影片
今日工作需要，要去長洲工作四天，朋友介紹之下就一齊過嚟金冠酒樓食飯。喺碼頭行5分鐘左右就到，快嘅話3分鐘，非常方便。同傳統茶樓一樣，要搭枱，中午非常幸運，唔需要等位，場地都算乾淨，碗碟都好乾淨冇油膩。冇點心紙，自己出去㨴起個籠有乜攞乜，好有懷舊感！朋友話呢間酒樓好多點心都係自己整，唔會叫貨因為唔方便，食得出特別好食，本人唔太鍾意食茶樓點心，但係嗰日都食到捧住個肚仔！好多懷舊點心都有得食，但係冇點心紙所以要問個姐姐有冇，蛋球好靚仔但係冇驚喜可以唔食，因為完全冇蛋香，芝麻卷食落似五花茶，比較爽口亦都唔係好食，個人唔鍾意。叉燒包OK ，但其他鳳爪牛筋魷魚等等唔同嘅點心，魚翅餃都非常好食！ 牛筋非常柔軟，已經炆到好腍，老人家都咬到，排骨都入味。而且每碟點心份量非常大，真係好抵食。
繼續閱讀
唔該你哋真係 #千祈唔好幫襯！1️⃣ 等位奇遇：明明大把吉枱，我哋2個人硬係要被逼同6人團體搭枱（1樓）。轉場上2樓先有得坐。1️⃣ Table Puzzle: Empty tables everywhere but got forced to share with 6 strangers (1st floor). 2️⃣ 熱水襲擊：侍應拎住滾水準備放置桌上，我右腳中招燙傷！好彩尖叫得快，唔係就熟咗...#大腿煲湯 🚨💦 (附醫院證明📄)2️⃣ Waiter showered my right foot with scalding water. Screamed just in time—else it'd be "foot soup"! 🏥❄️ (Medical proof attached)3️⃣ 昆蟲先食：叫咗鳯爪變排骨，仲要加料—會郁嘅「蛋白質」！店員扮盲睇唔到，要指足3次先肯退...🪓❌3️⃣ : Ordered chicken feet, got ribs... with MOVING "toppings"! Staff "couldn't see" the bugs until we pointed 3 times. 🐜💢💢 經理反應：聽到我去醫院冰敷都唔道歉，照收錢！呢啲服務態度，係咪要等上新聞先肯改？📹🔥💸 Manager's "Care": Zero apology for my coming hospital trip, just chased us for payment. 燙傷+蟲宴+無道歉 行過路過都要避開！
繼續閱讀
星期六去嘅一心諗住同家人喺長洲飲下茶呢間酒家最近碼頭但係呢間所謂酒家服務太差點心要自己由樓下攞上樓上叫碟頭飯要成半粒鐘至九個字都冇我哋好激氣所以要取消單，所以佢嘅品評係極差極
繼續閱讀
去長洲staycation, 一早起身就梗係去飲個早茶， 之前冇上網搵定去邊間， 約9:00 am由酒店行出黎見d 間好多人入去， 樓高四層， 要自己搵位， 上到2⃣️樓， 全滿， 上多一層， 同其他食寫搭枱先勉強搵到位.一坐低， 我囡指住d 點心車， 問我是什麼， 咗刻先醒起而家d 一代小朋友係香港其他酒樓見唔到， 介紹囡囡認識點心車， 再帶佢出去自己棟點心， 自己攞點心咭俾姨姨蓋印， 好興奮， 好開心， 滿有好奇.整體野食質素都唔錯， 用料足，所有點心都熱辣辣👍👍👍😍
繼續閱讀
長洲朋友介紹金冠大酒樓，夠晒老字號又多手工菜，難得遠行入到長洲就黎食個下午茶先😋下午茶有唔同既特價小菜及小食，當時大約三點，有啲已經售罄，我地就揀左兩款黎試下蓮藕餅同想像中有出入，好少蓮藕，好多粉，都幾煙韌既，熱辣辣煎到個面脆脆地點心質素就達標，叫左最基本既蝦餃，燒賣同鳳爪，蝦餃同燒賣都大大粒好足料同多汁，正🤤🤤🤤鳳爪正常份量同味道，亦唔會染到好紅下次再去都係叫返點心穩陣，或者可以試下晚市既撚手小菜😊
繼續閱讀