野郎 Stone x 鰻工房 (已結業)

星期三同細女食，今日就約大女行街食lunch,見到一間好日本風的店舖仔，有阿女想食嘅鋸扒同我鍾意食嘅鰻魚飯，可能太早嘅關係佢剛剛開店，暫時未有其他顧客，我哋一坐低就見到店裏貼滿日文字印宣傳單張，一邊係鰻魚另一邊係原隻牛的部位解圖，真係好似去咗日本食咁有風情，阿女叫咗個200克牛小排➕$30仲可以有沙律、麵豉湯同薯蓉任潻，再➕汽水一罐，五成熟牛小排用熱石乘着上枱，店員好細心地用一支牙籤插着一張紙巾蓋住牛小排，等啲牛油唔會彈到食客周身都係，一上枱就吱吱聲，等啲聲冇咗就取開紙巾，生熟度剛剛好，切開內裏有少許粉紅，極多肉汁味道香濃很有牛味，正到不得了，另叫了一客原條鰻魚飯，飯同鰻魚分開兩盒上，原條鰻魚切開三件大大件，咬落彈牙，而鰻魚皮又帶點煙韌，食得出很新鮮，兩母女食完都捧住個肚走，幸福滿滿當我哋走嘅時候已經座無虛席

服務態度差到不行，黑口黑面都算， 叫咗外賣，足足坐喺度等咗半粒鐘都冇員工話我知外賣出左。啲飯又硬又乾，鰻魚又小又簿，仲衰過去惠康百佳買個啲。真係只可一，不可在。呢間食過最衰既一間。

戒了澱粉質好一陣子，最煩惱與別人聚餐時該選那一個餐廳。近年大熱的石燒牛扒，正好合我意。野朗STONE X 鰻工房應是石燒牛扒界中最與眾不同的，因為除了牛扒，還有肥滋滋的鰻魚。飯桶界代表捨棄了任食沙津和飯，改選了鰻魚飯set。前菜、擺盤做得精緻，賞心悅目，湯帶有淡淡胡椒味。在眾多鰻魚中我們挑選了生燒饅魚(汁燒)飯，與軟綿的蒲燒鰻魚相反，生燒鰻魚相對乾爽，鰻魚的表面沒掛一滴湯汁，魚皮燒得乾身脆口，吃到最後也沒有半點膩感。食肉界代表（我）挑戰了油脂最豐富的牛小排，當天不太餓，所以沒有另加$30轉半自助餐，只是另加了一條日本芝士腸。牛小排一上桌油脂四噴，緊記不要太心急打開蓋著的紙巾，不然會和我一樣被油噴得～好～慘牛小排肉很嫩，最喜歡配上店家的白松露蒜蓉醬(中)，沾上少許鹽，很出色。芝士腸也沒有讓牛扒專美，果真是日本來的小香腸，表面脆皮一咬即破，芝士內餡隨即流出，差點想加點一條！

周末嘅中午黎到銅鑼灣醫肚，見到呢間可以同時食到石燒牛扒同埋鰻魚飯又幾特別。除左以上兩大選項仲有超值鐵板餐都幾抵食。壽喜燒牛/豬飯都係$60幾左右～店面都主要以木色裝潢為主。點菜以劃紙形式填好交俾店員，食完先付款。精選肉眼扒200g $148 +$30轉套餐 （包沙律、湯、薯蓉、罐裝汽水）可選薯蓉代替飯、意粉、薯菜都幾特別，薯蓉入口順滑，仲食到薯仔顆粒。肉眼扒相對西冷會無甘容易韌，肉味都算唔錯。蒲燒鰻魚丼 $98 （原條）完全俾原條兩個字吸引，賣相勁靚。有日式便當精緻感。原條鰻魚原條切開三件採用日本米，飯粒飽滿。飯拌勻蛋絲、紫菜、枝豆。鰻魚食落有焦香感，外脆內彈牙。醬汁唔會過甜，不錯。

之前食過呢間石燒牛肉覺得好好食，所以今次再返嚟幫襯😁除咗石燒料理，呢間分店亦都提供好多不同款式嘅鰻魚料理不過我都係對佢嘅石燒牛肉念念不忘，今次就揀咗美國上級牛小排，同埋原條牛舌芯，再加個飯😊好多唔同醬料例如燒肉汁岩鹽七味粉等等任君選擇枱旁邊好貼心咁樣貼咗食用方法以供參考因為塊石非常之熱所以記得靜候30秒先好拎開張紙 就唔會比啲油彈到先嚟美國上級牛小排配飯，牛小排肥瘦均勻，肉質鮮嫩，很滿意😋最後就到牛舌芯，質素唔錯夠彈牙，不過切厚一啲會更好。

約左一位同我一樣係鰻魚控既朋友去尋覓鰻魚🤣簡左野郎stonex鰻工房 ，佢地鰻魚係即叫即燒既😍店鋪裝修都好有日風味道！二重鰻魚 $148鰻魚 穴子 （+$30轉套餐）我叫左二重鰻魚丼，另加$30轉套餐，有溫泉蛋、鰻魚肝白貝湯同玄米茶，職員送來時，分別有2個木盒，一個放蒲燒鰻魚同穴子，蒲燒鰻魚大概都有一條鰻魚既份量，面頭灑了芝麻，燒得微微焦香，配上醬汁，色澤鮮明，有油香味。而穴子係比較薄身軟身，另外一盒係滿蛋絲、紫菜絲既盒！流心蛋真係好流心😂😂我一掂佢，佢就穿左😅😅三重鰻魚丼 $198鰻魚 穴子 生鰻魚朋友叫左三重鰻魚丼，一上枱就覺得成個造型好靚，最頂層係穴子，第2層就係蒲燒鰻魚同生鰻魚隔著排。叫左朋友比一件生鰻魚我試😍鹽燒生鰻魚烤得好香，外脆厚身，肉質爽口！第3層係蛋絲，最後先係珍珠米飯！其實野郎stone x鰻工房都係主打石燒，但今次只係試左鰻魚，下次要試埋野郎stone x鰻工房石燒先得，另外餐廳門口附近其實有部自動點餐機家。

我係一個超級鍾意食鰻魚飯嘅人,由細到大都好鍾意食買嘅因為覺得佢好好食!今日喺渣甸坊度俾我搵到一間專食鰻魚嘅日本餐廳梗係要來食野啦其實呢度主要係食牛同埋鰻魚，所以如果另外一個人唔鍾意食鰻魚都唔緊要佢可以選擇食牛但係今日我同我朋友都好鍾意食鰻魚所以我哋兩個都揀咗鰻魚二重鰻魚飯$148 (+$30有套餐)有兩款唔同嘅鰻魚製作出嚟嘅二重鰻魚飯，肉質非常豐富，令人食到停唔到口三重鰻魚飯$198三款唔同嘅鰻魚製作而成嘅三重鰻魚飯，意思即係有三重口味所以佢哋嘅口感更加豐富，其實我唔係一個細食嘅人雖然碗飯都幾大碗但係我真係好想繼續食落去!我覺得鍾意食鰻魚嘅人一定要揀呢一個因為真係好食到不得了

週六同囡囡去銅鑼灣行街街，去咗野郎stonex 鰻工房食lunch，因為呢度有齊囡囡鍾意嘅牛扒同埋鰻魚，滿足曬兩個願望。叫咗一份美國上級牛小排（200克），加30蚊可以轉套餐，包一罐汽水，另外飯，沙律，湯係無限添加，好抵。牛小排用石燒形式上桌，發出動人嘅滋滋聲，慢慢將牛肉燒到自己心目中嘅生熟度。牛肉有厚度，非常濃沃郁嘅牛味，配加咗飯素嘅飯超美味。另外叫咗一串燒鰻魚串，與一串燒鰻魚肝串，我好鍾意燒鰻魚肝，燒得甘香又唔dry，同埋平時比較少食。餐廳環境好舒服，服務員都好nice，有禮貌，食得開心。

上星期到銅鑼灣辦一些事情，午飯時間和同事到附近看看有什麼東西吃，走到橫街看到了這一間之前在其他分店嘗試過的石板燒，剛好同事亦想嘗試他們有提供不同肉類以及按照份量收費，價錢合理，另外店員亦會細心講解不同部位的口感和最佳食法我點了這個美國精選肉眼扒300克，先說份量足秤，男士亦絕對滿足牛扒放到石板交給客人只燒至兩成熟，利用石板熱力再將牛扒慢慢燒至客人心目中的熟度，先說肉眼入口嫩滑，而且肉味非常濃郁，配合他們的蒜片和加有飯素的白飯非常滿足，同事對於是次午餐亦感到滿意

話說之前試完野郎STONE之後真心覺得唔錯 所以今次就試埋同一集團既野郎 Stone x 鰻工房喇！呢度既主打石燒牛 又主打燒鰻魚 滿足到唔同人既需要！店內的裝修頗有日本小店既感覺店內有埋教學教你整茶漬飯食 一飯兩食 一次過滿足晒兩個願望！前一日食左牛 今次就食鰻魚啦！叫左個「二重鰻魚丼」（＄148） 二重既意思係有鰻魚＋穴子加＄30仲有埋溫泉蛋、鹹菜、鰻魚肝白貝湯同埋玄米茶 好豐富！值得一讚既係所有鰻魚都係即叫即燒 雖然咁樣等既時間會耐少少 但相信我 食既時候你就會知道當初既等待係非常值得的！飯面有日本魚蛋、蛋絲、紫菜同枝豆 口感十足！鰻魚既份量十足！鰻魚係用新鮮河鰻 食落去會有陣陣鰻魚油香 完全唔會有泥味 而且燒到微微焦香 穴子則鮮味十足 兩樣都同樣高質 正！仲附上美味既溫泉蛋 送飯一流！大滿足！除左配餐既鰻魚肝白貝湯（右） 店員仲好細心咁包埋昆布高湯（左）同埋芝麻及紫菜俾我整茶漬飯食美味既茶漬飯誕生喇！總括然而 呢個價錢 呢個質素 真係非常超值！

本人好喜歡吃鰻魚，而男人就喜歡吃石燒牛肉，大家每每張就對方，有時真的想取個平衡。幸好野郎 Stone終於與鰻工房cross over變成「野郎 Stone X 鰻工房」！顧名思義餐廳有石燒亦有鰻魚飯供應。因應疫情做個良好市民，我們都選擇買外賣回家吃。餐廳近大門位置擺放了一部自動點餐機，二店內裝修十分有和風， 感覺像去了一個小旅行。男人點了一個《翼板套餐 （150g) $148》外賣：配有白飯、可樂、麵豉湯、沙律翼板牛排取自牛肩肉，含有許多細筋路、口感Q、油花多、嫩度適中、具獨特風味。因為是外賣的關係，廚師都先替客人把肉燒好，再跟飯放在一起。而我當然點《二重鰻魚丼 $148》來個雙重享受！外賣：配有白飯、可樂、麵豉湯、沙律原條鰻魚同星鰻用醬汁燒至香噴噴熱辣辣，令人垂涎三尺。鰻魚是淡水鰻，主要以蒲燒方法烹調，肉質柔軟有彈性，屬高價食材；而星鰻則在海中生長，肉質軟腍，各有各風味，兩者都好吃。外賣盒共 $4

暑假好應該要飛一轉日本，今年遇著疫情，邊度都無得去，就連食飯都只可以叫外賣。今日去銅鑼灣買野，買完都好夜了，只好快快趣買個外賣回家開飯。好掛住鄉下(日本)既野食，特別係鰻魚，所以特別去左鰻工房睇完張餐單，決定要點三重鰻魚丼，一次過嘆番三種鰻魚食法。外賣份量都幾大盒，雖然拎到返屋企都需要一段時間，但完全仲keep到鰻魚滋味。蒲燒鰻魚入口即溶化，醬汁又好夠味，而生鰻好脆口，帶有少少鹹味，正呀，而穴子軟腍，飯鋪滿了蛋絲，紫菜，再加埋芝麻一齊食，增加口感層次。

諗住試吓啲新野, 就揀咗試呢間, 好似都有大多好評叫咗牛肉同鰻魚, 但係一個鰻魚便當得咁多鰻魚, 真係世間少有⋯⋯究竟係鰻魚飯定係飯鰻魚....🤦🏻‍♀️ 完全接受唔到..唔係好明點解會有咁多好評..........味道係ok 但份量真係嚇親人⋯⋯牛肉ok 但冇太大驚喜, 明白近來生意難做， ⋯⋯但係都唔係咁我情願你唔好discount 比多一鰻魚都好呀.....唔會再有下一次 bye bye soyararaaaaa

2020年8月15日 星期六今日晨咁早就同老婆去搵個朋友一齊放狗，果然人哋隻狗係好玩過自己養狗~~搞完一輪都已經去到晏晝，就決定喺銅鑼灣搵吓有咩好食係渣甸坊呢條內街搵到呢一間舖頭，之前都係尖沙咀同旺角食過同名嘅舖頭，不過呢一間又好似有少少唔同，後面多左鰻工房幾個字入到去裏面先見到原來係牛扒crossover鰻魚，牆上面仲有好多鰻魚嘅標語同海報餐紙上面果然多咗好多選擇，除咗有唔同部位嘅牛肉之外，仲有各款嘅鰻魚菜式選擇，於是我同老婆就每人各樣叫一款，黎一個海陸雙重夾擊等待嘅時候見到枱側邊有寫低點樣兩吃鰻魚丼，原來除咗普通食法之外，仲可以加入昆布高湯，變成鰻魚茶漬飯添等咗一陣，我嘅三重鰻魚丼就黎到啦，睇落去有幾款唔同嘅鰻魚，包括穴子、生鰻魚同鰻魚，全部都燒得好香，魚油出晒嚟，同飯一齊食味道更加豐富。鰻魚入口即溶，食到停唔到口，好快就已經俾我清晒，老婆想試吓都冇埋單每人百幾蚊左右，但係就可以試到海陸兩邊嘅食物，正！！

上星期在銅鑼灣逛街，看看附近有什麼餐廳可以吃，留意到這一間之前在尖沙咀吃過的石板燒牛扒店，配搭了新穎的鰻魚便當作主打，想也不想便過來點了一客鰻魚兩食，包括了燒鰻魚和穴子，在配搭他們的套餐，包括了味增湯溫泉蛋和醃製小吃，先說主角鰻魚，外皮燒得香脆，永遠是配搭白飯的最佳良伴，加上他們的溫泉蛋混和在白飯當中，每一口都能嘗到魚香和蛋香味，十級推薦和朋友額外點了一份芝士和牛漢堡扒，芝士味道香濃，漢堡扒本身內裏配搭洋蔥，牛肉的質感配搭後變得爽脆，另外漢堡扒放在石板上保持熱辣辣的口感，非常驚喜