金之藏 (已結業)

夜晚同班仔女啱啱喺附近睇完波，就諗住過嚟大坑呢度睇吓有咩嘢食，俾我哋發現咗一間幾具風格嘅居酒屋，室內貼有好多張以前日本嘅舊海報，再加上柔和嘅日本歌曲，會俾人有一種好舒適嘅感覺。因為仔仔唔食得生野，老闆都好貼心咁樣推介左佢哋嘅拿手燒物，其中憢牛小排，同埋呢隻唔知咩名嘅燒魚係令我特別印象深刻牛小排食起嚟肥瘦啱啱好，肉質飽滿，食到仔仔食完都話想再食多碟而個燒魚口感都非常之好，魚肉保留住佢原有嘅鮮味，師傅將魚皮燒到脆卜卜，總之好難形容當時食落去嘅嗰種感覺，總之就係非常之好食下次如果有機會都會再帶仔仔女女過嚟，呢度再幫襯呢間小店！

無意入到大坑尋找美食呢間居酒屋環境雖然不大，但係整體上十分之整潔乾淨，唔會俾人有種感覺係間嘢細又會污糟嘅感覺，反而係充滿左日本風味嘅一間舖頭。入面裝飾到百分百還原我之前去日本嘅居酒屋嘅裝飾👍👍最令我感到驚喜嘅係呢間小店整出嚟嘅嘢食竟然係比我之前去日本食嘅嗰啲食物仲更加新鮮同好食！佢嘅金之藏刺身拼盤，同埋雜錦刺身丼飯都令我印象深刻，據老闆講係空運過嚟嘅新鮮日本食材，嘢食保留住原有嘅鮮味，加上刺身師傅嘅特製醬汁，食咗落去之後真係會驚喜連連！冇估到會喺大坑呢度食到咁美味嘅一餐午飯！下次會帶埋啲朋友仔過嚟，試吓佢哋嘅晚市，推薦一試！

冇估到會係度留言👍👍夜晚同班同事突然好想飲下酒食下刺身咁，之後經過大坑呢個地方，見到間好具日本風格嘅居酒屋，啱入到去啲員工已經好熱情咁招呼我哋埋位，態度好好。當時間野已經有好多人，但係啲店員都好有耐性咁回應住客人啲問題，唔會敷衍客人，員工素質可以比個A佢😂而呢間個老細係個女老闆，我只可以講佢真係好熱情！唔知係咪佢呢度嘅特色，welcome drinks係佢哋呢間店嘅特色,老細會拎支清酒請啲客飲酒,啲員工會遞上一啲好靚嘅小酒杯任你揀😋嗰日個老細仲向左我哋唱歌，冇估到把聲咁好聽😝雖然嗰日等嘢食嘅時間會比較長啲，但係因為有老細同我哋成班人一齊玩，搞high咗個氣氛.先至令到個等待食物時間好似冇咁長…..老細向我哋介紹咗佢哋推介嘅新鮮空運過嚟嘅刺身俾我哋（間八+深海池魚）間八係會比深海池魚濃味啲，魚味會比較突出。個個都好鍾意食，俾我哋感覺係等係值得嘅👍其他燒物都好好食，就唔喺度詳細講，因為全部都好食😝強烈推介各位過嚟試一試！

與男朋友無聊行入大坑搵嘢食，秋刀魚乾爭爭，海膽顏色偏黯淡且帶有苦味，而且壽司飯都捏得好硬，完全唔係呢個價錢該有既質素，服務態度又差，等好耐都未有服務生為你落單，唯有叫埋單先稍微快手少少，絕對唔會有下次！

25/11與同事敍餐，網上看到了銀鱈魚刺身便被吸引到了，二話不說便訂了座。到了現場發現小店也有樓上樓下。我們6人坐的是樓上房間。小店較為狹窄，但勝在有私隱，很有居酒屋的感覺。看open rice 介紹時以為是主力串燒煮物型的居酒居，到場時才發現是主力刺身的小店。怪不得訂座時老板強調主打是即日空運海產。空運海產當然不便宜，但也沒收貴。刺身新鮮，即使煮物燒物調味也不會過濃，能吃到食物的原味鮮味。當天招待我們的是新來小弟。不熟練但很勤快。老板還請我們喝柚子燒酒。很好喝，忘了問牌子，不知可否外賣。但不要緊，下次再來時再問吧。是值得再來的小店。還有，銀鱈魚刺身很好吃。

事緣同朋友去開附近，諗住搵個地方坐低chill吓，一搵之下見到呢間就係附近，咁岩又有位就可以去坐下。外邊裝修已經見到有紅色燈籠，內部裝潢非常日本，暖色系內裝配合店內播放日本老歌，特別有年代感。店面唔大，有二樓，上層樓底矮但幾有feel老闆非常熱情，食材相當新鮮。有啲餐前小食都幾有心思。老闆的welcome drinking 好正，一嚟就一大盤清酒杯俾我哋揀，每隻都好靚。飲嘅係黃櫻 piano sparkling sake，非常易入口。有朋友湊住小朋友嚟 ， 老闆已經好有心咁點左牛小排稻庭烏冬俾小朋友食日本啤酒買二送一，而且有half half。柚子味啤酒好易入口；黑啤麥味重；都值得推薦🤪伊佐目刺身原條切好再擺盤上，配合秘製醬汁，非常之好食剩低嘅魚頭魚尾再拎去油炸脆口好惹味煙燻鰹魚刺身本來要配合醬油和山葵來提升味道，但這道刺身原原本本 不用沾醬汁都好好食火炙左口魚裙邊壽司左口魚裙邊被火炙過之後油香滿滿，非常好味。燒物鱈魚棒非常肥美不但啖啖肉，師傅手勢都唔錯蔬菜類都正常發揮邪惡燒雞皮真係好邪惡卷物有好幾款，值得一試嘅係萬國卷，吞拿魚蓉配上海膽和三文魚籽，就係奢侈的味道。雜錦天婦羅入面有用青

😋人情味日本空運刺身/串燒小店😋👍👍剛好經過大坑，同朋友搵嘢食嘅時候湊巧遇到一隻狗仔🐶喺門口，同佢玩咗一陣之後個🍤店長同埋老闆娘都很熱情又請我飲welcome drinks🍶，所以我就入咗去試吓！入去嘅時候，可能冇乜期望，點知開始食咗第一蝶 日本空運蜜柑鯛及深海池魚，飲咗杯日本柑子啤酒，🍻我就愛上左這家小店。估唔到刺身嘅質素及勝價比高，同星級日本比較佢哋價錢好合理，有些食物都忘記咗影相。蜜柑鯛及深海池魚😍😍最吸引我的秋刀魚😋😋日本柑子啤酒🍻火炙壽司三重奏😍😍大炙左口魚壽司厚燒牛舌🌹🌹🌹燒日本雞心😋😋燒豬腩肉😋😋燒雞軟骨😋燒日本蕃薯仔😋😋燒日本辣椒😋😋紫蘇葉天婦羅🌹🌹🌹芝士鰻魚卷🌹🌹同朋友輕輕鬆鬆𣈱飲咗一晚，這小店的食物質素及氣氛值得多啲人認識。支持大坑有特色日本店酒屋！👍👍👍

友人帶女朋友初次會面，本想book一間幫襯開嘅高質串燒店，可惜冇位😔 適逢星期五晚好難book枱，見呢間居酒屋仲有位就諗住膽粗粗去試吓，點知伏到一個點😰 食物質素差都不在話下，都仲可以話每個人嘅口味唔同😌 但服務質素真係差到不能😑 本人咁多年嚟從未寫過食評，但今次真係嬲到要寫千字文出嚟提醒其他人要慎入😓首先一去到店員帶我哋上樓上，我哋settle down左就先叫嘢飲😋 友人叫咗一杯啤酒，我要左一杯 highball，另外兩位朋友就叫咗由店員推介嘅 lime soda。啤酒嚟到，店員冇留意到枱面有凹凸不平嘅位置，仲一放低杯啤酒就鬆手，隨即成杯啤酒倒瀉晒😰 友人成腳濕晒，好彩係着短褲皮波鞋，否則就要噏住成晚食餐飯😪 事發後冇任何補償比我哋，只係轉頭上嚟抹返乾淨個地下，連紙巾都唔識俾我哋，都算啦當你係唔識做生意，我哋仲唔該前唔該後😪到點菜，由年青友人負責點菜，店員不停推介一啲貴價食物，無奈友人真係覺得唔啱食就一一婉拒😣 後來店員話有一款燒扇貝都幾好，友人就話都係唔啱，之後店員就話咁有一款帆立貝刺身都可以做串燒嘅，我就覺得有啲唔好意思所以就話，咁要兩串試吓啦😊 好啦點齊菜，我哋叫咗一個海葡萄

平時食開嗰啲日式料理，質量一般般…..呢間真係幾令我哋surprise！今日同fd放飯，諗住想食啲日式料理，無意之間見到呢間店仔。入面其實唔算大，但係麻雀雖小五臟俱全👍入面環境乾淨，加埋啲柔和音樂，將我哋返工疲累嘅感覺都舒散晒！野食種類都幾齊全，有Don,sushi,grilled等等…由於我哋趕時間，叫咗份鵝肝多士，天婦羅，同埋日本A4和牛烏冬。淨係可以講好好食，而且老闆見我哋我第一次嚟，仲熱情地咁樣招呼我哋😊請我哋食咗碟燒牛舌，同樣都係十分之美味。唔知係咪呢間店嘅習慣，熱情嘅老細都會對每一張枱講it’s time for welcome drinks!逐一請每台客飲酒,再玩埋啲小遊戲,搞旺個氣氛🤭差啲搞到我哋唔想走😂聽老細講夜晚會再旺啲，有好多客人都係因為鍾意呢個氣氛先過嚟幫襯，叫我哋下次帶多啲朋友過去一齊玩！到時預先留返間房俾我哋唔使我哋排隊🤭講真香港依家好少有呢啲咁熱情好客嘅老細，好多都係嗱嗱臨食完就走唔會有太多嘅交流，而呢間店仔嘅老細就鍾意同客人交流希望有多啲互動，反而成為左呢間店嘅其中之一個特色！真係會令客人會有想再次光臨嘅衝動（包括我哋在內😂😂😂）真心推介各位去幫襯呢間小

有屋企人要移民，所以搵咗一間希望可以為佢哋留低美好回憶嘅日本居酒屋。今次我哋叫咗好多刺身、飲咗好多清酒、啤酒、唔同款式嘅起泡清酒！日本海膽一版 👍👍令和怪物生蠔👑👑👍老闆娘為我們度身訂造的刺身拼盤😋😋秘製鮑魚 - 味道獨特😋👍👍👍清酒煮蜆😋😋😋😋燒雞皮九節蝦👍👍燒日本雞心😋😋😋😋明太子雞肉棒 signature 😋😋😋😋薩摩雞翼 😋😋紫蘇葉天婦羅😋😋😋邪惡燒雞皮👍👍👍👍👍北海道雪糕麻薯感覺得到一種日本小店的情懷、新鮮嘅執着，對客人有熱情嘅款待😘、無盡的話題😂、真係傾得好開心😃，笑到眼淚都流. 我去過日本居酒屋好多間，我都係想返嚟呢度感受下真正日本居酒屋嘅情懷，就係簡約、輕鬆、真情嘅交流. 好似回歸咗80年代香港嘅感覺。真係好難形容呢間日本居酒屋🏮

今日收工諗住同女朋友是但搵間餐廳嚟食，發現咗呢間寶藏小店，一入到去，老闆就已經好熱情咁樣出嚟招待，而且食物選擇都幾多下，尤其係燒白鱔同燒牛舌一流！呢家餐廳環境幾好，非常乾淨整潔，食物唔單止外形美觀，重要嘅係味道非常好，色味俱佳。做法保留咗道食材原有嘅味道，清新爽口👍👍👍至於價錢方面,雖然係相比其他係貴少少，但係好明顯可以睇得出食物嘅質素嘅差距，聽店老闆講好多新鮮食材全部都係空運過嚟，堅持淨係做最高質素最新鮮最靚嘅食材！下次一定會再幫襯🙏

諗住普通嗌一個蕎麥麵 餐牌上面冇分冷熱 覺得奇怪都已經問咗會唔會有凍嘅蕎麥麵食 同我講有 坐低咗先同我講唔好意思冇蕎麥麵 好明顯就係廚房冇一早準備好 都算 最後叫咗稻庭烏冬 我叫嘅係黑豚肉稻庭烏冬 最後出嚟既係三片一睇就知係由一片火鍋豬肉 切開三條 加好彩係稻庭烏冬比較好食 160幾蚊食咗啲垃圾 我知佢哋主打係刺身 但冇理由一間正常嘅日本嘢連呢啲嘢都做唔好 如果淨係識整刺身就唔好整烏冬餐牌 員工態度奇怪 明明入去之前已經講要食啲乜嘢 坐低咗唔係即刻落單 仲走去講電話 等咗10幾分鐘先過嚟 相我就冇影低 因為趕時間 嘢食一到兩三分鐘就食晒 第一次嬲到要咁樣留言 感覺好似俾人呃錢

我都無諗過起大坑會有間深藏不露既居酒屋，都係朋友介紹我先知道，雖然位置有少少偏僻，但我覺得花少少時間都係值得既！-雖然有陣時會等得耐（等食物），但所謂慢工出細貨呀嘛，係認真睇得出間鋪有用心去裝飾及製作啲食物，例如起啲刺身上面加少少食用既花🌺、非常嚴格地控制對炭燒食品（超好食既炭燒鰻魚飯）既火候等。-而價錢方面則中規中矩，唔會話太貴，個價錢係對得住整體既品質同服務！-起依家咁樣既環境之下仲可以食到一間注重細節既餐廳，真係唔容易架👍🏻！

兩個人行入大坑諗住食好餐好，見到鋪頭呢間未食過就打算入去試下，8點14分入去一坐低。問員工拎menu點左一個招牌刺身飯，一個壽司拼盤同埋一啲刺身食，坐咗15分鐘，茶都未有一杯。之後我地等左大概45分鐘，先黎得個前菜。所以我地再催催，過多陣終於黎左個飯，都好啦，算有得食住等。點知黎完個飯，就無再上過任何野！！我地再催單，員工話幫我地跟，但都係無再上過菜，最後大概10點鍾直接落去cashier cut 單走人！呢間係我一次最差既用餐經驗！絕不再食！

第一次食飯識埋隔嚟枱嘅朋友們好難忘好開心꒡ꆚ꒡平時好少飲酒，今次店長一連俾咗3款酒我哋試，幾驚會gg有帶梅香微酸嘅Sake有入喉勁辣好刺激嘅梅酒同最尾開到漏哂嘅炭酸純米濁酒好正好好玩😆每款食材店員都會同你介紹，例如時令嘅刺身，每款刺身嘅味道同養殖方式入口嘅感覺都一一介紹喺疫情嘅陰霾下社交呢樣好簡單嘅事情會突然變到遙不可及有人主動打開話題談笑風生，忘憂飲飽食醉真係好奢侈但嚟到呢到我感覺到人情好溫暖同好窩心