘅焦糖吐司焦香十足，食落去外皮香脆，內裡柔軟，味道好香 甜，係一個完美嘅飯後甜品💯呢度嘅環境十分舒適，無論食乜嘢都非常享受，每一道菜都係廚師精心烹調，推薦大家嚟一試。

喺香港食過唔少日式鐵板燒，但呢間真係我嘅最愛！Menu種類繁多，價錢都算可以，個人感覺性價比超高！▪️ 海鮮沙律▪️ 澳洲龍蝦龍蝦超新鮮，配埋佢哋自家製嘅蝦膏牛油醬，成個蝦味超濃！龍蝦肉又好彈牙，真係食唔厭！▪️ 日本愛知縣白象拔蚌喺愛知縣優渥嘅水質中成長，所以呢個品種嘅象拔蚌肉質同口感都非常好！▪️ 愛爾蘭蟶子來自愛爾蘭嘅蟶子肉質肥美，鮮嫩爽口，唔需要任何調味料已經好好味▪️ 法國鵝肝配最中皮肥厚嘅鵝肝表皮焦嫩，入面軟綿多汁，配住個熊仔形狀嘅最中皮，超級酥脆！▪️ 福岡縣甘鯛甘鯛經過烹調之後口感金黃酥脆，同多汁嘅魚肉形成對比，口感超豐富▪️ 日本鹿兒島黑豚肉黑豚肉咬落去肉質緊緻多汁、口感柔軟有彈性，不愧係全球知名的黑豬！食鐵板燒最治癒就係睇師傅嘅製作過程，非常享受！除咗鐵板燒，呢間都有廚師發辦（Omakase），鍾意食日料嘅朋友仔真係可以試吓，唔會令你失望！

成日全港走透透去品嚐唔同美食，無論街邊小食定高檔餐廳都唔會錯過。今日我哋嚟到咗呢間位於尖沙咀嘅里木，呢度主打精緻嘅海膽Omakase，餐廳裝潢高檔，可以坐24人，但記住要提早訂位，因為真係好搶手。開胃菜係日本牡蠣同一瓶魚子醬，日本牡蠣好大🦪，差唔多同我嘅手掌一樣大，魚子醬味道濃郁但唔會有腥味，兩個喺嘴裡爆開鮮甜，真係無法釋懷。以為已經喺仙境，點知殼付原隻海膽先係王者中嘅榮耀，超級新鮮，貝殼類喺夏季盛產，所以鮮甜為主，實屬不可錯過嘅日本食材，食得好過癮。炭燒拖羅配紫蘇，厚切嘅拖羅油脂均勻，炭火微烤過後炭味滲入魚中，再配上紫蘇葉，味道濃烈，但唔油膩，食嘅係原汁原味嘅美味。廚師發辦季節魚壽司超正！廚師精選嘅石垣貝同北寄貝確實好應季，石垣貝肉身厚實，帶住鮮味，爽脆鮮甜，食出嫩滑感；北寄貝甘甜爽滑，口感同甜度都係上佳品～最重要嘅主角係和牛海膽熱狗，炭火輕輕燒過嘅A4和牛，牛油脂更貼切融入壽司飯中，最後喺上面鋪上一排海膽，令味道昇華🥰

為咗慶祝Mummy生日，我帶佢嚟呢度食鐵板燒，Mummy食完之後特別開心，帶佢嚟呢度食真係物超所值。餐廳入面嘅裝飾都好有品味，服務生亦都好親切，係一家高水準嘅日式餐廳。我哋食咗贅沢鐵板燒套餐，以下就係呢個套餐所提供嘅美食。首先係牡蠣，味道非常新鮮，每一口都可以感受到鹹鮮味。之後食魚子醬，新鮮嘅魚子醬入口即溶，帶有少少腥味同鹹味。再之後食咗白象拔蚌，味道鮮甜，充滿海水嘅鹹香味，口感爽脆利落。再嚟就係愛爾蘭蟶子，味道鮮美，口感豐富，軟硬度適中，汁多香醇。之後係澳洲龍蝦，味道甘甜，肉質鬆脆，口感十足，相當新鮮搭配佢哋特製嘅醬汁，一流。再嚟法國鵝肝，口感細緻，肉質細膩嫩滑，味道鮮甜，散發著獨特嘅醇厚香氣。然後係和牛薄燒，濃郁和牛味，每一口都可以感受到肉汁嘅鮮美。最後仲有和牛炒飯，飯粒都充滿咗和牛味，搭配煎蛋味道一流。成個套餐令人食得非常滿足，真心推薦大家嚟呢度品嚐。

無驚無險又到月尾出糧啦～呢個時候當然係同另一半去食餐勁嘅啦🥰🥰呢間位於尖沙咀嘅里木，～係我哋每兩個月～偶爾會係連續每個月都嚟朝聖嘅Omakase日式餐廳～主打海膽料理🤤雖然係有啲貴～但肯定物有所值😆食完必定中毒入坑再回頭～所以朋友們如果想實現海膽自由～必定要嚟呢度⭐.最近見到佢哋推出嘅夏の海膽奢華體驗🤩正符合時下熱情嘅夏天同我哋嘅胃～呢個體驗入面有幾道菜係我哋一致點讚嘅😋😋開場嘅日本三倍體牡蠣加貝加爾湖鱘魚子醬一瓶～味道雖然濃郁但唔會太過搶味～每顆魚子鮮中帶鹹恰到好處🐂和牛海膽熱狗最為驚喜～滿滿一層海膽喺上面～下面係微烤過嘅A4和牛薄片包住壽司飯～一口咬落去真係太鮮甜好食啦😁微烤後嘅和牛汁令整體壽司味道更上一層！！殼付原隻海膽食一次就愛上呢個最原始嘅鮮甜海嘅味道～喺呢個夏季點可以錯過呢？！😚😚邊個諗過海膽配煮鮑魚壽司可以係新一番體驗～鮑魚好彈牙爽口～主要秘訣係傳統炮製方法🫶🏻岩手縣市石垣貝壽司肉質甘甜亦係當季必食～北海道牡丹蝦配海膽唔止係入口鮮甜～嗰種天然甜度真係只能講係令人開心嘅多巴胺❤️‍🔥

呢個星期老公搞了浪漫日，帶我去尖沙咀食「里木」壽司鐵板燒。今晚真係給我個驚喜嘞！😉 老公預早訂左個位，揀左嗰個$980每位的鐵板燒套餐，等我地两個好好享受一頓！ 🍽️🍽️💓老公最愛嗰個北海道活帶子配新鮮紫菜鰹魚清湯，帶子肉k味真係得嚟鮮甜好吃！🦞 同一時間，活南非鮑魚肉質緊實香口，每一口都好有嚼勁，好食之餘仲好營養，絕對係老公嘅至愛。💖活龍蝦配自家製蝦膏牛油醬汁肉質豐滿，再加上嗰支新鮮露骨牛柳嚟燒，好好味呀！🦞😋 同一時間，呢度嘅日本雜菜色澤鮮艷，歎出嚟好健康！🥦🥕🍻個人覺得A5和牛薄燒最最好食！和牛厚厚一片，放嗮燒完嘅肉汁，口感非常豐富，好似燒烤嘅感覺，我地一家都好愛呢款！😍每次两夫妻食餐飯都好開心，特別係今次，「里木」絕對超值，食完晚餐我哋都讚唔絕口。本來只係黎體驗一次，但我哋已經決定，下次「里木」，我們再來！😍🥂🎉

嗰日我生日，女朋友帶我去里木食鐵板燒，呢係我生平第一次食，所以心情特別期待，因為從未食過咁高級嘅日本菜，真係好感激女朋友破費帶我嚟試食。因為女朋友有book位，所以唔使排隊就可以入座。一入到去餐廳入面好有氣氛，櫥櫃擺滿咗紅酒同日本酒，環境十分舒適，服務員都好親切咁招待我哋。我哋點嘅套餐係贅沢鐵板燒，套餐入面有好多高級嘅食材提供畀我哋享用，呢度我就唔一一介紹，等大家自己嚟試吓。其中有幾款食材係我好鍾意嘅，例如澳洲龍蝦、法國鵝肝配中皮、南非鮑魚、魚湯同埋和牛薄燒。原隻龍蝦新鮮出爐，好好食，龍蝦肉嘅味道好新鮮。南非鮑魚好似係世界最貴嘅海鮮之一，可以食到世界上最貴的海鮮，真係抵，鮑魚有好濃厚嘅鮑魚味，肉質好爽甜。魚湯飲咗亦都十分清爽，鵝肝真係入口即化，非常細膩絲滑，好正。和牛肉亦都香脆嫩滑，當然其他食材亦都非常好食，成個套餐只需$1480，仲可以食到咁多高級又好食嘅食材，真係非常滿意。

前幾日公司發獎金俾每位員工，打算豪一豪佢，食餐勁嘅，所以就係網上搵啲高級餐廳，搵到呢間尖沙咀高級豪華嘅日本餐廳「里木」，真係好高級，不如就嚟體驗一次豪華嘅日本料理。呢度真係太高級，平時應該唔係咁嚟，菜色同食材陣容睇住都非常豪華，可以享受一番。我呢度叫嘅係佢哋最豪華嘅「夏の海膽奢華體驗」，一人1980蚊，食物陣容同套餐名一樣，真係好奢華。入面嘅象拔蚌同粒貝真係好好食，問咗廚師入面粒貝配嘅係沖繩水雲，口味好豐富。然後牡蠣嘅肉質好滑，開口入面仲有嚼頭。牡丹蝦配埋佢哋嘅海膽都係口味豐富，牡丹蝦入口即化，然後海膽嘅鮮味好提起食慾。第一次食到魚子醬，原來魚子醬嘅味道咁鮮，邊食再配個魚湯，鮮上加鮮，味道真係好好。殼付原隻海膽仲可以食到海膽最原始嘅味道，旁邊仲有和牛海膽熱狗，增添風味。密瓜嘅味道都非常甜。成個套餐體驗落嚟真係有奢華嘅感覺，都係啲平時食唔到嘅高級嘢，下次仲會機會再嚟體驗。

一次周末約咗好姐妹一齊去尖沙咀搵美食，啱啱好喺太平洋大廈搵到呢間「里木」，係一間高級日本餐廳，入面有海鮮、鐵板燒、廚師發辦。平時都冇乜機會體驗高級料理，難得咁有緣分，就打算同好姐妹喺度食。呢度嘅環境好華麗，燈光啱啱好，食飯嘅氛圍好好。蠔嘅肉好大，仲搭配一整罐嘅魚子醬。味道特別好！食咗第一口之後，直接胃口大開！和牛嘅口感真係太好啦！咬起嚟特別爽口，仲帶有淡淡嘅焦味，特別香！呢道菜帶有花朵擺設，搞到我同姐妹突然有咗少女心！味道亦都好符合我哋嘅胃口。我到而家先知道，原來沙律都可以咁特別，海鮮食起嚟嘅味道特別豐富，令人回味無窮！姐妹食咗一口就瞪大雙眼望住我嘅鵝肝，味道真係好正！呢個龍蝦真係有好鮮嘅海鮮味，仿佛自己喺澳洲食緊大龍蝦！我哋今次終於體驗到高級料理，味道真係特別棒，下次仲要同姐妹一齊嚟食更多料理!!!

第一次同老公嚟里木呢度食，餐廳位於尖沙咀，一嚟到呢度就見到好多人排隊，不過唔使等好耐就可以入座。餐廳入面好有日式風格嘅裝潢，環境優雅，營造咗輕鬆嘅氛圍。我哋點咗「商務二人前鐵板燒」，喺咁美好嘅環境下享用午餐，真係非常舒適同享受。其中「澳洲龍蝦」最印象深刻，龍蝦肉份量十足，鮮甜可口，口感無可挑剔嘅好食，食落去令人感到心曠神怡。之後仲食咗「和牛薄燒」，和牛味道十分濃郁，口感十分彈牙，好有嚼勁，熟度啱啱好，非常好食。然後食咗「甘鯛」，鮮嫩嘅魚肉搭配特製醬汁簡直係完美口感，每一口都好滋味。最後嚟碗「魚湯」，湯底充滿咗鮮味，好似係費時幾個鐘熬製嘅，飲落去清爽可口，好味。好推介大家一定要試吓！