金不換泰國餐廳 (已結業)

住在這邊, 水準較為穩定的也常光顧!今次亦係例牌, 包羅萬有- 蛋包海鮮金邊粉, 酸酸甜甜, 海鮮也有很多, 另一樣是炒菜苗, 這個要求了少油少鹽, 油油地, 不過, 菜都好嫩!

仗義每當屠狗輩，來的目的只有一個，就是慶祝損友的生日。埋位已有得吃，一行十人熱鬧得很，印象中好似試了唔少菜式，泰式蛋漿包飯、香葉燒雞、春卷、鐵板蠔仔、生菜肉碎．．．除了辣到吃過乜都唔記得外，都好少好吃得如似模糊，泰式蛋漿包飯，非鴨蛋掛的蛋網，黏得極為模糊，睇賣想已無胃口吃；春卷，炸好再叮熱，吃得出蘿蔔絲、菜絲、肉絲，翻叮後絕不油膩，是惟一的可取？生菜包著沒有香草味亦唔熱的一舊肉，很難吃。印象中仲好似有白汁海鮮焗飯同蛋炒飯，雖然吃到尾都仲肚餓，但就無勇氣挑戰此品。吃到一頭煙，一餐唔辣的泰菜，實屬平生首次，而吃完一餐泰菜都無用上一張紙巾，亦是奇蹟。在此祝損友生日快樂，新一年鴻圖大展！小插曲吹完蠟燭，栗子蛋糕即告失縱．．．偶：「餅吃了那裡？」損友：「侍應拿走代為分餅。偶：「全晚都好似吃自助餐，餐後會有咁好招呼？」損友：「收$60開餅費的。」無言．．．．話時話，搞飯局次數不少，被收開餅費的也算是平生首次，豈有此理！

前幾天和家人, 因附近餐廳都太多人, 故選擇了在荃灣廣場的金不換泰國餐廰吃晚飯。等了若5分鐘便可入內。餐排選擇很多, 而且插圖吸引。我們4個人點了幾道菜: 蛋網海鮮炒金邊粉, 菠蘿海鮮飯,荔枝鴨胸,泰皇雞,燒豬頸肉。眼見雜錦拼盤比其它地方貴, 沒有點。蛋網海鮮炒金邊粉和菠蘿海鮮飯賣相跟味道都不錯。很開胃。泰皇雞冰雪味很重, 肉滑但味道差。荔枝鴨胸跟燒豬頸肉則屬一般, 荔枝鴨胸味道真的不錯, 唯太多油, 燒豬頸肉則太乾, 雖然有汁另上, 若非很愛香口食品, 否則會感到太乾雖未致於樣樣出色,但整體食物服務也滿意, 而且有凍水, 暖茶供應, 服務亦非常專業。

同朋友晚飯在此渡過!呢間泰國菜味道都幾好,所以同大家分享,我地叫左個蛋網海鮮炒金邊粉,味道唔錯,賣相得特別,炒金邊粉味道帶點甜,就follow足泰式炒粉(pa-thai)既做法,加埋幾滴青檸汁會更加好!冬蔭功,味道都唔錯,夠辣,而且用料足,泰式香葉既味好豐富,蝦肉唔會梅,做得好認真!雜錦拼盤,有香葉雞,蝦餅,魚餅,特別鍾意食個炸魚餅,味道好特別,混了一些像是檸檬葉同埋青豆似的粒粒,份外野味!

一早買定飛年初三晚睇星爺,所以決定早啲係金不換訂位食晚飯(因為好多人),與男友及伯母三人叫了:冬蔭公:不算得上好好,但都是水準之作;明爐烏頭:與一般泰國餐館差不多;蝦醬炒通菜:味道ok喇;菠蘿海鮮炒飯:我哋都覺得係全晚最好的,除咗味道好之外,賣相都相當不錯;最後伯母要了杯熱柚子蜜,係用新鮮柚子做的,好香柚子味.下次可以再來呢~

年初三跟老公吃開年飯,最近我們都情迷泰國菜,故選擇了在荃灣廣場的金不換泰國餐廰,雖現場有食客等,因為我們預早訂了枱,完全不用等之餘,水準不錯,吃得很開心!1.冬蔭海鮮湯2.椰汁青咖喱雞(加配白飯)3.迷你雜錦拼盤4.鹹魚炒椰菜苗我還是頭一次品嚐冬蔭功，我們order了小辣,味道很濃郁,酸辣適中,很多海鮮也很開胃,small size剛好是二人份量, perfect!青咖喱是我和老公的至愛,這裡我給予70分吧,大概因為薄荷葉太多,蓋過了青咖喱的味道,但雞肉頗嫩滑,整體還ok!迷你雜錦拼盤我們選擇了蝦餅,春卷和香葉包雞,三種都好食,蝦餅很脆很彈牙,香葉包雞是老公的心頭好,雞肉很滑亦夠香味!鹹魚炒椰菜苗炒得很香口,稍為鹹(老公話ok),但我略嫌椰菜苗質地硬,下次會選擇其他菜取代.雖未致於樣樣出色,但整體食物,服務也很滿意,一定會再光顧!

台灣Trip的三個酒肉朋友係我exchange之前來了個farewell聚會, 話明係酒肉朋友, 我地的聚會當然係離唔開食la 到了荃灣廣場(前身: 吉之島)都唔知食咩, 好似樣樣都行高檔路線, 之前係Openrice做過少少research, 見到唔少人都讚依間餐\館, 又想食泰國o野wor, 即管介紹大家去依間la.蛋網海鮮炒金邊粉: 賣相特別, 有一層薄薄的蛋網, 頗精緻的, 但金玉其外, 敗絮其中........一點泰國風味都冇, 一d都唔辣, 反之係好甜, 過甜的茄味. $60的價錢可能只係因其海鮮份量十足. 真係海鮮多過金邊粉.菠蘿海鮮炒飯: 依個好d la, 菠蘿及海鮮的份量都好多, 而且菠蘿頗juicy的, 但唔impressive, 反而愛其伴碟的腰果肉鬆, 香脆可口, 但我唔洗用$60買碟肉鬆掛.........迷你雜錦拼盤: 要了香葉包雞, 係全碟最好味的, 但頗為油膩; 煎魚餅, 外層好乾, 同埋有一陣我好唔鍾意的香茅味; 炸蝦餅, 外層是炸過的, 比較香脆, 蝦餅也算彈牙.但伴碟的兩碟魚露及泰式酸辣醬都唔ok, 又浠又冇味.但值得一讚的是幫我地cut開了, 好

對上一次食它仍叫青胡椒, 今天轉了名字, 但食品一樣!紫菜豆腐肉碎湯, $55, 湯幾清, 豆腐有兩種, 布包豆腐同玉子豆腐, 但係都唔係咁熱, 料比湯少....包羅萬有, $75, 例牌會叫....酸酸甜甜, 開胃!服務不變, 殷勤, 環境亦一樣, 人少清靜, 味道...偏濃味!

(編輯先生：本人早前已提交餐廳改名資料，下面亦有兩篇食評提到餐廳已改名，請盡快update餐廳新名-金不換泰國餐廳。謝謝!)　荃灣廣場其實沒甚麼好食，但飯局揀就腳位，鄰近西鐵的荃灣廣場又再跑出。　來了地庫食泰菜，餐廳改名後，裝修、制服、餐單都沒有變化；一來先前的行程太緊張，二來對這間餐廳沒興趣，懶洋洋的我勁沒心機點菜，又是吃套餐。　冬蔭功-是最好的一味，足料又夠味泰式炸蝦餅-OK，比魚餅要好椰汁青咖哩雞-麻麻地，雞肉無味飛天通菜-份量很小，味道一般椰汁西米糕-唯一印象是：算清甜...　我想飲野多點。紅毛丹冰色澤鮮艷吸引，味道卻是很淡泊，水準一般吧；三色冰似乎較好，不過我沒試。　雖說是志在聚舊，食物是其次；不過也可以多點新意吧?

最近一次去已改名為金不換,不過菜式有增無減.-大蝦剌身必食

the name of the restaruant is changed but the food and envrionemnt nearly no change. the price increased.seafood rice in pineapple and water spinach. both qutie tasty.

1. 咖哩炒蟹--咖哩汁夠哂杰, 好味到我係咁食個汁2. 蒜蓉包--點咖哩一齊食, 正~3. 蝦刺身--夠大隻, 不過個汁實在太辣, 問左佢地好多次都係話唔可以要一個唔辣的汁, 係無唔辣, 因為係廚師整定, 如果佢可以比個唔辣的酸汁更好, 我就會成日去食, 因為太辣會肚痛的, 希望他改善4. 炒什菜--好食, 不過太細碟, 只夠2個人食P.S. 希望你會整多個唔辣的酸汁, 唔係只比個魚露我, 咁就perfect lar~~ 我更加會來多0的~~ Service 一直都ok, 不過佢地一坐滿哂客就會亂同好似唔夠人手咁, 可能平日太靜, 所以請得唔夠waitress~

午餐的海南雞飯非常好食!

其實係三個月前既食評:同媽咪慶祝生日,因為佢鍾意食泰國野,不過依間係令我勁失望,蛋網炒金邊粉係最好食,因為個蛋網整得好靚,見到已經好開心,青木瓜沙律真係好辣,雖然叫左少辣,但都食到條脷麻痺..味道算ok,特式燒雞比較鞋,而且燒得唔夠香囉,榔汁海鮮焗飯好少料得d汁,好漏...最後放棄左...至於個豆腐唔記得左叫咩名,只記得好油膩好多肥肉粒o係面

今日又約咗朋友放工開飯，大家去咗食泰菜，荃灣比較少泰菜地方，呢間大家又食過，不如再去呢到開餐啦。大家點了咖喱大蝦同鐵板蠔餅，由於得2人，所以唔敢再點其他餸啦，咖喱大蝦我哋貪佢啲汁好撈飯，加上咖喱中有蛋，好香，比一般青咖喱、紅咖喱或黃咖喱更加好食，但煮呢款咖喱用料係較其他咖喱少，只得咖喱大蝦或咖喱蟹，唔會有豬、牛、羊、雞或魚，所以我哋都係點大蝦。味道方面，咖喱汁夠杰，撈飯一流，有少少辣，有兩隻大蝦開邊，但蝦肉好硬，唔知係咪煮得太耐；定係雪咗超雪藏蝦呢？未食過啲蝦咁「硬淨」！另外一道鐵板蠔餅，不過不失，但都頗油囉，用咗銀芽墊底，蠔餅可能係煎嘅，所以都係林林地，唔同潮式嘅蠔餅，煎到脆卜卜，同埋味道都幾淡吓！服務就真係麻麻地，一位類似經理(男)嘅職員，我用行屍嚟形容佢，因為一入去佢同人講嘢已經係冇focus，就算每一檯客都係咁，雙眼一定唔係望住個客，係周圍望，真係冇咩heart，有待改善！