金利來食坊 (已結業)

其實住咗牛頭角咁多年都一直有幫襯開佢地，金利來一向比我既印象就係價廉物美。言歸正傳，上星期五同女朋友食飯，我地叫咗飄香雞，豉椒炒聖子（原本想叫蒜茸粉絲蒸扇貝，但大家都有睇新聞），蒜茸白菜仔，一碗白飯同一碗粥。飄香雞–在雞上灑上大量蔥花、薑、蒜蓉再配合埋甜豉油，用來撈飯確係一流。這個餸一向都值得讃。豉椒炒聖子–先將聖子灼熟再炒，由於用灼的原故，聖子淋"gigi"，一啲都唔亁身，失敗之作。蒜茸白菜仔–一般貨色，難有驚喜。但值得一提既反而係伙記既態度，食到中途，由於有點口渴既原故於是叫了一罐可樂，但當伙記拿到夾既時候，女友跟那伙記話想要多罐碧泉，點知那不知所謂的伙記突然覺得好麻煩仲好大聲問仲有冇呀﹖跟住就行咗去同未出門口背住我地做咗個不雅既手勢，這樣既態度簡直係不知所謂。原本諗住今次比個喊樣佢，但呢間野食咗咁多年啲野都好正，尤其係蒜茸粉絲蒸扇貝，此終食開有感情，今次就比個ok你，記住下次唔好啦。

星期六晚由於唔係好肚餓關係, 所以都幾夜先食晚飯! 諗住夜左同埋加上母親節前夕, 呢度應該會少d人, 所以決定前去睇下咩環境先!去到都依然爆棚, 不過唔係好多人等位, 但係都要等兩張! 坐底睇下餐牌, 問下友人試過鴨胸冇, 佢話應該冇喎, 跟住就決定叫燒汁焗鴨胸同埋咕嚕鴛鴦球! 燒汁焗鴨胸係點整我真係唔知, 淨係知用d燒烤汁塗個鴨胸上面, 又會再去焗下咁啦, 但係焗出黎後鴨胸非常軟熟, 皮脆肉淋入口即溶, 一d都唔韌, 焗後仲一d都唔乾身, 而燒汁好香好有燒烤味, 不過濃左d同埋咸左少少, 但係都好好味; 咕嚕鴛鴦球係雞球同埋班球, 本來想要咕嚕肉點知佢話冇, 得生炒骨, 咁生炒骨唔係啖啖肉, 所以就決定試下咕嚕鴛鴦球, 呢個咕嚕汁非常好味, 酸酸甜甜, 但又唔會有太多醋令到個汁太酸, 而雞球係連皮炸, 雞肉好滑, 皮脆肉滑, 正呀, 而班球又唔腥, 肉身又鬆, 又唔會有雪種味, 好野!咁好梗係要碗飯一齊食啦, 再要多左兩罐碧泉檸檬茶, 正呀, 好耐都冇碧泉過喇! 埋單$101, 又係食唔晒, 但係真係非常抵食! 一定會再去! 不過今次食飯其間見到幾隻小強幅牆度行黎行去, 要與小強同坐

好臭ar...昨夜等埋太太做完yoga後食dinner。每次行過呢度都係燈火通明，人氣極度鼎盛。決定一試...之前上嚟OR做定功課，餐牌都唔使望就叫飄香雞、窩貼炸蝦餅及蒜茸粉絲蒸扇貝...典型大牌檔格局，環境算係亁淨。但對於我呢種對食物質素重於一切嘅人嚟講，係唔會太care個環境嘅...每碟嘢嘅份量十足。蝦餅大大塊，正式抵食夾大件，質素就普通la，表皮炸得唔夠金黃，蝦膠打得唔夠彈牙。但勝在夠大份...飄香雞雖然只係叫例牌，但一樣係夠大份。雞件上面舖有極多嘅蒜粒、辣椒粒及葱粒，極惹味，用嚟撈飯確係一流。可惜個豉油汁落咗太多師傅，過多嘅蒜粒完全掩蓋應有嘅雞味；雞當然係雪藏貨，不值一提...扇貝屬普通貨，但上面又係舖有大量蒜粒...卒之食完後個口臭到第二朝，食多多香口膠都攪唔掂...呢次真係"臭味相投" lor...

尋晚同女友黎左呢度食晚飯, 記得上次特登同佢黎呢度試, 點知大排長龍, 冇癮咁走; 於是今次決定早d去!七點幾去到唔使等仲有位, 仲可以揀有電視邊坐, 一早都知呢度d野大碟兼好味, 本來諗住兩個人叫兩個, 點知最終我地都叫左三個!我地叫左蒜蓉粉絲蒸扇貝, 香橙牛柳同埋脆炸大腸拼京都骨! 蒜蓉粉絲蒸扇貝明明個餐牌寫有六隻, 點知黎到發現有七隻, 又賺多隻, 扇貝好新鮮, 都算大隻有肉食架, 而全隻扇貝上面係粉絲同埋蒜蓉, 粉絲超入味超好食, 而蒜蓉都係超多, 連一向唔鍾意食蒜蓉我都食左唔少, 我諗我都殺死左唔少細菌, 好正! 香橙牛柳本來係香橙牛仔骨, 落單時問佢改牛柳得唔得, 佢話冇問題, 於是咪要牛柳, 貪佢冇骨嘛, 牛柳好鬆唔乾身, 而且仲有好香橙汁味, 同埋仲有新鮮橙肉, 好開胃同埋好味; 脆炸大腸拼京都骨又係得喎, 大腸係炸得好乾身但係好脆, 點d酸甜汁就令到佢冇咁乾, 而京都骨又係得喎, 酸酸甜甜又係好開胃, 而且肉質好鬆, 送飯真係一絕, 攪到我都要左碗白飯! 碗白飯大碗到好似兩個人份量咁, 我一個人都食唔晒呀!要多左兩罐汽水, 汽水都唔貴喎, $5一罐就一d都唔過份, 埋

其實一直都有去呢間, 印象好好, 好鍾意食, 但係一直都無叫過蠔餅食...今次試一試, 發覺蠔仔唔夠蠔味, 蛋味太重, 不太合口味...不過, 其他菜色仍是讚的...

好耐冇食大排檔,見到食評寫得咁正,又平,又近就同屋企人梨呢度試下, 我地6點9去到係第一張檯,點左個窩貼炸蝦餅拼沙拉骨, 個炸蝦餅都幾脆但係唔明點解叫做窩貼炸蝦餅囉, 跟住叫左個鵝腸拼墨魚, 鵝腸幾好食不過墨魚就一般啦, 輪到食評講果個飄香雞, 其實係d味精鼓油加左d蔥, 味道唔錯不過d雞冇佢寫到咁滑,跟住叫埋蠔餅,不過呢個真係最唔掂果個啊, 非常非常差我地食剩左半碟, 最後食左個蒜蓉炒豆苗, 本來都唔錯,不過碟豆苗多左好大條鐵線係度呢,最初諗住叫個啊姐換,不過諗諗下都費事換,點知會唔會加料架, 個啊姐仲要好悔氣咁話駛唔駛換, 我地心諗換左都可能係番果碟所以冇換到, 不過總括梨講食物都ok. 我地飲左3枝大啤,2鑵氣水, 4個人埋單都係$240, 不過我諗如果住得近,又唔計較牆上有幾隻小強路過, 冇toilet 去同埋d 服務麻麻既話都可以去既, 因為而家真係唔多大排檔, 如果山長水遠為左食評梨既話,咁你地自己諗下先啦…….

何謂真, 何謂假?一間開係12 座, 一間開係9 座2 間都爆, 日日打仗咁係咁橋同名定點呢?話係一樣, 佢地個menu 好唔同ga wor只可以講, 唔想等位就6 點半到遲左就開始要等我就覺得9 座正, 女友就覺12 座正下次? 梗係就佢喇~

可能因為出名關係，金利來經常出現排隊等位情況。(真係未聽過大排檔都要等位)此店已幫試過好多次，食物每次都能保持水準，而且有些招牌菜幾乎每次都會叫。今次因為只得兩個人只點了三個菜:鮑片掌翼煲- 掌翼好林又入味，正!蒜蓉蒸扇貝- 全隻扇貝上都舖滿粉絲+蒜蓉，對於我這種愛食蒜蓉的人來講簡直係極品呀! Yummy~~招牌飄香雞- 在雞上灑上大量蔥花、薑、蒜蓉再配合埋超甜豉油，單是這豉油已足夠今我撈左兩碗飯。同區中有兩間相同名食店(唔知係咪同一老闆呢)，兩間我都試過，食來食去都係呢間最好食。

每次經過都吾食過,尋晚終於食第一次啦!估吾到大排檔都幾好味!我地兩個人叫左3樣野,食吾曬,超飽!有豉椒炒聖子,好味!有沙嗲豬扒係客飯哩既,同豆腐班腩都係客飯哩既!仲有兩罐sofe drink!$110埋單!好抵食呀,下次要帶媽媽哩試先!

黎個呢間大排擋好幾次,已經成為我其中一個飯堂,次次都唔會令我失望,真係可以講句:"抵食夾大件",但最好都係三五知己去,甘就可以叫多幾個餸黎share食^^當然本人最讚嘆都係窩貼炸蝦餅,食落鬆脆無比,即時炸起又唔油膩,無得頂!!!必叫豉椒炒蜆或蟶子,汁一流,連汁都可以撈飯食鹵水野都OK,味道唔錯,鵝腸比想像中爽口,連本人覺得墨魚一般係出面都係UN,係呢度食居然可以好"林"炒粉麵$30,勁大碟,四個人份量,唔駛叫飯都得齋粉米都好抵$6要留意一點就係係食飯黃金時段去真係等位等到你瘦都未有位,所以建議大家一係七點幾前或九點半後去,人流會少d

三人叫o左五碟食送, 真係差點兒食唔哂呀~點o左炒蜆, 怪味雞, 黃金蝦, 菜, 仲有一碟唔記得咩o野...怪味雞好好味~好新鮮呀隻雞, 例牌都好大碟呢~!!最正既係黃金蝦, 無得頂...真係必叫呀~

其實由第一次去呢間食到今日,都已經有成2年喇.可能我好鐘意食大排檔同埋海鮮啦,所以我好鐘意黎呢間,不過好可惜唔係個個朋友好似我咁,所以我都係2-3個月先黎到一次.如果多人黎既,一定可以食得平又飽.試過一次一行6人,每人食左唔夠50蚊就食左幾種海鮮.都試過2個人每人成100先埋到單.所以有人食真係著數好多架.唔好咁多,呢度最好食既一定係海鮮,辣酒煮花螺一定係我必點既餸.同埋一係就蒜香,一係就飄香雞都好好食.跟住d煲都唔錯,如果冬天食真係好暖架.炒蜆或者蟶子都幾好食.d炸物一樣唔錯,岩晒我呢個鐘意食香口野既人.

約左屋企人食飯,呢到係附近炒小菜既最好選擇4個人叫左5個送辣酒煮花縲-個汁好野味好夠辣,不過d花縲好細隻,無0麥肉食細蠔仔粥-雖然叫左細size,但都好大碗,大概有6小碗,粥底幾鮮甜,雖然d蠔有小小沙豬大腸拼京都骨-豬大腸炸得好香脆,冇肥膏,正,京都骨都唔錯飄香雞-睇落好似好大碟,因為d配料好多,雞幾滑,個汁都幾特別"九"菜豬紅-d"九"菜好韌好老另加1碗白飯同2支啤酒埋單二百零蚊~幾抵

今日同好耐無見o既中學同食飯~叫左蠔餅、金銀旦莧菜、香橙牛仔骨同埋豉椒炒梘~樣樣野都好好食啊~不過o的蜆呢…多殼少肉…= =a…o個度真係好好生意~我地食飯之前已經要排隊先有得食，估唔到我地食完飯之後都仲有人排緊隊等住食啊~~

請爸爸來這兒打冷,豉汁蒸白鱔($48) - 鱔片爽口, 肥大肉厚, 汁濃入味, 必食推介, 但較油膩.小窩蠔仔粥($23) - 蠔仔夠大隻, 蠔仔粥好清甜, 但粥底偏稀鹵水併盤($60) - 墨魚片夠彈牙, 豬耳爽口, 墊底o既豆腐索晒d鹵水汁好好味, 但鹵水鵝片肉唔太夠味加埋一支啤酒($16)