重慶老巷 (已結業)

老友出嚟傾吓計，唔係小炒、打邊爐、雞煲，就係串燒。依家出街食餐飯都要限時限刻散水，所以一坐低大家即刻啤咗先，然後手指指點晒所有想食嘅嘢，爭取時間！啤酒呢樣嘢無他嘅，唔同人有唔同口味，但近排佢咁紅，梗係跟隊飲佢支持吓啦！但係，點都要夠凍先好飲！一放落枱，摸上手，冰凍嘅，掂哂！串燒嘅味道，一般都係落嗰幾種香料，呢度嘅味道唔算太複雜，未去到「土匪」嘅水平，但都已經算夠惹味亦入味。叫咗燒羊肉、牛舌、豬心、雞腎、雞尖，每樣基本上都處理得唔錯，最起碼唔會有雪味。咁並唔係話佢啲香料夠勁嵌過咗啲雪味，而係當你一路咀嚼嚿肉嘅時候，你除咗食到香料香味之外，仲有肉味本身而無雪味。肉質方面，豬心同雞腎夠爽口彈牙，牛舌夠軟熟，各樣都唔會有內臟嘅膻味；雞翼尖燒得夠乾身，羊肉肉質飽滿有咬口，但味道略嫌太平淡，欠缺咗羊肉應有嘅羶味，而且香料方面唔太食到孜然香，所以少咗份新疆羊肉串嘅風味。小菜反而有啲驚喜！大家叫咗薑蔥田雞煲、椒鹽豬扒，兩樣都非常夠鑊氣！椒鹽豬扒唔單止淨係得豆瓣醬回鑊，仲加咗大量嘅炸蒜粒，夾埋一齊食完全係另一個層次，只係略嫌覺得豬扒本身炸得未夠乾身就回鑊，所以有少許肥膩感。本身就好鍾意食田雞，田雞煲係喜

全部食咗一啖已經唔會再食，又難食又油林林尖椒炒五花肉，臭腳味，啲肉超級唔新鮮椒鹽肉排，一樣係臭腳味，啲肉超級唔新鮮招牌蠔餅，全部都係粉得幾粒蠔，成口油憶味重慶酸辣粉，望落好紅但食落有陣水喉味，冇味又油啲粉又林豬油拌飯係白飯一碗超級唔推薦，真係好難食，食完一啖都怕今日會肚痛

以前多次買外賣都不過不失算ok.今次唔算肚餓所以只買一個酸辣粉，D粉根本夾唔起，一夾就斷，根本食唔到，以前也買過酸辣粉外賣都唔係咁，俾錢時個女侍應黑面，可能覺得我買一個酸辣粉太少掛，我話唔該，但佢一句說話都冇仲黑面，好似唔想做咁嘅款😪

羊腩煲168蚊得2舊羊骨，再加啲似俾人食過嘅碎骨，裡面仲有一條頭髮，問阿姐佢話呢啲咪係羊腩囉，跟住唔睬我，態度奇差。疫情下俾人幾個圍埋飲酒食煙，唔知想點。大家真係唔好再去。

首先，一入來，佢D服務態度差D將我勸退，打開門,店員：你入來做咩？我可以入來做咩？！！？我當然系入來食飯啦！環境都還可以，幾有風格不過份餐牌就油淋淋👎🏿👎🏿👎🏿份野唔算差，但系唔算系好吃，我的口味本身已經清淡，覺得冇咩味道本人覺得D野好似。。。唔系好新鮮

昨天中午光顧該店，一進去坐下剛看menu，跟朋友選擇吃什麼菜。 才過了幾分之前，有個女waitress還是老闆娘的人問我們吃什麼，我平靜地說：「等等，還沒看完menu。」 然後那個人突然態度大變，好不耐煩的說：「看牆上的午餐牌就可以，還看什麼？！」她說這句話時正邊走向廚房邊說的，完全沒有正面看著我們。 我立刻接話，問：「只可以order牆上的餐牌？其他食物不可以order？」 她回答說可以，但是語氣好兇。 我忍不住說：「你都幾搞笑既喔，既然可以order其他食物，為什麼催促我們點牆上的午餐牌？」 她又好兇的回答：「咩好搞笑啊，我就叫你落單，你就話我搞笑？」隨後不斷碎碎念。 我：「……」 我心想，這是什麼情況，簡直莫名其妙，這是在趕客的節奏？可明明那時候才是中午13：20分…… 總而言之，態度差劣，食物尚可，餐牌油膩骯髒，要不是我朋友想吃辣的，我也不會忍氣吞聲留下來光顧。

難食。回鍋牛肉飯好咸，毛血旺量好少，毛血旺的辣椒根本就沒有切，雞心和鴨血不新鮮，處理不乾淨，食物不新鮮。外賣打包差勁。侍應態度差，環境污糟。吃的時候已經覺得中伏，吃完到現在兩個人居然有隱隱肚痛。不知道為什麼這家店還可以繼續開下去，作嘔🤮

我係點外賣淨係點左一份水煮魚我食左一啖 先發現有隻曱甴係碗野度我黃膽水都嘔晒出嚟..............................

寫呢篇野時我仲未食完個飯，經過咁多次都係第一次食，十五分鐘前買左兩個午餐外賣，一個老干媽茄子雞柳飯，一個麻辣牛肉炒飯，話跟餐送熱飲，凍飲加兩蚊，諗入要個熱奶茶熱檸茶，點知阿姐話冇晒熱飲得返凍飲，其實諗返都幾奇怪，不過當時不以為然，返到去打開個飯盒睇落正常，點知食落真係笑左出聲，我個老干媽茄子雞柳飯完全冇味，我係講真！真係完全冇味！食左好幾大啖汁加飯都係冇味，得啲辣椒係有味嘅，直頭嚇親我以為自己味蕾有事，點知女朋友食個麻辣牛肉飯有味但接近完全冇牛肉，唔信可以自己睇相，講真大角咀大把好野食真係冇必要作賤自己，永久blacklist！

重慶老巷一入到舖頭，舖面細細間，但係風味十足，座位唔多，有10幾個位置，兩個人帶咗一支細青島啤酒以及可樂叫咗一份辣辣的椒味炒脆腸，脆腸的份量唔多，但係啲配菜好足料，有我最鍾意食嘅洋蔥青椒尖椒紅椒，味道啱啱好唔會太辣，配返一支啤酒🍻好正好配合。仲叫咗煲仔飯，煲仔飯有好多選擇，揀咗冬菇田雞煲仔飯 ，田雞肉好滑溜，略嫌冬菇冇咩味道唔夠香，煲仔飯都係有飯焦的。感覺都係好新鮮！又點左少少串燒有啲相片冇影到。但係感覺最出色嘅都係小炒菜👍下次再嚟食！

下午4:30入去食午餐，嗌A同C餐，個啊姐比個B餐我水煮牛，話廚房睇錯單，比個錯嘅仲問我要唔要。 餐具又比啲洗唔乾淨嘅派比客，叫唔該換野，又大大聲聲呼呼喝喝,野食就幾好食，但人就一定要炒L左去。

午飯時間行過見到有酸辣粉，甘就入去試下。叫左個酸辣粉同個午餐E。最後黎左個F，叫個女侍應換，啲聲氣勁差好似自己無錯甘，仲要比説話我地聽。野食係正常嘅，只係甘嘅服務態度真係令人好難接受。另外，有一台人岩岩走，漏左枝野飲反轉頭問一問，甘當然扔左啦。點知個客一走，個女侍應就話人痴線，聽到都覺得離譜。扔左咪扔左，應左人咪算，仲要人走左話人。

好鍾意燒生蠔，味道啱啱好又冇腥味！水煮牛肉辣度適中，適合香港人口味！唔錯！川味脆腸夠爽脆但唔係我所愛！招牌蠔餅炸到金黃但感覺太油，如果芫茜多些少可以幫助中和油膩感！原條燒茄子都係我杯茶，好味！燒韮菜嘅孜然味夠突出但要趁熱食，否則凍咗會太韌！燒翠肉瓜多汁清甜，唔似燒嘅！燒原隻魷魚筒和燒墨魚咀冇咩特別！店家唔知係出錯定誠意送多2串燒牛舌和燒豬頸肉呢？我都講下燒牛舌啦！太咸唔夠香！燒豬頸肉啖啖肉，但吸引唔到我！雖然貴咗啲，食宵夜抵食會更吸引，但係總體算唔錯！如果有埋夠鑊氣嘅炒米粉就會令成個宵夜完美喇！網上外賣平台送餐都好快下！

Lunch 同d同事原本係去食車仔麵，但咁岩休息，於是行前少少見到呢間重慶野，見裝修幾懷舊，決定試下，我叫左個$44牛扒石窩飯，一黎見到賣相幾吸引，點知一食d飯係硬既，好似食緊生米咁，可能我本身鐘意食軟身既飯喇，都算喇照食, 然後食食下聞到有陣臭味，仲以為係本身鋪頭d味, 後尾先發覺原來係d牛扒既味, 同事試食少少都話頂唔順陣味, 話係d牛用左好多梳打粉整既味, 至於點解咁大陣梳打粉味呢，我地估d牛可能係已經壞左或者唔新鮮！最搞笑連隔離搭枱個人都係咁講🤦🏽‍♀️ 最後個飯食左一半都冇已經食唔落, 諗住有機會都想試埋個重慶酸辣粉, 但我地食完冇耐就好快收哂我地d野, 諗住飲埋杯野坐多幾分鐘就走, 點知佢地已經等唔切叫我地坐第二張枱, 佢地員工要張大枱黎食飯😅😅當然無問題喇，因為呢間野已經要blacklist la，野食質數唔得，員工服務態度更加馬馬，仲會回頭嗎？

D燒生蠔壞都賣畀人， 蠔已經變曬色，食落去仲有少少變味 ，老闆仲話啲蠔無事 ，佢話自己日日食， 我食完終於 肚痛， 好唔老實。 毛血旺， 賣80蚊，一啲料都冇超級唔抵食。 這店可以唔使去！